36
30
8
港鐵香港站 E1 出口, 步行約5分鐘 繼續閱讀
所有分店 (1)
電話號碼
23286227
營業時間
今日營業
11:30 - 23:00
星期一至五
11:30 - 23:00
星期六
12:00 - 23:00
星期日
12:00 - 21:00
*星期一至六最後落單時間: 22:30 星期日最後落單時間: 20:30
付款方式
Visa Master AlipayHK 支付寶 現金 銀聯
座位數目
30
其他資料
Wi-Fi
酒精飲品
支持減塑 詳細介紹
加一服務費
室外座位
當面支付
食評 (89)
聽聞中環有一間日本人主理嘅拉麵小店,而且都幾多好評,想喺香港搵返啲真正日本feel嘅我梗係嚟試下喺呢間嘅拉麵有幾正宗~同健康(?) 🍜整體體驗唔錯,不過喺拉麵上就有啲失望 ᘳᗒ.ᗕᘰ 店鋪位於中環威靈頓街比較隱蔽嘅位置,舖面唔大,座位比較狹窄,人流多嘅時候都比較焗促同嘈吵。不過在場大部分食客都係日本人同韓國人,所以覺得氣氛好似新宿,幾有《深宵食堂》入面居酒屋嘅味道!😂 📌特製拉麵- 普通軟硬度($99) 我諗佢「特製」嘅意思係配料份量比其他拉麵款嘅多🤔配料有紫菜、「溏心蛋」🥚同埋三塊叉燒肉片,豬骨湯底味道濃厚,唔會好膩,麵條軟硬度適中。叉燒片都煮得軟腍入味。而且師傅真係落好多蔥,唔鍾意食蔥嘅朋友可以剔少蔥~ 坦白講味道平實冇咩驚喜,不過整體質素唔錯。唯一美中不足就係佢嘅「溏心蛋」係100%嘅烚雞蛋🥲完全貨不對辦,明明睇相其他人食都唔係咁㗎喎⋯⋯ 📌溏心蛋拉麵 ($80) 同特製拉麵最明顯嘅分別就係配料份量,其他方面例如湯底同配料種類都一樣。最失望始終都係溏心蛋,點解連溏心蛋拉麵都係食烚雞蛋🥺而且係淡然無味,唔係見我哋香港人就覺得我哋鍾意食烚雞蛋掛(,,Ծ‸Ծ,, ) 📌柚子酒 & 檸檬酒($70/ glass) 🥃 擺喺吧檯上有三大桶酒,分別係梅酒、袖子同檸檬,感覺似自家釀製。酒類方面有驚喜,味道十分清新而果味突出。酒味唔算濃,雖然喺果酒但唔太甜👍🏻 —————————— 昨日(土曜日)、中環駅の健康拉麵訪れました。 今回は煮卵ラメのラーメン と 特製ラーメンを注文🍜 分厚くて大きいチャーシューが3枚👏🏻 意外にも味玉じゃない(ラーメン2杯も) ゆで玉子が固くなっている。 味玉好きとしては非常に残念…(,,Ծ‸Ծ,, ) まぁ、それでも美味しいから ごちそうさまでした🙏🏻 繼續閱讀
(以上食評乃用戶個人意見 , 並不代表OpenRice之觀點。)
等級3 2022-04-27
255 瀏覽
之前已經試過幾次外賣,食咖哩豬扒飯,咖哩雞件飯或者係鰻魚飯,都十分好味。今次尊登黎試下佢堂食o唔ok。之所以食完又食,就因為呢一間係真正日本人開嘅餐廳,連侍應都係日本人,中文講得麻麻地,英文唔係好得嗰隻。最緊要係呢間餐廳連日本人都去幫襯,即係話呢一間係正宗日本餐廳,唔係港式日本餐廳。呢間日本人開嘅餐廳分左右兩邊,一邊叫外賣,一邊食拉麵,今次試佢拉麵,叫咗糖心蛋拉麵同埋香蔥拉麵。麵就好大碗,份量十足,但係隻溏心蛋就令人好失望!佢唔係溏心蛋,而係一般烚蛋,我覺得商品與事實不相符,於是就問下侍應。原來佢哋改咗做普通烚蛋,而唔係糖心蛋,咁我即刻請佢將餐牌幅圖更改至得,但係我覺得佢有少少聽唔明囉。