元気寿司 (秀茂坪商場)

營業中

休息中

見無人排隊 所以我終於入左去試呢間 入去時 見到三個員工 他們正忙中 但門口位無人 我叫了兩次唔該但都無人應 之後我直接行入去問 才有人帶我入座 我一點前入座 我一點下單起初只點了個壽司定食 落單時間13:00 下單後很多就有職員拎野飲比我👍 仲以為速度咁快 應該都好快有野食啦 點知…..過了20-25我見遲我入黎既婆婆都係叫定食仲比我快到餐 我就通知送餐幫我跟 最後 大約5分鐘後就送來 結果落單後差不多半小時才到 因為一早去左覆診 太肚餓 最後仲加左燒三文魚鮫+三文魚腩壽司 因為滿一百可做會員 所以真的期待下次光顧時有所改進 比較出色的係燒三文魚鮫 👍

每到晚市時間都經常見到店外大排長龍，人來人往，於是都想試試。是日平日，晚上5:45到達，不用排隊，直接入內，然後點餐：🍣胡麻冷烏冬配珍寶熟蝦 烏冬份量少，而且唔夠彈牙，整體一般。🍣芝麻八爪魚 味道咸左少少，八爪魚🐙新鮮惹味。🍣腐皮烏冬 湯烏冬質感好過冷烏冬。🍣炙燒黑椒三文魚 炙燒嘅三文魚恰當好處，唔錯。🍣大阪章魚燒🐙 算是大粒，有外脆內軟效果。🍣帆立貝 帆立貝肉肥厚鮮甜。🍣貝三點（北寄貝、螺片、赤貝） 北寄貝同赤貝都爽口鮮甜，螺片有驚喜。🍣吞拿魚 不過不失。🍣三文魚 炙燒的好味啲。壽司飯都做得唔錯，珍珠米粒粒分明，壽司醋恰當好處。

最近香港有壽司店推出海賊王限定食品 🍫作為動漫迷要去試一試啦🐶大塊肉壽司 覺得係三項食品入邊最好食 😚壽司材料之間配搭幾好😀但一嚿的話單品價格特別貴💰茄汁骨付腸純粹還原動漫入面佢哋成日食嗰一種肉 🥲味道冇特別純粹打卡Shake Shake 檸檬梳打雪糕都係壽司店平時賣開嗰隻雪糕 🍦加埋爆炸糖一齊食 📈有啲創意分😂

今日星期日老公話想食刺身 原本想食壽司郎不過因為太多人，肯定有排等跟住又想食板長但因為附近冇加上板長都貴 我老公就話不如近近哋食元氣因為老公揸車我自己行過去我去到見到老公仲未到我就拎咗飛先 我行到取票機前面店員就走過來取票機 我就同店員講兩位店員冇禮貌地同我講兩位自己拎飛啦 因為我唔知道究竟係我行過嚟你會幫我拎埋飛呀定係其實行過嚟純粹想叫飛因為時間就真係啱啱好但我唔明點解你元氣咁大間集團啲態度可以咁差囉 其實已經影響心情同食慾因為其實放假星期日係諗住同老公輕輕鬆鬆食刺身㗎點解你可以用咁嘅態度同我講嘢呢最好笑喺我等老公期間我發現嗰個阿姐對其他客人態度係完全唔同仲會幫佢哋撳埋飛 語氣都係非常友善 輪到我入座嘅時候依位員工帶位 員工仲唔友善態度同我講話你過嚟呢度呀 食物嘅質素不嬲都唔錯嘅主要係服務態度有待改善

元氣似乎成為了我同小朋友的飯堂🤣當唔知食乜嘅時候就去幫襯元氣，主要係小朋友鍾意食。🍙燒鰻牛油果手卷（💰22）小朋友每次都必點大蝦手卷，最近無咗，距唔開心添，叫咗個牛油果鰻魚手卷距試下，兩塊鰻魚➕一塊牛油果，距話幾好食。🍜牛肉烏冬（💰32）幾大塊牛肉，加上煙韌嘅烏冬，再配合埋個牛肉湯底，好味😋🍣大切三文魚腩壽司（💰10/件）三文魚腩幾新鮮，但無上次的厚，食落好juice，入口魚油味比較香濃🍣蒲燒鰻魚壽司（💰10/件）鰻魚是我的最愛，所以每次必點，無腥味，厚度唔算厚，但味道不錯👍

今晚係屋企附近食，揀左食元氣壽司，我哋用遙距拎飛，行到去都要再等20分鐘，今次我哋係座order檯嘅，唔洗搭檯，而家係手機掃code點餐，好方便，唔洗等侍應嚟落單，落左order 大約10分鐘食物來了。今次我哋無叫熱食，全壽司，魚生感覺唔太新鮮，飯有點熱，一夾就散，食物好似比以前退步了，現時wasabi轉左用獨立包裝，開出嚟顏色呈暗綠色，同平時嘅鮮綠色嘅wasabi外觀唔同，雖然味差唔多，但賣相色好似放左好耐咁。至於位置我哋座近門口，由於座order檯關係有一邊係直望出面，一路食睇到出面人排隊，好似有點壓力，私隱度低。

