36
2
1
電話號碼
26200188
營業時間
今日營業
11:00-23:00
星期一至四
11:00-23:00
星期五至日
12:00-00:00
*星期一至日 07:00-16:00: 提供港式及泰式特色早餐
付款方式
現金
食評 (42)
什麼人, 選什麼 焦點食評
等級6 2017-11-13
444 瀏覽
一樣米養百樣人,不同性格的人會在人生路上各有各的選擇,這些選擇,百貨百客,這大概是我們社會的多元性。 就如九龍城這個小市區,我們都知道泰國菜遍地開花,有貴有平有好食有唔好食有靚有地方好有地方差有地道有異國情調,基本上如果你一個月淨係留喺九龍城食泰國餐,我諗你一個月也不用重複。 或者講到呢度你一定會有自己的心水和喜歡吃的東西,又或者如果你係九龍城的街坊,你又會有什麼隱世食店等等,我唔係有什麼特別研究,不過,上次係九龍城工作,由於之後要趕到香港,求其在附近選了一間泰國菜,以乾淨企理和價錢相宜為主,我選了這間倪姐泰國菜館。 一坐底先來一杯青檸梳打,涼到入心,完全係最基本的甜美和酸的衝擊,直刻令你開胃到不行。 前菜又點可以唔食生蝦刺身,這裡的每隻都是新鮮彈牙爽口,簡單的配上那個辣得惹味的醬汁,不用多說,很快便吃完一碟。 當然要吃點菜吧,通菜一定是最好選擇,這個馬拉棧炒通菜,必定是考驗泰國菜的入門檻,告訴你這裡的泰國菜是做得不錯。 遊船河不一定是昌發的專屬,這裡配上金邊粉又是不錯的選擇,魚蛋的魚味讓人想起了泰國的街邊小吃,最驚喜有那個經典的炸豬皮,配上那個湯,絕對是一絕,而且價錢吸引。 我們要輕食,所以選了冬蔭公湯河,河粉是較特別的扁身又短的那種泰國河粉,吸收了大部分湯的精華,而且那冬蔭公湯酸辣分佈得宜,絕對令人想叫一煲來飲。 吃過下午,每人也只是一百蚊到,仲要送甜品,老實說,係九龍城物價已經騰貴的時候,我覺得,是絕對超值的。 你可能會選擇有名氣去小曼谷,你可能會去什麼珍珍,而我想價錢貴得多但味道不是太遠,像我知慳識檢的人就會選這個好選擇,什麼人便選什麼,你有興趣便來一下這泰國菜吧。 倪姐泰國美食 九龍城侯王道9號地下A舖 繼續閱讀
(以上食評乃用戶個人意見 , 並不代表OpenRice之觀點。)
平靚正泰國菜 焦點食評
等級4 2017-10-18
418 瀏覽
食泰國菜第一時間諗起九龍城, 但九龍城既泰國餐廳亦有唔少選擇, 而今次我就揀左一間小小既泰國餐廳, 不是集團式, 更沒有分店。正正今早香港打風, 所以街道上已沒什麼人流, 就連餐廳都較為少人。呢度既泰國菜款式亦很齊全, 咖哩、生蝦刺身、沙律、串燒、炒粉麵、冬陰公等等都有供應, 我地就揀左幾款Share齊齊食。【芝士炸蝦丸】HK$75表面炸得金黃香脆, 蝦丸略帶爽口彈牙, 很鮮甜, 再咬深一點, 芝士果然爆漿出來!! 芝士味濃郁, 很有驚喜。【青咖哩牛】HK$65青咖哩帶點辣, 有淡淡既椰汁香, 不過濃郁咖哩完全覆蓋牛肉本身味道, 但呢個汁如果沾薄餅又的確係絕配。【泰式海南雞半隻】HK$80整餐晚餐最有驚喜係呢半隻海南雞, 我地只order左半隻, 但size大得好似平時我地order一隻咁大既份量。海南雞色澤金黃, 雖然沒有被去骨, 但海南雞都幾多肉食, 而且沒有厚厚脂肪連帶, 肉質嫩滑juicy...稍為點一下旁邊既醬汁, 味道更加正!呢度更有海南雞飯選擇, 但因為我地share齊齊食, 所以就揀左半隻雞, 再每人一碗油飯, 咁食比較抵。【油飯】HK$15@1油味甘香, 飯質軟硬剛剛好, 粒粒分明, 食落又唔會好油膩。【泰式燒糯米雞翼】HK$25@1剛好今日特價, 所以就order試試。雞翼表面帶點香脆, 不過入面既糯米不太黏, 一夾起時, 入面既糯米已被鬆散出來, 整體味道較淡。【椰王沙冰】HK$25沙冰被打至幼沙, 口感很幼滑, 椰汁味很重, 唔會太甜, 唔係溝大量糖水果種。我地食左咁多野, 埋單都只係300蚊!! 飽到捧住個肚走, 最後餐廳仲送每人一碗糖水做甜品, 為呢餐晚餐畫上完美句號。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-09-29
660 瀏覽
