侘寂．鮨處 (已結業)

約左個FD去行街，出到去已經係下午茶時段，去左亞士厘道搵食，見有間食日本野，平平地，就試下了。下午時段冇乜人。要了下午茶7及9，加$15有日式餐湯、沙律及日式蒸蛋。照燒三文魚配白飯，$52。加$15的日式餐湯、沙律及日式蒸蛋。麵豉湯，正常水準。 沙律，酸左少許。日式蒸蛋，都幾滑，唔算好多料，味道正常。照燒三文魚， 肉質嫩滑，味道香口油潤，燒汁惹味，幾好食呀。配的白飯。熱咖啡，正常水準。滑蛋豬扒飯，友人的，炸豬扒口感脆，味道普通。食物正常水準，價格尚算合理，假日食個茶嘆冷氣都幾正呀。

尖沙咀扮工嘅我，每日最大嘅樂趣(同煩惱)就係唔知食咩好，要budget 得黎又好食，同同事食又要坐得舒服啲，又唔可以行太遠，費事身水身汗返公司就太有個人味道啦。。一星期幾乎會去食街亞士厘道兩次，今日想食日本野，即刻黎呢度搵食！比個貼士大家，lunch 係要12:30 黎到先唔洗排隊，一過左鐘，就等到你同埋印象中呢度晚餐有少少貴，趁lunch 食下都慳到唔少呀～內在環境乾淨舒服，今日可以坐卡位，好開心。同埋周圍都放左日本酒做擺設，好有東洋風味（≧∇≦）失策，無影到menu, lunch set 有魚生飯同熱食，飯呀烏冬呀牛肉鍋咁，價錢$68-150, 豐儉由人，同同事黎一流，個個唔同口味都配合到呢個係前菜，有海哲麵鼓湯沙律同蒸蛋，海哲呢類冷盤會變化，上次我食到涼拌牛蒡，好好食，但其他幾款就係鐵膽啦～不得不提茶碗蒸蛋，好好好好食，一黎多料，有冬菇同蝦，二黎個蛋好滑，唔會因為係送就求其應付下客人。呢set 前菜都係我食完又返黎食嘅原因，感覺舖頭好用心。友人叫自選魚生飯 $82可以揀四種剌身，每種有兩片，甜蛋係送嘅友人表示好食，同埋飯粒粒粒分明，用上珍珠米好有咬口，不妨一試滑蛋雞肉飯$68 8

今晚黎到呢條街差唔多九點，餐廳選擇好多，行完一輪決定食下日本菜。坐低時人客都算幾多，當時無乜留意店名，原來佢既中文翻譯都幾浪漫。而且裝修係靚既，餐牌亦有好多食物飲品選擇。滑蛋鰻魚飯定食 $108好鍾意滑蛋飯既質感。不過咸左少少，同埋貪心的我覺得如果鰻魚多點就好了。牛肉鍋定食 $118都算好多牛肉，而且牛肉湯咸甜適中，又有我鍾意既粉絲，幾好。三文魚刺身 (+$15)睇落都幾厚切，質素應該OK，因為老死覺得要食埋我個份quota。店員服務就只係十分一般：唔知點解係都要安排客人坐最出、近門口一張枱，咁熱既天氣，入面又有枱，咁樣安排係咩原因呢？而且今晚店員九點五十分就叫我地埋單，仲好尷尬地望住我地，要我地問幾次先知道原來佢想而家就清場清潔了。呢間係一間水準一般既日本菜，雖然裝修係比較地道，但食物同服務都真係唔特別，其實做餐廳同客戶既交流真係好緊要架啵。但以佢價錢黎講，算抵食既！

