傅師傅甜品小食

外賣一碗熱芝麻糊+2粒湯圓，一碗椰汁西米露（未試過咁難食嘅椰汁西米露）總數$77；前者$35加$10 ，一般貨色，後者$32;你話芝麻糊生磨都仲可以接受，但係椰汁西米露未食過咁貴兼咁難食…Read More

本身諗住放工想chill下食甜品，冇諗過最近呢間見佢街鋪似街坊店，應該唔唔會差得去邊。。但入去發現佢賣啲甜品真係價錢甚至仲可以貴過同商場個啲，後尾我睇左好耐唯一能性價比高小小，但講真啲份量超級少，食物而言都OK嘅，但就真係未必值得呢個價～但個雪糕口感冇咁鍾意，但pancake係OK！環境就正正常常，食物整體menu其他評分我都只可以話普通，因為我認知中更多呢勒斯類型嘅鋪頭，甜品種類，足料程度同價錢係性價比同質素都好好多。我只可以話呢間唔係好差，只係極普通，但有得揀一定唔會去！…Read More

一行六人凌晨2 點countdown 完食宵夜，估唔到仲咁多人，都幾耐無嚟食，今次又再嚟，水準仍然保留到👍🏻我哋叫咗腐竹雞蛋糖水😍$30 ， d 腐竹唔係溶晒，食落仲好有咬口，又唔會太甜，如果你唔食雞蛋可以叫走雞蛋，但係價錢一樣，差少少嘅我覺得呢個腐竹雞蛋糖水都幾好食，值得推介。另外，個焦糖布甸都好好食，仲有叫咗楊枝甘露，楊枝甘露都係正常發揮，最後我哋仲叫咗一個心太軟，不過就等得比較耐，心太軟就一般般，但係都食得好開心，整體覺得個價錢其實喺大圍嚟講算係性價比好高👍🏻試過其餘嘅甜品店，佢貴得來亦都唔係咁好食，相對嚟講，覺得師傅個性價比真係算高，唔怪之得可以屹立喺大圍咁多年。我覺得最值得推薦係腐竹雞蛋糖水😋…Read More

傅師傅響大圍好耐了，去舊墟食嘢，多數響度食碗甜品或糖水朋友加拿大返香港，話嗰邊糖水麻麻，咁就同佢過嚟食我就食榴槤班戟，榴槤同cream夾埋個口感好飽滿豐富，薄薄嘅皮配合得剛剛好朋友食芒果西米露，我食咗一啖，芒果新鮮冇酸味，西米有咬口，糖水甜度剛剛好，朋友都好滿意👍…Read More

平時唔會打食評，但佢呢間真係好差，腐竹雞蛋糖水超難食，加湯圓個阿姐又奇怪咁話平時好少會咁樣做，平時係出面食加湯圓咁普通嘅事，但佢都可以咁講，完全唔明白囉，佢哋仲可以生存係度咁耐真係不解。…Read More

1）態度差，屈人食嘢，叫個芝麻糊冇，跟住叫雷沙湯丸，又話無，食食下嘢，有碟雷沙湯丸擺落枱，跟住同佢講頭先你哋又話賣晒，跟住話自己無講過話賣晒，餐廳得嗰1枱客，兩個人去食同時聽到話賣晒，你哋都可以話無講過，老屈，跟住嗰碟嘢好明顯係整定，因為啲花生碎淋曬，濕濕地2）無禮貌，跑馬大晒咩，幾個女人圍住傾計，有幾多客呀，好多野做咩3）食物難食到簡直係侮辱做廚師嘅人，無心機煮咪唔好煮囉，唔好浪費食物，唔好浪費俾錢食嘢嘅人4）價錢同食物不成正比…Read More

【沙田區】【傅師傅甜品小食】喺開 foodie account 嘅初期，如無意外應該寫過呢一間嘢，我冇證實過，不過估計有。原因係大圍都係我成長嘅其中一段軌跡，喺度讀過吓書，亦都有唔少朋友喺呢頭附近住。因此，我亦都有唔少嘅機會喺呢邊食飯。食完飯咯，就梗係食糖水㗎啦，就係咁。然而，我第一次食呢間嘢反而係同屋企人去，屋企人睇咗嗰啲飲食雜誌，知道當時大圍新開咗一間酒店甜品師傅自立門戶開嘅甜品店，就係呢間「傅師傅甜品」。喺嗰個年代仲未咁富裕，喺平民食店食到「心太軟」、「錢袋藍莓蘋果酥」呢類甜品係難得嘅。由於屋企家境比較拮据，因此每一次外出飲食都印象深刻。講咁多同餐飯無關痛癢嘅嘢，就知呢餐係同中學死黨們自費食嘅一餐，亦都係「最近」嘅一次。而家年紀大咗，冇以前咁花巧，我食 $30 嘅「腐竹蛋糖水」就算，普普通通，毫無特色嘅一碗糖水咁囉。朋友們就叫咗 $40 嘅「焦糖焗蛋」同 $55 嘅「心太軟」嚟食，正常水準啦，有位朋友係朱古力控當然會食「心太軟」。田慈仁都喺度，佢就叫咗 $65 嘅「炸雪糕」大家一齊 share 食，同以前比較硬係爭啲咁。埋單 $190，四個人食甜品，或者吹水傾偈更重要。。。（地址：大圍大圍村第六街1號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am沙田區 #沙田 #大圍 #傅師傅甜品小食 #傅師傅 #腐竹蛋糖水 #焦糖焗蛋 #心太軟 #炸雪糕 #1am1428 #1ambackup…Read More

