偶遇台北 (荃灣廣場)

營業中

休息中

今日同事生日，特別成班人同佢Lunch去食返餐好。咁岩見到新開左依間鋪就同佢試試佢我地叫左鹽酥雞扒滷肉飯、炸蠔滷肉飯同埋一人臭臭鍋。滷肉飯份量好足，每一啖飯都一定有滷肉，鹽酥雞炸得好脆但雞肉都保持到嫩滑！不過整體味道偏重，對我依d 口味偏淡既人黎講重口左少少，如果可以淡味少少就perfect炸蠔同樣出色，一上菜已經見到隻蠔大大隻，估唔到同滷肉飯都幾夾，同事話隻蠔好多汁好juicy，配埋滷肉飯食一乾一濕好好入口。臭臭鍋以lunch 黎講份量係多到離哂譜，好多餸之餘仲有飯送，本身叫個個同事都幾大食，佢都食唔哂最後要我地咁多個人幫手先清得哂，認寅抵食。小插曲，經理/店長知道我地個同事生日，主動送左甜品比我地食個甜品味道超級好食，口感好豐富而且味道唔會太甜，值得一試最後埋單一人都係72蚊，個個都勁飽，性價比極高，值得推薦

紅豆仙草鮮奶 $42香滑牛奶及仙草，加在煮至起莎的紅豆，每一口都有滿滿幸福的感覺，味道不太甜，紅豆鮮奶及仙草是絕配。台式紅燒牛肉麵 $82淡淡藥材味道湯底及炆淋了的牛肋條再配上煙韌有咬口的麵條，令我想起在台北吃紅燒麵的感覺。麻薯肉鬆起司蛋餅滿滿的肉鬆加上酸酸的沙律醬，包裹在新鮮煎蛋蛋餅，多重口感在後中。很好吃也很久沒有吃蛋餅了。Like and share 社交平台附送一小碗甜品。這是很豐富的一餐，滿足了味蕾及胃部。#小師奶 #美食 #荃灣

酥炸海島蠔滷肉飯$88兩隻炸蠔唔錯，但飯同滷肉份量可唔可以多少少呢？ 唔飽！台式紅燒半筋半肉麵$88甘筍應該為咗色澤鮮艷，冇加埋落去煲湯，清水烚甘筍，所以湯唔夠甜；而牛腩黐牙不淋滑。麵質煙靭，但不掛湯。另加一服務費，服務是OK的，見有手抱小童喊，侍應有攞玩具氹哄👍🏼

✨【荃灣篇｜偶遇台北 小鍋 2人餐 🍲✨】放工我同老婆都想食台灣野，行咗去《偶遇台北》醫返餐熱辣辣 😋🍲 今餐叫咗：•小鍋 2人餐 $318　↪️ 臭臭鍋湯底　↪️ 台式香腸起司蛋餅　↪️ 綜合滷味　↪️ 椰汁仙草氣豆芋圓　↪️ 手打檸檬茶 x2•優惠券換夜市鹽酥雞（小份） $26🧾 加一服務費：$37.20優惠券折扣：- $28.60💰 埋單：$381 / 2位臭臭鍋夠香夠重口味，台式小食都幾足料，芋圓加埋手打檸檬茶，真係台灣味到晒 🤤🧋✨📍 偶遇台北｜荃灣廣場📌 荃灣大壩街4-30號 荃灣廣場4樓432號舖📞 5287 5278💰 二人餐埋單 $381⸻#荃灣美食 #偶遇台北 #台式火鍋 #臭臭鍋 #台式小食 #夜市鹽酥雞 #手打檸檬茶 #放工晚餐 #情侶美食 #Eatingwithcowcow #HKfoodie #香港情侶 #荃灣廣場 #台灣味 #台灣菜 #二人世界

焢肉飯，啲肉好硬好鞋，飯好濕。蛋餅冇煎香，唔脆，啲料好少，仙草奶茶，茶味淡，仙草正常。焢肉飯的焢肉要煮到軟爛入味，關鍵在於烹煮時間和火候的掌握。 一般來說，需要經過長時間的燉煮，讓肉質變得軟嫩，並且充分吸收滷汁的味道。 此外，選擇合適的五花肉部位和滷包配方也能影響焢肉的口感。襯著爌肉基底的白飯，也是美味的關鍵之一，白飯必須要香又有彈性，並且能夠在淋上滷肉肉汁還是維持一定的Q度，不會因為過度吸收滷汁而軟爛。

