健康齋廚

營業中

休息中

平時間唔中都會食下素 因為想盡量食少啲肉 對皮膚 身體好啲呢間健康齋廚之前已經係FB見過好似係深水埗開左好多年 搬過黎黃大仙今日同朋友兩個行完獅子山就落左黎食餐牌都幾多選擇 有一人超值套餐有飯有湯不過今日突然好想食咖哩 所以叫左咖哩雞球 (小菜)一上枱好香咖喱味仲有好多配料 好正 撈飯一流仲叫左個紅燒豆腐 走過油 唔會散哂仲有菜底同冬菇 果然夠健康小菜送白飯一碗都幾抵食喎食完之後落地鐵站都唔使10分鐘不過如果下面行上黎 就有少少難搵但整體唔錯 下次會再黎

每年中秋都喺酒樓做節，今年想簡簡單單同屋企人坐低齊齊食餐飯都唔錯，於是就搵左間齋鋪試試佢，就搵返屋企附近既。book 左七點鐘過黎食，入去果時都唔係話滿座，我地七個人，點左個6人餐$468 set ，另外單點左個芋頭魚，食到捧住個肚走😳🔮齋滷味份量唔算太細碟，不過味道略淡啦😅🔮老火湯 - 紅菜頭湯很淡很淡啦....溝左好多水咁🔮芋頭魚呢個不錯！👍🏻不過都係個汁偏淡🔮麻婆豆腐正正常常🔮咖哩牛肉ok既！🔮雙菇腐球🔮素鴨粉絲雜菜煲素鴨喺邊呢？🔮魚香茄子煲🔮咸魚雞粒炒飯跟餐仲有四碗白飯，呢個餐真係唔小野，七個人食都夠哂飽呀！👍🏻要注意⚠️ 去廁所出面既地下好跣，要小心啲行！

又係同小胖女一家人出街食飯,今次去左黃大仙食齋,黎到睇落好似好簡陋,但睇落餐牌好多野叫,開場點會小得齋鹵味呢,酸齋,咖哩齋,齋燒鵝樣樣齊,之後叫左個錦鹵炸雲吞,放心,話就話叫炸雲吞,係無肉既,份量十足,超大碟,個皮炸到好鬆脆岩哂開胃,之後主食叫左豉汁素鰻魚煲,芋頭魚同羅漢齋炒麵,素鰻魚煲唔講得小,係用紫菜包住腐皮煎香左既小菜,食落真係好似食緊鰻魚咁,最過引一定係五柳素仙斑(芋頭魚),炸得岩岩好,雖然唔係真魚,但食落去又係另一種美味,最後大大碟羅漢齋炒麵收尾,想食得健康又想飽餐一頓,大家不訪可以黎一試

健康齋廚由深水埗大埔道搬左去黃大仙，已經有好一段時間。不過一來仍有素友不知素店已搬，二來素店位於黃大仙一條偏僻的橫街，所以有時客人都不太多。於是，我地又再拉隊黎刷餐飽，支持💪下這間「隱世小店」。先介紹用餐時最需要「保持警覺」的小菜--生炒排骨。千萬不要把排骨一口吞下，也不要以「咬牙切齒之力」地咬下去，因為每件「排骨」都是包着竹蔗在內的，為免啃到或要致電預約牙醫👨‍⚕️，記得小心健康齋廚有很多煲仔菜🥘，「漁香茄子煲」和「咖哩腐球煲」都是惹味之選。「素鰻魚煲」的「鰻魚」是由紫菜包着腐皮構成，看過openrice中其他食客的評價，也是不俗。如果和非素友同去時，這個也是值得試試的此外，今次點了3個「炒粉麵飯」類別的食品。「香樁炒飯」材料十足，香味撲鼻；「星洲炒米」的辣度亦頗足夠(總覺得我的耐辣程度好像提升了?🤔)，值得推介。這次我們一共2圍20位朋友開餐，因為沒有加一和茶芥，即使每圍點了大約10多道菜，人均消費也只是80至90多元。大家去開黃大仙的，歡迎可以一齊來「吃進健康」