1. 味道不對：食物可能有奇怪或難以描述的味道。2. 口感不佳：食物可能過於柴硬、泥濘、黏膩或過分乾燥，缺乏令人愉悅的口感。3. 不協調的味道組合：某些食物可能結合了不搭配的味道，例如酸甜不合、鹹甜不合或苦甜不合。4. 不新鮮或變質：嘢食可能已經過期、變質或受到污染，這會導致不僅味道不佳，還可能對健康造成風險。5. 不尋常的外觀：食物的外觀可能讓人感到不舒服，例如顏色不正常。…Read More

這間甜品店真係令人一試難忘🥲。味道既一般賣相又不堪入目, 價錢更是不值一提😮‍💨。 是日跟朋友相約在圍方食晚飯, 過後再直落食甜品作結。聽友人說大圍積福街有多間甜品選擇, 於是在找尋路線期間經過這間店門面印著多款賣相精美甜品的餐牌, 於是跟友人想了想就進店了。 🥭楊枝金露小丸子上碟時已令我跟友人不禁笑了一聲, 唔明點解會用碟上, 因為眼見周圍食客的甜品是用玻璃器皿盛裝的。賣相跟咖哩雞飯有點相似😅 味道方面椰汁味配雪糕都幾夾味, 但芒果汁楊枝金露味道味較淡, 芒果肉偏酸丸子口感過韌加上份量又不多, 整體味道十分一般😑。 🍮法式咖啡布甸小丸子滿懷期待的甜品而為會好吸引, 因為我第一眼是被相中的圖片吸引著, 作為咖啡迷的我一定要試下關於咖啡其他製品啦😏！點知賣相真係唔識形容, 大家自己想像😌。主打的咖啡味懷疑是採用少少即溶咖啡粉溝水, 咖啡味道唔突出只有苦味, 布甸雪得唔夠凍, 進食時一切開就塌左似豆腐花質地, 丸子同樣是過韌及份量不多, 整碟甜品最好食只有布甸上的一條蛋卷😶。…Read More

食完辣野就想食甜品，搜到哩間甜品店好似都幾出名，8點左右到店大把餐位。😅坐低睇到餐牌，d價格都幾高。芝麻糊要30蚊，屋企附近都係22蚊🥲最後選擇佐紅棗蓮子桃膠，整體味道ok ，紅棗味好濃，又唔會太甜，不過都係覺得有d貴。…Read More

合桃糊水狀般、唔熱、食到想嘔、楊枝甘露有頭髮、芒果梳乎厘有爛芒果，無樣滿意！服務態度又差，仲只收現金！唔知點解咁多人幫襯，一定無下次！駛錢最緊要開心，食到成肚氣，不得不留負評，希望少啲人中伏！合桃糊水狀般、楊枝甘露有頭髮、杧果梳乎厘有爛杧果，無樣滿意！合桃糊水狀般、楊枝甘露有頭髮、杧果梳乎厘有爛杧果，無樣滿意！合桃糊水狀般、楊枝甘露有頭髮、杧果梳乎厘有爛杧果，無樣滿意！合桃糊水狀般、楊枝甘露有頭髮、杧果梳乎厘有爛杧果，無樣滿意！…Read More

門口見到咁多人排隊等食等外賣，我哋都唔執輸，排埋一份！排咗大概15分鐘就入得～Menu已經見到超多選擇，千挑萬選之下，終於揀咗一個中式一個西式嘅甜品嚟試。第一款揀咗熱嘅椰汁鮮奶桃膠。熱辣辣咁拎出嚟，已經勁香椰汁味，而且桃膠勁多，每一羹都畢到桃膠，而且唔會死甜，係椰香嗰隻甜味，好好食。一碗都好多，飯後可以同朋友share食。另一款揀咗心太軟，朱古力味好香，一拮開啲朱古力就流出嚟，配咗幾款水果，喺心太軟上有少少點綴。非常好食！…Read More

今晚第一次去呢間食甜品😆。小本經營😊。服務:可能因為我地坐咗係第二間舖，🫠我地要自己去叫佢嚟寫🙂。食物:1 芝士餅($55)🤗，雪糕可以叫雲呢嗱/士多啤梨/香芋/朱古力味(揀兩款)😋，個芝士餅有D伏，因為佢下面個底係海綿蛋糕🫥。2 班蘭鮮果窩夫($50)😝，覺得不錯☺️，水果份量算多😚價錢:因為B仔記會平少少🥲。但款式就呢間特别D🤩。如果想食膠😍，特别D就可以去呢間🤭。。。。…Read More

多選擇的甜品店，用足料！有中式、西式、傳統的也有，價錢比出面平裝修普通，但食物用足料已ok叫了炸雪糕、香蕉船、蓮子桃膠、不太甜，符合口味晚上過來食都ok, 開到好晏…Read More

好少寫食評，除非好好食或者好難食，呢間野唔單止難食，仲水希希咁，仲要冇比芒果，叫左個芒果紫糯米，竟然冇芒果，拎外賣最靚時問佢係咩黎仲要唔答人，冇下次，唔好食！有冇搞錯…Read More