元気寿司

營業中

休息中

話說 平時住附近都會cheap cheap地買俾小朋友食嘅！ 平時訂外賣都成日又耐又剩...今次平日早左經過，入去食下啦！疫情後 食品選擇少左 大家都明白嘅...但係個品質真係呢😭😭如果唔係呢邊比較多熟食同小朋友野食 真係可以食其他😰件三文魚 上到黎 我以為我嗌錯左煙三文魚😥又乾又冇色澤...冇紋架wor！筋子...我係其他元氣都食過。真心覺得ok架wor！呢度呢件，佢都好意思上臺嘅！個形狀已經冇曬 仲好腥啊！咬了一啖 放棄咗....吞拿魚粒軍欖 唔記得影不過都好多筋唔切斷 唔知道想點...成抽拉翻出黎，我都好尷尬品質真係 我第一次嘅超新低

壽司嚟講 元氣未必最好食，但絕對係最抵食之一。成日都有8折優惠，操作上電子落單，自助送到，全程三個字「效率高」!!!我通常會叫三文魚同灸燒類型既壽司，感覺比較穩陣，拖羅同埋玉子壽司都係我中意食既。元氣既甜品都唔錯，特別係果個灸燒檸檬蛋糕(名字忘了) 朱古力蛋糕個味都好濃，每次去都會喊點品。炸野方面就唔太抵食，同埋比較普通。個薯條，炸雞，章魚燒，幾十蚊一份，味道雖然不過不失，但份量少，寧願喊多幾碟壽司。

話說因為之前食這第二間日本壽司店既鰈魚邊回味無窮，一直想再食，可惜果間店要排幾個鐘，都唔係話食就食。有日，路過見到左口魚裙邊既宣傳，就記住，得閒可以去元氣試下特大帆立貝，唔錯，好鮮甜，後面既鮪魚三味只有一件過得去，有魚味。見有龍蝦茶碗蒸就試下，點知好失望食到落底先見到有粒蟹柳同一粒唔新鮮好鞋口既蝦，個底好似有d 龍蝦醬同芝士拉絲。整個蛋漿都充斥住呢陣類似公仔麵湯底既鹹味，好唔夾好鹹，呢款23蚊，我寧願食番20蚊基本款仲好為著魚邊而黎，呢款左口邊邊軍艦好腥，我自己接受唔到前面既燒廣島蠔ok, 但個醬搶晒d 味。左邊既燒帶子就應該係基本款茶碗蒸果粒帶子size，鮮味欠奉。右邊係蟹肉卷物，蟹肉ok 啦，唔算乾。最上就係燒左口魚邊，燒過就無咁腥，仲有魚油既甘香，但有對比之下真係唔算出色，仲係12蚊得一舊。二人食左三百約蚊，係有對比之下，太多店做到選擇多又新鮮，仲要平過佢。呢到就勝在分店多同唔洗排隊。

落咗單一堆食物同蜆肉烏東，等咗15 分鐘外賣未有問問情況，侍應話整緊過咗15分鐘再問又話整緊，已經等到好嬲唔知整緊乜，再問佢先話冇蜆肉，唔係一早應該知無嘅咩？唔知等乜又唔講，最後叫佢轉返個普通烏東又再等等，前前後後已經玩左成粒鐘，返到屋企其他已經準備好既食物已經凍q 唒，另一個烏東乾唒水，燉蛋變水蛋⋯無下次！！

#意式奶凍x1 $ 19 角落生物的樣子，面上有焦糖咖啡的味道。拉動不像布丁，像芝士蛋糕那樣結身#炙燒味噌三文魚腩x1 $ 10 三文魚的味道濃郁，很肥美，但是很難咬斷，好似有筋咁樣#照燒三文魚薄切x2 $ 20 高速列車限定的，好吃😋又甜又滑#日向夏柑橘白蝦卷x1 $ 19 蝦上有柚子和洋蔥#帆立貝配日向夏柑橘汁x1 $ 17 帆立貝上面有柚子粒#甜蝦蟹膏x1 $ 19 每次都喜歡叫這個#蔥香脆蒜海鮮軍艦x1 $ 14 兩件軍艦，超足料，多刺身粒，脆蒜像印尼撈麵的炸蒜頭#日本和牛配鵝肝x1 $ 18 期間限定，和牛濃味好吃，肥瘦適中。鵝肝普通#煙肉芝士風味章魚燒x1 $ 26 角落生物期間限定，煙肉粒非常之硬，充滿醬汁的章魚燒幾好食，熱辣辣，外脆內軟（但像麵團）#玉米濃湯風味炸蝦卷x1 $ 22 有角落生物的樣子，幾香脆不錯👍🏻可試#北海道蜜瓜梳打 $19 #蜜瓜梳打 上面是椰子雪糕，下面是汽水，罐裝汽水的味道ᶘ ᵒᴥᵒᶅ個人口味評分：7/10