我由細到大都食好多垃圾食物，自從認識左素食嘅朋友，開始了解到其實素食對身體嘅負擔冇咁大，但係我有一把為食咀，所以可能一個月先會有一次素食嘅習慣。而今次仲要去到黃大仙食齋，全因為你為朋友想約我一齊 晚飯敘舊。黃大仙我唔係咁熟路所以同佢約埋一齊喺地鐵站等，佢就帶著我由新光中心旁邊嘅一條樓梯向上行，經過一排樓同埋市政街市就到啦！大概五至8分鐘腳程。健康齋廚外表平實，睇得出都係街坊生意，有一班捧場客。而且餐牌都好簡單，套餐又抵食，我哋叫咗個二人套餐都係130幾蚊，再加一個齋滷味拼盤已經好足夠。套餐首先有個粟米羹，一個大湯碗足夠我們二人分享，雖然沒有肉，但味道一樣調得不錯啊！然後可以揀兩個小菜其中一個我加錢 $10 要咗個煲仔菜。沙嗲素牛肉粉絲煲，煲仔熱辣辣，整體感覺同喺平時酒家食嘅差唔多，素牛肉真係有肉味，好神奇。另外因為朋友鍾意食腰果所以我哋就要咗個素肉腰果小菜，大大粒腰果脆卜卜，素肉嘅口感同埋味道都有啲似火腿。齋滷味感覺好豐富，有酸齋、咖喱齋、齋鴨同埋齋雞。成餐飯一啲都唔會覺得自己係食素，感覺一樣好豐富，而且都有肉味，下次去開黃大仙都會行多兩步來依度幫襯。

近幾次同屋企人去完黃大仙拜神，一般都黎呢間健康齋廚 食素，第一次黎係個朋友介紹。呢度優點係抵食大件好食又親切覺得而家齋店越黎越多，可能因為好多人都健康佐，但問題係好多都偏貴。但呢間就唔同，價錢好公道，好似今日叫佐三餸一湯，大大碟埋單都係2百蚊，真係唔好話食齋，就算茶記都無佢咁平﹗仲要係大大碟好好味﹗今日我地一行三人點佐一個二人餐加多一個羅漢齋炒面，因為之前食過D 野食好大碟，都唔敢點太多，費時又浪費啦西湖牛肉羹，真係好足料GA ，個湯又夠焦身，我鐘意飲呢個湯仲多過傳統個隻呢個羅漢齋炒面我次次黎都會叫GA，真係超級大碟，D 料係舖滿曬個面，外圍的炒面好鬆脆，基本上大半碟都係俾我食曬，而最緊要係佢炒得一D都唔油膩呢碟欖菜四季豆炒素雞，佢真係落好多欖菜，好濃味，素雞都好給力，落佐好多，連食開肉既舅父都勁鐘意食。黑椒茄子鮮竹煲，呢個都算係一個幾特別既茄子煲，黑椒做茄子煲我都係第一次食，但味道都真係相當夾。呢間店暫時係我食過最抵食既齋店，不過最唔好係離我屋企太遠，如果唔係做一間常餐店真係無得頂

近排冇工人，成日帶bb一齊出去食嘢 仲要叫親嘅菜bb都唔食，所以今次直接帶佢食齋，等佢冇得逃避。雖然得3人但都叫左4人餐，因為好似抵d。首先叫咗紅燒雞絲翅 主要成份係木耳， 豆皮，蘿蔔絲， 好大份，可以分成6小碗， 加醋同胡椒粉之後更加好味。加左份細酸齋， 因為銷情太好，我叫時候已經冇咗咖哩齋。內有齋雞，齋叉燒 ，齋鴨腎由麵筋加不同醬汁整成， 酸酸甜甜好開胃。主菜叫咗涼瓜炒蛋， 咖哩牛肉。 涼瓜過咗鹽水之後， 冇咗 苦澀味， 爽口，炒蛋另外加了咗榨菜同冬菇片， 感覺一啲都唔單調。咖哩牛肉用的是甜咖哩，內有大量蔬菜湯，薯仔，洋蔥， 紅椒，紅蘿蔔，椰菜花等，牛肉 像的像真度就只有一半，但味道不錯。豉汁素鰻魚煲， 叫呢碟係見openrice有好多人推介。 因為我都幾鍾意食紫菜，所以呢一個紫菜包腐皮，外加冬菇及雜菜嘅菜式都非常合我口味， 但紫菜吸收咗豉汁， 有啲過鹹。雜錦炒飯 炒得好香， 有素肉，素叉燒，菜心莖， 真係食呢炒飯都夠營養均衡。滿足又健康嘅一餐