去咗韓國幾日,好友話掛住我突然約食晏,話係尖沙咀,都唔知食乜好,走入亞士厘道,見到呢間日本嘢幾好咁,就試下佢喇!我叫咗刺身飯定食,比我預期中豐富好多,有麵豉湯有茶碗蒸,仲有沙律同前菜添!沙律係芝麻醬汁沙律,有車厘茄,鮮甜好味道!茶碗蒸熱呼呼的,入面有雞肉,仲有我最愛既銀杏添!日本蒸蛋真係好好味,每次食都滑溜溜的!前菜係辣大荳芽,好開胃!麵豉湯係白麵豉湯,唔太咸! 刺身飯送到,有甜蛋,牡丹蝦,赤身,三文魚,赤貝,鯛魚,除咗鯛魚,件件都厚切,好豐富吖!赤貝同牡丹蝦超鮮甜,應該真係新鮮飛機貨!鯛魚係薄切,非常爽口,完全有係日本魚市場食既感覺!赤身同三文魚無乜特別,勝在係厚切,有口感,唔似得d大型連鎖店收勁貴但勁薄切,今咗好似無食咁!飯應係醋飯,微暖,唔會太濕同過酸,讚!友人食親子豬扒丼,評價都係good!久不久對自己好d,搵間坐得舒服d,又唔係真係貴好多既食餐好d,人都會醒神d!

估不到呢間豪不起眼的日本小店，才食出日本菜的真味道。我們一行三人，每叫了個午餐: 魚生粒井便當、牛肉烏冬、滑蛋鰻魚飯。聽個名很是普通，但才的前菜已經讓我讚賞，首先有蒸蛋（內容豐富：有蝦肉、雞柳等等。可能食得板長、元氣多他們太行貨，全無味道）、沙津（非常新鮮）、湯（原來是有煮過的魚湯，好香好入味，不是別家的用粉開滾水的味噌湯呢！所以更驚喜！），之後便是我的魚生丼，好新鮮，大魚子都鮮味，不太咸、魚生底是放滿好幼好幼的紫菜絲和芝麻，所以魚生飯更有層次，魚生粒種類好多，最緊要新鮮！再試下囝的牛肉烏冬，牛肉好滑無jar，不會太肥，又多配菜，烏冬好彈牙，湯底不錯，一流！不簡單的烏冬。爸爸叫了滑蛋鰻魚飯，爸爸話好味！估不到的認真！一定再食！

這是第三次到訪這餐廳。我和友人各點了雜錦魚生飯同安格斯牛肉鍋。前菜比上次進步了：麵鼓湯足料有味噌味，沙律和漬物的調味剛好，酸酸的，有醒胃的作用。上枱時雜錦魚生飯變左魚生粒飯，一句唔好意思都無，大失所望。魚生粒ok新鮮，只有大路的三文魚，八爪魚，呑拿魚，三文魚子同玉子。八爪魚有D靱好似同其他魚生唔多夾。不過幾十蚊食個魚生飯，算是ok 吧！安格斯牛肉鍋好足料：有菜，牛肉，旦同白飯。牛肉大大片無筋好軟滑，有肉味，sukiyaki 汁甜度適中，是冬曰的好選擇。

上兩回試過超值魚生飯和招牌魚生飯，有點念念不忘，全因超級新鮮超值。今次再試特上刺身定食。蒸旦十分滑溜，沙拉菜新鮮！。蚌刺身乃刺身定食少有之物，食落十分鮮甜爽口；，toro 也沒有上次肥美入口即溶的感覺，但是一點也沒有筋，但以百多元有toro食，算是經濟的。其他的魚生片，普普通通是常見貨式，但肉質結實，是新鮮的。所謂特上刺身，雖然沒的雜錦魚生飯價格性能比高，但以百多元有toro 同蚌食，算是不錯了。

一個人食晏，要找個座位認真不易。餐廳大部分都是兩人以上才可訂位，快餐店一個人搵位更煩，是日找一間少人小店享受一個人的浪漫。知道這小店在別處有分店而評分相當高，所以二話不說便點了招牌的侘寂魚生飯。隨餐奉上蒸旦，麵鼓湯和牛篣，旦軟滑，有少量白果；，湯：正常無過份的咸，但也沒有什麼鮮味。魚生十分新鮮，有toro, 牡丹蝦，海膽，白身魚和三文魚子。海膽大大片無苦味，雖不是十分鮮甜但大大片的混合魚子和白飯，真是大滿足。白身魚生切得厚片，有一定的口感。toro的體積較少，但他的確 肥美，比坊間多數用的三文魚和呑拿魚更有睇頭，真的想Echo 一下。總括而言，此乃上品之選。唯餐飲欠奉，未能作完美句號。

