元気寿司

營業中

休息中

今日同啲舊同學，兩個同事一齊去元氣食晚飯壽司。我哋一行七人食到好飽，就左口魚我哋已經一個人食咗四件真係好好味，不過係要火焰先好食，入口好快就溶，三文魚就麻麻地，北極貝沙律好食，座位好舒服，蹬蛋好滑好好味，鰻魚丼好味但好細過，蟹子壽司好新鮮，好彈牙，紫菜都好脆，飯好新鮮好軟味道都好，和牛壽司超好味，真係有好香牛味，唔係假和牛。仲要有高速列車送餐。之前試過奧海城元氣，完全唔同味道，差到無朋友，紫菜軟，壽司飯唔熟。

因為住附近所以經常去食！但真心覺得廿幾蚊重加一都差不多成三十蚊叫一碗三文魚頭湯！可唔可以足材D！每次去都一直叫一碗嚟飲！每次都覺得好少三文魚！蘿蔔同葱重多過三文魚！不如唔好叫三文魚頭湯！叫蘿蔔加葱湯！其他食物就好好味！服務一般！我去過其他鋪飲過都無蘿蔔多過三文魚！每一碗唔滿！拎過D材料半碗湯都無千其唔平日一個人食去食！安排客人入座好求其！好多位但都要D客人逼埋座！叫多幾碟野食都感覺要放到格離位！又唔會有人收碟！已經唔迴旋壽司鋪嚟！一行起碼座二十個人！食飽想坐陣都唔想！

住在深水埗的我當然會常常去西九龍中心覓食，在全西九龍中心我最推薦就是元氣!更新了快車送壽司，不過5分鐘20碟美食送到桌前。元氣壽司是壽司界中美食最新鮮的，看圖不夠，拥有真正的看到也食慾大開極力推薦元氣的吞拿魚是最抵食!最新鮮的!手卷軍艦，上上下下，總之有吞拿魚就是棒呢！大滿足的辛辣醬油吞拿魚壽司是我的最愛!必食的呢！最後如果可以的話請追蹤我的食評，有需要可以留言給我，記得讚好和把我的食評分享給人!

西九龍搵咗元氣坐低食飯，係門口都冇特別為意，入去坐低先發現，佢哋已經採用最新嘅落單技術，平板電腦手指一按，唔夠3分鐘就聽到BB！一架火車相戴著剛剛order嘅壽司去到你嘅位置側邊，勁快勁有效率！高科技有佢嘅好處，但係意味着人手減少，失業率新加！叫刺身有：三文魚魚肉肥美，最鍾意佢嘅濃郁油脂味/甜蝦尚算大隻不過肉質比較軟爛，味道都甜/三色刺身有：帆立貝幾甜幾鮮味，北寄貝肉質較有咬勁，比較脆好好食。螺片鮮甜爽口/吞拿魚厚身沒有濃郁點魚油味壽司分別叫咗：赤貝味道較腥，口感比較有咬勁，個人最喜歡/凡立貝肉身肥厚，味道鮮爽帶甜/新款槍魷魚肉質爽韌，味道清甜，非常鮮味。一整個好好味/燒三文魚逼出d魚油更香更惹味，更添口感/吞拿魚偏薄味淡

知道前陣子西九龍中心的元氣壽司裝修，本來沒怎麼留意，拆開圍板後才發現這裡也變成高速線。雖然和剛有高速線時相比，興趣已經減退，不過有些高速線限定的食物還是不錯的，於是就選在此午膳了。剛開門營業，人不多，拍一張新環境照。在以前那篇食評(https://www.openrice.com/zh/hongkong/review/%E3%80%90%E4%B8%AD%E7%AF%87%E3%80%91%E6%88%91%E6%84%9B%E9%AB%98%E9%80%9F%E7%B7%9A-e2564029)也有說過，高速線很適合一個人去吃，所以座位都是一排排開，點餐屏幕的位置有改變，更順手更方便，另外則有些二人卡位，是第一次見呢。點餐目錄沒什麼改變，但不再局限每次只點4樣，可以一次點更多項食物，結果來了滿桌子圓碟。食物水準是一貫的，沒有特別驚喜，不過也算滿意。雖然西九龍中心的食肆很多，元氣壽司依然是個好選擇，當在煩惱要吃什麼或不想想太多的話，就來這裡吧。

炙燒親子三文魚比較特別之外其他壽司都不過不失, 試咗個新出既灸燒黑椒蠔，個味怪怪哋，唔熱唔凍咁，同啲黑椒又唔夾。。。。。。不過用HSBC信用卡散叫食過$200有客泡芙送,入面係雪糕黎架 ，等佢溶溶哋食，好正啊！

8點幾溜完冰去食，完全唔需要排隊，出餐時間亦都好快萬萬想唔到叫熱食有驚喜，今次叫左客牛肉薯餅，即日本嘅可樂餅，同M記薯餅唔一樣，外面夠脆，裡面啲薯蓉加埋牛肉好香好好味,但一定要襯熱食!