講番碗麵,除咗隻蛋,叉燒ok,其他配料冇問題,只係我略嫌碗麵嘅醬油湯底稍為肥膩,唔係咁啱我腸胃。碗拉面對比我外賣嘅咖哩豬扒飯,可以係話差一皮,亦可以話個咖哩豬扒飯勝一籌! 個豬扒飯嘅吉列豬扒炸得啱啱好👍又熱又夠脆,而且咖哩汁零舍多,仲要好好味喎,我每次外賣返屋企食,都舐埋個底咁濟。所以,我終結呢間餐廳食丼係優勝過食拉麵,純粹個人意見。我仍然極力支持呢間日本餐廳,因為呢個質素,係中環嚟講,性價比算係高嘅! 繼續閱讀
(以上食評乃用戶個人意見 , 並不代表OpenRice之觀點。)
等級4 2022-04-21
213 瀏覽
一到lunch time,呢間就出現人龍。所以之前就試過賣外賣便當🍱味道唔錯👍🏻👍🏻今次咁岩經過又見未有人龍,就入咗去堂食啦,期待啲拉麵會唔會都好食呢🫣🫣🫣▪️溏心蛋拉麵 $80價錢上,同市面上嘅大部分拉麵店都差唔多。賣相上,唔算好吸引🙈🙈🙈湯底係豬骨湯,濃嘅,但偏咸同油咗少少🤏🏻拉麵係幼身,但彈牙。叫咗溏心蛋,但上到嚟隻蛋熟曬,唔係溏心☹️☹️兩塊叉燒比較薄,但唔韌。平時拉麵會有荀絲,但呢度好似用咗菜去代替。個人覺得佢嘅便當出色啲😆😆😆 繼續閱讀
(以上食評乃用戶個人意見 , 並不代表OpenRice之觀點。)
等級4 2022-03-30
279 瀏覽
【🇯🇵家鄉嘅味道!中環居酒屋🏮 🍻一次滿足3️⃣個願望:燒鳥x日本酒🍶x拉麵🍜 】2年幾冇去過旅行,掛住🇯🇵掛到傻咗🥲🥲 今次介紹一間好有日本味道,環境同食物連服務都超級japanese style 🏮 連店員都係日本人超親切🥰 有雞串燒仲有唔同日本酒,仲有日本酒放題🥳呢間都好受日本人歡迎👏🏻___ ___ ___ ___ ___ ___ ___ 有加一✨香港撈麵 $85 呢個隱藏special menu出色,有白飯配😂淨係呢件事已經好日本😂乜都配飯雖然唔係香港風味,但入面嘅配料同調味好好食,炸醬配肥豬肉,小編鐘意呢隻麵多過拉麵🍜,夾埋少少辣但唔會太咸,會一啖接一啖✨ 特製拉麵 $99豬骨湯底,湯底唔算好濃郁,但有日本家庭味道, 配料多~3-4叉燒,溏心蛋切半,大量大蔥同芽菜,配料夠晒佛心👍🏻係好食過唔少拉麵店✨炸雞 $55非常唐揚,但調味可以再多啲🥴🍻draft beer sapporo $30 Happy hour $30 超抵,有種唔叫對唔住自己😂 據友人話炒飯都值得一試👍🏻,入面氛圍真係好日本,食物高質,環境唔錯係長枱有dd窄。中環呢個價錢有家鄉菜同服務推薦!👍🏻👍🏻✅ 繼續閱讀
(以上食評乃用戶個人意見 , 並不代表OpenRice之觀點。)
叫咗特製拉麵、天婦羅溏心蛋、炒飯、腐皮壽司。特製拉麵同天婦羅溏心蛋嘅蛋係100%煮熟咗、蛋黃實嗮、乾、黃。腐皮壽司嘅飯唔係醋飯,而係熱辣辣啱啱從電飯煲舀出黎嘅普通白飯。拉麵普普通通,湯底嘅味精頗重手。最不能接受嘅係炒飯。炒飯既濕又油,第一啖食落口想嘔。白米唔需要咬就可以粉碎成澱粉。我估佢嘅炒飯嘅目標食客係無牙嘅老人家。大廚去安老院做咪幾好,開餐廳就浪費嗮哩啲良苦用心啦。完全唔明啲人點解會排隊、哩間野響Google map 有105個reviews 4.1分係點黎。 繼續閱讀
(以上食評乃用戶個人意見 , 並不代表OpenRice之觀點。)