元朗冰室

營業中

休息中

明明Order咗牛腩河，嚟咗碗牛筋+牛腩，問職員點解會咁？佢答話佢哋嘅牛腩河一定會溝一半牛筋入去。Manu有牛腩河、牛筋河，或者牛筋+牛腩河。咁我又好奇想知道，牛筋河，係咪溝咗啲牛腩入去？牛筋+牛腩河，又係咪一樣兩樣野食有齊？咁牛腩河、牛筋河、牛筋+牛腩河，有咩分別？味道認真麻麻，牛筋尚算腍，但牛腩好似煲咗好耐，好柴皮嗰種豬肉嘅味道，完全唔掂。應該冇下次。不過值得一讚嘅係，佢嘅豬扒飯，味道係唔錯㗎。

位於坑口嘅元朗冰室，以超厚切豬扒聞名，份量驚人絕對係肉食愛好者嘅天堂🐖🔥招牌必試：DOUBLE厚豬扒飯豬扒厚度足足有2cm肉質保持嫩滑多汁，唔會乾柴醬汁淋上甜豉油，配飯一流份量極大，男生也未必能吃完，性價比超高！ 另可單點招牌厚豬扒！奶油脆朱即「奶油豬」超長超大份，2個人share都得！烘得香脆，煉奶+牛油邪惡度爆棚係經典港式茶記風味厚豬扒配魘鬼醬脆豬包豬扒超長，搭配微辣「魘鬼醬」，口感豐富🍜沙嗲牛肉出前一丁沙嗲汁濃郁，牛肉嫩滑，係招牌之一配雙太陽蛋、蒜蓉多士，好滿足😌🧀 焗厚豬扒飯：芝士控必點豬扒同樣厚實，上面鋪滿拉絲芝士焗至金黃微焦，搭配茄汁炒飯底，酸甜開胃🍱蜜餞豚肉叉燒丼除了港式豬扒，這裡也有日式丼飯選擇叉燒肥瘦適中，蜜汁香甜照燒鰻魚丼照燒醬濃郁，魚肉厚實香甜

今晚去左坑口同人交收，諗住食埋晚飯先返屋企，行下行下見到有間元朗冰室，要排隊拎飛，好似好受街坊歡迎，應該都唔會差得去邊☺️☺️呢到地方好大，所以座位都好闊落，我地坐低之後叫左焗豬扒飯、XO醬揚洲炒飯、籠仔荷葉北菇蒸雞飯、奶油脆豬❤️🔸焗豬扒飯除左叫元朗冰室之外，仲係豬扒專門店，咁一定要試下豬扒類既菜式，豬扒厚切但唔鞋，食落啖啖肉勁正，仲要面頭鋪滿我最愛既芝士🔸XO醬楊洲炒飯楊洲炒飯好有鑊氣，炒得好乾身，粒粒分明，加埋XO醬令個味道再昇華🔸籠仔荷葉北菇蒸雞飯籠仔蒸飯好重荷葉香味，勁多冬菇同雞，而且啲雞肉又夠嫩滑，蒸得岩岩好🔸奶油脆豬呢個黎到都應該係必點，超脆超有牛油香味，加埋煉奶勁邪惡，我地當左飯後甜品咁食📍元朗冰室(各區)

昨晚去紅館看完演唱會，搭巴士回坑口已經12點半多，培城路下巴士，右轉直行去TKO gateway元朗冰室，因冰室凌晨兩點才休息👏👏，2人宵夜就叫了兩碗粉麵食，一碗肥牛烏冬，一碗雲吞米加肉丸。米粉是銀絲幼米粉，好合我口味😋😋，雲吞夠大粒，像普通雲吞麵店一樣有鮮蝦有肉，味道唔錯，好難得有肉丸食，肉丸也OK。肥牛烏冬，也好大碗肥牛多多👍。下去宵夜都一定再去幫襯。

每間冰室有唔同嘅特色，我鍾意元朗冰室嘅豬仔包同埋大大塊豬扒包。🍚2人小菜套餐相堂抵食，仲送油菜！我哋點咗胡椒豬肚雞 + 豉汁蒸䱽魚，送灼蠔油菜心，仲有飲品。䱽魚都算大條，胡椒豬肚雞都做得唔錯。胡椒味濃，肉多料多。🍗‼️厚豬扒配魔鬼醬脆豬包‼️重點必吃！拎上手超有份量，咬落去啖啖肉，豬扒煎得剛剛好，肉質比較軟滑。🩵奶油脆豬牛油同煉奶嘅完美配搭，包焗得香脆，又大塊好滿足。🩵沙爹金菇肥牛炒烏冬沙嗲肥牛，除咗配湯麵，炒烏冬原來都OK。烏冬每一條都索晒沙嗲汁，夠味又唔會咸。仲有禾味燒BB鴿同三杯飲品，三人份量勁食超飽。

