健康食品拉麵 (威利大廈)

營業中

休息中

上網見有人介紹就諗住去試下啦，點知中晒伏，叫左個健康湯拉麵，味道偏咸，麵質係可以既，但個湯底味精真係很重，已經無點飲拉麵個湯，食完好耐都仲覺得口渴，飲幾多水都解決唔到，真係未試過出面食野係咁，仲有就係放枱上既調味樽污糟得好恐怖，見到有樽透明色唔知係咩調味料黎，眼見入面有三隻昆蟲(似烏蠅/蚊子)，見到完全無晒胃口，個樽仲要黐笠笠，似係唔會點清潔。。。衛生麻麻。呢間無下次，差評。

原本想簡單買番去公司食但俾同事問我做咩食得甘hea佢就帶我走食左間日本有外買便丼日式居酒屋入到去餐廳入面好似番左家鄉甘店內的店員都係日本人只懂日文同英文溝通到就好同事話難得堂食就叫左碗拉麵鰻魚飯太耐無食鰻魚飯第一眼就決定叫佢吾算係好特別但勝在佢真係似即叫即整因為都等左好耐下（同埋事要慢慢食佢碗拉麵等我）

因為買兩菜飯留意此店一到午餐時間就排隊，所以找機會試試，但可一不可再！📍位置：在岱民那條菜檔小巷，再轉左手邊就是了。🏠環境：面積相當狹窄，座位亦不多，大約可容納十五個客人，有吧台和二至四人木枱，每張木枱都擺有醬料，可添加到拉麵。裝潢滿日式味道。🤵🏻服務：收加一，但基上不送水，除了呈菜和收碟，就沒有了。另外是職員安排我坐吧台，但當我就座後，就說座位有人預約了，但奇怪是當時為甚麼安排我就座，而且網上沒有說有預約服務，個個都是排隊入座，為甚麼突然有預約？結果是我先到的就要搭枱，後到的就可以坐吧枱，以後都不會再光顧了，根本是看人下菜。🍽️午市：糖心蛋拉麵 $80一隻糖心蛋已切，可見流心狀的蛋黃，醃製調味適當，兩片薄豚肉，一片微煎，一片白灼，不明白為什麼有分別，但肉質算軟嫩，而麵質掛湯，軟硬適中，不錯👍，湯底奶白色，呈濃郁豬骨味，但不覺太渴，應該不重味精，整體食物質素不錯。

一個日式便當🍱 有齊晒漬物、沙律、前菜先至53 蚊今次叫咗唐揚雞加紫菜，啲雞真係好出色大大嚿，真係有肉，而唔係唐揚炸雞皮😂🤣（想講好多間都真係唐揚炸雞皮或者炸麵粉）呢度真係一大舊雞🥹😘🥰仲有佢個薯仔蛋沙律真係冇得輸，好想成盒咁樣買黎食啲飯都落咗小小鏗魚飯素，好多小細節佢哋都冇放棄，即使係咁平嘅價錢都做到十足。佢仲有好多唔同嘅午市選擇，成間小店都係日本人經營，成家人夾手夾腳。有得WhatsApp 落定單再去pick up 俾錢。日日都可以食唔同嘅高質但平價既日式便當🍱，希望呢間有心經營既小店長做長有。🥹☺️

一向只幫襯外賣便當，第一次坐低試拉麵，普通水評，冇講到咁好食，麵底似”正麵”，可能正麵以即食拉麵來說算出色！义燒是薄薄的半肥瘦似空氣，肥多過瘦食完返公司開始喉嚨乾涸，情況維持到夜半,食完南記都唔會咁！日本店員對自己友招呼會好好多，有講有笑，對我們問一句答一句然後走開，時間是2點半後不是繁忙，埋單每人120，麵連樽裝烏龍茶，便當都不會再購買，鍾情的三文魚便當都越來越咸中環區拉麵選擇非常多，不用特意來吃拉麵，吃了後要喝回幾公升水

自取外賣有兩款限定便當由右至左:炸魚,炸竹輪,炸咖哩薯餅$48如果不要炸咖哩薯餅,便當是$38配珍珠米中間有一層紫菜和一些漬物及半隻蛋飯量好足,飯面有一層調味粉好似肉鬆咁炸物不油,件件都好熱有驚喜的一個便當

Now whenever I’m craving for ramen, I visit here. The healthy ramen broth is different, peppery and have the sweetness from all the veggies in it. Also have some little seafood as well. And this Raman come with yakult drink and a bowl of salad.

