影片
以上資料只供參考, 請與餐廳確認詳情
人生真係第一次食咁難食嘅雞煲。叫咗一個重慶小辣半隻雞煲。首先佢一啲辣味都冇，成個汁好淡。同埋雞件係得好少，啲肉都好少，骨係多過肉。最重點就係佢啲雞係嚡熠熠，完全咬唔開。啲雞肉係韌到呢連啲皮都咬唔開。之後嗌多咗個竹笙$98，得五條。咁硬着頭皮食晒佢啦，因為之後都唔會再黎。最尾埋單嘅時候，我就同店員講聲我話 啲雞真係好韌啊，咬唔開佢一句就答我，我哋啲雞出名好滑，冇可能會韌。不可一，不可再！！
繼續閱讀
來發係我近排最喜愛嘅打邊爐餐廳，原因好簡單，我俾嘅錢主要係花喺食物上面而唔係環境上面，咁當然餐廳嘅環境亦都坐得很舒服企理理乾乾淨淨 。而且又無限時任坐 。我食來食去都係佢哋嘅椰子雞煲，石橄欖雞煲，但係兩個雞煲都好好食，百食不厭 。睇得出佢哋啲雞係有精心挑選過，有雞味。雖然佢哋肉類方面唔係用啲好頂級嘅質素，但係套餐嚟講咁嘅價錢咁既質地已經好對得住我哋呢啲嘅消費者 。丸類同滑類都好出色，好食！我每次都會食佢哋嘅煲仔飯，唔算好有飯焦，飯粒分明醬油調味好 。今次叫咗個白鱔煲仔飯，臘味都好食 。有段小插曲就係有個姐姐喺我同朋友們食到差唔多嘅時候過嚟收嘢，佢由左邊枱執到右邊枱，我地筆左幾碗起泡既湯底 。唔知佢係咪嫌我地筆得太滿 ，佢一路執一路自言自語，因為佢唔係即刻收走，最後碗湯唔小心倒左啲係朋友旁 。其實我地都好直接，倒瀉左即刻處理左佢便好了，但佢又想解釋 。下次呢啲咁危險既野盡快執左佢就好了 。千祈唔好喺度冉冉洋洋。呢段小插曲並唔會對我哋有影響，下次都會再嚟幫襯 。希望食物質素繼續保持水準，而我又可以試更多唔同嘅湯底。
繼續閱讀
叫左個$188嘅卜卜貝蜆兄弟家族，話可以食完卜卜蜆可以用嚟打邊爐。點知上枱係用好淺嘅平底鍋🍳。之後放啲🦐蝦丸粟米🌽落去，發覺只浸到一半，就問樓面可唔可以轉返個深啲嘅煲🥘比我地，點知佢話個個客都係咁食，拒絕換煲。再話如果要換煲，就比錢再叫一個湯底。其實比錢叫多個湯底冇問題，最後我地都叫多一個。但個人覺得打左幾十年邊爐，都未試過個煲係咁淺，連烚都烚唔到，咁就不如直接同客人講個卜卜蜆鍋係淨食算啦！我只係轉個煲啫，又唔係叫你比個全新嘅湯底我，叫多個湯底比你賺多幾十蚊客人唔再光顧，咁又何苦呢？發生完依件事之後，其實全枱人都感覺好不愉快。點知新湯底到嘅時候，樓面收走舊湯底嘅同時，竟然叫我地自己將碟上面嘅蜆殼倒入舊鍋比佢收走🤬。不如我幫你收埋入廚房洗埋先走好冇？總括嚟講，食物都算可以嘅。價錢亦唔算貴，正正常常。如果唔係服務上有咁嘅體驗，都會再嚟光顧。
繼續閱讀
話說早幾日同朋友們預早做冬🤣咩都唔想諗 但咩都想食所以去左呢間又有得打邊爐又有得叫小菜既小館最重點係：煲仔飯！如果話冬天聖誕要火雞我就覺得食煲仔飯更有氣氛😳呢到野食水準不錯打邊爐食材都夠鮮 份量又夠如果話呢到主打打邊爐我更加覺佢d熱食做得幾好特別個煲仔飯 即叫即整 好香飯焦又剛剛好 唔會太燶咗 🤤卜卜蜆都夠鮮 唔會太多沙但中途發生左個小插曲😮💨話說我地未食晒，仲有一半侍應就收走左😵💫已經放左落準備拎去洗既紅膠筒入面我地即係示意其實未食晒侍應係個紅膠筒到拎返出黎俾我地😵💫😵💫😵💫😵💫個下真係…唔識應對😮💨最後朋友建議 不如煮返半兜俾我地會唔會好d🥲侍應最後都配合既🫣 撇除呢個小插曲 其實野食都值得一試🫣
繼續閱讀
六點左右入到去，當時得兩台客，坐低一路問職員有冇餐牌冇人理，跟住有人丟低個code叫我自己落單，自己落冇問題，落完等咗好耐都算，等到湯底上枱係凍嘅，問職員有冇蓋，三催四請下佢突然攞咗隔籬枱用緊嗰個蓋級落我個煲，隔籬枱客人即刻大叫：「我哋仲用緊個喎！」我都大叫：「你點可以用人哋個蓋級我個煲㗎？！一嚟唔衛生，二來大家個煲滾緊唔同嘢㗎喎！」跟住個職員竟然答：「咁成間舖係得一個煲吖嘛！」食物方面，湯底冇味，牛肉好韌，其他食物都不能好評。
繼續閱讀