侍元

營業中

休息中

小編有日去朋友係屯門既鋪頭做角蛋白, 做完之後緊係去搵食, 朋友介紹左我去呢間日本餐廳, 小編就去試試佢, 餐廳主要係食咖哩同拉麵, 今次我就揀左食拉麵🍜 白武士櫻花拉麵 $64  (菊) 炸雞兩件+凍檸茶 $24拉麵去上面有櫻花蝦, 叉燒肥瘦岩岩好,又夠多, 而湯底係豬骨湯, 好好飲, 另外我加左炸雞, 比我想像中大件, 不過岩岩炸起, 咬落去仲好juice, 整體黎講都唔錯, 一個人黎食CP值係OK既～～～～～～～～～～～～～～～～～～～～～～📍 侍元地址:屯門屯隆街2號屯門時代廣場北翼L1樓14-16號舖※※※※※※※※※※※※※※※※※※※※※※※※※※※ 

自從搬咗入屯門住之後, 放假都會原區搵嘢食, 今次發現一間細細地嘅日本餐廳, 但估唔到勁多嘢食, 有飯又有拉麵,好難揀呀!最後搞咗十幾分鐘決定試佢地嘅日本風-海軍咖哩吉列豬扒飯再加個松(炸雞翼套餐) 。吉列豬扒外層的炸粉好炸得好脆, 入口完全冇油膩感, 豬扒炸得都幾鬆軟, 熱辣辣, 仲好 juicy, 配上惹味濃香咖哩汁, 完全有回到日本街頭的感覺, 越食越開胃!個炸雞翼都唔錯, 外邊包住嘅粉炸得脆口, 入口仲保留豐富肉汁, 而且好入味, 好好食 !估唔到撞下撞下又搵到間好嘢, 下次再來要試多幾樣嘢先! 期待下一次啊!

疫情後, 和家人都已經習慣了晚上不外出食飯, 通常自己煮或者外賣, 近期政府大推夜經濟, 所以和家人外出行了一日, 正想找地方坐及醫肚時見有間店門面裝修好有東洋風, 於是入店, 店內都OK，餐牌價錢都好抵，見餐牌”梅,蘭,菊,竹,松” 為名套餐有主食加小食加飲品都超抵， 剛好四個人就點了四餐即有四個小食加四柸飲品。＂天婦羅有兩種醬汁可選擇， 另外， 蛋包飯都有兩種醬汁配， 四人剛好點晒， 大家share 就可以試晒4 種味道, 天婦羅外炸好脆, 內蝦入晒味好新鮮, 加咖喱醬汁, 味道好過連鎖店的.. 另外, 蛋包飯中醬汁都非常特別加上少辣,有刺激味蕾增加食慾最好是可一次過試四種小食, 份量都唔細, 同家人食到好飽❤️

懶到唔想煮，連續叫咗幾日外賣, 都唔知食咩好。去商場行下街順便搵間餐廳食埋先返屋企，見到有間門面好有日本風嘅拉麵小店, 一於入去試下。好耐無食熱辣辣拉麵! 一眼就睇中咗‘’一丁目拉麵‘’ (濃厚味噌豚骨湯)碗麵上枱仲出緊白煙，等唔住即刻試啖湯底, 湯底好濃豚骨湯味， 麵質彈牙，軟硬適中, 同湯底好夾。另外,叉燒好淋好入味, 加埋隻溫泉蛋, 咬開半流心狀態，個蛋黃超CREAMY，整體嚟講性價比唔錯！下次再去試埋其他湯底拉麵。

這年來工作太忙無時間放假 ! 好耐無去日本了, 好懷念日本美食! 早前聽同事講有間舖頭嘢好好食, 好似去日本咁, 食物新鮮味道好味, 價錢好抵 !於是同朋友一齊去睇下! 間舖內部裝潢好似日本, 行入去都有去日本FEEL, 經其他檯時見有多人點了一檯嘢, 好奇問下店員,佢話見到的是佢地店”二人豪華套餐”宜而, 於是跟風叫了一個, 嘩! 真好多嘢食, 餐配”海老烏冬”味道又滑及彈牙 ,湯味道好濃好正 ! 另外, 是” 和風牛肉飯” 牛肉入晒醬汁味又軟又有咬口, 好正, 最正飯吸晒牛肉汁及醬汁, 又不太咸, 非常美味!!再試個炸南瓜炸薯餅及炸雞, 外脆內軟, 好味道, 還有一道”自家製餃子” 熱辣辣咬落去汁流出來又鮮又超美味! 朋友話還有配飲品, 嘩!! 見價錢好抵 !一烏冬一飯, 幾道配物加飲品, 若果其他地方加上去好貴, 但這間超抵二百幾, 早發現就可以醫下”日本思鄉病”!!

