信和食堂

營業中

休息中

🇭🇰信和食堂·我係E-Max真係太無啖好食 所以我一個之前係附近返過工既朋友就推介我試下呢棟工廈既茶餐廳🤣🤣講真佢地openrice上面啲相真係麻麻地吸引 所以我之前先無黎 但係估唔到食落又唔錯 有啲驚喜😈·菠蘿京都肉排飯$53呢間我都覺得唔錯既 佢好多小炒/碟頭飯揀 雖然稍微多醬左少少 但係啲豬扒質素唔錯 仲有口感既🫢而且佢超大碟 仲有埋湯 算係可以再食既茶餐廳😂·📍九龍灣啟祥道9號信和工商中心8樓44-48號舖

呢間餐廳一直係九龍灣工廈既傳奇☺專賣茶記足火喉佬飯同埋鑊氣小炒，疫情前成日都會同埋班同事黎圍埋一檯邊食邊吹水抒解心中鬱結，不過疫情猖獗時就少咗好多啦😙 最近放寬返終於又可以黎加隔板圍檯食飯🤪氣氛相當輕鬆，小菜價錢由$6x到$8x不等，大約都有5x款餸菜，由豬牛雞到蔬菜海鮮都有，份量都相當唔錯🥘同埋全部即叫即炒夠哂熱，唯一美中不足既係有時可能料同汁炒得唔夠均勻，太急出菜😔 另外，飲品都有3x款，由簡單檸茶咖啡去到菠蘿涼粉冰都有，都係加3蚊到15蚊不等🥛每個餸都可以配2碗白飯或者一大碗米線米粉，有埋榨菜都唔hea。 .簡單數下食過咩好餸啦😋有蝦仁炒蛋、京都骨、三杯雞、沙拉骨、西蘭花炒鮮魷、粟米斑塊、蔥爆雞柳、魚香茄子、沙爹牛肉粉絲、土魷蒸肉餅、椒鹽肉排，黎食咁多次梗係大部份都唔錯，不過有時肉餅質素唔係好得，幾睇彩數。

Taste good, service good, worth to try 呢日同朋友仔開公數食lunch，十分推介食物: 整體食物好食...但味道算不錯應該有80分以上

對於係工廠區返工嘅朋友，工廠大廈嘅食堂就變成我哋日常午饍🍛時間嘅出入之地。今日就推介呢間我哋成班同事經常會一齊去嘅信和食堂。午飯可以選擇叫碟頭飯又或者係叫餸食飯，後者啱晒成班同事一齊去食。另外，叫餸食飯每一個餸都可以跟兩個白飯🍚🍚或者一碗米線🍜，如果食唔晒嘅話叫人頭白飯就足夠啦。而每位都跟一碗中或靚湯。今日我哋一行六個人就叫咗五個餸，包括橙汁豬扒🍊🐷、香煎肉餅🥩、豆腐斑塊、蕃茄炒蛋🍅🍳同西蘭花炒牛肉🐮。哩間工廠食堂既講質素真係唔錯，雖然唔算好夠穫氣，但絕對比部分茶餐廳優勝。而且份量夠多，個個都滿載而歸😋。當中我哋每次都例必會叫香煎肉餅，煎得香脆可口，肉質唔會鞋口，好厚身成塊漢堡扒🤩咁。其他餸菜都非常有住家嘅感覺，絕對唔會令大家失望。而今次我就飲咗一杯雜果涼粉冰🍹，好明顯原來七喜同涼粉唔係咁夾❌，不過都幾特別，試完都唔會覺得係伏。

一行三人黎信和食堂食晏，12點左右到，差唔多坐咗7、8成人，好彩仲有位因為附近多寫字樓，所以黎呢度食晏最緊要夠早，唔係就要等位。我地今次揀咗3個餸，每個餸都會跟2碗白飯或者1碗麵（公仔麵/米粉/米絲），例湯一碗，飲品要另外加錢。第一個餸係蕃茄炒蛋，蕃茄大大舊，炒蛋又多，個蕃茄汁酸酸甜甜，跟碗白飯一齊食，正～第二個餸係粟米斑球，斑球炸得香脆，斑球上面淋上有蛋花既粟米汁，每人夾二，三舊斑球，成碟好快清哂～第三碟係上湯雜菌浸時菜，白菜唔會煮到過淋，冬菇片吸咗上湯好juicy,再加上炸蒜頭做調味,唔錯信和食堂既餸好大碟，下次3個人點2個餸就岩岩好啦今次每人一個餸食唔哂