唔係做開乜嘢foodie乜嘢KOL荃灣廣場呢排戰場一樣，又米泰，又牛肉飯大家未必肯上到4樓食嘢今日第一次食臭豆腐，相中得4件，因為我已經食左1件先記得影相即炸，熱，脆，唔油，好食真係好熱，另一樣炸排骨都係佢嗰度啲麵好食，口感彈牙，個辣湯都不錯吃如果唔好啤酒，唔好叫，唔係好抵不過食炸嘢飲啤酒係人生樂事。甜品份量太大，2個人share 1款就夠，上次太大碗。。。浪費咗。行多2步上4樓，俾個機會佢啦PS,其實服務真心好喎

我和媽媽今晚去了偶遇台北，其實真係好好食，我最愛手打檸檬茶，真好喝二人餐讓人食指大動美味可口，我上次去已心心念念，我愛偶遇台北真的正！！！！！！！！！！！！！！！！！！！

今日收工陪朋友去荃灣廣場買野，買完就打算食埋個飯先返家😂由於大家都無idea食咩好，最後就揀左食台灣野.小鍋二人餐 $318二人餐包一款蛋餅、一款小食、一款台北小鍋、一款甜品同兩杯野飲。.台灣香腸起司蛋餅 酥炸魷魚鬚台南牛肉沙茶鍋椰汁仙草紅豆芋圓手打檸檬茶蜂蜜柚子茶.蛋餅有沙律醬……因為我唔食沙律醬，而且我食過咁多間台式餐廳嘅蛋餅都冇沙律醬！！！芝士較少，對比起其他台式餐廳就略為遜色。魷魚鬚炸得香脆幾好食，沙茶鍋入面有豬肉丸、花枝凡、肥牛、豆腐同菜等等，都幾豐富，沙茶味剛好唔會太咸。甜品芋圓個脆脆好甜，芋圓無乜味，個甜品同我想像中有出入😂😂😂.

今日一田購物日開鑼，之前係朋友社交平台見到呢間野，睇個樣又唔錯喎，最想試係炸蠔滷肉飯。本來睇呢度既食評都有d擔心呢度既員工服務態度係咪真係好似d人所講咁差。但是但啦，博下啦。點知又ok喎，有個著恤衫既疑似經理，見佢做野好快手，不停翻枱，有個蒜蓉炒菜後加，見等左有少少耐，驚係個店員唔記得左落漏單而問個男經理，見佢都有check完覆返我地。見佢都少說話做實事既人👍🏼其他員工姨姨又幾好笑容喎，問佢野又好寬容咁答我問題。到野食方面喇，叫左個炸蠔滷肉飯,個炸蠔炸得好好，粉漿薄薄，炸完個蠔都好大隻，冇縮水，咬落個蠔汁係咁滴，超好味，我會再為呢個飯再黎🫶🏻另外叫左滷水拼盤，但我同老公都覺得如果甜返少少就會好好味😋

今日星期一，見呢間靜靜地，望落幾舒服甘，就打算入去試下😌😊門口嗰位黑衫既女職員完全掛住玩電話，唉，甘樣好咩？有無尊重自己既工作崗位呢？然後，佢見到我之後都係黑口黑面，零笑容🥲態度仲好差下….😟今次試左個牛肉麵，味道都還可以既。整體來講，門口呢個女職員服務態度真係完全不能接受，可一不可再！🫣🫣🥲🥲呢個價錢可以去其他店舖食仲開心。😌

