91
3
3
附加資料
所有食物即叫即製(包括串燒),需時制作,請耐心等候。
營業時間
*最後落單時間:22:30
星期一
全日休息
星期二至日
11:00 - 23:00
公眾假期
11:00 - 23:00
付款方式
AlipayHK 支付寶 現金
其他資料
Wi-Fi
加一服務費
當面支付
食評 (104)
等級3 2019-11-06
309 瀏覽
九龍城不嬲都出晒名食泰國嘢,喺九龍城讀書嘅CWY當然唔會放過呢個機會, lunchtime出去覓食呢間野lunch menu有好多選擇,價錢$48-$52,著校服既學生仲要全部都$38,呢個價包埋野飲甜品真係抵到爛。泰式奶茶咖啡龍眼冰全部唔洗加錢,當人哋糧尾咬緊包,我去食泰國野,會唔會太過份🤪.豬肉丸船河 $48 (可選: 金邊粉/米粉/河粉)(招牌船河湯底🌶辣/清湯)我要左河粉,同港式河粉唔同,佢係闊身一片片好泰嗰種,好食但係好滑成日係我對筷子到偷走😤泰國嘢嘅豬肉丸都幾經典,冇令我失望,彈牙好食,豬肉片嘅份量都幾多,有肥有瘦一啲都唔乾,鬆軟口感。我食得辣所以覺得個湯底辣辣地幾正,但同學就食到鼻水都流埋,唔食得辣就唔好揀辣啦。佢唔辣嘅湯底其實都係泰式船河個種啡黑色,一樣好食。泰式湯係帶微甜甜,濃郁。碗野仲跟左啲通菜,香港人要食多啲菜呀排毒,面頭有炸蒜連河粉食更香口。泰式凍咖啡呢度午餐跟嘅所有飲品我都飲過,佢另外仲有黑咖啡,但其實佢呢度嘅飲品全部都係甜嘅,就算係黑咖啡都好甜,不過可接受的。泰式飲品係冇得走甜因為調校好左,叫少甜佢只係沖淡啲俾你。.仲食過海南雞飯、豬手飯、豬頸肉飯、香葉辣椒肉碎飯、各種炒飯,其實都未伏過,炒飯都唔會太油。佢個雜錦喇沙湯米線值得試,湯底夠濃又香又多海鮮料又大碗,正常價都係$52抵過你去食_司_坊啦🤭 繼續閱讀
(以上食評乃用戶個人意見 , 並不代表OpenRice之觀點。)
等級3 2019-10-22
186 瀏覽
好耐無黎九龍城D餐廳好多都轉哂以前拍拖好鐘意食金泰美食行到黎呢個鋪位變咗倪姐唔緊要都試下!價錢都ok 同呢度既餐廳差唔多我幾鐘意佢擺哂d汁起度比人拎有唔同既汁不過我就無試啊!我分別嗌咗象啤蒜容包$28炒金邊粉$73 串燒 牛 雞 豬 魷魚鬚 雞腎先講講個蒜容包我無影相 太肚餓但呢個真心劣食一黎到 得三舊 手指咁長架咋咁我以為係出面全部查滿哂蒜蓉牛油個種點知佢好似法包仔咁淨係中間查都算仲要淨 係 得 牛 油 無 蒜 容咁同餐包有咩分別?!$28食三舊餐包離哂譜個金邊粉就幾好食既!但太濕痴埋一舊唔難食但據我以前成日黎呢度食既經驗大把比佢更好食而串燒比金泰差好遠個汁無咗以前金泰有少少花生粒個種醬依家好多水溝稀了了唔信睇下張相味亦都普通無乜肉味豬牛雞食落都差唔多係魷魚鬚好少少出面檔口仔好食好多!整體黎講服務 環境都普通食物無誠意九龍城咁多泰國菜一定無下次 繼續閱讀
(以上食評乃用戶個人意見 , 並不代表OpenRice之觀點。)
等級3 2019-10-15
179 瀏覽
係樂富行左去九龍城搵野食~最近siu gum條九龍城都冇咩餐廳開 邊行邊搵就黎左呢間經過都聞到好香既泰國餐廳!成條街冇咩人但呢間餐廳係坐滿人~先黎串燒 我本身冇特別鍾意串燒 呢個整體都正常 算唔錯啦~椰青海鮮(?)唔記得叫咩名呢個係推介!!可能我本身好鍾意食椰味 呢個甜甜地 餸飯一流!好味好味😋😋「芒果蟹肉炒飯」上左枱我同朋友都r哂頭係咪黎錯左😂😂😂成碟食哂都唔係好覺有蟹肉🤷🏽‍♀️紅毛丹椰汁~😋😋 繼續閱讀
(以上食評乃用戶個人意見 , 並不代表OpenRice之觀點。)
等級3 2019-07-21
435 瀏覽
成日晏就唔想自己煮都會嗌船河外賣,打完電話落單換件衫行落去就有得攞。經常都係嗌豬頸肉船河轉金邊粉,貪佢金邊粉可以吸哂啲湯,夠入味。豬頸肉份量都多,大概8-10塊。配料仲有通菜。湯底微辣又夠濃,好正。午餐仲配埋野飲,細細杯但又啱啱好。 繼續閱讀
(以上食評乃用戶個人意見 , 並不代表OpenRice之觀點。)
同朋友行行吓,見唔駛等位,d 燒烤味又有D 香,唔諗咁多入去試吓。叫左豬肉丸船河,喜出望外,很好味串燒有意外驚喜,雞腎超好味,豬肉丸牛肉串有肉汁。青咖喱雞,不太辣(我個人食得好辣) 香濃惹味!叫左條燒魚,雖然等左20分鐘先嚟,不過值得,掂泰色辣汁,很夾。仲有我最鍾意食的生蝦,綠色辣汁,正!其餘餸菜都好味!無諗過一間不起眼的鋪頭有呢個水準,最緊要係抵食!仲要星期四加一蚊,换芒果糯米飯,芒果好甜好香超值下次一定再嚟食 繼續閱讀
(以上食評乃用戶個人意見 , 並不代表OpenRice之觀點。)