來多碗車仔麵 (上海街)

營業中

休息中

細細個開始阿媽唔想煮飯時都會落街買碗車仔麵上黎質飽我，由一開始獨孤一味食油麵紅腸魚蛋到大個左乜都食，車仔麵算係一份情懷同時係值得推介比人既特色，呢次有日本既朋友黎香港，咁岩行開旺角逛下逛下就帶左佢黎食，舖仔細細有啲香港舊時既畫做裝飾好配合返個vibe！食物方面係我想像中既味道，應該有既餸都一應俱全，仲有自助醬料區，而我為左比朋友食到唔同既野就有咁多餸嗌咁多餸啦！嗌左好多餸就講啲我必推架啦蘿蔔 - 車仔麵入面菜係好可以索到啲湯汁入口，呢個蘿蔔抆得好腍身又入味，首推呀！豬耳 - 雖然佢冇麻辣字眼，但其實佢係麻辣味架，勁開胃又好咬，正溏心蛋 - 好少舖頭溏心同滷水都有，呢度就有，食得出係日本蛋，幾溏心一咬就漏哂出黎豬紅 - 去親車仔麵檔我係必食豬紅既，呢度都冇令我失望，係傳統既味道，特別在佢仲有鴨血可以嗌，不過呢次我冇食，唯有留返下次啦牛肚牛筋 - 基本出色既牛，筋位煙靭補骨膠原，肚位質感美妙鳳爪台灣腸麻辣雞墨魚丸牛腩都有唔錯既水準，而菜底係計一個餸架，不過無論麵底定菜底都好大份，岩哂我呢啲大食既人小食我整係嗌左個必食辣魷魚 - 感覺係玻璃水魷，口感係爽口同彈牙唔錯，醬汁我覺得幾開胃

今日帶來自上海既朋友黎試香港既傳統特色美食車仔麵，真係快靚正！六餸車仔麵（＄72）叫左咖哩魚蛋、溏心蛋、墨魚丸 、雞翼、 獅子狗、 魚皮餃。 朋友加咗魔鬼辣醬， 真係名副其實， 辣得非常過癮， 鍾意辣嘅朋友值得一試。真係要特別強烈推介溏心蛋， 冇諗過係一間車仔麵店食到咁好食嘅溏心蛋， 仲好食過好多拉麵店， 溏心蛋嘅調味剛好， 流心程度簡直一絕， 食完真係想encore多隻。咖哩魚蛋亦都好入味好彈牙， 雞翼大大隻啖啖肉。六餸車仔麵（＄72）豬腸(+$2)、豬耳(+$2)、溏心蛋、日式蟹柳、芝士腸、台灣黑椒腸。 食車仔麵最愛點油麵，呢度既油麵面質好爽彈。除左個 溏心蛋 ，豬耳亦都非常有驚喜， 非常爽脆爽彈， 一咬落去就索索聲，豬耳用左魔鬼辣醬調味， 一食就上頭。 日式蟹柳亦真材實料，食落係甜啲。 台灣黑椒腸唔係間間車仔麵都有， 當然要叫黎試下，亦都幾好食無揀錯。必食辣魷魚（$30）原本以為會好辣， 但相比佢既魔鬼辣醬， 佢呢個辣度真係好輕微， 甜甜辣辣幾開胃， 魷魚亦都算彈牙。秘制鮮豬手（$32） 豬手大大份好大隻，肉質厚實，都幾扺食。腐乳通菜

來多碗車仔麵有幾間分店，今次經過旺角分店於是入去試一試，一入門口就是開放式廚房，擺滿了四十多樣唔同款式嘅餸菜一目了然，地方雖然唔係太大但都是卡位坐得很舒服，一邊牆身用了富有香港情懷的壁畫作裝飾，簡單得來有特色。👍首先去開放式廚房選擇了自己需要的麵底、餸菜和飲品，付款後再找座位坐低便可以。麵底都有好多種選擇，有油麵、粗麵、幼麵、米粉、河粉、烏冬和公仔麵、瀨粉和米線都有，餸菜有40多款選擇而且價錢唔貴，飲品更有跟餐價優惠。👍💯😋如果喜歡食辣的朋友店舖還有三種帶唔同辣度的醬料畀你自助添加，有微辣醬、沙爹醬同埋魔鬼辣椒油，總有一款合各位口味。👍💯我選擇了1麵6餸$74麵底要油麵，餸菜分別是雞翼尖、魚蛋🍡、牛筋(加$2)、鳳爪、墨魚丸和鮮竹魚卷，湯底其實已經夠味但我加了少量沙嗲醬試一試，味道即刻變得有層次感帶有小辣，沙爹味很香。😋牛筋炆得很淋食落好滑，雞翼尖鹵得入味。🤤😍朋友也選了1麵6餸$76麵底要米粉，餸菜分別是牛腩(加$2)、貢丸、蘿蔔🥕、豬紅、牛柏葉(加$2)和菜肉餃。米粉吸收了湯汁很夠味，所以不用加其他調味醬，蘿蔔🥕很甜食落無渣，牛腩炆得很淋唔硬，牛柏葉食落爽口。👍我們還叫了4款特色小