經常到亞士厘道都沒發覺有間日本餐廳 侘寂．鮨處  又試試吧  看餐牌見到有個WABI 魚生飯, 女生就是, 吸引就叫.....WABI 魚生飯是一個SET, 所以有前菜沙律等等 沙律:好開胃的沙律, 蕃茄幾得意, 好透的, 但食落又不差 前菜: 魚仔, 好味, 甜甜的 麵豉湯: 味道OK, 沒什麼特別 WABI 魚生飯: 登登登登! 我選的WABI 魚生飯! 賣相幾好  甜蝦: 都大隻的, 但不夠爽口, 如果鮮點會好點 海膽: 非常新鮮和甜美 吞拿魚蓉: 味道唔錯, 不過略嫌較爛, 不夠口感 帶子: 亦都是非常的新鮮, 好有咬口 三文魚: 正常 吞拿魚: 好香好好味 三文魚子: 正, 粒粒都好像爆珠似的 醬油MOUSSE:特別一提, 這個曷醬油MOUSSE (還是豉油MOUSSE, 忘了), 好特別, 真的是MOUSSE的感覺, 但咸咸的, 不過不是我杯茶, 男友用來撈飯食覺得不錯醬燒廣島蠔: 好特別, 叫時以為是沙律醬的焗蠔, 原來不是, 食起來甜甜的, 又有少少咸味, 但不重, 食落還有少少沙律味, 跟蠔的配搭幾好不錯, 可以比美沙律醬焗蠔海膽炒飯

我點咗個安格斯牛肉烏冬，有位男侍應放低咗個蒸蛋同埋湯，然後有位紥馬尾女侍應叫佢拎返起，佢地再咬耳仔唔知講乜嘢，我問係咪冇安格斯牛肉烏冬，個馬尾女侍應答係。我再點其他嘢啦，另一位女侍應問馬尾女咩事，馬尾女仲惡死咁大叫：「佢個餐冇蒸蛋同湯架﹗」請問有乜咁秘密唔可以講我知，要兩個咬耳仔之後仲答非所問呢？等咗一陣烏冬黎咗，安格斯牛肉好靭，我唔知係咪應該係咁了。食完，我見隔離枱叫埋單後侍應拎單過去俾佢俾錢，於是我也照做叫埋單了，點知個馬尾女叫我出去埋。俾加一果吓我真係嬲到最後HKD108食咗一肚氣。成間餐廳既侍應都好似做緊白事咁，痴線架﹗

亞士厘道的食店大都試過了，有一天突然看到地舖的這家WABI SABI，就心思思試新野。舖面蠻日本風的，白色外牆讓人覺得很舒服，店內裝修簡約悠閒。午餐時段的價錢跟附近的食店稍為貴一點，在這條街內算是合理價錢。我點了燒汁雞扒飯，配凍咖啡。飯看上去蠻細碟，剛好夠飽肚。用日本米煮成的飯特別好味，但醬汁只屬一段，不太甜也不太咸。不過雞扒是很入味很香口。咖啡很日式的偏甜，不夠香。是次午餐讓我覺得跟別的港式日本料理沒有太大分別，中規中矩的食店。不過有機會會一試晚餐，希望發掘到它的日式滋味。