今次用戶戶送試下叫健康齋廚嘅外賣，25分鐘就送到，仲係熱辣辣，第一印像已經唔錯！打開之後見到份量都唔少，仲更加心心眼，今次2個人點左3樣野1）小菜紅燒豆腐跟飯2）雪菜鴨絲炆米3）齋滷味（細）首先講下紅燒豆腐，除左豆腐外，仲有冬菇同菜心，幾大盒，呢間餐廳嘅味道係比較主家feel，無咩味精，比較淡味，感覺食完會好健康果種。間唔中食下係唔錯嘅選擇。之後講下鴨絲炆米，用左腐皮黎做鴨絲，另外仲有3色椒，芽菜，冬菇，菜心做配料，好足料，呢個就真係好淡，如果落多少少鹽會好好多。齋滷味，一望落去齋鴨已經好想食，之後就係一粒粒深色果款，好入味。紅色一粒粒似叉燒嘅係的覺得最好味，至於酸齋就比平時嘅偏淡，個人覺得比較失色。

初一去左陪長輩食齋 由於有年青人在場既關係 特別叫左幾款香口既炸野食好耐冇食過錦鹵炸雲吞 好大碟 足夠幾個人分享炸雲吞脆卜卜 配上酸酸甜甜既五柳汁開胃之餘 亦減低油膩感食齋又點可以缺少齋鹵味 叫咗一碟細嘅齋鹵味當中小妹最鍾意素鵝同咖哩齋 素鵝香脆,咖哩齋就又軟又入味長輩點既豉汁素鰻魚煲"鰻魚"其實係以紫菜卷住腐皮 煎香再配上三色椒等蔬菜用豉汁煮成味道調教得幾好 對於平日唔多食齋既小妹我感到好有新鮮感呢個五柳素仙斑(即芋頭魚)就最出色同好食芋頭魚炸得鬆脆 芋頭味香濃 更係完全唔油膩食埋呢碟大大碟既羅漢齋炒麵 食齋都可以食到飽一飽

平時大魚大肉開耐唔耐要食下素 朋友介紹左間街坊素菜 雖然扮肉既素因為醬汁呀煎炸呀好食 但就咁用蔬菜做既原來都可以好正 紅燒豆腐 $55豆腐超滑 但唔會一夾就散 豆腐份量好多 又有好多蔬菜 清清淡淡唔會過咸鮮准山炒南瓜 $65 自己買過鮮准山整 覺得處理好麻煩 見到依度有即刻點左 椰汁香味好強 准山爽口掛汁 南瓜好淋好甜 一爽一淋同椰汁都好夾 朋友食到汁撈飯豉汁素鰻魚 $65用紫菜包住卷成柱形既腐皮 加埋個鼓汁 岩晒又鐘意鰻魚又鐘意腐皮既我 唔油膩又有唔同蔬菜配搭 而且用瓦煲上一直保溫 紅燒竹笙翅 $45/碗 - 好足料仲嗌左支雪耳水 $15/支 - 只有雪耳本身淡淡甜味 冇加糖 而且飲落幾杰身 真料實料呀見成晚黎既似乎都係街坊 有一家大細入黎 見店主拎左架車仔俾個小朋友 應該係佢地上次黎留低左 小店低調親民 又平又好食 雖然唔係住附近 但都會想再黎呀

素食生活@健康齋廚 黃大仙飛鳳街34號地舖 平時想食齋一係超市買菜自已下廚，因生日月食大多餐，大魚大肉，今日就自己食時搵間齋店食素清腸胃。40元左右己有飯麵了，良心價，$55叫了鮮竹雲耳炒節瓜，包了白飯，另外要老火湯$10。盡量少吃素肉，因去得食素就要忘卻肉的形態及味道，夏天盛產瓜菜，新鮮又爽口。$35 好耐無食啦，酸酸甜甜樂易食曬一碟，用豆製成可以吸收蛋白質，邊個話唔食肉就營養不良！一碟有6款味，仲幾大碟架！湯節瓜湯$10，瓜架甜入曬味又加了乾菇一齊煮，喝下有甘味，簡單調味就是最大架尊重，家的味道。嘩，羅漢果，擁有甜味接近零卡路里又唔怕升血糖，平日外食我唔飲用白糖調味的飲料，呢杯大口飲都唔guilty. 凍飲好舒服雖然離企屋有點遠，但健康養生呀，要提升食素次數會多來的，洗滌身心。

