元気寿司 (已結業)

又一段時間無黎元氣，見佢成日咁多人，梗有佢過人之處，今日放假就黎排下食lunch，自助機取飛，入埋自己個電話，原來會喺前十分鐘自動打黎提，咁幾好喎，可以去附近行下街先。坐喺迴轉位，滑板熊間中就碌過黎，為我地加添生氣。三文魚湯，略咸，帶麵豉味，有唔少三文魚同蘿蔔。軟殻蟹手卷，令人失望，軟殻蟹好淋，紫菜都係，完全不值得叫。枝豆煮完無加鹽，但食到天然豆香，唔錯。帆立貝裙邊, 一貫水準, 芝麻八爪魚, 亦難以分高下。唯獨松葉蟹牛油果軍艦, 松葉蟹有D乾,同牛油果亦都唔太夾, 加上紫菜太淋咬唔開, 真係麻麻。北寄貝沙律軍艦, 個沙律味道係OK既。新菜式中其中幾樣無貨, 只叫到炙燒芝士菠菜三文魚, 炙燒過既三文魚入口即溶, 單係佢都無得輸, 配埋芝士菠菜都唔錯。炸蝦卷, 個蝦好淋唔脆, 失敗!元氣卷, 比炸蝦稍好, 有青瓜、炸魚同三文魚, 都幾夾。海鹽赤海蝦, 抵食, 質素KEEP到。最好味仲係蒲燒鰻魚芝士卷, 軟軟既芝士味道好濃, 鰻魚汁係包裝上, 自己控制加幾多, 鰻魚都對味, 必叫!叫有紫菜既食品, 係會差少少, 同埋炸物都係唔得, 全部都淋, 口感太差, 只剩油膩, 唔好食又唔健康呢度最唔

依家先 520，幾時先到 549 呀？到訪幾次都排長龍食唔到，到底有幾好食呢？心有不甘唔憤氣，無論如何都要食到一次，但結果真係無鬼謂囉，浪費我寶貴青春及銀兩。等位食客又多、門口通道又窄，迫迫夾夾，真的等都等得唔舒服。多年無幫襯元氣了，同舊時一樣要坐 order 檯，呆呆罰企半個鐘終於可以入座。跟著帶位侍應走著走著，才發現內籠不大，檯椅密度非常高，行人通道十分狹小。被帶到最後的超迷你二人檯，見到已經滴汗，還要搭檯。我食量都不少，那麼細張檯如何有足夠空間放食物呀？而且私穩度極低，檯與檯之間只免強夠一個紷瘦的人走過。隔隣檯兩件口水佬加個大媽鬼殺咁嘈，高談寬論，粗聲粗氣，非常騷擾﹗比餐安樂茶飯我好麻，安靜地食野不可以的嗎？女友最愛酥炸魷魚鬚，竟然被取消左，情緒即時跌落谷底。另外，珍寶帆立貝無左，只賣奀滋滋帆立貝仔。溫泉玉子無左、他他牛無左、和牛都無左，那麼奇怪？只得牛肋肉一款？誰知連牛肋肉都賣晒，只有辣牛肋肉，但最終都漏單，我唔要喇。赤海蝦刺生，顏色偏白，貌似天使蝦、似板長蝦。雖然甜味蝦味都有點遜色，起碼夠新夠爽彈，還可以。牡丹蝦，還是覺得您最好，不能取締的地位。油甘魚刺生，穩陣之選都變得危機

諗著食下飯，又唔想去茶餐廳，所以去食壽司落完單扚wasabi，D顏色好奇怪係軍綠色，望埋隔離嗰幾樽，都係咁……食落係芥辣味，但係唔公鼻！個蒸蛋到咗，但匙羹有污漬，以為係塵所以用紙巾抹，但抹唔走只好叫咗個侍應換嗰隻俾我！個帶子裙邊正常。北寄貝、花之戀D飯係生米嘅仲要個花之戀D三文魚出晒水試諗諗生米加出水三文魚好彩！個三文魚皮手卷都ok，但都係有小小生米都嚟過食好多次，今次係最差！唔知係咪近排附近有壽司店結咗業，所以佢旺到做唔切。