今日公司team lunch，同事搵左一間係附近嘅餐廳食晏。之前上過嚟呢間食，竟然佢話張張大枱都俾人訂左，但係果時係1點15分，個職員話啲枱訂左1點，我好奇怪點解個職員遲左15分鐘都唔放啲枱出嚟，咁樣hold住晒其實都做唔到生意。今次我地醒左book左枱，有8個人就一人叫一個小菜(雖然佢有碟頭飯叫，多人就叫小菜試下)。湯就雖然話送嘅，但1點上到去都已經送完，都唔知係咩有。我地肉呀菜呀蛋呀都有叫，質素同份量都好唔錯，一個小菜有兩碗飯跟，幾大食都夠！

香煎咸魚肉餅Lunch 食咩好？其實工廈入面都有好多好野食，仲要好抵食Tim。•大約$4-50 ，包飯、湯，熱飲加$4。真係好鬼抵食。如果同幾個朋友/ 同事一齊去食仲可以叫多幾個餸share tim。-一聽到咸魚肉餅就會覺得一定好咸，咁就大錯特錯，因為佢調味調得剛剛好。-肉餅好滑，加上佢係煎嘅，令肉餅食落更香口。-雖然話係咸魚肉餅，但其實唔會點食到咸魚味，所以唔食咸魚嘅朋友都可以試下。-如果lunch time 去食都會幾full 下，所以最好提早打去book 枱。•回頭指數：8/10（環境就茶記咁，同埋都好嘈下，多數都係附近返工嘅打工仔去食。）

九龍灣國際展貿中心返工，如果落樓下，就要挨貴飯。我哋可以選擇喺二樓過橋去對面，機電工程署。附近有一間信和工商中心。本來只係為左呢樣，所以過去信和工業中心有幾間飯堂，三樓同八樓都有。聽講八樓（信和食堂)好食啲，當然都有成堆人喺門口等。我哋去到，都唔係即刻有枱。首先要同四眼哥哥講幾多位，等佢分位。 茶餐廳飯，未必好有鑊氣，但都係好安全 我哋叫左三個飯，生炒骨、沙爹牛肉、回鍋肉，每個人都話好食，但太鹹 都係$38 ，熱飲+$4 ，凍飲+$6呢個價錢唔係上海菜館，但都有大量椰菜同豆腐乾（係啊！無筍啊！），算係咁啦！要挑剔嘅，就只係點解回鍋肉係普通肉片，唔洗腩肉！當然，好過求其整罐罐頭俾你嘅呢個都係即刻炒嘅，所以呢碟飯最遲到

午餐時間不想去太遠的地方，就決定在附近吃。信和中心裡有著不同的餐廳，其中經常聽同事推介這間，今日就去試試。我跟同事兩個人就決定點星洲炒米和豆腐班腩分著吃，食物很快就上來了。平常在家很少會煮豆腐，所以在外面吃飯都會點豆腐，而這個豆腐很滑，又有豆味，很好吃👍🏻星洲炒米也隨後就上菜，很大碟的份量，配料也很多，女生來的話吃著一碟都會吃不完。這裡的炒米有點微辣，讓你吃著很過癮😋另外值得一說，這裡的特飲真的很特別，在外面都沒看過，其中咖啡紅荳冰很新穎又好喝👍🏻往後出外食飯也可以再來😊

午飯時間朋友介紹食呢間信和食堂，三個人叫三個小菜share，$51連飲品豆豉鯪魚油麥菜-典型大排檔小菜，比較多油，鯪魚唔算多椒鹽雞翼 - 喜歡香口嘅朋友，值得推介三杯雞 - 驚喜之菜，入味而不油膩，送飯或啤酒都一流