朋友想試呢間拉麵店，餐廳個格局好似日本拉麵店，裝修簡單為主，座位係木造，裡面座位不多，座位比較窄，最surprise係侍應有日本人。拉麵可以係紙上面選，當然麵質軟硬度也可以自己選，豬骨湯底非常濃，豚肉亦好淋身，麵用上幼身麵質，掛汁能力強，我今次要左硬身，中意拉麵朋友可以一試。另外我哋加左細炒飯同埋炸雞，日本style炒飯比較濕，配料有蔥花同埋蛋，配料好足，炸雞炸至非常香脆，咬落去有肉汁，邪惡之選。

朋友帶我食好西時間🫶🏻餐廳環境好日本風 入到去有種地道既氣氛•特製拉麵🍜揀左特製拉麵以豚骨做湯底豚骨湯底濃 麵質揀咗硬為主而且香料方面更可以自由選擇豚肉方面不過不失 配埋糖心蛋一齊享用 大滿足

人均$100中環巷仔中日本人主理家庭式居酒屋🏮濃郁日式燉煮牛筋💥撈拉麵$85大量味噌肉醬，叉燒粒，生蛋黃，海苔碎，煙韌拉麵🍜食左一半之後加埋碗白飯撈埋一齊，碳水與脂肪係口中融合🔥好好好滿足🈵️重口味必食！牛筋+$20脂肪爆炸嘅美味😭💯超濃郁牛味，加上味增滷汁，甜甜嘅味霖完美融合，慷慨嘅份量即刻覺得加20蚊係超值！健康食品拉麵 (威靈頓街) (中環)中環威靈頓街97號威利大廈地下B,C,D舖

我朋友強烈推介喎嚟呢間店。一入到去好有日本嘅味到，可能因為日本人歡迎我。見呢間店叫拉麵，應該最好食係拉麵。尤其佢哋好有日本街頭食店嘅感覺。所以，我係menu揀咗呢隻拉麵。結果，湯底唔錯👍，豚肉真係唔錯👍，但係始終鍾意呢種幼麵底👎。個拉麵總括來講係失望👎。.不過有個驚喜位，我見喺牆貼滿唔係拉麵嘅食物，當中有我喜歡㗎凍烏冬，咁當然試吓啦。喂，驚喜地好食喎👍。我諗應該係牆貼嘅食物會好食啲😱，所以如果嚟就食牆貼嘅食物😇

在中環的陡峭小路邊有家特殊家常的日本餐館從外面到內裏的店員廚師　都大部分只講日語其實大部分客人都是日本人店裡很小　幾個小桌和高吧檯但能提供很基礎的家常料理溏心蛋拉麵基礎的豚骨拉麵　很甜很順口的湯底比較外面的　有了份家常味不會感覺太濃太鹹麵條是很普通的幼麵　就普通的但配料真的很豐富很健康的配料　還有少有的菠菜叉燒肉也偏肥的　入口會即化溏心蛋偏熟　在到來前我已經有了心裡準備因為他們的溏心蛋是很不溏心但意外有蛋香和蛋味　也挺贊整體是基礎很順的拉麵不會太特別　但是我會回去再吃大腸鍋覺得有種涮涮鍋的概念主食選了大腸　附上大量的蔬菜味噌的湯底　需要要點時間去等他烹煮剛剛開頭味噌味確實很濃　後來有蔬菜的甜味整體更和諧蔬菜味有出來豆腐　芽菜　椰菜　韭菜　還有主角大腸份量確不少　男生吃剛剛好