難得平日放早，當然相約知己好友去嘆個下午茶。壽司普普通通，但北寄貝有沙的，一間連鎖食店連主打的壽司都可以有閃失，令人失望。不過，湯烏冬值得一讚，軟硬適中，一小碗最適合下午茶。小食是螺肉前菜，啖啖肉配上醃醬，很好吃。

每當儲左咁上下信用咭dollar,都會黎元氣今次黎又咁岩還著出新款壽司極上魚生卷望落好吸引, 魚生用麻油撈過, 下面的原來不是白飯, 而係一件太卷食完望下隻碟原來多左個熊仔新款式仲有鰻魚卷物, 燒蠔同燒油甘魚壽司, 全部都OK10蚊一件的有辣味吞拿魚, 螺片同左口魚左口魚好好食, 咬落好鮮甜唔乾身每次光顧必點2客的芥辣八爪魚軍艦, 暫時食過最好食既係元氣, 芥辣味夠攻鼻,八爪魚好爽口海膽軍艦都好食軟殼蟹又係必點的, 炸得香脆, 不過今次隻蟹唔夠肥美仲有炸蠔壽司, 底下有埋紫菜,不過唔識點包埋粒蠔一齊食, 所以都係分開食炸蠔好鬆脆,不過冇乜蠔味元氣D壽司會經常轉款, 同埋質素有保証, 價錢合理, 所以都會keep 住黎

一直覺得元氣這隻熊好可愛大人小朋友也喜歡這熊公仔不會太孩子氣是帶點型格的有牠陪著食壽司心情很愉快等位也不會燥底週日下午兩點左右來到自行拿飛等位等大約半小時入座被安排坐迴轉位不過迴轉帶上的壽司不吸引三文魚特別多且樣子像放了很久的我們就自選食物了三文魚湯有點魚頭有肉同膠原部分食又有好甜的蘿蔔湯底鮮甜有少少七味粉更帶出鮮味我特別喜歡蒲燒鰻魚芝士卷鰻魚軟滑濕潤鬆化有魚香醬汁濃甜 大部分在碟上隨喜好沾上多與少底下壽司部分只簡單的有軟芝士和青瓜那芝士卻十分迷人 同青瓜好夾赤海蝦夠大隻亦新鮮有膠質感頗對味另外喜歡海鹽帆立貝海鹽檸檬更帶出其鮮味帆立貝也新鮮軟柔北寄貝沙律軍艦沙律部分味道調較不錯只是軍艦紫菜軟了難咬開小食八爪魚及帶子裙邊肉厚且豐富 味道不錯日式燉蛋夠滑但有點太水汪汪不久前二人食過爭鮮午餐和元氣相差一百不到但質素相差頗遠我會選擇多付這一百來換上元氣的享受中午吃到像樣的壽司午餐令人心情大好

元氣喺一間平民壽司店，近排覺得魚生水凖下降，不過，熟食都唔錯今日見到有期間限定香蔥碎呑魚手卷，碎吞魚冇味，重有少許雪味，麻麻地炸蝦天婦羅手卷，穩陣之作，蝦香脆美味，唔油，上枱時有少許微熱野菜餅烏冬野菜餅比較油膩，烏冬彈牙幼滑千層蛋糕蛋味濃，蛋糕幼滑，有囗感，唔甜

不嬲好少食元氣，屯門市中心果間直程冇食過但每次行過幾乎都非常滿座，星期六日更排晒長龍，人氣高過附近的板長壽司最近食板長食得多悶悶地，去左食元氣三文魚子麻麻地不算很新鮮帆立貝質素比板長高(亦貴一點點)粟米軍艦個紫菜因擺得耐霉左其他都是質素一般但整體價錢比板長平，埋單$100左右。不過我鍾意板長多d