今日入屯門跟男友到市中心逛街，由於早餐吃得太飽，因此沒有吃午餐；到了吃下午茶的時間便選擇了位於屯門時代廣場的日式餐廳「侍元」餐廳裝修簡潔明亮，提供精緻日式快餐，選擇豐富點了幾個小食：特色春卷，泡菜，炸特色腸，串燒雞肉，北海道南瓜炸物，炸薯，炸雞，蝦餅及自家制餃子炸物外脆內嫩，肉汁多不老很美味個人最喜歡自家制餃子，餃子皮薄，咬下時充滿肉汁，夠Juicy ，口感及味道俱佳炸雞肉嫩滑又入味，炸得乾身不油膩，不錯！小食質素相當滿意，下次再訪會試拉麵

一向覺得快餐式日本拉麵是不夠地道的, 但最近跟朋友試了這間店後完全改觀了, 原本快餐式拉麵及小食可以好地道好味道, 只要用心去經營.自己點了地獄武士拉麵而朋友點了白武士拉麵, 見到麵時好足料不似其他睇相好豐盛實物偷工減料,當然食慾大振即試勁紅地獄湯先, 一試勁OK 好似日本味道, 再食拉麵, 麵質煮到剛好及吸收湯汁勁入味, 超正, 之後問朋友白武士拉麵如何. 佢已經沒有口回答只舉手指公點點頭好滿足的樣子!!我們另外, 多點了一煎餅面超多木魚絲我至愛, 即連醬一大塊送進口內, 口感超乎想像有多種複雜口味及質感, 勁正.即刻再試另一碟炸豬扒. 咬落去皮勁脆內肉質好多汁好嫩滑, 唔似其他店炸豬肉又硬又無味! 一時忘記了還有人氣自家制餃子, 實太飽了, 但一定要試因人氣, 餃子好多汁內肉又好嫩滑不老, 超正, 怪不知是人氣產品,平時食量都不大, 來這間店後好想不停地食, 真有水準 !

公司剛剛搬來屯門, 正在頭痛中午食咩中, 經商場見到有間店外面好多人! 好奇去睇下, 好有日本FEEL! 就決定試下, 等了15分鐘就有位, 入到去牆上畫好Q日本武士公仔, 好可愛!! 店員送來餐牌後發現好多嘢食, 樣樣都好吸引, 但驚食唔晒! 店員見兩人正在頭痛中, 就建我們試人氣飯及意粉!! 於是點了一個咖喱豬扒飯,糖沁蛋肉醬意粉及炸雞翼及炸雞,.炸豬扒外皮勁脆咬落去肉質超軟及多汁, 配好Q彈米粒及辣辣地咖喱汁, 真好好味!! 見同事食肉醬意粉都好好味, 同事分少少我試, 好味唔似其他店意粉太硬或太軟, 剛剛好再加上醬汁及肉碎紅蘿蔔粒, 真的好味道!再試小食外脆脆內雞肉多汁嫩滑, 加特製調味料, 真好味!!埋單後同事話明天再來, 要試其他食品, 真回味!!

今早為了見客連早餐都無時間食, 開完會後好急就在客人公司附近找地方醫肚, 見到有間鋪頭外面好多人, 於是去了解一下, 有店員見到立刻安排我入坐, 見到餐牌, 有麵又有飯. 好多樣好好味, 店員見我迷惘中, 就推介我試下”溫泉蛋鰻魚飯”, 佢話係呢間店嘅人氣美食, 見相都好美味, 於是叫了!不到10分鐘一碗還在出煙的飯送到了, 食了一口飯, 嘩!! 熱辣辣嘅飯加上醬汁好好味, 再試饅魚, 魚肉同醬汁混為一體, 好入味, 滑得來帶少少彈力, 不似其他店的肉太淋又鯹, 這種口感只有新鮮才可以有此效果, 仲有個恰到好處嘅糖心蛋, 好味, 店員真無介紹錯!!

今日難得放假, 唔知去邊好! 好耐無去屯元區, 同朋友話有間舖頭嘢好好食! 就見識一下吧! 去間舖頭都好多人! 香港人習慣多人食地方應該都會是好嘢的! 加上朋友推薦話食物味道似去了日本一樣, 更加有信心試下🥰行了一日都好肚餓, 於是叫了一份”稻庭手打烏冬炸物配”價錢又抵食👍🏻個餐好快送到, 即試下烏冬先,一試果然不錯, 烏冬咬落去好彈牙又滑同吸收好多湯汁鮮香濃味, 好好味! 真好似日本原味道❤️配炸物就揀咗吉列海老, 好正咬落去脆到有聲, 海老都好鮮甜, 炸完蝦肉都唔乾, 外脆內軟好好味, 朋友無介紹錯, 好想食其他, 但實在太飽了😍下次一定再來食!!