🥢 中環朋友又有福音啦，今次介紹一間小店係主打日本便當，好地道㗎！便當多選擇，美觀之餘，最重要價錢合理 👍🏻 餐廳menu幾多選擇，平價貴價都有，而且有印花卡儲20次免費一盒，各位可以同同事夾份，好快就儲到free一盒，除返開都抵㗎，落單好有日本風味㗎，張單寫日文 ✨ 炸雞便當 $55成個便當好豐富，炸雞同飯嘅份量都好多，再配沙律醬，沙律菜，沙律薯蓉，絕對健康又豐富，炸雞好滑，外皮有平時食日本炸雞嘅味道，有微微蒜香，成個便當好飽肚，味道真係值得讚一讚！

聽聞中環有一間日本人主理嘅拉麵小店，而且都幾多好評，想喺香港搵返啲真正日本feel嘅我梗係嚟試下喺呢間嘅拉麵有幾正宗～同健康(?) 🍜整體體驗唔錯，不過喺拉麵上就有啲失望 ᘳᗒ.ᗕᘰ 店鋪位於中環威靈頓街比較隱蔽嘅位置，舖面唔大，座位比較狹窄，人流多嘅時候都比較焗促同嘈吵。不過在場大部分食客都係日本人同韓國人，所以覺得氣氛好似新宿，幾有《深宵食堂》入面居酒屋嘅味道！😂 📌特製拉麵- 普通軟硬度($99) 我諗佢「特製」嘅意思係配料份量比其他拉麵款嘅多🤔配料有紫菜、「溏心蛋」🥚同埋三塊叉燒肉片，豬骨湯底味道濃厚，唔會好膩，麵條軟硬度適中。叉燒片都煮得軟腍入味。而且師傅真係落好多蔥，唔鍾意食蔥嘅朋友可以剔少蔥～ 坦白講味道平實冇咩驚喜，不過整體質素唔錯。唯一美中不足就係佢嘅「溏心蛋」係100%嘅烚雞蛋🥲完全貨不對辦，明明睇相其他人食都唔係咁㗎喎⋯⋯ 📌溏心蛋拉麵 ($80) 同特製拉麵最明顯嘅分別就係配料份量，其他方面例如湯底同配料種類都一樣。最失望始終都係溏心蛋，點解連溏心蛋拉麵都係食烚雞蛋🥺而且係淡然無味，唔係見我哋香港人就覺得我哋鍾意食烚雞蛋掛(,,Ծ‸Ծ,, ) 📌柚子酒 & 檸檬

之前已經試過幾次外賣,食咖哩豬扒飯,咖哩雞件飯或者係鰻魚飯,都十分好味。今次尊登黎試下佢堂食o唔ok。之所以食完又食,就因為呢一間係真正日本人開嘅餐廳,連侍應都係日本人,中文講得麻麻地,英文唔係好得嗰隻。最緊要係呢間餐廳連日本人都去幫襯,即係話呢一間係正宗日本餐廳,唔係港式日本餐廳。呢間日本人開嘅餐廳分左右兩邊,一邊叫外賣,一邊食拉麵,今次試佢拉麵,叫咗糖心蛋拉麵同埋香蔥拉麵。麵就好大碗,份量十足,但係隻溏心蛋就令人好失望!佢唔係溏心蛋,而係一般烚蛋,我覺得商品與事實不相符,於是就問下侍應。原來佢哋改咗做普通烚蛋,而唔係糖心蛋,咁我即刻請佢將餐牌幅圖更改至得,但係我覺得佢有少少聽唔明囉。講番碗麵,除咗隻蛋,叉燒ok,其他配料冇問題,只係我略嫌碗麵嘅醬油湯底稍為肥膩,唔係咁啱我腸胃。碗拉面對比我外賣嘅咖哩豬扒飯,可以係話差一皮,亦可以話個咖哩豬扒飯勝一籌! 個豬扒飯嘅吉列豬扒炸得啱啱好👍又熱又夠脆,而且咖哩汁零舍多,仲要好好味喎,我每次外賣返屋企食,都舐埋個底咁濟。所以,我終結呢間餐廳食丼係優勝過食拉麵,純粹個人意見。我仍然極力支持呢間日本餐廳,因為呢個質素,係中環嚟講,性價比算係高嘅!