健怡坊

營業中

休息中

一講起東涌，好多人淨係知道東薈城！區外人未必會走去逸東邨！如果仲要行入去馬灣涌村，更加小人會行入去！呢度人流一定唔多，行入嚟有啲口渴，趁住天氣唔係咁凍！整杯沙冰試吓先！見舖頭好似冇乜人咁！可以好放心咁除低口罩慢慢飲！落單後，佢哋就好快咁整左杯益力多沙冰俾我啦！味道就比較普通，又唔係話好甜，啲冰就唔係話太碎，有少少都比較大，但仍然可以接受嘅！至於服務方面又係比較普通！唔會話特別好、但仍然可以接受！寧靜環境飲杯沙冰都算寫意嘅！

同朋友係正記食完飯，行去對面食糖水💕健怡坊暫時係東涌區內唯一既糖水舖，可堂食或外賣🥡。糖水甜品種類繁多、有基本既啫喱，特別味如益力多味啫喱等，有中式糖水如紅豆沙、腐竹薏米等，涼粉/西米露做底再塔配水果🥭，形形色色嘅。望到餐牌見佢主打芋圓，決定兩話不說，吾想煩就食芋圓綜合雜錦，定價一碗HKD 40 ，包含三色芋圓、小丸子🍡、紅豆、椰果、黑糖水晶，仙草，配上黑糖做汁。芋圓好焾身無咩咬口， 紅豆甜得滯，小丸子🍡幾有咬口，其他水晶果凍都係加工現貨，無咩特別，個人認為黑糖汁做底吾好味，因為本身加工野既汁已經好人造水咁，怡家加埋黑糖根本食吾出😅總結：芋圓綜合雜錦可以不試 啫喱還好止止癮先會買

最近多左機會入黎呢度做野。第一次入黎馬灣涌村，已經覺得所有地舖都好地道，而且大家街坊街里，行過橫街窄巷，都覺得好熱鬧咁。次次經過呢間甜品店都咁岩未開店。今日好好彩，店員肯早少少做我地小生意。 今次買左個益力多多啫喱！口感滑漏有彈性，但唔會好似橡皮糖咁落好多魚膠粉。問左店員，原來一盒用兩支益力多，所以食落真係原汁原味，又不會過甜。食完飯又唔想咁呢hea食雪糕，呢個絕對岩食啊。真心推薦，回頭率高的飯後小食！（記得加花奶！！）

前幾日係正記食完晚餐，就諗住買個外賣甜品返去食，突然間想食芋圓，睇佢張相又望落唔錯咁，就買左一碗返屋企食。見佢又有西米露，又有淡奶，加埋芋圓，好似幾好食咁。返到屋企食，西米露太甜，但可能人人口味唔同，呢樣都唔係重點，重點係個芋圓，完全冇佢應該有既口感，食落勁似泰國/東南亞賣個重椰汁味軟糖（綠色三角錐體個種），芋圓咁垃圾，西米露份量又咁少，個老闆娘（？）又黑面，都夠膽收人$20。浪費左錢，仲浪費埋我既quota，食左兩啖都冇食掉左喇。

I ordered take away dessert from here after dinner at restaurant nearby.Coconut Sago mixed,$16The dessert was not expensive so I didn't have any expectation. There could select 2 kinds of fruits out of 9, not bad. I selected mango and melon. Mango was not too soft, a bit sour which was perfectly matched with the sweet coconut dessert. Melon did not have very strong taste and good smell, sometimes I did not realised they were in the dessert.

同朋友向東昇樓食完晚飯, 行過隔離食甜品, 西米撈同涼粉撈都好抵食, 可以揀2款生果, 只係$16, 涼粉大大粒, 生果數量亦多, 超值~~老闆亦好好人, 幫我地調較風扇驚我地太熱~~

最好味木糠布甸，keep 到水準，生果配益力多飲品最正，有好多選擇，糖水全部由老板娘親自煲，雖然店了細細，但款式都好多，食完飯，最好不過買D甜品，正，正，正，推介。