元気寿司 (太和廣場西翼)

呢排平時食嘢都好多時會返大陸食，因為生日月份，元氣送咗張八折優惠券，咁就過嚟試吓啲新壽司。講到明係珍寶，有1.5倍，咁就試吓佢。食落又爽又甜，仲好大隻又好厚身，值得一試最後仲嗌多兩件雞皮餃子好好食，，上網聽啲人講話呢個唔錯，特登叫嚟試吓海蝦平時都有食開，食落個蝦好膠質墨魚有海膽，都可以食吓嘅。不過食落去就冇乜驚喜。三文魚腩壽司每人一件，食落都好肥美螢光魷魚$12一碟，食落又爽又新鮮，性價比高:)火炙鯛魚魚質新鮮，可以試吓皇帝蟹棒天婦羅，個噱頭都幾新鮮，食落好好食。最後再嗌多兩件吉列蠔熱辣辣上枱，配埋個黑松露醬好夾赤背不過不失，同價錢等值:)最後當然有嗌咗件蛋糕食，瀨戶內檸檬伯爵茶慕絲蛋糕🍰食咗咁多壽司再食一件檸檬蛋糕口感好清新元氣宜家搞緊活動，食滿$180有一個Coins,抽多啦A夢扭蛋，變相送咗兩件小禮物俾我，謝謝…查看更多

今日收工醫下肚元氣有個下午茶set好抵食呢個set $50有齊以上嘅野夠哂飽之餘又可以滿足我食壽司我最鍾意都係燒三文魚 放落口有啲入口即化嘅感啊炸蝦壽司 脆卜卜章魚燒就比較淋身烏冬彈牙 湯較清淡咁嘅價錢食咁多野 絕對值回票價…查看更多

第一次嚟太和，突然想食魚生飯，見到元気，佢嘅壽司成食，一於試試先呢份午餐都幾有睇頭，夠哂豐富沙律清爽開胃，唔錯魚生飯色彩繽紛，份量不少，香港的吞拿魚一向唔好食，呢度算是不錯，有魚鮮甜味；其他三文魚、甜蝦、玉子、蛋都可以；以價錢而論，算物有所值；唯飯底若加多些壽司醋，會更為好吃！向來鍾意食佢嘅茶碗蒸，蛋好滑，味道又調較得好，隻匙羹雖然好細隻，但三扒兩撥便食哂成杯，還意猶不足。。。好唔好食？睇下啲碗碟便知！＃行到邊食到邊＃經常獨食但又肥嘅阿伯…查看更多

星期日加上母親節，一家人齊齊整整出去食飯因為驚好多人等位，提早好多 6點去左拎位，舖頭唔大，但都唔係等左好耐就有得入座👍🏻除左基本必嗌既三文魚，今次試左明太子薯條，薯條同醬分開上，不會變淋，薯條外脆內軟，明太子醬很濃，不錯，值得一試…查看更多

工作太辛苦，放飯想食好啲，又去唔到太遠，留在太和商場就同同事食元気啦！平日下午有午餐，仲爭十幾分鐘有下午茶，不過唔食得太多生冷野，於是揀左呢個無咁生冷嘅午餐！午餐有拉麵、沙律、燒三文魚飯、麵豉湯，看似豐富，但其實份量都好少，三文魚飯同拉麵都比我想像中細碗。拉麵就正常味道，叉燒也沒太大特別，好彩沙律喺用蟹棒肉，唔喺蟹柳（因為我好討厭蟹柳味道）燒三文魚飯喺最正的！入口即溶，配上黑椒同沙律醬，真係好滿足同幸福嘅感覺因為唔夠飽，仲叫左客牛油果軟殼蟹卷，不過無乜牛油果，軟殼蟹又好似擺左好耐咁！落單後都等左一陣先上菜，因為無乜職員工作咁樣，同事就叫了下午茶餐，喺太和嚟講，算喺比較令人滿足嘅餐廳了！…查看更多

辛辣長鰭吞拿魚長期fans依然咁好味，炙燒杋立貝肉夠厚身蟹柳夠大條炙燒左口魚燒得唔夠，少許爽身，如燒透入口即溶更好燒牛油海蝦好香牛油味墨魚勁爆甜三文魚正正常常。…查看更多

每次諗唔到食咩就會去呢個飯堂醫肚一黎就嗌左我啲至愛先～長鰭吞拿魚～沙律醬同辣椒油都勁正一條友又肚餓～ 等多一陣嗌埋個下午茶，通常下午茶壽司set總會有啲想食同唔想食，不過算啦～ 有三文魚又有長鰭～ 正呀加$12 有埋軟殼蟹手卷，脆卜卜加少少蟹子同沙律醬元氣烏冬真係無得頂 煙煙unun 啲烏冬湯又夠熱！侍應哥哥比左勁多沙律醬比我 對於啖啖都要有醬落肚嘅我來講勁滿足不過第一次食粟米天婦羅，就有啲遜色:(微溫，仲要硬硬地應該冇下次但總括一定會再黎幫襯…查看更多

相信元氣呢間連鎖壽司店唔少人都食過，而我都經常食，因為我最鍾意就係食日本壽司。呢間平價來講呢質素都算唔錯㗎啦，每次去親必定會點炙燒左口魚裙邊壽司，佢既油脂好香！同埋海膽軍艦壽司，帶子壽司都好好食😋…查看更多