晚市終於可以堂食，近近地食 d 野，順便試下部新手機，d 相真係 sharp 好多試下期間限定，日本和牛配鵝肝 ＄18/件和牛夠肉香，但唔算入口即溶，和牛黎講偏硬，煮得過熟了，上面舊鵝肝只得油，沒有甘香。呢個北海道直送既焦糖奶凍真係好好味， 都係十幾蚊件。質地好幼滑好似雪糕咁，好有奶香，加埋上面既焦糖面好夾，可以 encorn！其他推介既仲有茶碗蒸，裡面竟然有甘大粒帶子，肉質仲要鮮甜，個蛋真充滿海鮮味，呢個有驚喜仲有呢個軟殼蟹卷，次次黎都食，呢款係由佢始創開始就有既款，一直到依家。原來可以坐係餐廳食野都唔係必然，希望疫情快 d 過去啦!

呢款限定既厚切鰻魚$12蚊件真係無得頂！！無噏味唔在講，juicy有油份，肉厚，成舊放落口真係入口即溶，係要小心 d細骨。上碟件鰻魚係熱既，個口充滿魚香，真係好正，encore左幾次！我都有叫呢個餐牌上面有既鰻魚芝士青瓜卷$14. 呢款上面個鰻魚係唔同既，薄得黎唔juicy, 亦無咁新鮮。 比起之前既限定厚切鰻魚，貴多兩蚊有中間既芝士青瓜，但跟本唔突出，上面塊鰻魚又唔同質素，試唔過。鐘意鰻魚既絕對推介 $12 厚切版！！呢個三文魚湯都唔錯，裡面有咁大個三文魚鮫！！湯有三文魚既甜味，凍左會腥，襯熱！仲有呢款雞翼都唔錯，外脆內juicy, 非常嫩滑，熟度岩岩好，唔會話骨仲有紅色。其他野就正正常常啦！

元氣的壽司，未能值得推介。可能到日本吃得太多既美味而又物有所值的壽司，所以對壽司質素要求高了，元氣的只能符合飽肚準則。 今趟要講的是它自二零一五年開始逐步在分店設立的高速線路軌運送食物的服務，從以前在壽司帶自看自選隨手拈來喜愛一碟，到現在的改變是如何？ 現時入席後獲發一張賬單，上面有個二維碼，用手機在二維碼一照，便進入元氣網頁，開始點選所好。不消三分鐘，一班列車會運載所選的食物送到眼前，每班列車可運送三至四碟壽司，取走食物後，列車會自動返回起點區。 電子科技的發展將取代人類世界，確實不足為奇。有說元氣引入高速線可節省15%樓面員工，在商言商，沒有原因不引用。 自己對高速線有點見議。現時低頭一族蓋遍天下，食客可能未必察覺列車到站，可以考慮若列車停留十秒仍然未有人理會，可發出提醒訊號。為照顧有殘障食客，可閃燈號或聲喚。若再想進一步減省人手，可將最底一層運輸軌作收集食用碟回㕑，免卻樓面收碟。固然，該層要備有掩蓋之類設計，免將下層污物濺到上層食物。

同毛仔今天又派左去小西灣工作，元氣新裝修過，當然入去幫襯下， 地方闊左，原來裝左高速號同要手機點餐，如果係小朋友就開心死啦！不過餐牌就少左定食， 只可散叫，變相貴左。 我地點左許多壽司、手卷同炸物特別推介，超大粒魚子， 一口咬落下“啪啪啪啦啦”的聲音不停在口腔發出， 感覺過癮炸蝦卷、牛油軟殼蟹反卷、熟蝦壽司：味道正常海膽軍艦味鮮，牛油帶子唔太靭火炙三文魚，魚油香， yummy 當然要有炸物天婦羅： 炸蝦天婦羅， 脆漿唔重， 蝦彈牙軟殼蟹手卷， 軟殼蟹鬆脆毛仔正預備同老婆仔生老鼠BB 當然點碟生蠔天婦羅俾佢啦！都是外脆內軟勁 juicy