周末放假周圍都係人山人海, 今次趁住閒日放假約埋朋友來食呢間, 唔洗等咁耐位, 可以慢慢食 。 平時見餐牌好多嘢食, 好多選擇而且價錢唔貴, 除左麵仲有飯可以選擇，我地叫咗個二人豪華餐慢慢嘆！👍🏻吉列海老烏冬 個吉列海老粉薄炸得好脆, 入口蝦好鮮爽, 烏冬口感彈牙得來幾滑。👌🏻和風牛肉大碗飯 – 正常牛肉飯, 不是太特別👍🏻和風什菜沙律 – 呢個係我食日本菜最鍾意食嘅嘢, 因為個沙律汁好好味, 自己屋企整唔到👍🏻北海道南瓜炸薯餅 – 外皮香脆, 入口唔油, 呢個都好味👍🏻龍田楊炸鷄 – 雞肉都仲好juicy, 唔乾👍🏻自家制餃子 – 佢呢個餃子食得出同出面急凍好唔同, 鮮味好多, 好食, 整體呢個餐都唔錯, 可以再encore!

今次行過呢間日本"快餐"店，係門口比佢個炸野味吸引左入去。見到有炸蠔定食即刻叫左個試下，首先望到佢個外觀擺位相當靚，令人垂涎欲滴。首先夾起炸蠔咬佢一啖，炸至金黃酥脆嘅外層包住嫩滑嘅蠔肉。每粒蠔都保持住佢原汁原味，炸至剛剛好的程度。炸蠔本身個味道已經相當豐富同美味。配搭埋如佢嘅沙律菜同醬汁，進一步提升左成個定食嘅風味。加埋熱辣辣嘅白飯，真係另外一啖啖咁食落去，完全唔知飽。但係個餐雖然得四隻蠔，好似唔係好夠食咁，但係佢用嚟送飯個份量啱啱好，加埋啲沙律菜咁食絕對係會食飽一個男人嘅

純粹行過醫肚，侍元味噌拉麵套餐加餃子連一杯凍飲$88，味噌拉麵湯底好淡，差燒好似一塊無味嘅五花腩切片，流心蛋合格，但整體屋企煮仲好味過佢。只係好一般嘅拉麵店，可能幫襯咖哩飯會好啲。

收工去屯門練習前又約老友食個晚飯先，諗住行下睇下有咩平民價既食店，亂行之際經過呢間侍元係食日式野，老友見到d蛋包飯話有興趣就黎一試，門口都貼左好多食物相片同價錢，主要都係以平民價既日式料理吸引。餐廳行快餐店形式，先係門口落單之後再等取食物，可以先坐底睇完餐牌再點餐都得，比較簡單，店內格局就比較細，但坐位都唔少都超過10張枱，不過位與位之間都比較近d，人多時應該都幾迫，餐點方便都幾多選擇，有飯有拉麵，仲有d小食。滑蛋吉列豬扒飯跟炸餃子落單後等大約8-10分鐘左右，雖然行快餐形式但食物係新鮮製作，吉列豬扒新鮮炸起外皮都脆，係肉質我覺得硬左dd，炒滑蛋質素唔錯幾滑，撈埋飯食好香，飯係用珍珠米，雖然睇落好似好細碗但壓得好實，份量都幾多，我最後都食剩幾啖飯，跟餐我選擇左小食炸餃子，餃子就普通啦無乜特別，飲品選擇唔多得汽水凍檸茶凍檸茶都係一般般。黑豚肉海軍咖哩蛋包飯跟炸餃子老友揀左蛋包飯，蛋同樣都係幾滑，飯量都係幾多，老友算大食既人都話食得好飽。整體黎講以呢個價錢食日式野都叫平民價既，質素普通但都算係即叫即做，想平平地食下拉麵或丼飯都可以一試。

放假出市中心行街, 多數人都會響市廣場果邊搵食, 不過其實北翼呢邊都有好多餐廳, 各式各樣平貴都有, 而且仲唔洗等咁耐位.我地揀左呢間日式拉麵, 價錢唔貴, 除左麵仲有飯可以選擇.朋友要左糖心蛋鰻魚飯, 鰻魚份量適中, 無骨可以好放心咁食, 日式珍珠米配上鰻魚汁甜甜地最啱送飯. 個糖心蛋亦夠晒流心.我就要左白武士櫻花蝦豚骨拉麵, 先飲一下個拉麵湯底, 好濃郁既豬骨味, 夠清唔油膩. 加埋D櫻花蝦一齊飲, 仲帶有蝦既咸鮮香味.拉麵係粗身既拉麵, 口感特別彈牙爽口, 唔會煮得太腍. 日式义燒唔肥, 入口即溶, 唔會太乾, 而且厚薄適中.