來多碗車仔麵 (康寧道)

營業中

休息中

又嚟到觀塘啦，第一時間梗係要去食返碗車仔麵啦。啱啱好過咗食飯時間，如果唔係就有好多人食㗎啦，起碼等半個鐘。今次嗌咗米線，4樣餸，就係牛肚(爽口彈牙)，豬腩肉(油而不膩)，豬皮(爽口咇汁)同大腸(油光水滑)，每一樣滷水嘢食都滷到好入味，而且食材都好乾淨衛生，湯底帶點甜味，清清哋都唔錯，難得嘅係加咗佢哋嘅魔鬼辣醬，一啲都唔遜色，依然仲係咁辣咁㘃味，好彩都係畢咗半羹，如果唔係就over啦，呢個辣醬真係成碗車仔麵嘅靈魂。好多次就係因為佢嗰辣而來，正！

星期日午膳時間堂食進門有招呼帶位，先確定坐位睇餸再出去入口處叫嘢食。叫了一個麻辣鴨血(小菜)加2碗3餸。豬腸：份量是夠、洗的乾淨、鹵得也夠味牛腩：份量好像一般、味道也一般雞翼：中翼2隻，夠「林」鴨血：有韭菜墊底，鴨血4塊2碗(油麵和河粉)都是很小碗，女仔食完都唔夠飽…照理麵都唔應該好貴(麵底係11/12蚊)出奇地有啲細份…坐位係乾淨同濶落，都叫坐得舒服嘅

啲嘢食好新鮮，見到好多嘢都想食，無奈得自己一個人，只能够叫4個餸，牛肚好淋，啖啖肉，滷水好入味，豬大腸無什味，都係好淋，無乜肥油，適中，豬耳爽口加咪佢嗰靈魂辣醬，魔鬼辣，食完成個人精神晒！幫襯咗差唔多2年有多，雖然唔係經常嚟，但水準依然keep到👍嚟親觀塘都會食一次

呢間車仔麵每次到中午時段都排長龍一大班學生哥喺門口等今日經過見到條龍唔係太長梗係要入去食一碗啦$47蚊三個餸加埋飲品總共$51 蘿蔔好入味又夠淋牛肚炆得好岩時間再加埋咖喱魷魚簡直襯晒我至愛嘅油麵試咗魔鬼辣汁好頂癮辣得來又唔難入口你飲埋杯凍檸茶，啱啱中和返真係要來多一碗🙌🏻🙌🏻

觀塘來多碗～3餸麵+紙包檸檬茶= $55蘿蔔+冬菇+尤魚+米粉可以自己加蔥同黑色醬🤩蘿蔔好淋，又甜好好味！👍🏻冬菇厚切，但衰在有小小怪味，唔識形容，好似無洗咁既味🥲尤魚OK啦，無咩特別，舊店就好食d，但無得咁樣比較！觀塘呢間分店份量都幾多，但旺角果間分店就好味d，但旺角店比既份量勁小，食完都唔飽咁，觀塘呢間就足料好多，抵食！

今日返阿媽屋企整啲嘢之後諗住去附近尋找兒時嘅味道，咁啱行過呢間來多碗車仔麵咁就入去食個quick lunch講返少少背景先，我係由二三十年前佢喺舊舖$5一份魷魚食到而家，絕對係資深嘅粉絲咁當然佢搬咗新鋪改咗名之後舖頭嘅環境係乾淨咗，不過嘢食就好似冇以前咁好今日叫咗一個兩餸麵，分別係玻璃魷魚同埋豬大腸玻璃魷魚完全唔入味，淨係靠個醬嘅味道好彩豬大腸都仲OK湯底方面唔知點解今日個湯底食落好似有少少燶味咁總括而言都幾失望，希望佢之後可以做返好啲

來多碗車仔麵 (康寧道) 麵麵麵麵麵。食你煮既麵！有驚喜既貼地車仔麵 真心想來多碗!📍 觀塘康寧道44號地下B號舖香港特色美食, 平民美食, ⚠️特制辣醬極好食, 必定要要求另上!!!!另上!!車仔麵湯底濃郁, 配上少許辣醬真心好食!!!腩汁出色,多蔥更加香推介配菜:蘿蔔 - 清甜,鹵水味好入味,豬皮 - 鹵水味好入味招牌牛腩,厚大冬菇

相信香港特色美食，一定有車仔麵份😁！觀塘呢間車仔麵，我好耐以前食過，當時好鍾意加呢度既特制辣醬，辣得黎好有層次，令成碗車仔麵湯底昇華，覺得係平民美食🤗。車仔麵最好就係有幾十款不同配料，自由選擇，款款都非常入味。今日再次光臨，覺得湯底味道沒有以前咁出色，只係得個“ 咸 ”字，辣味唔突出，有D失望😬。依家我覺得比較好既係蘿蔔，鹵水味香濃，蘿蔔好淋同埋清甜，係好食既👍。但其他野就比較一般。都係以前既味道好，依家唔會專登黎食😅！