一向都知道元朗冰室啲豬扒係出名，今日心思思想食下厚切豬扒，一於同同事收工一齊食～叫咗個司華力腸厚切豬扒飯，個豬扒真係冇令我哋失望，大過我塊臉/手！睇落去個樣冇乜調味，但係食落好滋味，肉汁鎖住咗喺入面，相信煎嘅時候都係要有啲技術，完全唔會覺得係「實的的」嗰種肉質！司華力腸脆卜卜，點埋佢附上嘅豉油，邪惡得來抗拒唔到！然後再嗌咗一個地獄湯嘅叉燒烏冬，佢嘅烏冬質地唔似平時茶餐廳嗰種，似係有咬口嘅讚岐烏冬，估唔到呢個價錢都可以食到近似日式嘅烏冬湯麵！然後我哋都覺得需要嗌個菜食吓就嗌咗個蒜炒菜心，始終都係出名既茶餐廳一定有返個水準嘅！我哋兩個都可以清得晒～最後我哋仲嗌咗一個奶油豬，完全冇諗過係咁大塊！非常之脆口配搭咗牛油同煉奶嘅甜味！如果唔係食到咁飽，都想再叫外賣帶走！最尾我哋兩個食咗只係204蚊…好滿足！值得一讚元朗冰室，環境好新淨，而且侍應叔叔友善有禮，我見到佢嘅時間居然係凌晨2:30先收工！我同同事都覺得一定會再食！🍽 元朗冰室📌 將軍澳坑口常寧路2號TKO Gateway西翼地下W015&W016號舖☎️ 3709 2155⏰ 星期一至日 06:30 - 02:30

今日一班人去咗元朗冰室食嘢，剛剛接近下午6時。6時前有下午茶餐，6時後有晚餐。叫咗好多嘢share 食。先叫了幾個下午茶餐：沙嗲牛肉麵好出色，牛肉夠多，欣賞佢手機自助點餐都很多選項，配合返自己口味。雞翼沙律啲沙律好清新，有蘋果甘筍。大推奶油脆豬，上枱大家嘩一聲，超大件，Size同個焗豬扒飯咁大，仲要好香脆，大家爭住食。招牌厚豬扒當然要試，叫了一個焗豬扒飯一個double 豬扒飯，豬扒真的又大件又厚，完全不會嚡，味道也剛好。一到六點叫埋個小菜套餐share，京都肉排酸酸甜甜好送飯。牛柳粒好惹味，二人餐仲有碟青菜送，我們選了菜芯走蠔油，菜很新鮮。值得一提他們的米飯，很好吃，不是每家茶餐廳的飯都好吃，這邊的又大碗又香飯味。最後仲加咗隻乳鴿，估唔到冰室都有乳鴿食，仲要幾出色。皮脆肉嫩。總結：茶餐勁抵食，大推奶油豬同豬扒。小菜選擇多，套餐性價比高。

而家興去冰室，今日同大家分享間呢間真係驚喜滿滿🍗🔥 **炸雞髀**一上枱就聞到勁香脆！皮炸到金黃，咬落「咔嚓」聲，肉汁多到爆，仲要唔油膩，絕對係即叫即炸嘅誠意之作👍**紅豆冰**懷舊feel爆燈！紅豆煮到起沙，甜度剛好，撈埋淡奶同碎冰，飲一啖即刻降溫，同炸雞髀係絕配👏**厚豬扒烏冬**豬扒厚過我本記事簿😱 肉質鬆化，烏冬湯底清甜，掛湯力強，食完成個肚暖笠笠😋**一人小菜套餐（茄子炆䱽魚）**䱽魚煎到皮脆肉嫩，茄子吸晒魚香同醬汁，送飯無得輸😄**厚多士（花生醬煉奶）**邪惡度爆錶！🍞 多士烘到外脆內軟，花生醬厚到「黐線」，再加煉奶… 減肥？聽日先啦😅**沙嗲冬菇肥牛炒烏冬**沙嗲醬濃到掛住每條烏冬，肥牛嫩滑，冬菇索晒汁，惹味到想encore👍**燒BB鴿**：🐦 鴿仔燒到皮脆肉嫩，撕開仲有肉汁，蘸埋椒鹽食，香口到停唔到口😍