今日同同事嚟上海街食lunch，選擇真係好多，不過今日想食啲地道又抵食嘅嘢，所以就揀咗車仔麵！一入到去 老闆叫我哋揀咗面底同菜先跟住就開始嗌餸 速度都好快 同埋見到佢執餸個環境都幾乾淨企理我揀咗六個餸 同事就揀咗五個餸兩碗都打爆晒成個碗 超級大份 嗌車仔麵黎講最開心就係啲餸多到冚住咗啲麵 🧡我嗌咗生菜、冬菇、豆卜、腩肉、響鈴同牛筋腩肉超級大份 而且唔會剩係得脂肪 肉同脂肪層都好分明而且好入味牛筋亦都係我嘅最愛 軟腍腍好好咬車仔麵嚟講牛筋炆得咁腍都幾出色其他配菜都係正常發揮 但係掛咗個汁就好好味🧡同事嗌咗大腸、魚皮餃、生菜、午餐肉、漢堡扒鍾意食大腸嘅朋友一定唔可以錯過 午餐肉比平時嘅正常午餐肉都大份 呢度嘅漢堡扒冇平時食嗰啲咁鹹同油膩 加埋個面啲汁啱啱好 🧡不得不提嘅係呢度有個醬料嘅自助區有得揀落微辣醬、沙嗲醬同埋魔鬼辣椒油仼落唔嬲 同事好鍾意食辣勁開心而我就試咗個微辣醬 真係唔錯 好惹味唔會辣到好辛苦 但係又釣到味推介食到辣嘅朋友試吓魔鬼辣椒油 幾滴已經夠晒味我哋仲嗌咗兩個小食 必食辣魷魚同埋秘汁雞翼辣魷魚口感好煙靭 辣得來唔會好辛苦 食咗一條之後就停唔到 好快見底雞翼係滷水雞翼 好入

今日我同朋友去咗油麻地呢間「來多碗車仔麵」，真係食得好開心！😋 我叫咗碗六餸公仔麵，入面有豬手、魚皮餃、魚蛋、鮮竹魚卷、金菇同埋麵筋，份量十足，味道非常美味！🍜✨豬手肉質軟嫩，魚皮餃嘅餡料好鮮，魚蛋彈牙，鮮竹魚卷嘅口感亦好清新，金菇嘅香味更係提升咗整碗麵嘅層次感！🥢🍄朋友叫咗碗五餸公仔麵，佢有腩肉、豬腸、牛柏葉、牛肚同魷魚，聽佢講每樣都幾好食，特別係腩肉，肥瘦適中，真係唔少得！🥩🐟小食方面，我地試咗秘汁雞翼，雞翼味道入味！🍗🔥仲有菜心，清爽又有咬口，真係好搭配！🥬飲品我叫咗樽裝可樂，朋友飲咗支裝薏米水！🥤🍹整體嚟講，呢間「來多碗車仔麵」真係值得再嚟，食材新鮮，好多款餸可以揀，服務又好！👍🏼🥳

最近在旺角朋友推薦下試了「來多碗」車仔麵，感覺頗有驚喜。這裡主打自選配料，每碗都可以根據自己口味搭配。我第一碗選了米線配雞翼、魚蛋、辣牛柏葉、生菜和冬菇。雞翼滷得很入味，肉質嫩滑。魚蛋新鮮彈牙，辣牛柏葉帶點麻辣感，吃起來不會太膩。冬菇厚身，吸湯力強，和生菜很搭，令整碗米線不會太單調。湯底清中帶香，不會太重味精，喝起來舒服。第二碗選了仿鮑片、雞翼、秘製辣牛柏葉、辣魷魚、冬菇和生菜。仿鮑片爽口彈牙，雖然不是鮑魚但口感不錯。雞翼依然出色。秘製辣牛柏葉辣味突出，愛吃辣一定要試。辣魷魚份量足，辣得過癮又有嚼勁，配冬菇和生菜剛剛好。必試推薦這裡的冬菇、牛柏葉、魷魚和雞翼都很有水準。另外，店家自家製的魔鬼辣椒醬一定要試，辣度十足但不會搶味，拌麵或點配料都很加分。「來多碗」整體感覺很實在，價錢合理，配料新鮮，辣味有層次。地方乾淨，店員親切。無論是喜歡經典配搭還是想挑戰重口味，都可以試試看。下次一定會再來「多碗」。