好少寫劣評，通常難食嘅話，唔會特登寫食評。但係我今次決定寫🥲。小編好鍾意❤️食壽司🍣，屋企附近只有元氣壽司呢一間壽司鋪。原本小編仲係元氣壽司嘅會員，係元氣壽司嘅擁蛋。從來都唔會歧視元氣壽司係藍店而唔食。今日返到屋企附近，突然想食壽司🍣，於是排咗一陣入元氣壽司食。晚市嘅元氣壽司通常都會比較唔新鮮，小編今次食完覺得唔多舒服。🤧唉～真係俾錢買難受😣。經過今次，小編決定暫時唔再食元氣壽司🙅🏻‍♀️，個app都俾我del埋🥺。水準真係差啲，需要多多改善。無特登影食物相，原本無唸住寫食評。

元氣出左好多特價壽司，又有30元Coupon.媽咪生日就食好小小吧！一定要緊係三文魚壽司盛$59.5,有3款14件壽司,最愛火炙三文魚腩，油脂豐富，正。反為三文魚帶點失望，沒有魚香味.大滿足$8：赤海蝦，蝦無鮮甜味蟹肉蟹膏軍艦同甜蝦蟹膏，今次的蟹膏無乜味。甜蝦比蟹肉出色吞拿魚三點盛$23.2：三款之中大吞魚腩最好食，無乜筋油脂多。其餘2件質素平平期間限定珍寶白鳥貝$9.6,肉質好韌，好難咬開總結：價錢抵的，3人食，人均消費$70，只是太耐無食，覺得元氣壽司退步左，飯一夾即散 希望只是偶然失手，唔係將貨就價吧！

有一段時間無食過元気壽司，原來好多間店都已經轉左火車送壽司，無左自己見到咩想食就拿咩既樂趣。不過都無阻我食壽司既喜悅。兩個人食叫左幾款壽司，必食既一定係三文魚壽司，我地叫左普通三文魚無叫魚腩。三文魚分量正常，食落去都幾新鮮幾甜，配埋wasabi永遠都係我首選既壽司款式。另外甜蝦每件壽司上面有3隻都幾鮮甜唔錯。帶子好好食不過比較貴所以只係叫左一件。另外每次都要食既係軟殼蟹反卷，脆脆地既軟殼蟹配出面一粒粒蟹子好有口感成個味道都好match。佢既炙燒亦都整得幾好食，個種香烤味都會想令人一食再食。睇落好似唔係叫左好多但一件一件甘食都好飽，下次有機會再試埋佢其他款式！

照計個新聞出完之後佢應該會做好d而家人流好似多返以前咁三文魚腩刺身肥美 油香海膽壽司$25 件 不過不失 唔算太鮮甜 但冇臭腥味蟹肉蟹膏壽司蟹肉好臭 唔新鮮 明太子三文魚壽司吞拿魚蓉反卷吞拿魚蓉今次好暗色 應該係擺左好久以前唔會

唔知係咪因爲係屋邨入面質素都差d食物唔夠新鮮 可能因為客少流量唔夠快不過價錢真係抵既 下午茶五十蚊六舊壽司+ 烏冬+ 小食 好飽而家好多分店都變左高速線就冇左下午茶好在呢間仲有姐

由細到大都好鍾意食元氣，尤其係做咗會員之後，攞位變得更加方便，所以間唔中會同屋企人去食。娘親唔食生嘢，所以叫咗一啲熟食，例如帶子裙邊、炸蝦壽司、炸軟殼蟹。帶子裙邊入味，亦夠晒嚼勁。炸蝦壽司十蚊大大隻蝦，最抵係佢。炸軟殼蟹雖然價錢唔平，但比起手卷，蟹嘅份量多好多倍，所以其實幾抵。我哋每一次食都係新鮮炸起，熱辣辣，亦唔怕有油溢味。辣味三文魚手卷亦真係名不虛傳，辣味醬料以及蛋黃醬，配上充滿油脂嘅三文魚真係Perfect match。我哋亦叫咗一啲火炙壽司，無論係黑椒定係芝士都非常好味。

一入店已聞到霉味.......聞到都唔想食啦！餐具好多污垢，要自己再洗過才放心用食物唔夠新鮮，惟一好處係...永遠唔使等位，即到即入，仲可選擇坐咩位（因冇人光顧）

好耐無食過元氣 心血來潮今日想去食下 有朋友同我講秀茂坪裝修後變咗高速線😎 今日終於約到去食下午茶 我揀左鰻魚三色丼 入面有小鰻魚丼 三文魚壽司 墨魚壽司 蟹子沙津軍艦 壽司個質素麻麻 食落無味 好薄無口感😟😟😟😟 鰻魚丼細細個 份量小小 啱曬食下午茶🤪 朋友叫左蝦天婦羅🍤壽司 周打蜆湯餅 烏冬盛做下午 呢個盛壽司就感覺新鮮d 蝦食落好彈牙😋😋😋我地兩個都食到好飽 雖然換左高速線 但壽司質素都係麻麻 下次都未必會係呢度食了😓😓推薦:⭐️

裝修後第一次來用餐，晚上六點已經有人龍，等候了約30分鐘入座。店內中間的位置改成新幹線送餐，其他座位大都是2-4人座，適合一家大小。入座後可掃瞄QR code 下單和查閱點餐記錄。菜單和其他店鋪一樣，坐2-4人座的每次最好多下幾樣，因為送餐需時，一般需要等候15-20分鐘。火炙未夠火喉，在表面掃一掃就當火炙了。。。壽司飯的大小都比其他分店小，手握不夠力度，一夾就散開。三文魚的份量嚴重縮水還好炸物維持水準。