健康食品拉麵 (威利大廈)

營業中

休息中

非常非常非常鹹！！！拉麵湯底完全鹹到食完要洗腎，食咗一半已經頂唔順同好俾面店家，炒飯亦都炒唔均勻，會有一啖突然鹹到飛起，真係好可怕，食到懷疑人生。朋友個碗冇咁鹹，但明明係同一款拉麵？！點解可以咁參差，完全睇你好唔好彩。第二日仲好口渴，完全係不健康拉麵，鹹到令人脫水，鹹到苦。可能唔排除有人會接受到，但同原本以為”健康”口味有好大落差，已經唔係用重口嚟形容衛生亦都好差，冷氣上邊積滿塵，真係好驚嚇，好唔開胃

豬骨湯的熬煮時間剛好，湯汁濃郁，入口有淡淡的甜味，非常適合搭配麵條食用。叉燒肉十分嫩滑，口感豐富；溏心蛋煮得剛剛好，吃起來口感非常滑嫩。麵條的口感也非常棒，有著彈牙的口感，又好夠青，正! 整體來說，這道拉麵的味道非常正宗，讓人彷彿置身於日本的拉麵店裡。

自從最近轉工去到中環返工, 一到食飯搵野食就好忐忑不安. 因為lunch時間一定多人, 所以多數都係外賣自取. 但健康的確好抵食. 有次諗住堂食, 但超多人等, 見到隔離有外賣所以就試一試. 有廿幾款揀價錢唔貴, $50左右起. 但絕對唔算馬虎. 對得起價錢. 好多時等幾分鐘就有得攞. 但有時等可能會超過5分鐘.每個餐可以給一個印仔, 儲夠20個免費送一餐. 依家我每個禮拜最少幫趁一次. 但溝通落單要用英文. 但最近請左個本地人收錢落單, 會易溝通d.  

正宗日本拉麵店🍜呢間小店位於中環既皇后大道同埋威靈頓街有少少難搵👀 入到去聽到員工都係日本人🇯🇵之前聽過唔少朋友推介 而且係mm條片都有介紹過😋想食好耐 但每次都超多人排隊趁著今日落雨🌧️ 好似無咁多人就決定試下✌🏻我叫左最基本既 - 豚骨拉麵($70)🐖湯底唔會好重味精味 又唔會太油或者膩一淡湯配埋拉麵一齊食絕對唔會太鹹😋豬肉有2-3舊 肥瘦比例平均麵係幼麵 佢哋可以比你選擇麵的軟硬程度 我揀左硬麵🙌🏻仲有配合埋呢間餐廳既名 — 健康食品拉麵🍜佢哋碗麵都有大量既菠菜、蔥🥦 係檯面仲有自助既醃芽菜值得稱讚既係員工都超級有禮貌 🧏🏻👍🏻我留意到餐廳仲有賣其他小食同埋飯類 下次可以試試😽味道🤤：4/5 價錢💰：$50-100～回顧指數🚶🏻‍♂️：95%

話說朋友睇完影片分享網站channel 條片話想食呢間拉麵店，咁一間店去到冇人理你，得個妹妹店員做嘢，安排差，入到去坐低冇人理你自己搵menu搵筆搵紙，點完餐之後都唔係好安落，周圍望，見到個伯伯搵個日本老闆娘話佢想點餐，點拉麵要用紙圈住，奈何張點拉麵紙濛到，我以為自己800度遠視，個老闆娘好不耐煩又黑面，叫妹妹店員幫吓手，其他食客已出聲幫手，拉麵到左食緊，我對面個客人走左（我朋友坐我隔離），之後有人送貨嚟，個老闆娘一嘢就搬箱貨喺我對面，心諗有冇衛生常識，我未食完🤬🤬🤬🤬，我嬲到冇食晒，我叫我朋友去畀錢，我大聲講：垃圾！一啲衛生常識都冇！ 我懷疑個老闆娘識聽，我望到佢想打我咁樣總之，呢間店唔洗去，加一服務費總共$220，完全唔洗再去，體驗一次就夠，$100以上拉麵大把選擇。嗰啲影片分享網站channel 片根本係廣告，講到幾好食，幾咩好咁，我本人食落去同佢哋啲片完全唔同！

是次叫咗一碗拉麵加啤酒，拉麵$70加$8波菜，味道普通，加咗1杯啤酒，細細杯，仲貴過食拉麵。合共$160。地方唔算好亁淨，其他客人落單又冇跟好，要有心理準備叫咗都冇落單！❌唔會再嚟😤