食生日飯，小弟牛一！去了附近板長壽司，因為佢一向比我有高質量嘅感覺。其實我一心想去叫套餐的，點知。。。冇。。。可能lunch先有。。。有點失望，因為我想食碗烏冬，唯有逐碟叫啦，其中這個海鹽蝦壽司，我最鐘意，隻蝦實在太大隻，太鮮味啦，價錢又吾算太貴，我點了4客自私食。海膽壽司，中規中矩啦，去過北海道食海膽，在香港很難有好食得過北海道的呢，哈哈鵝肝壽司，正呀！入口即溶，加埋舊飯，好滋味呀，記得吾洗點豉油！另外不少得出名嘅軟殻蟹小食，水準仍舊出色，是每次必食之選叫了杯芒果雪芭，味道不錯啊，我也分不清是糖醬或是芒果成份了。希望晚市都有套餐啦，這樣比較分算。

屯門市廣場下午茶壽司鋪最多人食應該係元氣，基本上座無虛席，我同朋友都等左陣。朋友推介我食自選三食，壽司+小食+輕食，簡單啲黎講就係咩都有得食。刺身除左蝦有少腥之外，三文魚，北寄貝都有鮮味。烏冬配炸雞非常夾，烏冬夠彈牙，可惜炸雞凍左啲，不過唔油，可以熱辣辣食就好。

板長執左又吾知去邊食，記得有8折生日優惠就去左試啦，等左30分就入去食得。見到佢有咩初秋選就叫左個12蚊吞拿魚勁失望，同圖完全吾同又淋又沒有魚味，所有壽司飯都偏硬應該放左好耐。另外壽司上面的刺輿只屬正常，吾叫十分新鮮，最後叫左個千層蛋糕本質好味但太硬，完全食吾到千層感覺，係一舊野咁。最後折左$110，講真咁既質素係失望，仲要人流咁多材料應該吾會差，人手仲要偏少 講真已經吾停手，所以難找待應都明白。

屯門分店日日排滿人等位等到暈,開咁多年都保持到果然勁軟殼蟹手卷-軟殼蟹連岩即炸小小暖蟹味更強烈又唔腥,炸得好脆又唔油,沙律醬都調過味道,手卷即叫即包保持脆口,手卷一到要即食唔好浪費師傅手藝北寄具軍艦-都係即叫即包紫菜仲脆,沙律醬撈得過多雖然我鐘意食沙律醬但太多蓋左鮮味,完全食唔出北寄貝鮮味只食到煙煙韌韌好有咬口左口魚群邊叫左灸燒但店員因環境太嘈聽錯,冇灸燒到入口好油膩又小左甘香,季節限定蠔壽司腥到嘔又唔新鮮食落口梅得得糊口到差到冇朋友汁燒油甘魚唔寫真唔知有汁原味一樣,油甘魚冇油香好鞋海鹽帆立貝壽司質數降低左肉雖然仲好厚但冇鮮甜味但多左腥味赤蝦壽司蝦咬落彈牙又新鮮帶小小甜味唔膠口總結其實我係元氣會員雖然佢價錢貴但材料一值保持新鮮,但最近2次在唔同地區(旺角及屯門)食都覺得大不如前,係旺舖都唔新鮮比較靜就更唔需要講刺身一食入口新鮮與否呃唔到人,而且師傅對握壽司技術差左未夾已經見到散,直頭要撥入口食浪費左靚米,希望公司管理層能夠令店舖保持水準

真係好耐好耐冇去過元氣壽司食野，記得細細個黎食會對迴轉壽司十分興奮一坐低斟杯綠茶後就見到玉子壽司，二話不說即刻攞呢食，嗚呀！好耐冇食玉子壽司喇！玉子燒嘅甜度夠，咬落去時仲要有啲好甜嘅汁擠出黎，甜甜玉子襯托下面嘅軟甜嘅珍珠米，就好似甜品咁！跟住牛肉薯餅就黎到吉列炸皮比較薄，但係都有脆口感，內餡有軟軟薯蓉夾住牛肉碎，牛肉味濃，鹹鹹的，加埋清清薯蓉味平衡番，最重要係入口有油炸感之餘仲有薯蓉creamy口感！另一個炸物係炸墨魚嘴，令我諗起炸墨魚鬚咁，味道鹹香嘅脆脆炸皮內有爽口墨魚，不過唔同嘅地方係墨魚嘴（吸盤）更加爽口彈牙，咀嚼中有比較多嘅汁平日去食火鍋鍾意食鯇魚頭，三文魚頭湯就當然都鍾意食，三文魚頭脂肪位十分之滑口，而且有骨有肉咁慢慢食，有別於平日食魚肉嘅體驗，三文魚嘅甜味滲入湯中，而且有麵豉增鹹，鹹中有甜平衡得宜辣汁吞拿魚壽司係家人推介，辣味其實就唔算辣，只係好似加左tabasco 咁，吊下味，吞拿魚味濃，有辣汁都能保留味道，油脂味都好濃郁，又甜又甘再加埋辣辣地吊味，食刺身嘅新體驗池魚壽司唔錯，微甜，冇油甘魚咁甜，肉質柔軟，入口糊糊嘅感覺配香甜珍珠米有豐富嘅感覺牛肋肉壽司，生蝦壽司同饅魚壽

