億燊食店 (已結業)

中午諗住食個茶餐叫左個沙嗲牛肉公仔麵，點知黎到牛肉完全無醃係肉既顏色，碗麵仲浮啲一細細塊嘅唔知咩黎，同啲汁凝固左既啫喱係碗麵度。 一食啖麵，係苦嫁😰另外，入到餐廳，好熱。問員工係咪無開冷氣。佢答有，而另一枱客人都講今日冷氣好似弱左啲！成個體驗好差😵😵😵😵😵😵

‹v^v^v^• 開心食 •^v^v^v›Hahaha今日同大家又嚟到鴨脷洲啦～接下來都幾多會喺鴨脷洲!!!敬請期待🥳唔知平時大家去茶餐廳食開咩呢？陪我一齊開心食啦XD推薦程度：2.5/5🍽「星洲炒米」$45無咖哩味，米粉食落比較多水唔乾身😭完全無平時食茶餐廳個種鑊氣😭叉燒同蝦嘅份量都較少一個人頹食嚟講，已經夠飽整體而言：舊式小店，上菜時間較快👍🏻店內環境較雜亂，😩最重要係餐具上都幾多塵(唔知關唔關近馬路事）有進步嘅空間，但唔會再試🔘推薦程度🔘🌟🌟新億燊食店是次地址：📍鴨脷洲大街128號6號鋪利東站A1出口☎️ 2555 6311

一入店內已感覺污糟 雜物勁多 如果唔係自己叫雞翼薯條下午茶 應該唔會知道個兩隻係難翼 炸雞翼上的炸粉遮住都仲睇到雞翼皮係黑色 已不敢食 薯條還好 是新鮮炸 已叫做正常 凍檸茶無茶味 今時今日 水吧阿姐 廚房阿叔 都拉低口罩 衛生欠奉今日係第一次食 也是最後一次應該再好難搵到一間咁差嘅茶餐廳

今日又去朋友屋企又買咗個外賣share! 今次去咗呢間億燊買咗個椒鹽豬扒飯！哼講起就嬲，成40幾蚊！本來一睇都覺得會幾好食，點知完全唔好食，d 飯爛糟糟口感超差仲有呀飯上面有d 炸蒜，哇 痴牙架又唔係脆卜卜 仲有d 紅色嘅 唔知係辣椒皮定紅椒皮 唔知加黎做咩 又冇味可能係想睇落靚d 但搞到我要揀翻哂出黎！仲未講完到豬扒啦，好硬又冇味同仲要得勁少！仲係好嬲，而佢d個湯就正常不過放咗勁大舊肉☹️☹️咁就可以比少d 湯掛 ！唔知 好差呀 ☹️

早餐E餐30吉列魚柳炸魚超熱辣，入面都幾油，但係真係外脆內軟幾唔錯。不過魚半身幾有味，開頭食係唔錯，食食下就覺咸了點，全交旁邊滴口水既bb食。火腿煎旦火腿本身比平常的有味，煎旦幾香口。牛油多士牛油多做到幾脆，牛油已半溶。加2凍奶茶少冰幾大杯，奶味比茶濃。早餐B餐26餐肉旦面望落去無味道，食味賣相一般，旦做得幾金黃，餐肉煎都太硬咁。P.S.價錢平，會再食。

凍冰冰既天氣食煲仔飯就最正～今次第一次食即煲既煲仔飯特別有風味！同爸爸一行二人嗌左兩煲：　窩蛋牛肉煲仔飯；　ＸＯ白膳煲仔飯+ 多兩大杯檸樂　正～熱辣辣窩蛋牛肉煲仔飯～上枱時個蛋黃仲係糖心的　撈埋落左豉油既白飯＝超正加埋飯粒粒分明，唔太乾又唔太濕仲有飯焦ｐｅｒｆｅｃｔ！牛肉好滑，又入味喎，仲好有咬口ｔｉｍ我俾９５分！　另一煲ＸＯ白膳就冇咁正啦，食唔出有落到ｘｏ，好彩白膳都好滑好香，飯依然好味總括尼講都係好好味的～最緊要係可以同爸爸一齊食～暖晒

今晚收得夜, 所以又煮唔到飯食, 咁就決定番屋企樓下食煲仔飯啦! 因為每逄差唔多冬天哩間野先會有煲仔飯賣, 而我亦都係常客. 咁o岩哩排天氣又轉涼真係o岩哂! 二人行點了2個煲仔飯, 冇叫野飲啦, 因為哩度晚飯會送例湯的, 是真材實料的老火湯.好o勒, 等左20分鐘左右, 煲仔飯就送到眼前了. 食煲仔飯首要係打開蓋落豉油再蓋蓋焗一陣, 約2分鐘左右吧. 一打開香噴噴! 個北菇田雞, 田雞就"鞋"左少少, 冬菇好入味; 蝦乾肉餅係我至愛, 佢個肉餅真係一流, 醃得入味又唔會"鞋", 配埋蝦乾既咸鮮味, 冇得頂! 飯煮得恰到好處, 好有o趙頭, 岩我口味, 煲仔飯d 飯太腍唔好食的!所以冬天屋企冇飯開, 哩度就會變左我既飯堂, 平日都還好~ 未至於要等位, 但係星期六, 日7點左右就開始要等位, 就算等到位你都要有耐性等食, 食得煲仔飯你就預左要等架啦, 唔等得既歡你平日黎會好少少