<一麵五餸車仔麵> $64up<一麵六餸車仔麵> $72up<秘製鮮豬手> $32<必食辣魷魚> $30車仔麵可以自選麵底或菜底，除了平時常見的粗麵、右面、米粉等等，還有提供瀨粉挺特別！今次揀了多款配菜，有冬菇、雞翼、牛腩、牛筋、牛肚、牛柏葉、豬腸、蘿蔔、豬紅，某些配菜要額外加$2！吃車仔麵一向會試需時準備的配菜，特別推介他們的雞翼和豬腸，相信預先準備的功夫不少，雞翼醃得入味軟淋，豬腸清洗乾淨亦很夠味！另外蘿蔔大舊無渣，是抵食之選！額外還點了兩款小食，分別是豬手及辣魷魚，兩款都是他們的招牌菜式！豬手口感偏爽彈，不是軟淋的那款，辣魷魚爽脆不會太過辣，如果吃得辣的朋友可以試他們的魔鬼辣醬！

餐廳開係旺角油麻地附近，價錢親民合理，經濟實惠。車仔麵衛生情況多好整潔，唔會太澩嫪。餐廳場上面都有一啲香港本土特色嘅畫。入餐廳，一嚟就叫咗嘢食先，之後去俾錢再搵位坐低。成個流程快靚正，好有效率。坐低冇幾耐碗麵已經整好。五餸車仔麵$64 一入去聞到好香嘅滷水味，已經忍唔住要食雞翼。總共叫咗五個餸都係$64咋～ 佢哋有好多唔同款式嘅餸揀。漢堡扒同埋鮮竹魚卷都有。餐廳有一個秘製嘅魔鬼辣，辣椒醬。非常推薦大家食麵嘅時候加一羹，味道好惹味，而且辣味好明顯。加埋車仔麵一齊食成個感覺好地道。然後慶祝餐廳六周年，如果叫三餸或以上仲會送汽水添。

旺角都係多野食多野揀既地區，邊爐火鍋日台泰中式咩都有，今次諗住食個快速一餐，見間車仔麵有位就入去試，都係第1次食。叫左個4餸車仔麵，雞翼，魷魚，牛肚，紅腸。雞翼味道算係正常，都算大隻，不過覺得唔夠入味。魷魚，都算爽口既，份量算係可以接受，而且都算大塊。牛肚，都算爽口，味道不過不失。份量ok.紅腸，份量太少，味道沒咩特別。湯底味道係正常不過唔夠濃味。叫左米粉食，不過份量都係唔多，唔夠食既。。。。。。總結。。。四餸呢個價錢50幾蚊係可以接受，有部分餸係要另外加錢，不過唔係樣樣餸都ok同抵食既。亦都唔係想像中咁吸引。

外地返嚟嘅朋友成日都話掛住香港嘅車仔麵喺油麻地附近行過見到車仔麵店就入去典型車仔麵嘅舖頭入口叫咗餸就可以入去坐睇落價錢都好公道,只係得好少項目要另外再加錢朋友就要咗魚蛋、牛丸、蘿蔔、豬紅、生菜粗麵我就要咗韭菜餃、蘿蔔、韭、 豬紅、豬腸、牛筋、 生菜河粉豬紅有平時嗰種少少煙韌， 小小血味嘅感覺， 好耐冇食豬紅， 搵得返食豬紅嘅感覺豬腸一睇就知好食，裏面嗰層油花夠厚身，真係甘香滋味， 豬腸都洗得好乾淨完全冇壓味蘿蔔好入味又冇渣， 味道都好清甜牛筋同平時嗰啲牛腩店唔同冇咁大舊,但係就好夠腍好入味旁邊有辣椒醬, 魔鬼辣醬朋友話掛住港式鹵水雞翼,所以又叫一份有五隻, size都好大隻車仔麵店飲包裝飲品都係一個特色車仔麵店好有港式風味, 簡單而又款式多