因為喺附近返工，所以成日幫襯呢間小店，一轉眼已經10多年。這裡嘅食物質素好，價錢非常合理，店裡員工老闆打成一片，氣氛就好似返咗屋企咁。這次要特別寫個「超贊」嘅食評比呢間小店。昨日我地公司叫咗百幾個下午茶，要求分開11組別以各組需要分配好。點知啲下午茶上到嚟。。。居然。。。全部已經分好，而且完全無搞錯食物分配，最勁嘅係連食具都放啱組。咁用心做好嘅小店又點可以唔公開贊一贊。真心推介呢間小店，希望大家有機會行過去幫襯下啦。p.s.午餐時間一定要訂枱。無晚市，星期日唔開

九龍灣國際展貿中心無野好食所以就行過去信和食午飯，第一次黎上要樓門口有人問有位未幾多位？就好快帶我去坐底…距會比2張小菜紙過你一張白色系小菜，一張黃色既系飲品(自己想食咩惕咩交張紙仔就系)，望左幾眼決定食XO醬爆豬頸肉「好大碟入面都好多肉下仲有西芹+青椒 紅蘿蔔 紅椒碎」個肉炒到好滑個味醃得吾錯!整體黎講好正!，一個小菜套餐會有例湯送「應該系章魚蓮藕湯黎」個湯鹹淡適中成碗飲曬，同連二碗白飯。全部都食曬一定會再黎過!

先來合掌瓜豬骨湯, 聽聞此湯功效"預防浮腫、解渴、清熱氣、除煩燥、使人心境平和、精神愉快", 近日以上各種皆需要陣陣合掌瓜的清甜, 大大塊的豬骨, 如此靚湯令心神一震充滿咸魚味道的魚香茄子用來伴飯最好不過, 這次茄子較為結實口感更佳混入韮黃的炒蛋很嫩滑, 保留到蛋汁蝦就是一般急凍的貨色, 沒有什麼味道翠肉瓜以一點點辣的醬汁去提味,清淡之餘 吃起來沒那寡京都骨非我所愛, 只嚐了一塊, 肉質比較硬及乾, 酸甜汁也偏甜了點結帳時問老闆娘下次可否送多一個湯給我, 又或我付錢買多碗"湯只有這麼多, 每個客人都多要一碗, 遲來的豈不是不能品嚐?! 我收少你一塊錢吧!"雖然勒索不成, 但老闆娘說得也有道理, 獨樂樂不如眾樂樂, 做人不能這樣自私, 就讓二圍的工友們都有機會一嚐這愛心靚湯吧

今日同事話帶我去試新野, 唔知間野開左幾耐, 不過仲未有人寫過食評同埋店內環境都幾新淨, 我諗都唔係開左好耐三個人決定叫三個小菜客飯套餐, 每款包一個例湯一款小菜, 兩碗白飯或一碗米線眼見阿姐傳菜盤上面每碗例湯都有一舊豬骨係度, 咁煲湯都應該幾足料, 飲落真係唔錯, 呢日係青紅蘿蔔豬骨, 相當清甜同埋感受唔到味精, 而且上枱時仲熱辣辣, 值得一讚椒鹽肉排的椒鹽不夠豐富, 不夠入味同埋太薄太乾身, 一般魚香茄子味道唔錯, 有唔少肉碎及咸魚, 不過茄子過度稔左D, 夾落去好易爛, 合格京蔥醬爆雞柳, 呢一味就真係差喇, 首先貨不對辦, 只有京蔥上班, 醬爆曠工雞柳偷懶, 換句話即係成碟野得D蔥, 雞絲夾埋揾唔到超過五條, 阿師傅其實係咪唔記得左落雞呀?! 如其話係醬爆, 用油爆比較適合, 成碟野一味多油同埋有蔥味, 我食唔出佢落左D咩醬其實以工廠區午市小菜既標準黎衡量, 椒鹽肉排同埋魚香茄子係可以接受既, 間唔時幾個同事一齊黎叫下餸食飯都唔錯既, 但係下次揀餸既時間真係要小心D同埋要好運D喇同一座大廈裡面睇黎仲有唔少呢類既食堂, 下次會去第間試一試