223
11
5
港鐵堅尼地城站 C 出口, 步行約6分鐘 繼續閱讀
電話號碼
28720522
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
*截單時間: 14:30; 22:00
付款方式
Visa Master AlipayHK 支付寶 現金 AE
座位數目
30
其他資料
網上訂座
酒精飲品
自帶酒水
電話訂座
賞訂座積分
外賣服務
加一服務費
當面支付
有關獎賞計劃
食評 (247)
等級4 2021-05-06
917 瀏覽
無得返鄉下嘅日子就只能食鄉下嘅餸菜,今次就揀咗喺西環嘅信州日本料理。黃昏六點就嚟到西環海旁,原本諗住同Honey可以好浪漫咁睇埋個日落,點知就大霧到睇唔到,咁唯有泊好架車早D食晚飯。六點半嚟到由於時間尚早,所以唔使等位。先點咗個真鯛,薄切點柚子醋,柚子柚令到鯛魚嘅鮮味提升,一個字形容-正。然後點嘅平政魚刺身,平政魚係屬於比較爽口嘅口感,都係我鍾意嘅質感。到特上壽司拼盤,總共有10件,分別係拖羅、中拖羅、油甘魚、深海池魚、平政魚、海膽軍艦、 左口魚邊、赤鯥、牡丹蝦同埋帶子。各款壽司都有特色,不過始終最難忘嘅都係拖羅,入口即溶,滿口都是拖羅嘅味道,真係好回味!第一次食嘅時令櫻花立魚煮物,呢個好特別,粉紅色嘅口感有些少似糯米,整體味道有淡淡嘅櫻花味,令到更加懷念以前喺日本睇櫻花嘅日子...吉列池魚由於變咗炸,其實同平時食嘅吉列魚柳就無太大分別,不過好香脆。鮑魚牛油鐵板燒嘅鮑魚炒得好爽口,牛油味好香。最後炸海膽係比較特別,因為平時食嘅海膽大多數都係刺身咁食,熱辣辣咁食海膽都係第一次,不過味道同平時食嘅都係差不多,好鮮味。埋單都唔使$2000可以食到咁用心嘅日本料理,真係抵食。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-09
496 瀏覽
堅尼地城近海旁有好多食肆林立,今晚我食嘅餐廳都係位於果附近,距離地鐵站唔係好遠,好容易搵到。好耐之前嚟呢度食過一次,覺得呢間嘅日本野好高水準,今次再嚟,依然都冇令我失望。一坐低店員即刻好細心地為我地遞上消毒洗手液同埋口罩套,亦都好用心地為我地介紹當日時令嘅菜式。呢個刺身拼盤入面有多款不同嘅刺身,每款有兩件,啱晒兩個人食。全部都好新鮮,好鮮甜,好難想像小店都會有一啲咁高水準嘅刺身。佢嘅燒日本蠔係混合左芥末同埋沙律醬,燒得啱啱好,食落去好鮮,而且一啲都唔乾,配合埋個醬汁,簡直冇得輸!估唔到呢個鮑魚炒雜菌嘅份量係咁大,而且賣相好吸引,鮑魚好爽身,配合埋不同嘅雜菌同埋秋葵粒,令我食到停唔到口!今日其中一個是日精選係白子併魚春,佢係用一啲甜甜嘅醬汁將佢煮熟,魚春入面仲有好多薑絲去除腥味,平時抗拒白子嘅我都忍唔住要一試,果然有驚喜。最後呢個魚湯烏冬都好出色,入面有好多蔬菜,烏冬同埋蔬菜吸收晒魚湯嘅鮮甜,雖然已經食到好飽,但係依然食得晒成個烏冬,而且將啲湯都飲晒! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-06
301 瀏覽
臨近母親節嘅日子,又唔想喺正日喺街同人迫,於是就提早同媽媽兩個人去食母親節晚餐。由於媽媽比較少食日本菜,所以今年就比個搞搞新意帶咗佢去食日本料理。媽媽就比較鍾意食魚,所以今餐就以全魚宴,有刺身、壽司、蒸煮物同炸物。點咗嘅嘢食包括:- 真鯛薄切- 平政魚刺身- 特上壽司拼盤10件- 蒸鯛魚道明寺-手釣池魚炸物真鯛薄切真係考師傅嘅刀工,薄薄一片共十二片,配備香蔥、辣蘿蔔蓉,卷埋一齊再沾上柚子醋,味道鮮而香。平政魚刺身脂肪含量豐富,口感肥嫩爽口,味道比較濃郁。特上壽司拼盤10件各有特色,今次就第一次食赤鯥,油脂含量豐富,獨特甜味同平時食嘅刺身好唔同,拍得住喜知次嘅味道!蒸鯛魚道明寺,白裏透紅配上櫻花嘅幽香,再用櫻花葉包裹,口感煙韌嫩滑,季節限定嘅菜式,值得一試。手釣池魚炸物,炮製成又香又脆的吉列池魚,鍾意食香口嘢嘅朋友必試。呢餐飯媽媽好滿意,最緊要係佢食得開心。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-04-15
429 瀏覽
呢排去開西環 去到夜晚開始喺附近搵食想食健康又好味既嘢 - 日本嘢一定榜上有名Search完一輪見到呢間review好唔錯 決定會一會佢去到門口發現原來我地幫襯過!! 仲要search緊嗰陣bf提議過去返呢間🤣(兩條友來過又冇留意呢度叫信州🤣) 即刻知道d嘢食會好ok 服務都好!waitress姐姐好好本身仲覺得bf好無聊又揀烏冬結果食得仲多過佢番茄烏冬不得了個湯底好掂我好鍾意銀鱈魚西京燒一定冇死 好味好basic既三文魚牛油果壽司 相對烏冬/西京燒較遜色 不過都ok 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-08
468 瀏覽
今晚跟朋友過嚟食日本嘢,佢極力推薦呢間餐廳,餐廳主要都係木調為主,好有日本居酒屋嘅感覺。雖然地方唔算大,但係坐得都好舒適,重點嘅係冷氣好夠凍!佢呢度食物種類都好多,我哋都睇咗餐牌好耐先決定到食咩。呢個刺身拼盤超級出色,擺盤已經好靚,每樣刺身都好新鮮,屬於水準之上。跟住我哋點左店員推介嘅炸魚鱗,佢係比一般嘅魚皮更加爽脆,而且毫無腥味,送酒一流。天婦羅拼盤入面都有好多種各式各樣嘅蔬菜,連秋葵、苦瓜都有,而且佢嘅天婦羅大蝦係超級出色,上枱嘅時候仲係熱辣辣,食嘅時候都要小心啲唔好燙親。店員仲介紹咗一款特色嘅食物俾我哋,係用日本時令嘅魚,配上櫻花葉,入面仲有一啲粉紅色嘅米飯,賣相好吸引,食落去嗰種感覺唔識形容,好特別,一試難忘。另外一款菜式係白子同埋魚春,自己本身好鍾意食白子,但係喺香港餐廳唔係成日都有得食,估唔到呢度竟然有,雖然呢度嘅白子係整熟咗,但係食落去都好軟滑,好似食緊鵝肝咁,我配上醬汁,成件事係好夾!整體而言,呢間係一間好有心思嘅餐廳,因為經常都會有啲精選菜式,而且食材都比較特別,同坊間一般日本餐廳有啲唔同,期待下次再嚟可以試到新嘅菜式。 繼續閱讀
(以上食評乃用戶個人意見 , 並不代表OpenRice之觀點。)