沒有試過這兒在港島那邊的總店，始終路途比較遙遠，現在在亞士厘道這邊開了分舖，交通上自然是方便得多了.....走進來後看看餐牌，壽司、刺身及串燒等全部都有供應，樣樣都想叫想試。同行的小朋友不能吃生的，最保險自然是從一系列熟的和食中揀選一款給他品嚐....主食未到，幾款前菜小吃首先登場。茶碗蒸內材料甚豐 ---- 有切成片狀的魚蛋、銀杏、蟹柳 (不幸是我最討厭的)及冬菇。這雖較為行貨但總算不欺場。蛋本身沒有處理得過老，蛋面並未出現很多的小洞，但缺點是稍為"水"了一點。儘是如此但這仍是深得小友的寵愛，連我的那一杯也差不多由他一個人包辦晒.....一小碗牛舌切成細片，很淰亦鹵得夠味；麵豉湯味非死鹹而帶絲絲甜。甜味之來源應是來自在湯內的白及紅蘿蔔片；薯仔沙律並非屬磨得特別幼細之輩，咬入口中仍是感覺到有一粒粒的薯仔的粉糯口感。我倒是對之蠻鐘愛的....小弟的魚生飯的賣相是極其漂亮突出....在滲滿芝蔴及蟹籽的醋飯上舖滿各式的魚介類刺身 ---- 三文、油甘、maguro、帶子、海膽、北寄貝、劍魚、ikura及牡丹蝦，基本上您想得到有的正常刺身種類組合都可在此找到。大部份用的料皆十分新鮮，其中特別以

係TST返工~見佢新開張...今次已經係第3次幫親...第一次食特上刺身定食..刺食新鮮..可惜飯是熱辣辣,完全唔MATCH~大家要留意,轉壽司飯係要加十蚊~因為上次有送COUPON關係,所以去左食第二次,我地叫左兩個吉列豬扒定食同一個青魚定食,友人想白飯轉做烏冬(轉烏冬加$10),侍應竟然答:烏冬好小咋wo 得一兩啖...... 我地既想法係邊有員工倒自己公司米?!最後都係叫左烏冬,結果唔係佢所講既咁小...失望既係湯底如同清水一樣..不過吉列豬扒係ok既.第三次,因為有人請的關係再一次幫襯,先講食物:銀雪魚定食 銀雪魚味道鮮甜,沒有雪味,外皮香脆.另外特上刺身定食刺身一樣新鮮... 每一次落單後都會上兩碟前菜一碗湯 前菜每次都不一樣感覺新奇...但問題又來了,第一,因為做唔切既關係只來了一客蒸蛋,另一個後上 結果,最後我地食哂所有野3吹4請先黎.第二,當時時間係星期六lunch既時段,成間鋪得三枱食客,但員工好似趕住收工咁...我地d小食未食完已經收哂我地既碗同筷子...叫我地搵手食?仲有,最後3吹4請先到既前菜終於到左...但食左幾啖又比個員工收左....野食雖然好食 但咁既服務

３１號除夕公司放早，難得可以偷時間去按摩及Ｆａｃｉａｌ～ 只有半個鐘食午餐，於是去附近的亞士厘道搵食，只有１個人諗住平平地，點知亞士厘道已經無乜平價野食～最後選了這間好新的ＷａｂｉＳａｂｉ店子不是太大。店內放了不少清酒作點啜，裝修比較素色。這小店感覺不太地度，似係港人開的日式料理店。午餐選擇多，價錢＄７ｘ～百幾都有。尖沙咀價錢？點完午餐後，好快已送上前菜～有魚仔及沙律~魚仔送酒一流，沙律鮮甜開胃魚生飯＄８８有好多吾同類型的刺生，好多款～魷魚、蝦、墨魚、蛋及四五款魚。顏色豐富，令賣相好吸引！味道都不錯，沒有冰得太耐，感覺良好～旁邊放了好多火箭菜，不太欣賞；另外，ｗａｓａｂｉ放在飯上，沒有放在菜上，令果部份ｄ飯好辣～可以改善途中，送上麵豉湯，味道不錯而且都有少少湯料；中有蛋,味道甜甜，口感厚身。這裹午餐送的小食都幾多～而且味道都不錯這是我的2014最後的午餐. 簡單但舒服.