肚子餓，又想吃日式的，晚餐不到，午餐又過太久，想價錢貴一點留待晚餐，於是連鎖的壽司店的下午茶是個相宜的選擇。一進門店坐滿了人，還好剛好有位，然後店員算有禮貌的帶路。下午茶的餐牌寫明各選擇，3項食物中各種3款1，東西自由配搭，還有記得要另外加一。現在店鋪都要搞點新玩意吸引客人，熊紙巾蠻可愛的。套餐1D＋1E：左1D：三文魚，炙燒黑椒三文魚，煙三文魚，辣味三文魚，三文魚腩。三文魚系列都不夠油潤，平常機器壽司的水準，不過不失。右1E：炸蝦卷，加洲小卷，熟蝦，三文魚炸蝦卷冷了，可恨的是不夠脆，加洲小卷像放很久，熟蝦正常，這的三文魚反而比另一盤好＝=？玉米薯餅（套餐選擇）薯蓉偏軟，新鮮炸起已經很好吃，不油膩，玉米比較小孩氣，但仍算不錯。湯鳥冬＋溫泉玉子（套餐選擇）普遍的清昆布湯頭，鳥冬算有彈性，溫泉玉子打開後蛋黃半熟，蛋白半凝固狀態成色算不錯。日式燉蛋（套餐選擇）加入了清湯去煮，尚算滑跟鮮甜，材料加有菇，鳴門卷跟蟹柳，吃時肉配蛋，夠滿足。壽司店最低分的竟然是壽司，壽司都像放了一陣子賣不出的拿來用的，相反用來配的小食更出色，東西款多份量普通，男人一份的話會不夠，＄53（連加一）市中心的下午茶來說，

因為有遙控取票的會籍，浪子又選擇了元氣壽司作為晚餐。時間尚早，只得了約10分鐘就可以入座了。與高速線不同，所有壽司都是在迴轉帶上選的。如果沒有啱的或者想吃手卷，就可以直接落Order。或許這天的壽司帶上麻麻的關係，以上有一半左右都是Order回來的。牛油果松葉蟹是一款很值得一試的壽司。兩種味道，卻又出奇地夾，而且今天的牛油果不錯，值得encore。這個黑椒蠔份量很細，而且隻蠔基本上企唔到上嚿飯的，店家很巧妙咁用另一件壽司"頂"住。現在見到的相片是浪子用筷子大力壓扁嚿飯，才能將隻蠔放上去的。芥辣八爪魚軍艦，一款不一定能在壽司店見到的款式，因為有一些工序，又不多人鐘意的關係吧。而且好難做得好食，這次的芥辣太稀，不辣無味，可惜。太卷，干飄卷的份量太少，但份量算足夠。有趣的是，在迴轉帶上的太卷有"厚"有"薄"，不知是用甚麼準則來切的。三文魚子軍艦比起筋子壽司貴，但老實說浪子覺得筋子較好口感，那種在口腔裡爆出來的鮮味也是筋子勝一籌。赤蝦壽司賣的是抵食，十蚊一件，份量充足而且蝦肉彈牙，也是每次必吃之選。三文魚腩壽司，不是太腩。因為是Order回來的，不好意思退貨，其實以迴轉貸比起這碟還要好。炸蝦卷