為咗幫同事儲分做元氣會員，所以決定幾個約埋一齊去太和元氣食個lunch，可能因為呢間未有高速線關係，好彩無乜人等位，係食飯時間唔駛等位就入得，正！拎起餐牌先知道，原來唔同元氣分店，lunch menu係會唔同架！今次就試下醬油漬魚生迷你丼配刺身定食。🔹醬油漬魚生迷你丼配刺身定食 $88因為要成個定食上菜關係，所以等候時間係需要啲時間。整體不錯，蒸蛋夠熱同滑，魚生新鮮，迷你丼就比較鹹咗少少，可能太多醬油了。芝士薯餅今次就好過上次灣仔鷹君中心分店個間！起碼係微熱嘅。📍元気寿司太和太和路12號太和商場第一期2樓223舖．．環境分數：7/10食物分數：8/10Encore分數：8/10…查看更多

光顧元氣壽司多次，亦join了member，一直都覺得新鮮、好味、款式又多，職員都有禮貌下單，唯獨太和元氣壽司分店職員就較為態度差。與家人在太和元氣壽司食晚飯，我見到前面有位女職員，舉手示意她下單，這位操鄉音，束馬尾的女職員迎面行緊過來，當佢行到我前面望了我一下就直行走左，完全當冇見過我，勁離譜！心情唔好就唔好搵客人做出氣袋出氣啦！我又冇得罪佢，食個飯都要受氣以後都係幫襯高速線，至少可以自己㩒機落單，唔洗睇職員面色仲要受氣。…查看更多

平時諗唔到食咩個陣，我都會想食元氣～貪佢周圍都有分店想食就總有一間係左近～以連鎖壽司店黎講，元氣d質素都真係非常唔錯～是晚又黎到元氣食壽司，打開餐牌又有選擇困難症餐牌上面所有野我都想食全部野食都有相睇又好似真係易揀d輸送帶上面冇既都可以order等廚房整因為太肚餓既關係一黎就係輸送帶度拎左我最中意既吞拿魚果然夠鮮味！呢間分店都幾多人等位，我成日都覺得多人等佢d材料都會用得快d同新鮮d仲有食左三文魚同我最愛既芥辣八爪魚壽司等等，但因為掛住食所以唔記得左影…查看更多

本人好少下午茶會去食元氣，因為不論什麼時段，我都見門口大排長龍。今日巧經太和商場，門口竟然冇人排隊，店內亦只有幾位食客，於是好興奮衝左入去幫襯。點了一個「1E+2B+3B」下午茶餐。元氣一向給香港人信心，食物水準唔駛講， 仲十分衛生。下午茶抵食，六件壽司（當中一件三文魚刺身壽司及一件甜蝦刺身壽司），加一碗烏冬，再加一件炸南瓜，都只係＄50。下次要再嚟食，試它另外的下午茶，尤其是刺身盛（1A)。😋*餐廳有提供BB櫈…查看更多

自但從入左會做 member 就成日都食元氣，始終用 apps 拎票等位真係太方便！今日同小朋友行完山，小朋友又話要食壽司，咁就當然遇好時間就用 apps 拎位啦.一去到門口就見到坐滿曬人等位. 幸好我地只要等2張.每次來都必食海膽尤魚. 呢 d 有紫菜既只可 order, 否則紫菜淋曬就唔好食.另外，都受叫大滿足. 的確魚生會比較大片. 好味！小朋友最愛既除左壽司，就必定係烏冬. 元氣既烏冬都有手打烏冬既質素. 夠煙in. 個湯都好味.簡簡單單食左約廿碟. 又一餐. …查看更多

完了AWANA活動，因為晚上要帶寶貝到太和智樂的PLAYSCOPE參加聖誕活動，所以從元朗走來接近大半小時車程的大埔。在太和下車，在領展的商場走了一會，可能時間尚早，元氣無人等位，就將昨天本來未有做到的事一次補完吧。店員態度很一般。不過可能因時間尚早，在壽司輸送帶上應有的都有，我只是要求侍應送上一客軟殼蟹手卷，一客海膽軍艦和一客燩蛋。食物水平尚可，只是手卷部份相對昨天在一壽司吃的，紫菜比較鬆脆，口感相對較佳，至於海膽軍艦和燩蛋只是一般而已。還是那句，早起的鳥兒有蟲吃。如果無法忍受元氣輪候的人潮，要不早些來吃，要不就叫外賣吧﹖…查看更多

系太和其實都冇咩太多選擇，見好耐冇食過元氣，所以就去食壽司😆我地叫左好多種吾同既壽司：鰻魚壽司、辛辣牛肉壽司、炸雞壽司、炸豬扒壽司、牛脊肉壽壽司⋯，小食就叫左炸雞、牛肉薯仔餅同吞拿魚炸壽司。仲有烏冬。壽司好多都幾好食～系鰻魚就比較多骨🍣小食方面 炸雞同炸牛肉薯仔餅都好食，但吞拿魚炸壽司就比想像中差 因為個皮炸到好硬😑另外 烏冬 如果再多D口味選擇就最好，因為烏冬選擇較普通，只有玉子，野菜餅同剩烏冬三種口味。…查看更多