偶然行過荃灣廣場搵到呢間柳暗花明又一村嘅台灣菜，俾佢嘅香味吸引到。忍唔住同同事入去一探究竟。餐牌豐儉由人最平$58到最貴嘅臭臭鍋$108，唔夠食的話仲可以追加小食。我哋三位叫咗一個麻辣牛肉麵同滷肉飯、可惜佢個蚵仔滷肉飯賣晒，本身都係望住佢呢個餸而入去。偷聽到佢哋啲夥計話下個禮拜會開始轉餐牌，希望仲有機會試到佢。滷肉飯同出面食嘅有少少唔同，睇得出佢啲米真係揀過嚟，滷肉入邊仲有少少豆卜用嚟增加口感，識落又唔鹹份量控制得啱啱好。麻辣牛肉麵有蟲草花做配襯，識落增加口感佢嘅酸菜，亦都十分出色，可惜麻辣味稍為欠奉，大概只係得譚仔嘅五小辣左右，如果嗜辣嘅朋友應該會覺得爭少少。但整體上呢個都係一個出色嘅牛肉麵。小食我哋試咗鹽酥雞、魷魚鬚同埋杏鮑菇，魷魚鬚同埋鹽酥雞，簡直就復刻咗夜市味道一樣，推薦各位一定要試吓佢個魷魚鬚。最後尾梗係食埋甜品先滿足啦，我哋揀咗椰汁仙草紅豆芋圓，紅豆好棉蜜、另外加咗少少椰汁做點綴，食到黑糖嘅原有味道，為今次完美嘅午餐畫上一個好好嘅句號！另外店員都好Nice會叫我哋申請會員儲分，食滿$100有一個印花，儲滿五個印花可以換$50 coupon，已經諗緊下次幾時再過嚟食。

星期六帶小朋友等食台灣野，想讚下門口接待姐姐好好人，安排較寬的位置比我地，仲有小禮物送俾小朋友，小朋友開心死仲留意到小朋友未扣好張BB椅幫手扣好！服務及環境都唔錯～由於有小朋友無乜影到好多相，我地叫咗個2人餐，臭臭鍋中辣真係唔錯，有菜有肉我覺得最正係個大腸，好入味！鴨血都好好味二人餐內的食堂臭臭鍋另外叫咗麻辣臭豆腐，真係辣得過癮同好正宗，真臭最後有包個甜品但已經好飽了店員清晒枱先上甜品，唔太甜啱晒我口味整體感覺幾好，下次去開荃灣會再去

星期六下午，在下午茶與晚飯之間的輕食！行過見到呢間台式餐廳比佢既甜品吸引了，就試下啦！輕輕叫左2款糖水，一款黑糖，另外是椰汁。個人認為黑糖比較好味，椰汁就冇椰汁味食落都似黑糖。兩款配料都豐富，同樣有芋圓，Q彈Q彈，有啲早餐cereal(唔理解呢個配搭🤣)椰奶紫米仙草芋圓 $48黑糖愛玉珍珠芋圓 $48叫左溫泉蛋滷肉飯，$68 唔太抵食，滷肉細粒，唔多，對比X元，後者老實多了。。。不過偶遇台北係環境靚啲，又坐得舒服影落好大碗🤭蛋餅($62)推薦大家可以點！！好足料，肉眼可見的鹽酥雞！又有芝士，台式Comfort food 👍🏻應該唔會有人有投訴🤣

難得放假約到朋友食個晏仔，見到呢間偶遇台北，就黎試下。我哋叫咗一個一人臭臭鍋set lunch，再單點一個柯仔煎同高麗菜蛋餅個一人臭臭鍋勁多料，味道好濃郁，入飯一流！！高麗菜芝士蛋餅裏面啲椰菜冇煮到太淋，有少少脆口，中和咗芝士嘅油膩不能不提個蚵仔煎，個侍應拎緊過嚟嘅時候，已經聞到好大陣香味食落液都好juicy，過海生醬（雖然唔知係咩醬）酸酸甜甜好開胃間餐廳環境光猛，啲侍應都好nice，所以都食得好開心。

平時好少寫食評，但今次遇到服務態度滿分既經理就要讚下😄話說攞飛前就想食火鍋二人餐，我地八點幾先坐低，點知唔見個二人餐餐牌，就出返門口搵但冇左，問員工先話賣曬。咁我地就諗住叫其他啦，點知經理就過黎同我地解釋原來只係甜品冇曬芋圓，都可以照叫二人餐。最後我地都照要，落完單過左一陣員工走黎同我地講經理話請我地一碗飯同兩杯台式飲品，我地都估唔到😳經理服務態度滿分💯食物質素都唔錯，價錢又唔貴👍最後個甜品都有比多啲其他料，味道讚份量多😋(差唔多係燈x滷x兩倍)