元気寿司 (馬鞍山廣場)

冷麵質地非常之韌，韌到像咬不開，好似食緊橡筋。不知道是什麼原料。冷麵也不夠凍，是室溫，總之非想難食。向店員查詢只回覆這款冷麵的麵是比較煙靭。如圖所見只吃了兩啖，白白浪費$28。裝修後，冷氣機無冷氣，非常熱。…查看更多

一向都貪元氣壽司平靚正！可以揀壽司又可以揀熟食又可以食魚生又有甜品，不過有時就要等位，就算係會員可以遙控取飛都要等起碼成個鐘🥲今次想推介新出限定炸薯蓉竹輪老實講，今次真係有驚喜，真係炸到外脆內軟，入邊嘅薯蓉好Creamy，出邊有脆卜卜，份量係兩大條，我覺得好OK！可惜係限定食品，如果可以長期提供就好啦！我一定每次都會點！其他壽司魚生就唔使多講啦，中規中矩嘅水準。可以講性價比係高嘅！今次可能太夜先入座啦！我通常必點嘅三文魚頭湯都售罄，so sad! 有時有碗湯暖吓胃都差好遠㗎嘛！…查看更多

平日又午市套餐平啲整體不過不失 帶子好味！帶子刺身會有四件，係兩粒完整分開午市沙律 要走沙律醬就要另外同佢講，會係柚子醋烏冬，忌煙韌有口感軟殼蟹新鮮炸起熱辣辣，都幾厚肉更餐價錢要三文魚刺身都幾大件甜蝦刺身有三件三文魚湯今日有大嚿魚唔錯，之前第一城北行就冇啦諗咗一陣食呢度定壽司郎，諗住呢度坐得舒服啲可以慢慢食，同埋款式多啲，想食多少少熱食仲嗌咗支豆同埋八爪魚都好好味蒸蛋嘅話一定係壽司郎好味啲如果可以兩間餸，混合就好🤣…查看更多

6年沒有幫襯元氣了， 有人話改左輸送帶， 像壽司郎，便去試試。雖然改加了一條火車輸送帶， 後面仍保存舊卡位 , 不是全面大裝修。嘟code下單， 不是用平板電腦選擇下單， 像是沒有人先進。壽司款式不是太多， 1） 炸蝦唔熱， 都脆。 6分2）炸忍簾餅即炸， 夠熱3） 蟹柳腐皮。 一般4。 沙律醬炸薯仔。 不夠熱脆， 但香口的。5。炸軟蟹手卷。 炸物不夠熱， 有點林。6。 吞拿魚壽司。 ok7. 帶子壽司。 夠林， 8。 甜品。 好細件， 一般， 冇特別總評。環境。 普通食物。 6分， 款式較少服務。 沒有服務， 自助下單， 靠輸送帶送食物。 但好慢， 下單後起碼5-8分鐘才送食物， 炸物更10-15分鐘， 但又唔係好熱。。。🤔…查看更多

今日係Genki member day有20% off discount！所以真係好多人排隊，不過八折咁抵我都去咗食但係個燉蛋真係有啲失望，上到嚟發覺蒸到咁鬼老嘅，面頭一個個窿叫店員換俾我啦，個樣勁唔情願奇奇怪怪咁（最後有換，但係要等15分鐘）…查看更多

一家大細最啱去食元氣，但係馬鞍山呢間星期六日下午時間去要等位等勁耐，起碼一個鐘。發現而家元氣壽司嘅選擇越來越少，之前有好多卷物，而家都冇咗。餐單好似只有三文魚同吞拿魚，所以都冇食太多，陪小朋友叫咗角落生物限定壽司試就算…查看更多

友人想食壽司，所以決定今晚去元氣食。由七點鐘等到八點鐘先有位，因為大家都肚餓了，一坐低就即刻落單，一等又等半個鐘先有第一碟壽司。極上吞拿魚三點($36)左起有本鮪大拖羅、赤身吞拿魚和長鰭吞拿魚。雖然等得耐，但件本鮪大拖羅好食，油脂分佈不錯，算厚身。相反赤身吞拿魚切得很薄，有點考師傅刀工，色澤看來都新鮮。最後件長鰭吞拿魚竟然發現上面有條疑似蝦腳的東西……其他壽司不過不失，之後點了兩個手卷 — 軟殼蟹手卷（$28）和軟殼蝦牛油果手卷（$20）。左面是軟殼蟹手卷；右面是軟殼蝦牛油果手卷。蝦的份量比蟹還要大份，有點失望..一向炸物都好食，吉列蠔、軟殼蟹手卷都差不多是我必食之物，估不到軟殼蟹份量比以前細份了都算，竟然$28的比$20的軟殼蝦牛油果手卷還要細件，未計加一服務費。總括來說，以迴轉壽司的價錢食物質素還可以，但水準不及以前好，希望食物品質和衛生有待改善。…查看更多