今日朋友話要食得健康，食得太多肉，要黎個green day，食齋👨‍🌾!係黃大仙搵到間食齋既食店。都幾大間喎！周圍都放滿了唔同既晝。呢個鐘有幾趣緻喎！😄野食選擇都好多。奇怪？ 呢間野唔係食齋既咩，點解見個餐牌好似好多小菜，肉類炒粉麵都有既？！原來都是齋黎的！得個名架咋🤣🤣雖然佢有d二人餐都好抵叫。但我地都散叫左，因為想食其他野😄黎到齋舖，當然要叫食齋老味啦！我地叫左個細碟既！但都幾大碟喎！！$35好平！👍有4款口味！我就最鐘意食橙色甜齋喇！甜甜地凍凍地幾開胃！😄餐前小食就最岩！沒有肉的生炒排骨😄餐廳用了素肉來代替了排骨。食落似豬肉丸既感覺。配埋酸酸甜甜既醬，相當開胃。仲有三色椒，菠蘿，瓜配料，賣相很靚。再叫左個 竹笙上齋煲：材料非常豐富，有冬菇，竹笙，雲耳，豆卜，粉絲，蔬菜，豆腐等等……再加了南乳醬，食落相當惹味！尤其粉絲索哂了南乳醬汁，味道很香！最後仲叫左支：南杏北杏雪耳水，解一解涼！飲落唔會話好甜，好清涼又滋潤！👍相當健康呀！

在黃大仙區返了兩年工，但竟然不知道區內原來有一個隱世素食館，真的要多謝好同事的帶路啦！其餐廳一點也不難搵到，就在雙鳳街市那一條街呢！！每日也有不同的超值套餐，己包了白飯及湯啦！選擇很多元化，有小菜、煲仔、炒粉麵飯等！羅漢齋炒麵即叫即製，熱辣辣送上枱！麵餅是即炸的，咬下去脆卜卜的，沒有一點油膩感！材料份量十足，有菜心、雲耳、冬菇、麵根等！涼瓜炒蛋好有鑊氣，炒得很乾身！蛋炒得很嫩還加入了冬菇，最特別之處是加了炸菜，令菜式更惹味，大愛是也！自家製齋滷味（細）叫了細碟的齋，但份量一點也不少！有齊酸、咖哩、齋叉燒、蠔油及腐皮等！味道適中不會太濃味，沒有太重的調味料，食法很健康呢！清潤南北杏雪耳水夏日炎炎，當然要飲番枝冰凍的飲品，自加製飲料只落了微量的糖，完全飲到食物本身的味道！正呀！！看似簡單的菜式，卻吃到廚師的用心及健康味道，又搵到個lunch time 的好選擇啦！

今日下了傍陀大雨，又好肚餓，途經健康齋廚，於是入內開飯。環境不錯，坐得好舒服，點了薑汁炒菜心 （HKD 50 )薑汁可以驅寒，炒菜心 炒得好好，青青綠綠又夠鑊氣，入口清甜又有薑汁味。少油都炒得咁靚竹笙扒豆腐 (HKD 70)竹笙抄得入味又清爽，豆腐味道剛好，生菜抄得青青綠，紅蘿蔔又夠味。兩款小菜配飯一流。 乾炒三絲意粉 (HKD 55)意粉軟硬適中，色澤炒得好靚，少油少鹽，健康又好味，適合素食愛好者。最後，吃胞胞，又停了雨，真係好呀。

奉行每月一素的我最近想吃久違了的齋菜，然而近年興起新派素食餐廳，傳統的齋菜店已經買少見少，以往食開的齋菜店都少下一間又一間，於是今次就專程前往黃大仙的這一間試一試！餐廳近地鐵店位置不難找，我和媽媽二人先點了一碟小的齋鹵味，有齊六款口味。我一向最喜歡吃酸齋，這裏的酸齋的酸甜味調得剛好，完全不會有一陣死甜味或酸得刺喉。而媽媽最愛齋雞粒，她大讚這裏的雞粒做得口感煙靭，整碟齋鹵味亦做得十分出色，展現出傳統齋舖的功架。接下來叫了一道薑汁炒雜菜，味道清淡得來有淡淡的薑味，明顯餐廳沒有落任何人工調味料，是一道天然的健康菜式。最後就是整餐飯我最喜歡的錦滷雲呑，我完全可以為了這道錦滷雲呑而再來！上菜時看見滿滿一盤金黃色的錦鹵雲吞已經十分興奮，而且更是最舊式，小時候常常吃的那一種。雲吞皮炸得非常香脆，而作為靈魂的酸甜醬汁更是做得很突出，番茄、燈籠椒、菠蘿等用料十足，醬汁不會因為落了太多生粉而變得漿口，這碟錦鹵雲吞絕對稱得上為店內招牌菜式。最後不得不提餐廳有派發飯卷給區內長者，當日亦見到有長者前來換領飯盒，這樣有良心的小店真的值得大大力支持💪🏻💪🏻💪🏻