與友人在元氣裝修後第一次光顧，環境舒適了，多了卡位，而且單邊位取消了高櫈，枱下加了可以放袋的位置，比之前更好。我們大約6:30pm吃晚餐，這段時間沒有太多人，不用等位便可以入座。急不及待便點餐！值得一讚是可以用手機scan QR code便可以落單，方便快捷👍🏻落單後很快便由高速線送到面前，非常快。第一次食煙三文魚壽司覺得好惹味，另外牛肉烏冬也好正，三文魚頭湯味道鮮甜濃郁，蟹棒口感十分好，加上有芝士在面超級好味。下次一定會再光顧！提提你 : 晚上大約六至七時入座便不用等位，可直接入座。我們在吃到中途的時候見到出面有好多人開始排隊等位。

高速火車壽司，好多小朋友都喜愛，同小朋友出去聚餐，揀高速火車壽司🍣他們就一定高興，喜歡食邊款就點邊款，大人小朋友既口味都吾同，小朋友可以選擇自己喜愛的，大人也可以選擇自己喜愛的，本人覺得有高速線既分店味道比較好。湯烏冬，小朋友的喜愛炸蝦卷，必叫的炸蝦🍤壽司，炸蝦脆脆，好香口小柱壽司，帆立貝既迷你版，鮮味+口感，好食軟殻蟹手卷，軟殼蟹炸得不油，紫菜好脆炙燒黑椒三文魚壽司，輕輕燒過既三文魚配上黑椒加沙律醬，味道好夾北寄貝壽司，爽口

壽司店之中，我比較喜歡去元氣，一來價錢大眾化，其次款式多，食物水準不錯。今日去柴灣分店元氣吃頓豐盛午餐...每個迴轉枱前的座位都各有一組獨立自助餐架，包括醬油、日本芥辣、酸薑、綠茶粉、紙巾、筷子、牙簽，非常方便。點了最新推廣的元氣壽司大滿足祭堂食送「大滿足」系列壽司一件 。當然，高速線店還是準備了些特選限定，意外地，都不算是些高價推介，甚至有些很平民抵吃，元氣壽司的高速線跟平常迴轉最大分別，是用了火車型送壽司系統，壽司不再做定放在迴轉帶上等運到，而是以手機下單後，以火車玩具送來，由味道上，新鮮了些，應該會好一些，由可玩性上，不得了，吃什麼，可能不再重要，仍然是人龍滿滿。

今日佛誕，難得的紅日假期，是聚會的日子。中學系柴灣讀書，絕大部分同學朋友都是住柴灣小西灣，系朋友屋開完台就夠鐘食個下午茶，反正樓下就是商場。無咩諗法的時候路過當年流行的元氣，還有卡位空住，甘就入去食個壽司下午茶啦選左都是燒的🍣，貪佢唔會伏得去邊，還有想試過冷面，但是唔知點解上到來個面是無咩湯，得底部有，避免加料的可能性都是算，然後還有一個南瓜餅都幾好食。但是問題是最好先出來，堅尷尬食完之後有一隻唔知邊到出來的小玩意係索油紙到散步……嗯……應該無食到佢同伴吧……其實食物的味道相對以前是好左，餐廳員工都好禮貌，以後都應該會再食（雖然唔知幾耐之後），希望就唔好再見到最後的尷尬情況……

今日同朋友去食元氣，見到佢新出咗個明太子薯條，就諗住試吓，嚟到之後明太子醬同埋薯條係分開嘅，啲薯條新鮮即炸，覺得好好食，再點埋啲明太子醬，有少少鹹味，覺得好好食， $22來講份量都算好多，值得推薦。另外，佢仲新出左個和牛壽司，好彩都唔伏，味道都唔錯。當然，我哋仲叫咗好多其他壽司，例如三文魚壽司、蟹子壽司、吞拿魚壽司、甜蛋壽司、仲叫咗個燉蛋等等。而家元氣新都係用火車帶送，比較特別，同埋依家改咗用手機Apps落單，覺得啲食物係即叫即整，比以前迴轉壽司更加衛生。

今次係裝修後第一次黎食，多左高速列車😂😂😂同老公係屋企食完晚飯後唔夠飽於是落黎食小小刺身過下口癮。每次食完都好想上黎比食評但唔記得左😂呢度既帶子真係好好味好鮮甜🤤🤤🤤係呢啲壽司店或者係放題餐廳黎講佢都算係高質🤩🤩一碟50幾蚊但性價比十分高！！絕對抵食！！所以我同老公食完呢碟又忍唔住叫多一碟🤣另外叫左三文魚，又係好味！三文魚肉好林，食完絕對係齒頰留香😂會想另外叫碟三文魚刺身黎食🙈🙈