15
1
0
電話號碼
27186863
付款方式
現金
食評 (16)
等級2 2018-05-31
167 瀏覽
睇完蔡瀾先生介紹潮州魚飯,經過九龍城就想起這間潮州野食。呢間元合位置喺街市對面,驟眼望好似糧油雜貨舖,但一入到去,真係賣嘅全部都係潮州野,正到爆。老闆娘知道我地咩都唔識,耐心同我地介紹有咩好食,有咩熱賣。最後我地因為太興奮,咩都想試之下,就買了一兜螄蚶,一隻醬油蟹,同埋一條馬友。朋友仲傻傻咁問,魚飯點解冇飯,之後我同老闆娘都笑了,老闆娘話魚飯係潮州人嘅叫法,係冇飯嘅,條魚已經熟咗,可以凍食,肉質一樣好鮮,推介馬友同黃花。外賣回家試食,果然味道超鮮超正,只係害怕食螄蚶會肚痛,點知等咗一個星期,都冇肚痛。所以值得推介 繼續閱讀
(以上食評乃用戶個人意見 , 並不代表OpenRice之觀點。)
等級3 2017-07-01
1167 瀏覽
雖然鮮入九龍城, 但每次入城, 元合都總會是個check point。與一般雜貨店看似無異的元合, 陳舊的店面, 實而不華, 裡面賣著寶物可多了, 蔥花魚蛋, 蝦卷燻鴨, 粿品魚飯, 還有醃蟹螄蚶, 通通都是「正宗潮野」蒜、辣、鹹、香、鮮 - 詞窮的我, 就用這五個字來形容這道血水美食吧。九龍城除了泰菜糖水, 螄蚶也同樣掛上等號。每次經過都一定會來「挑戰腸胃」,吃了五六遍的元合螄蚶, 這勇者食物讓我得到的是滿足!(touchwood定先) 繼續閱讀
(以上食評乃用戶個人意見 , 並不代表OpenRice之觀點。)
炎炎夏日, 放工總會想留係室內舒舒服服飲下野食下野咁Relax下…… 肚餓口痕又怕食宵夜肥, 清清地的凍潮州野就最適合不過! 元合係九龍城的一間潮州野老誌號, 有名的潮州野通常好快就倡賣晒, 所以想食好野一定要預留! 老闆好好人好nice有幾樣野係必食, 我通常都會買各一盒(條)返屋企, 一次食唔晒擺係雪櫃都可以擺多1至2日凍馬友………必食! 肉質比鳥頭嫩, 但油份就比鳥頭多! 一個人食一條當宵夜絕對唔過份 生醃蟹, 肉質鮮嫩, 咸鮮, 多膏…… 非一般韓國生醃蟹可以比美!最後一樣…… 嘩嘩嘩, 香港搵新鮮鰤魽唔容易, 重要咁新鮮咁好味係超級難搵的一粒接一粒係停唔到口的老闆話日日限量供應, 要保持新鮮!除此之外, 我都會係呢到買定d魚彈, 豬肉根丸擺係冰箱看下門口, 口痕就煮黎食~~ 繼續閱讀
(以上食評乃用戶個人意見 , 並不代表OpenRice之觀點。)
等級1 2015-08-24
2563 瀏覽
喜歡吃鰤魽的我,之前看過雜誌介紹就趁著周末與男朋友一起去元合試一試店面像雜貨店,但是食物都有用蓋保存。眼望望下終於見到目標...鰤魽!!!潮州汕頭的做法多數都是生醃的...這個都不例外。除左鰤魽,元合更有生醃蟹 (分大及小)。由於我們仍有地方要去,我們選擇了堂食。老闆特地開了摺枱及提供盒裝紙巾給我們,很親切呢。我們先試鰤魽($52/斤),入口有少許辣 (因為加了蒜頭),但鰤魽的味道都沒有被搶。這個味道比泰式店的白灼更好味,而且保番了鰤魽的原始味道。一斤的鰤魽其實都頗多的,以我所見,老闆磅完足秤後,都會加多一點的。進食途中發覺有客人買兩隻生醃蟹,男朋友集中精神留意別人買蟹的價錢,竟然發覺兩隻蟹的價錢都只是一百多元男朋友立即另外叫了一隻大生醃蟹(三點蟹)試試~都只是60元咋!街市買一隻蟹都不是這個價錢老闆說的沒錯,他們的蟹是很多膏的,入口有一些鹹香及回甘。如果這個時候有碗飯就美極了。除了鰤魽,店內有魚蛋,汕頭牛丸及茶果賣,但要留意7:30 就關門了!不知為何這間店舖的評語那麼少,我們在進食途中都很多客人呢。有時間再來這裡品嚐~~~ 繼續閱讀
(以上食評乃用戶個人意見 , 並不代表OpenRice之觀點。)
等級3 2014-05-06
3305 瀏覽
一月底o既星期六下午,去完就快結業o既添財記午餐,再去九龍城廣場睇下 Forever Friends 商場賀年裝飾,搭車離開九龍城之前,去左衙前塱道o既潮州食品店元合買魚蛋店內售賣各款潮州食品,好似各款潮州粿,蘿蔔糕,蝦棗及螄蚶,潮州人店舖梗係要做埋魚蛋,見到有個用竹製成o既盤盛載炸魚蛋及炸魚片頭,另外魚蛋及魚片頭都分開有蔥花同埋冇蔥花兩款聽到店員話無論有蔥花抑或冇蔥花o既魚蛋都係賣每斤$76,其實呢個價錢絕對唔平,呢間魚蛋應該貴過一般街市凍肉店幾多,不過聽人講佢地o既魚蛋好好食,所以我打算買半斤有蔥花炸魚蛋試下,店員將一個竹盤內o既炸魚蛋放入膠袋,再用磅睇下重量,磅過差不多半斤份量,店員話不如要埋竹盤內o個兩粒,最後收我$42另外,臨走前見到門口有好多臘鴨,原來元合農曆新年前有臘鴨賣,聽到店員話$72一斤,一隻就大約$200,當時剛有新貨返,若果買到返屋企要放臘鴨入雪櫃,如果唔係放唔到過年,見到有人想同人夾份每人買半隻添!魚蛋拎到返屋企後,打開個膠袋大約有14粒,將部份蔥花炸魚蛋用黎煮麵食,魚蛋都算大粒,有幾多蔥,食落彈牙爽口,魚味豐富但唔會腥,魚蛋鮮甜,唔多覺有碎骨元合老闆莊師傅黎自潮揚,佢曾經接受電台訪問,佢話用門鱔,九棍及 (魚或)魚做魚蛋係最靚,冬天o既魚蛋係最靚,因為o的魚比較新鮮及靚,至於夏天o的魚蛋比較難造o的,要落多o的冰造呢間專賣潮州食品o既元合係前面店舖後面工場,呢種形式o係香港真係買少見少,自從遊輪碼頭開左之後,九龍城o的舖位升值,據聞而家間舖估計值七千萬,俾你賣左間舖嘆世界抑或繼續包韭菜粿呢? 好擔心遲o的週圍都係莎莎藥房米蘭站呀!日後去開九龍城,都會再黎支持下呢間潮州舖老店,試下買其他潮州食品 繼續閱讀
(以上食評乃用戶個人意見 , 並不代表OpenRice之觀點。)