由於佢個賣相一嚟到已經非常唔吸引所以冇影相！！個湯底係完全豉油湯底 碗麵上面，佢會有一pat貌似蠔油嘅醬汁 好咸 完全冇將碗麵有提升嘅作用魷魚係冇味蘿蔔吸晒豉油湯底咸到爆個墨魚春卷冇彈性之餘，仲要係梅嘅想試吓有幾難食，可以去試吓俾錢買難受寧願食返附近嘅魚蛋粉

叫咗個$23辣魷魚小食-辣魷魚唔入味，香味辣味都唔係好食得到六餸車仔麵豬紅豬皮豬腸蘿蔔腸仔咖喱魚蛋+米粉豬皮豬紅豬腸一般咖喱魚蛋唔太入味，但稍微有辣味還好蘿蔔好入味，但浸到好爛同多根湯底還好，但食得出有味精！重點嚟啦食到一半我頂唔順走人！因為食食吓望落個筷子筒度，見到完整一隻大嘅死曱甴喺個筷子桶裏面，夾咗喺個邊邊度（自己嘅筷子仲係喺個筷子筒到拎出黎！）。即刻所有食慾冇晒！環境衛生真係有待改善！原本仲係喺OpenRice度睇完食評先過去試！非常之失望，亦都唔敢再去食！

是日觀塘搵食呀上次經過呢邊見呢間車仔食評OK諗住有機會都黎試下呀呢度係先點餐埋單再入座既點左~生菜豬紅尤魚魚旦米粉(小辣)生菜幾青綠下唔會好柴豬紅估唔到好入味呀仲略嫌太入味咸左少少魚旦可能浸得太耐?好淋身呀雖然佢好入味都仲食到幾辣下架尤魚都比得幾多下質感都OK米粉量正常車仔份量呀整體OK蝸下次可以再黎呀

昨天到觀塘區，抱着戰戰兢兢心情，再到來多碗車仔麵食嘢，發覺空氣混濁悶熱情況已大大改善，温度涼快而舒適，值得表揚食物味道跟之前能相同能持續，姐姐服務可以，喜歡吃車仔麵朋友，可以來試吓。

真食評 #非打手 #自費 觀塘大把野食,行過見到呢間車仔麵最平34蚊,好似OK,好似有名氣,試下先,先掃碼,再打卡,呢度可用消費券或現金先係門口位選食材,唔係畫紙仔,34蚊2種配一麵底有粉有麵有河粉,湯底有腩汁,味精湯,腩汁出色喎,多蔥更加香招牌蘿蔔加牛腩,厚大冬菇加雞翼 蘿蔔就正大件入味,係傳統做法,另一款牛腩有筋有腩,香氣夠口感好, 可樂8蚊,飲品10蚊,埋單88蚊~!#來多碗 #來多碗車仔麵 #車仔麵 #觀塘美食 觀塘康寧道44號地下B號舖Shop B, G/F, 44 Hon Ning Road, Kwun Tong

最近多次到觀塘康寧道來多碗吃車仔麵，食物質素是保持的，員工服務亦可以，但失望是可能因最近下雨天，老闆不捨得開空調，坐下來，未開始進食已感覺空氣悶焗，加上麵食添加了辣椒醬，未食一半，已滿頭大汗，加上最近疫情持續，這樣不論對顧客存在危險，亦增加播疫風險，最近亦有一些阿姨進食時投訴，店員才閞空調，但冷度量不足，這已是我不祇一次用餐體驗，有時店內無顧客，店東索性把空調關掉，試想吓，一般進食，衹有十多二十分鐘，吃完後，不管味道怎樣美好，衹有滿頭大汗，大打折扣，我不會再到此店。

出開觀塘經過見到出面既相好似好好食咁就入左去試。選左佢話最出名既辣魷魚，雞翼、豬耳、蘿白、豬腩肉，咖哩魚蛋、豬腸、豬手和鳳爪，當然我一知人食唔到咁多款。😬😋佢有唔同價錢，其中三送一麵$40辣魷魚：好好食，汁入味。雞翼：鹵到好入味大大隻，啖啖味。豬耳：好爽蘿白：好食，咬落好多汁，好甜豬腩肉：可以咖哩魚蛋：可以豬腸：肥多少少就好食豬手：好香鳳爪：啖啖肉，好入味。總結：環境和服務：舒適有善食物價格：抵食物質素：好食