行過呢條街，總有一間小店總係人頭湧湧，今次決定去探下底。一入到去，嗅到一股撲鼻嘅香氣，真係即刻食指大動！喺呢家店點咗經典嘅煲仔飯同埋一啲小吃。先講吓煲仔飯啦，飯粒夠哂彈性，啲米香散發出嚟，撈嗰刻真係夠晒香滑。🍚 而啲排骨嘅咬感，真係「嘩」嘅一聲，外層煎得啱啱好，唔會太乾，入口即溶，好過癮！轉吓頭，試咗啲小吃，啲魚蛋啊，啲皮蛋瘦肉粥啊，一啲都唔馬虎！魚蛋彈牙又鮮甜，皮蛋粥入面嘅皮蛋同瘦肉比例拿捏得非常好，一啖粥，一啖滿足！😋當然啦，最後對於呢一頓飯嘅評價，就係啲菜式係真心嘅街坊味！你食嘅時候嗰啲味道揮之不去，真係諗起都想念，餓咗個肚都值得！香港嘅小店就係有呢種魅力，質素高，味道正，又唔需要花大錢。要我點樣形容? 就係「正」！下次嚟，一定要再試下其他嘢，光諗都覺得呢度嘅菜單仲有好多驚喜等緊我哋去發掘！👍🏻…查看更多

想食壽司，不過壽司郎排太耐就轉食元氣！用app拎飛都等半個鐘等咗好耐勁肚餓本身已經遲出好在今次啲食物冇上次等得咁耐蒸蛋熱辣辣好味，忍唔住嗌咗兩🥰蠔壽司Juicy唔錯其實帆立貝壽司好似比帶子刺身抵？赤蝦壽司，好味新鮮。 不過唔會好甜帶子方面食過壽司郎嘅話呢度嘅真係比下去，鮮味弱啲今次嘅三文魚頭湯粥料啲喎！有兩大嚿魚頭塊呢個手卷都非常足料，打開睇吓都充滿東西，雖然有部份係沙律醬撈，但係蟹肉都好明顯出現㗎…查看更多

等咗四五個字左右唔知點解嗌啲嘢食好耐先嚟，三四個字之後都未嚟任何刺身壽司😫餓死我哋，但係好似真係吹佢都冇用其實想食壽司郎，你知㗎啦，星期日肯定等一個鐘，但係我哋好肚餓就轉食元氣！一睇圖就知個質素有分別性價比會比壽司郎大，蟹柳係鋼硬的粉🤣三文魚頭湯就好正呢幾件壽司都正常發揮:)三文魚就薄切嘅唔值得嗌大滿足:(軟殼蟹壽司新鮮炸起OK滿足咁多年來每次嚟都最鍾意嗌蒸蛋！今次嗌蟹肉蟹膏蒸蛋貴$3 ， OK唔錯，暖笠笠有蛋味…查看更多

我哋今日去左元氣🍣首先，我哋要講講服務。唔知點解，呢度嘅服務真係好慢㗎！我哋等咗半個鐘都冇見食物出黎，真係好失望。😔我哋其實好趕時間，所以最後2個人只係食到3樣野就要走⋯真係可惜呀。⏰不過，我哋仲係試咗一啲嘢。辣味三文魚係我哋嘅首選，因為我哋好鍾意食辣嘢。🌶️ 呢份三文魚佢有啲辣辣嘅味道同埋鮮嫩嘅口感，真係好好味！👌😋元氣卷係另一個我哋嘅選擇。但係佢中間炸到好乾好硬🥗🍤唔太推薦⋯最後，我哋亦食到腐皮壽司😅佢係一層薄薄甜甜嘅腐皮包住一大舊飯。食落去有啲嚼勁同埋甜甜味道🥢不過，對於我哋嚟講，呢個菜式唔係咁出色。總括黎講，如果你係個唔介意等嘅人，可以嚟試下佢哋嘅壽司，菜式常有變化，如圖有新野。不過，如果你有趕時間，我就唔會太推薦喇。🕰️要考慮清楚先喇！…查看更多

閒日非繁忙時間入嚟，上菜都咁慢！星期四非公假2:30pm入座叫三碟壽司，成粒鐘都未上唒，明玩野，下次唔黎食。左右枱遲過我黎叫得多過我好多都一早上唒！而且呢度又迫又嘈，又多細佬又多人講野大聲又播片，根本唔適合坐得耐！貼錢買難受！…查看更多

身邊唔少人定期食元氣有食家朋友推介我吃一路帶着我 教導我要吃什麼😋😋😋性價比最高嘅軟殼蟹手卷原本一碟軟殼蟹🦀要$52但係軟殼蟹🦀手卷就只係26另外食家朋友也說牛肉🐂烏冬也是必食🐂肥牛份量又多又好味今日終於一試果然牛味香濃🐂另外 壽司方面三文魚腩壽司🐟同埋刺身都是高質的🐟🐟🐟最意想不到的是雞軟骨🐣大大碟比壽司郎的份量多很多🐥最後甜點真的很便宜$21.一碟三種甜點都很好吃我和朋友最推介的是焦糖脆皮甜品其餘抹茶以及千層蛋糕都很好吃…查看更多

環境寬敞 卡位最好坐 欣賞元氣選擇多元化 自助點餐 輕鬆自在 今日點了漬甜蝦軍艦 鮮甜可口 加上紫菜配飯 一口吃掉 有少少辛辣感 好味非常 另一款香辣吞拿魚軍艦 是我的必點菜 十多元價錢 －碟兩件 抵食之選…查看更多

等左大約1小時才能入座，兩個人叫左三百幾壽司食。吞拿魚有少少魚味，主要色省鏡，三款都出色，大吞拿入口有驚喜會溶化，果然係唔同d其他叫了熟蝦正常，期間限定就普普通通。海鰻同想像中無大差距，合理收費，魚質細，肉嫩，醬給得夠，可以再食。店的包裝wasabi 好似改左做鮮山葵咁，連平時唔食既我都開左黎試，因為唔會好辣，味比較真。價格又升左，所以部分食物無再叫。火炙蝦幾新鮮，無食到火炙三文魚了，因為乜都加價。…查看更多