俏甜

營業中

休息中

Chill sweet 係旺角開左分店啦😍係有多款不同系列既甜品包括港式奶茶、楊枝甘露、芒果、芋泥等系列都係充滿港式味道🇭🇰仲有榴槤系列，嗰兩個名都特別同有心思❣️全部甜品自家工房製造🌟🔸榴住你心 $49係有榴槤肉、桃膠、雪燕同椰汁西米露榴槤肉係用左D24貓山王肉❗️鋪滿雪燕桃膠再淋椰汁西米露，榴香核爆級濃郁卻唔膩喉，濃郁的榴槤😍🔸椰皇雪燕桃膠鮮奶配芋圓＄53 雪燕、桃膠、芋圓都好足料呀😘  椰香味濃🥥都好足料！

聽講旺角新開咗間Chill Sweet（俏甜）😍呢間仲要係佢哋嘅第六間分店，妍媽我咁鍾意食糖水，梗係要去支持吓🤪第一日就即刻去幫襯，試吓呢間糖水舖有幾勁1. 焦糖燉蛋 $29個蛋味好濃郁，焦糖夠香，甜甜地，滑溜溜，好好食🍮2. 朱古力麻糬布朗尼 $35個布朗尼濕潤鬆軟，朱古力味濃郁，麻糬煙韌有嚼勁，配埋一齊食，口感豐富🍫3. 椰皇雪燕桃膠鮮奶配芋圓 $53呢個就係我嘅最愛！椰皇好清甜，雪燕同桃膠都充滿膠質，鮮奶好滑，芋圓煙韌，一齊食口感豐富，清甜解膩🥥4. 港式奶茶2號 $39港式奶茶係一系列配料嘅奶茶飲品🧋2號包括有小丸子、桃膠、手作麻糬、西米露，呢啲配料加埋奶茶一齊食，口感豐富又唔會太甜😳幾有驚喜5. 榴下來的人 $49 榴槤控必試！呢個有榴槤肉、波波愛玉、小丸子、椰汁西米露！榴槤味好濃郁，愛玉爽口彈牙，椰汁西米露又清甜，榴槤味同椰汁味完美融合總括嚟講，Chill Sweet嘅糖水真係好高質😍每款糖水都各有特色，用料十足，甜度適中，而且服務態度又好！下次一定會再嚟試吓其他口味🤤抵佢哋開咁多間分店，叻叻