一碟手卷等半個鐘都未嚟！！！即刻唔食走人。。。。。。。。。。。。。。。。。。。。。。。。。。。。。。

As a sushi and sashimi fan, I really wanted to try this place out as it's close to where I am. It didn't really amaze me, but I will give it another shot in future... The decor was nice and the place was cleanI got a table right away, but waited a long time before I got a waitress to notice me. Don't wait for them to come to you, they wont, call then to your table when you're ready. The menu has English descriptions, but it didn't explain how the dishes on the conveyer belt worked at all, and th

係深水埗返工都少嚟，因為你個價一啲都唔親民，今天有同事話想去元氣我才破例又來一次，叫了$60的鰻魚飯lunch set , 但不知何解個飯同鰻魚都是凍的，老實講我真係唔係好接受到

叫左個下午茶set 同朋友share 因為我地都唔肚餓，分量子剛剛好！有壽司 selection 同烏冬同薯餅 ，啲壽司都一般，不過値得一讚嘅係個烏冬！好滑，好彈，個湯底清清地又好夾！

食元氣有度好，因為一個人食都得，可以因應食幾多而點餐今晚呀媽番鄉下，食自己，哈，要食好d粟米軍艦 - 粟米伴入沙律醬，小小酸，粟米甜甜，不過紫菜就唔脆u炸雞軍艦 - 炸雞超熱，應該真係即整架，而且唔會好咸，e個紫菜真係脆脆唔錯，不過食落冇壽司感，只似炸雞送飯咁腐皮壽司 - 腐皮浸滿滿嘅汁感，好soft，壽司飯小小酸，係壽司醋嘅酸，不錯，兩者好夾三文魚腩 - 腩位夠肥，三文魚味唔算好重，但腩位嘅脂肪夠甘香

我認我係元氣粉，Haha，行深水po，買材料，整咩，係mimi gift for my bf，買好左，等佢收工去元氣，深水po可能好多嘢食，完全唔洗等位就入得，先叫左個湯Wu don，唔記得影相呀，太肚餓，同男友一人一啖，一人一啖，就食曬喇，堅魚湯底，色淡但味濃，wudon煙un冇酸味，好好食呀壽司海膽墨魚：鮮味十足，紫菜脆脆，墨魚彈牙，海膽味濃粟米：清甜爽口，加沙律醬好開胃，lee個紫菜都脆，但淋左ddd，因為冇即食到腐皮蟹棒：腐皮微甜，蟹棒解凍夠冇雪味，加埋蛋絲，賣相好靚，但蛋味就唔出，比腐皮甜味cover左三文魚：可以肥番dd就好了，略嫌過瘦，魚味一般，唔係好濃，但尚可花之戀：冇食，男友食，但蟹子小d火灸黑椒三文魚：小小焦，感覺更香口，黑椒微粉增加層次，令滑滑嘅三文魚多了多了點香辛，燒過嘅三文魚油更有溢出來的感覺，好好食呀燒牛：冇食，男友話okay啦，我都唔知係點，哈，不過見到好似都唔會太乾咁炸雞超熱，而且勁juicy呀，不過都冇可能一口咬到飯同雞，紫菜脆口，但要分開咬嘅

今晚係邦邦屋企開PARTY，慶祝契仔半歲生日，除左個靚蛋糕之外，大人都要食野架嘛! 香港人大班人外賣選擇都離不開麥XX，KXX之類，今晚我地叫左元氣壽司~我地叫左元気A壽司盒，壽司有三文魚﹑墨魚﹑北寄貝﹑熟蝦﹑赤海蝦﹑八爪魚﹑芥辣八爪魚軍艦﹑飛魚籽軍艦同辣味三文魚軍艦 。三文魚好新鮮，送到黎仲凍凍地，好有鮮味，三文魚D筋仲清晰可見，師傅好手勢丫! 墨魚﹑北寄貝都好鮮甜，平日食墨魚我都中意唔落任何野食，因為我中意墨魚嗰種鮮味!無乜味咁先食到原來的味道! 墨魚白雪雪的，今次點埋WASABI同豉油既佢好似著左層衫咁，變左色，食起上黎一樣咁滋味呀!熟蝦係唯一熟既食物，壽司其實我都係中意食赤海蝦(生野)，赤海蝦滑0都0都地，一啖落落去D蝦肉度，硬硬地又帶點軟軟，口感好豐富! 熟蝦反而蝦肉硬D，有D”鞋”，感覺無生既咁好食!軍艦方面我中意芥辣八爪魚軍艦，顏色綠綠地紅紅地，好有聖誕FEEL XD唔使落WASABI都食到芥辣味喎! 八爪魚本身無味，加左芥辣之後好惹味，辣辣地，有少少辣喉嚨，正喎!

我一家人都好鐘意食壽司，經常都會去日本餐廳食野，元氣係其中一間我經常光顧的日本餐廳。元氣既壽司真係唔錯，定期會轉換款式，例如一些季節時限推出既壽司 - 松葉蟹卷。呢款壽司賣相都好靚，味道特別，而且味道配合效果亦好好。壽司定食方面，價錢又唔算太貴，又多款式可揀，一個人都食唔哂，可以同大家share食，再叫一些小食配搭。刺身方面，叫左一碟三文魚刺身，每一件都好厚，叫一碟都唔夠食，因為太中意食三文魚啦。灸燒左口魚壽司係我近排都好中意食既壽司之一，一咬落去就融化，感覺好特別。另外，三文魚頭湯亦好吸引，湯既味道好濃郁，亦有三文魚頭和配料在湯內讓人進食，中意食三文魚既人可嘗試這湯。甜品方面，芝士蛋糕同朱古力蛋糕都好好食，而我個人中意食較冰凍既芝士蛋糕。另外，元氣既環境地方都好寬敞和整潔，令人有舒適既感覺，值得大家去嘗試。