元気寿司 (將軍澳中心)

元気寿司每月嘅第一個星期二做尊尚會員感謝日，當日堂食有8折優惠，所以一早就約定人出嚟食lunch。我點咗個SET D「極上元気刺身飯定食」嘅set，有刺身飯一盒、麵豉湯、日式海鮮茶碗蒸同蟹籽蟹柳沙律，如果想加汽水都只係加$6蚊。發覺近年嘅元氣係有進步咗，佢呢個刺身飯不單同參考圖片接近，而且刺身都好新鮮，最好嘅係佢個飯唔酸，我好怕啲飯加太多醋，而且份量都唔少，食完佢個飯都飽咗7-8成。「麵豉湯」係估唔到咁大碗，味道夠啨同唔咸，料都唔少，呢個湯我最後都飲哂佢，真心係正嘅；而佢個「日式海鮮茶碗蒸」，個蛋超滑，而且有唔少海鮮料，好少可食茶碗蒸可以心心眼😍，呢個又係真心覺得正。我唯獨係唔鍾意佢個「蟹籽蟹柳沙律」，因為我唔鍾意食佢大量嘅青瓜，多到係食唔入口，如果有第二款沙律揀就醠加理想。佢原偠係$88蚊，今日做尊尚會員感謝日有8折，再加原價加一都係$79蚊，可以有咁多嘢食，唔怪得家下佢都好多人排隊去食。…查看更多

見到廣告，壽司盛 🍱 做八折，今晚 ordered 經典壽司盛C Classic Sushi Set C。裏面有：吞拿魚、長鰭吞拿魚、帆立貝、北寄貝、赤貝、螺片 玉子、皇帝蟹柳、飛魚籽軍艦。當日白鳥貝暫缺，以北寄貝替代。味道正常新鮮，no complaint。之後可以加配優惠 炸蝦天婦羅盛合（4件） Shrimp Tempura Platter （$39）個炸蝦天婦羅，正正常常。反而覺得個芝士魚餅天婦羅有驚喜，唔粉，好彈牙，中間有芝士將醬，好味！…查看更多

元氣好多分店，梗有一間喺左近，快捷方便食到壽司早餐午餐下午茶晚餐，坐低直落order 5分鐘後到，快餐之選多款壽司選擇，我鍾意北寄貝，三文魚子，虎蝦。一個人靜靜坐低食，休息一下…查看更多

每年新年都會有個例牌動作要做，就係食撈起，希望每年食完撈起都有個新開始，新一年新景象。每逢新年都唔算有好多食肆會開，唯獨是元氣會開，咁當然都要叫返一個撈起先除咗食撈起，當然唔少得有刺身啦，今次我就叫咗外賣自取，三文魚拼帆立貝，首先份量都算幾多，食開都覺得新鮮肥美，一家四口份量啱啱好，三文魚刀功唔錯，唔會太厚亦唔會太薄，厚度適中口感就自然會好，帆立貝每隻都非常大，食落都好有鮮甜味最後梗係唔少得主角撈起，其實幫襯咗咁多年，每年質素都維持到新鮮，食又開心撈又開心…查看更多

在香港巳屬元老級別的壽司店，食物穩打穩紥，沒有太多新款又或期間限定供應，因此沒有期望便沒有失望，雖然食物質素仍能維持水準，但吸引出明顯不及壽司朗，但好處是不限時，可以慢歎。…查看更多