黎九龍城緊係食泰國野,今次無揀“大牌子”,揀左倪姐。(星期一至五都有一蚊優惠,夠$300就可以用,個人覺得星期一就抵,有烏頭。今日係星期三,所以係泰式恐龍蛋)餐廳都幾乾淨,平日晚八點左右就坐滿哂!不過唔知有無得book位呢椰汁大樹菠蘿冰:唔會過甜,大樹菠蘿比較少有,好飲既!鹵水豬肉河幾得意,上面係炸豬皮,河粉好闊好大條,豬肉好淋,湯底入味,值得試既!魷魚沙律落重本呀!魷魚多過菜,泰式酸辣味好開胃,魷魚唔韌。係細碟左少少咁姐....咖哩炒蟹係優惠價$180,雖然得一隻蟹,個係好大隻好多肉,其實好過兩隻細蟹。夠四個人食!蟹殼有專登打碎少少,蟹肉新鮮!咖哩好香口,加埋洋蔥一齊炒,所以唔好哂,叫左個蒜蓉包點黎食!蒜蓉包個樣好得意,長條型既,焗得香口,點埋咖哩汁真係一流!一蚊雞既恐龍蛋,以為佢會俾細份d,不過黎既應該都係standard size,有兩隻皮蛋。蛋黃位淋身,正!包住蝦肉黎炸都幾特別,而且又幾夾!唔錯唔錯!牛肉生菜包食泰國野就係要食生菜包,牛肉炒得好香,有酸有辣,配菜幾夾!芒果糯米飯有齊黑白糯米,好靚!芒果唔酸,甜得黎又唔會太誇果種!哈!侍應最後每人送多個甜品,粟米西米露好味!飽到上心口都要KO佢!每人百三蚊都唔洗就食到飽一飽呀!PS:原來都有deliveroo喎,幾In! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-09-12
2004 瀏覽
訓醒係屋企呢樣整下,o個樣整下都2點幾,少少野都無落左肚,就近近地落九龍塘搵野食,上個禮拜食牛腩麵的時候見到對面有間未食過的泰國餐廳 - 倪姐,其實早就默默地決定要試一下餐廳是茶餐廳的格局,勝在空間夠大,3點黎到,可以包場,我諗無咩人好似我咁訓到咁晏先食午餐好彩仲有午市套餐食,平日星期一至五著校服去食一律$38送飲品同糖水,就算我唔係學生價錢都唔係差太遠,送泰式飲品幾抵食睇到牆上寫住晚市食滿$300,就可以以$1換購每天不同的菜色,一眼望落,星期一係最吸引的明爐魚喔凍咖啡 (跟餐)、芒果沙冰 ($25)凍咖啡我試左一啖,咖啡味濃無被冰溝淡,原來泰式咖啡不比越南遜色芒果沙冰係個人喜好,大熱天時飲兩啖已經暑氣盡消,如果芒果味再濃D會更好燒糯米雞翼 ($25/PC)糯米雞翼以每隻計算,乃手工之作,要先將雞翼去骨再饟入糯米,雞皮燒得脆脆,入面就軟棉棉,同時間享受兩種好大落差的口感泰式炒椰菜苗 ($65)菜可以揀泰式、馬拉盞、鹹肉或鹹魚炒,今次揀左簡簡單單的泰式,泰式食落辣度夠炒金邊粉 (雞) ($45)花生碎放係一旁如果唔喜歡可以選擇唔伴入金邊粉,喜歡泰式炒金邊粉那種黏黏口感,食落甜甜地,唔知係咪所有泰國人都識炒泰式金邊粉既呢鹵水豬手飯 ($45)以$45呢個價錢,豬手份量一點都不少,鹵得入味,配合酸菜味道無咁單調,蛋都浸得有少少鐵蛋FEEL了椰汁西米露食個只係$45的午市套餐,唔只有飲品,仲有湯水送埋實在係太抵食,份量同平時係糖水鋪俾錢食的差不多,西米份量好足,味道唔太甜 繼續閱讀
(以上食評乃用戶個人意見 , 並不代表OpenRice之觀點。)
等級4 2017-09-11
1138 瀏覽
家人一向很喜歡食泰國菜, 有時周五都拉着我去九龍城, 看看有什麼未吃過的泰國菜館吃一 頓美味的泰國菜, 經過見到這間叫倪姐泰國美食好似不錯, 因為內裡客人很多, 加上未試過這間, 所以就試一下吧~ 倪姐這裡與九龍城其它泰國菜差不多, 同樣有泰國人服務員招待, 地方算乾淨, 地面冇積水紙巾, 而且價位都不貴, 亦有很多特式和傳統泰國美食可在此中尋, 所以不妨一試~ 太熱的闗係, 先來杯椰汁冰, 椰汁很香滑而且喝下去不會水水的, 有濃香的椰奶味, 甜度適中, 美味可口又解渴! 這個豬手湯河粉好好好好食!! 除了有好脆的小蝦片放在湯河上面, 增加其不少口感外, 豬手又滑又鬆化, 湯頭都美味, 不過這個味道是偏微辣, 不好辣者要慎點~ 馬拉盞炒通菜, 又香又辣, 通菜不老爽脆, 用來送飯一流~ 真的點了個白飯, 份量十足, 足二人用, 飯粒晶瑩剔透, 泰國米一向不錯~ 泰式明爐魚- 烏頭- 這個媽咪說好好吃! 她說口感是酸酸辣辣, 魚肉細滑, 最重要是沒有泥臭味, 而且用上明爐來上, 温着熱湯的魚真的好好吃~~~見她連魚湯和魚頭全部KO, 都知這個不能錯過! 餐廳送上甜品- 紫米露涷涷的好好吃, 甜度適中, 花奶又香又滑, 紫米味道濃, 不錯~~ 倪姐泰國美食 九龍城侯王道9號地下A舖 26200188 繼續閱讀
(以上食評乃用戶個人意見 , 並不代表OpenRice之觀點。)