住在鴨脷洲大街的我，經常的會由於懶惰而叫外賣，吃得最多的就是這間億燊食店！15 蚊起就會送到家門口，實在非常難得～多次想影想為介紹一下，不過外賣的賣相當然不夠堂食好，這天決定就去堂食影下相給大家介紹一下吧！首先就是這個沙嗲滑牛麵，沙嗲牛肉麵，使到的是滑牛！現在已經很少茶餐廳會使用滑牛了，而且沙嗲汁非常濃厚，加上半熟蛋令人一試難忘。來個近鏡，看一看這個滑牛，望見也想吃吧！奶茶也十分之香滑，始終奶茶是港式茶餐廳的靈魂，當然要做得好吧！為大家推介，下午茶餐：沙嗲牛肉滑蛋麵、凍奶茶，２５蚊！嘿嘿，食一個下午茶餐不夠飽嗎？那麼就更加要再吃這個奶油豬！意想不到的好吃，超脆超熱，加上充足的奶油，比翠華有過之而無不及！想不到我家樓下也會有這麼有HEART的奶油豬啊！！怎樣？很想吃吧！１０蚊一個，超值的！

七月下旬‧晴「靚女，我落左糖去碗上湯度…」我尶忦的說。真的靚女的阿姐哈哈大笑「又會咁既，比過碗你啦！」爽快地。是第n局海鮮了，打點好，人走在鴨利洲大街找吃的。如常的沒有什麼胃口，看見出面餐牌寫著炸醬麵，甜甜辣辣的味道，想起也討好，就進來幫襯。要了扣底的，這裡的炸醬美味，肉絲粗粗的好吃。炸醬不太油，不太甜，有點酸又辣辣的，令人開胃，是炎夏沒胃口時的最佳拍檔。也要了熱咖啡，香濃美味，很不錯呢。看來這間店子的食物也不錯，不要看門面是簡簡單單的。有段小插曲，就是吃飯時我心神不知去了那裡，竟然將應該加落咖啡的兩羹糖，放了去碗上湯度。靚女阿姐打個哈哈，立即給我換來一碗新的，全店上下瀰漫著歡樂的氣氛。有時快樂，可以不難的。

聽講左好耐下系鴨俐洲有個阿叔d煲仔飯好鬼正由舊年等到今年一聽到黃婉曼報天氣講會好凍就算落毛毛雨都去幫襯下仲要一定開張台係出面貪佢夠冷有feel嘛叫左個煲仔飯個名水蛇春咁長全名係「北菇田雞併滑雞潤腸飯」又走埋去八卦下問下阿叔點整原來佢以前係金龍船做過花左十幾廿年不停改良煲仔飯用泰國香米仲要一定係舊米佢用ge係高湯唔用水又不停轉動個煲令到佢受火均勻最後就係落雞油旦係唔係落係d飯面而係響個煲蓋面淋落去等佢滲落d飯度咁樣就無咁肥膩咁話當成煲搞掂送過黎之後我落d豉油再焗多佢一陣收乾下飯水一掀開真係好鬼香飯面舖左芫茜,菜芯同埋薑絲跟手撈埋一齊食落口真係一粒粒又有高湯味又帶d雞油香田雞醃過而d雞就好滑潤腸就夠晒肥食完d焦就緊係至精采啦細過就會由阿媽斟d茶落去而我就刮起佢再加埋d例湯落去一齊歎濃濃d焦味真係好鬼正加埋晒都係四十幾蚊邊d係最好最正ge煲仔飯我就唔識分啦旦係幾十蚊雞又好似好有獨門方法ge煲仔飯就覺得幾抵囉

個fan同佢老闆熟話晒算係老街坊叫佢幫我地買料整左個超正ge海鮮餐以為做茶餐廳掂原來整海鮮都咁得先黎個蓮耦湯飲落又無咩味精d蓮藕都好稔下湯亦夠清甜跟住就乾煎蝦碌d生猛中蝦夠晒肉地不過唔算多膏但係煎都脆一脆好鬼好味即刻叫番支藍妹先再黎就係鹽油水花蛤好大隻又無沙用粉絲墊底食都停唔到口另外果個蒜蓉蒸扇貝亦都唔錯勁多蒜粒亦都無話過火好硬仲有蒸左兩條鷹倉滑到不得了緊緊熟梗係啦隔離好近就係街市菜就要左個西芹雞柳d雞柳就麻麻地西芹就一條都無得淨夠脆口唔會過淋最後個干燒伊麵真係炒得幾好唔見佢油淋淋咁火喉夠冬荀又多真係諗唔到係鴨俐洲有d咁好野食實在太飽佢地個招牌牛油豬真係食唔到但係我知佢地請左個煲仔飯老師父等遲d冬天黎試下因為係年頭見過真係有明星泊底架車特登黎食喎成晚真係食唔停人地請食飯一句講晒好好味地方算係咁啦

某一個晚上,又想到鴨利洲大街的金龍吃即拉腸粉,殊不知金龍關了門,附近沒有其他吸引我食肆,卻意外地發現了這一間茶餐廳,即管一試.怕太晚又吃得太飽,所以只點了他們的招牌奶油豬.友人卻餓得要命,要了時菜燒腩飯.已是晚上10時半,他們還算是認真的製作.先說說我的招牌奶油豬,豬仔包比翠華的還要大件,放進了特大的多士爐,豬仔包烘得內軟外脆,奶油比例又恰到好處,而且塗得很均勻,坦白說,比翠華的好吃很多倍,而且只是$9,現在想起仍然回味.時菜燒腩飯,臨收舖,飯特別多,時菜用少有的小棠菜,燒腩亦不會太實,味道也調教得不錯,絕對是比預期中好.熱奶茶 - 食物質素高,飲品卻有點失色.熱奶茶面有點茶漬,味道亦很淡.老闆樣子很像錢嘉樂,電視又正好播著星星會,真的越看越似