今日同朋友經過一間轉角位既車仔麵，係一間好有香港地道風味嘅車仔麵，裝修簡單但好有懷舊feel，牆上人手畫左一啲旺角既街景，感覺十分用心。地方雖然唔算大，但係好乾淨舒服，仲好有人情味。店入面嘅姨姨服務態度超好，成日笑笑口，好細心，認得啲熟客仲會幫佢地整定野飲。今次我哋叫咗個六餸同四餸車仔麵，都未試過叫咁多餸😂，最正嘅係啲蘿蔔，煮到好淋好入味，清甜多汁，完全吸收晒湯底嘅精華，真係必試！麵條夠彈牙，湯底濃郁得嚟又唔會太膩，配料超豐富，仲有十個餸揀，好多選擇，真係好少見，睇得出餐廳好用心。另外，店入面仲有款調味醬叫魔鬼辣椒醬，辣得好過癮，鍾意食辣嘅朋友一定要試吓！小食方面，鹵水雞翼鹹香入味；腐乳通菜爽脆清新，腐乳味啱啱好；咖哩豬皮魚蛋就係經典港式風味，豬皮軟腍腍，魚蛋夠彈牙，咖哩香濃帶少少辣，食完仲想再食。無論係食物質素、服務態度定係地道風味都值得推介，希望多啲本地人支持呢間用心經營嘅小店，等呢份香港情懷可以繼續傳承落去！

點了一碗車仔麵，以粗麵作麵底，配搭魷魚、牛筋、紫菜和溏心蛋，加入牛腩汁。魷魚的口感鮮嫩，烹調得當，保持了魷魚的彈性，與其他配料的搭配十分和諧。牛筋煮得軟爛入味，口感膩滑，十分滿足。它的肉香與牛腩汁完美結合，讓整碗麵的風味更加豐富。紫菜的加入讓整體口感更加層次分明，與其他配料形成良好的平衡。溏心蛋的蛋黃恰到好處，流心的口感與麵條相互融合，為整碗車仔麵增添了一絲奢華感，讓人欲罷不能。粗麵的彈牙口感讓整碗麵更加有嚼勁，能很好地吸附湯汁，令每一口都充滿風味。牛腩汁的濃郁味道也讓麵條更加美味。腐乳通菜通菜的鮮嫩口感讓人感到清新，烹調得宜，保持了原有的脆度。每一口都能感受到通菜的自然甘甜，讓人愉悅。腐乳的濃郁風味是這道菜的靈魂所在，醇厚的醬香與通菜的清新形成鮮明對比，增添了層次感。腐乳的鹹香恰到好處，為通菜帶來了額外的風味。

車仔麵絕對係香港地道美食之一，呢間位於旺角上海街既來多碗車仔麵，裝修明亮簡潔，設有卡位，坐得舒服，車仔麵既配料多達40款選擇，每款都只係$10起跳，跟麵套餐仲可以優惠價加配飲品，相當抵食。嚟呢度就係為左試下主打既車仔麵，我揀左油麵，夠晒彈牙，配料揀左牛筋、墨魚丸、貢丸、豬皮、蘿蔔、豬紅、魚皮餃、豆卜，加埋牛腩汁，令成碗麵更加香濃，味蕾大滿足。我朋友就揀左米線，煮得好有咬口，配料揀左豬腸、牛腩、鮮竹魚卷、魚皮餃、溏心蛋、咖喱魚蛋，再淋上咖喱汁，香辣惹味。特色小食叫左秘汁雞翼，醬汁調配得宜，內裡肉質保持嫩滑；秘製鮮豬手，炆得尤其軟嫩，骨膠原豐富。陳年柑桔蜜：清甜潤喉。蜂蜜百香果蜜：酸酸甜甜，消脂解膩。總結，小店食物好味，街坊價錢，有機會一定要再嚟支持下。

今日收工經過「來多碗車仔麵」，忍唔住要食返碗至得！🤤 我真係超級鍾意食車仔麵㗎！🍜 可以自己揀配料，真係好正！我叫咗個油麵做底，然後揀咗兩碗餸。餸有另一碗就係**

經過這家店，看到主打是車仔麵，有幾十樣食材可以選擇搭配，價格便宜。這家店的食材都是展現在顧客面前，看到哪個餸中意就選哪個，車仔面可以選擇一面多餸甚至多達十餸！牛腩：肉質鮮嫩，肥肉不多，散發著濃郁的肉香。牛肚：脆爽彈牙，獨特的嚼勁讓人過癮。牛柏葉：富有嚼勁，煮得恰到好處。唐心蛋：蛋黃軟嫩，濃郁的蛋香還有一些特別的選擇：紅腸，台灣黑椒腸：黑椒的香辣充滿層次感。日式蟹柳：柔軟滑嫩，海鮮的鮮味令人陶醉。獅子狗卷：外脆內嫩，好爽口鮮竹魚卷：大大一卷，鮮竹滑嫩包住大大卷鮮美的魚肉魚皮餃：外皮膠質感嚼勁很足，內餡鮮美，口感獨特。韭菜餃：香氣四溢的韭菜的清香與肉餡的滋味相互交融。雞翼：鹵水味道令人難以抗拒。此外，還有各式丸子：牛筋丸，貢丸，墨魚丸：肉質的緊實，彈性十足