幫襯左好幾年嘅拉麵店，近幾次都覺得可能下次會好啲，但今次確定真係唔會再有下次。1. 等位安排極度混亂：近幾次都好差，今次直情員工們都會避開你眼神，等位冇明確指示算，但今次個男士直程話你企係度阻住佢lol 明明係佢地由頭到尾都唔理有人等位同冇安排，如果好似之前門口有紙仔mark底，我估我哋都唔洗淨企係度唔知點算好… 當佢講完之後，我哋都知唔會再幫襯。2. 漏單好嚴重： 上次叫咗拉麵、炒飯、關東煮同牛腸鍋，但等咗半個鐘只有拉麵同暖暖地嘅炒飯上枱，催過問過但再等多20分鐘其他野都冇出現過… 到最後，有個好好嘅女員工係咁講對唔住同比左3個印仔我地，但可惜真係好失望。3. 品質控制：知多人等位揀靜啲時間過嚟.. 但湯底係有一塊塊….以上係綜合咗3次嘅experience 🙏 中環一定有更好選擇

今日同KK隊員特別黎到中環 食 健康既拉麵🐷🐷拉麵店係由日本師傅經營 店舖唔係好大間 但店既裝置都同日本既拉麵店 居酒屋 大置一樣 係香港可以體驗一下 日本 居酒屋 拉麵店既感覺 都十分有特色😎😎食物價錢唔貴 份量都好充足 令人食完會感覺好滿足 幸福 同健康 因為配菜都有好多菜😋😋店舖比較受對歡迎 所以要預早少少時間排隊 或者預訂位置健康溏心蛋拉麵($80)+迷你炒飯($30)豚骨湯味好濃 但唔會好肥好多油 配合埋炒飯一齊食感覺好好 好滿足☺️☺️麵既硬度可以選擇 選擇左我最中意既硬麵 好有口感 配合濃郁既湯 感覺好好~~配菜十分多 有好多蔬菜 蔬菜新鮮 唔會煮到太軟溏心蛋做得好好 生熟情度非常完美♥️炒飯 炒得好香 粒粒分明 裡面都有蛋 蔬菜 肉 感覺好健康🤭🤭

中環食lunch真係唔知食咩好，同事介紹咗條巷仔，入面有非常多嘢食，而當中就間日本嘅地拉麵店叫做健康食品拉麵！因為中環lunch time都好多人㗎，咁所以我哋提早喺OpenRice落單先去拎佢哋其實有好大量嘅便當選擇㗎，咁今次我就揀咗呢個糖醋炸雞便當$58，$58食個lunch嚟講係中環係相當划算㗎啦！咁炸雞份量亦都相當多㗎，有6件左右，亦都有啲沙律菜，佢另外都會加一大pat沙律醬係嗰個炸雞上面,炸雞炸得非常之香脆，飯嘅份量都足夠，都分享番俾喺中環唔知食咩好嘅朋友

Lunch 時間要去donki買啲嘢，打算喺附近快食。之前朋友講過呢間拉麵係日本人開geh，個名又幾特別，見去開附近所以就去試一試。一拎起餐牌就見到啲拉麵係以蔬菜做主打，即刻嗌個溏心蛋拉麵加菠菜。等咗陣，碗麵終於擺到上枱。佢同一般拉麵鋪真係好唔同，唔會同低擺到靚一靚，重點都唔係塊叉燒/蛋嗰到。但所有嘢食落去geh感覺又真係好似佢鋪頭名咁，點都會有菜味，食落好似好健康咁。講番碗麵先，叉燒唔係話好特別，溏心蛋亦都無話點流心，麵質咬落去都係正常。之不過佢個湯底飲落去係舒服，唔會涸喉要係咁飲水，有一種清清哋geh感覺。食完都覺得可以下次再嚟食。如果你係追求湯底要好夠味，叉燒要燒得好靚，麵質要彈牙/ 麵香要足夠，呢到就未必啱你。但想有一個非一般拉麵geh感覺，值得嚟呢到試一試。

健康食品拉麵聽落個名無咩信心😂但幾位朋友都介紹尼一間係中環上班族食拉麵平靚正之選.一到夜晚重有好多日本人會同三五知己去飲酒既居酒屋🏮😲🍢 原來老闆係日本人.拉麵店已經營多年.➿香蔥拉麵 / ➿溏心蛋拉麵入到去的確有種日本拉麵小店嘅感覺 🇯🇵價錢貼地.味道上沒有坊間拉麵天花龍鳳既排場.但湯底就似以前喺日本食拉麵時.最原始嘅豚骨湯底.豬骨味濃而順口.叫做健康拉麵因為拉麵都會加有菠菜🥬平衡健康.不過溏心蛋幾次去食都係偏熟既蛋.叉燒有2大片.唔算嫩滑.脂肪都算平均.客人可自由選擇麵嘅軟硬程度.用幼麵配豚骨湯再加上辣芽菜🤤.➿蟹肉忌廉可樂餅可樂餅同芝士餅價錢貼地.即叫即炸新鮮辣口🥵.重有店家自家製梅酒/檸檬酒/柚子酒.酒精成份都幾高😆除左幾款拉麵.都有拌麵同丼飯.試過夜晚飲完酒去食拉麵.都有好多日本人去食串燒同牛腸鍋.希望有機會夜晚再去🤤🤤🤤..➿香蔥拉麵 ʜᴋᴅ 𝟾𝟸➿溏心蛋拉麵 ʜᴋᴅ 𝟾𝟶➿蟹肉忌廉可樂餅 ʜᴋᴅ 𝟺𝟻➿ʙᴇᴇʀ ʜᴋᴅ 𝟹𝟶➿檸檬酒 ʜᴋᴅ 𝟽𝟶..(.❛ ᴗ ❛.) foodiepoison👩‍🍳  整體味道: 9/10 💸  性價比: 8/10 📸  打卡指數: 6/