同朋友行街時被元朗冰室嘅招牌「厚豬扒專門店」吸引🐖，果然名不虛傳！我地仲點了幾道招牌菜，非常抵食和有質數👍！🐖厚豬扒配辣肉醬飯❤️厚豬扒厚實多汁，肉質鮮美😍，搭配的辣肉醬非常惹味🌶，辣辣地很開胃。這道菜份量非常足，CP值非常高，大推！🥪招牌厚豬扒配魔鬼醬脆豬包厚豬扒超大份👍！外面焦香，肉質鮮嫩，配上自家魔鬼醬😈，加上脆豬包，真的是一個字正！🍫一口西多這個西多士外觀非常可愛，淋上煉奶和朱古力醬，口感酥脆，而且超大碟，好抵食。🐥炸雞髀配沙律🥗炸雞髀外脆內嫩，加埋新鮮的沙律，讓整碟不會太膩。🐄沙嗲牛肉辛辣麵🌶辛辣麵很有嚼勁，沙嗲牛肉嫩滑，真的是超級推介！🔹️紅豆冰 : 冰涼可口，充滿港式風味🔹️凍奶茶

餐廳環境簡潔，座位舒適，主打厚切豬扒系列。二人小菜套餐：京都厚豬扒：豬扒厚切，肉味濃郁，夠晒軟腍，沾滿酸酸甜甜嘅醬汁，越食越開胃！梅菜蒸鯇魚：新鮮嘅鯇魚加左甜梅菜去蒸，真的好夾，魚肉鮮甜，而梅菜會令整道菜更香更惹味，送多兩碗飯。送灼蠔油菜心：菜心口感脆嫩，加少許蠔油味更鮮甜。套餐包白飯兩碗、飲品兩杯。焗意式烤豬扒意粉：意粉焗至金黃色熱辣辣上枱，豬扒厚身之餘十分爽嫩，茄汁甜中帶酸，還加入蕃茄和芝士等，無論味道和口感也有豐富層次，每口都茄甜肉鮮，意粉軟硬適中，香口得來開胃不膩！炸雞脾：即叫即炸至金黃色，外皮香脆可口，雞肉厚身入口夠滑。禾味燒BB鴿是皮脆、肉滑、骨嫩、多汁。汽水奉送冰底，夠曬冰凍解喝，凍華田香濃甜美。

同朋友到坑口行街，肚餓見到標榜豬扒專門店，於是大膽試一試豬扒厚實，味道唔差，炸蓮藕餅口感唔錯，全電子落單，飯量仲可以簡多飯或少飯，唔夠食可多飯，貼心服務整體來說，味道中規中矩

香煎豬扒飯配蔬菜：香煎豬扒經過精心調味和煎製，帶有濃郁的香氣和豬肉的鮮美。搭配蔬菜和白飯，達到均衡營養👍🏻雞件冬菇荷葉飯：米飯粒粒分明，雞肉嫩滑，冬菇的口感滑爽，荷葉的香氣融入米飯中。甜酸咕嚕肉：豬肉外脆內嫩，豬肉與甜酸醬汁配搭，味道濃郁而不膩。😋

呢間元朗冰室係TKO gateway商場出面既地鋪，門口宣傳寫自己整既豬扒係王牌，難得夜晚唔煮飯，於是去試下。用QR code落單，叫了一碟咖喱炸豬扒飯，上餐速度好快炸豬扒係超大塊，切開好淋，肉質唔會太硬，個皮又夠脆，食落好好味。然後最驚喜係個咖喱汁，辣辣地咁好惹味又好送飯。佢個飯既飯量仲好大，如果細食既人係會食唔晒！個飯仲包一杯飲品，熱飲免費，凍飲或者特飲就要加錢。我就梗係揀熱飲啦，叫左杯熱華田，味道正常茶餐廳水準。

喺呢間食第三次有兩次我都嗌咗出前一丁兩次我都叫佢將啲麵煮得生D但兩次都不如我所願D麵一嚟到一望已經睇得出係為咗方便佢哋快啲出到餐，一早烚定咗放咗喺度嘅面嚟麵質望落去已經係透嘅以後唔會再來食

收銀員（年輕過一位）服務態度好差，說話語氣充滿敵意，好似全世界嘅人都得罪左佢咁⋯如果佢係咁不滿所有食客，不如唔好係度做，以免影響元朗冰室嘅聲譽，因為食客唔係佢嘅發洩對象；我嚟元朗冰室係為左食嘢，而唔係受佢氣！