健康食品拉麵向來係中環上班族夜晚醫肚、三五知己飲酒傾偈和居港日本人鍾情嘅去處。今次都已經係我第4/5次造訪佢哋~🥘味噌炒烏冬 $70炒烏冬鑊氣十足，加咗大量蔬菜和豚肉。味道偏濃，加左柴魚粉增加和風味。🍜溏心蛋拉麵$80拉麵有濃郁嘅豬骨湯湯底，但唔會太油膩。麵質軟硬適中，配料有偏肥叉燒、菠菜、蛋同紫菜。如果對配料有特別要求，可以喺紙仔寫低。唯一唔知點解餐單寫明溏心蛋拉麵，上菜卻係全熟蛋。拉麵質素仍然不錯，熱度做得好。🐔雞砂肝（雞胗）雞手羽先（雞翼）每串$20雞砂肝口感爽口，雞翼肉汁豐富。可以試吓沾上佢哋開胃嘅柚子味辣醬。日式串燒呢個價錢唔算貴，佐酒一流。叫5串只需要$90。🥃梅酒$70據說梅酒係自家製出品，飲得出梅子嘅香氣，亦幾順口。鋪面唔大，所以會坐得有啲迫。舖頭最近人氣好高，建議大家可以早啲去😉（到訪當日我哋6:00入，唔使點等）。

How can you not fall in love with @kenko_ramen 🎌每次都心甘情願等位嘅健康拉麵💗野菜天婦羅令我心靈健康🥹.🧑🏾‍🦱was amazed by the veg options 🌱🤪 Must try veggie tempura 🫑 oden 🍢 and self-made plum wine 🥃.Veg/om friendliness: 🫶🏻🫶🏻🫶🏻🫶🏻🫶🏻Veg options: 🥦🥦🥦🥦.🍢Skewers (okra, green bell pepper and mushroom) ..🥬 Cabbage with marinated kelp .🍲Vegetable tempura served with cold udon.🍝 Salted fried noodles (“no meat” version available).🍢Oden (winter limited edition!!!! Have fish in soup base).(~$100-$250 per head)

這間店我去了3次，之前都覺的很好，但這次體驗感很差，其中雞肉沒熟，跟店員反應，回應是：這一向都是這樣的，雞肉我都已經看到裡面粉粉透透的，很明顯沒熟，😮‍💨基本上等於沒服務，人手不夠，店座位非常逼，東西好吃度我給8分（滿分10分），主要價格不貴，但真心不建議花時間排隊，因為裡面位子很少，有的甚至留座給相熟的日本人。食物美味度我還是覺得不錯，但建議如果真的想試，就用訂位的，可能影片分享網站介紹過吧，現在真的排的太離譜，不建議傻傻的排隊！位子真的超少！

店舖位置都幾隱蔽 係小巷入面 裝修比較簡樸餐廳由日本人主理 所以主要都係用簡單嘅英文同職員溝通 溏心蛋拉麵🍜 ($80；另外收加一服務費)湯底濃郁 唔會太鹹；最有特色係拉麵配上好多菠菜🌱 唔通就係咁 所以叫健康食品拉麵?!🤣叉燒有2大片 雖然唔算嫩滑 但脂肪都算平均客人可以自由選擇麵嘅軟硬質地；佢哋係選用幼麵 正常麵質都幾爽口 但食食下會變淋，所以要快啲食呀！溏心蛋有啲失望🥚做唔到半流心嘅效果 一送上嚟已經有八九成熟 而且蛋味無特別香濃👉🏻👈🏻枱面有提供辣芽菜 就咁食真係好辣！🌶 唔太夠鹹味 辣油流於表面 但如果放入湯底 一齊食反而令到成個湯底更加惹味 可以考慮吓呢個食法除左拉麵 餐廳亦有提供其他熱食/丼飯！