影片
港鐵西灣河站 A 出口, 步行約3分鐘
繼續閱讀
開飯介紹
推介黑糖刨冰配芋圓、仙草及芋頭。芋圓有咬口，芋頭綿密。刨冰材料豐富，消暑一流。
繼續閱讀
營業時間
今日營業
19:00 - 23:00
星期一至日
19:00 - 23:00
*不定期休息
以上資料只供參考, 請與餐廳確認詳情
相關文章
🍨來來小吃店🧋呢間最近好似幾多人討論同分享嘅甜品店，即管試吓佢係咪真係咁正😗一打開真係呆咗，得啲白色嘅冰🤣🤣🤣 幾經辛苦摷下摷下，終於見返晒我哋叫嘅料🤣 全部嘅料都係煙靭適中，甜度適中，而且配合埋啲黑糖，亦都係啱啱好，唔會過甜，唔會唔夠糖漿〜！ 個日熱到傻，食翻碗真係好正٩(๑❛ᴗ❛๑)۶台灣傳統黑糖刨冰我哋叫咗米麻糬 蒟蒻同埋手工芋圓三種配料 $39五種配料 $47 📍 西灣河太安樓地下第二街A33B號舖⏰ 19:00-23:00可以留意吓店主社交平台，每日都有更新開鋪日子，咁就唔使驚摸門釘啦🫶🏻
繼續閱讀
呢一間台式飲品店長期都要排長龍，其實太西灣河太安樓都有好多間類似嘅杯裝飲品店，不過唯獨係呢一間長期都有一大群支持者，包括我，無他嘅，就係因為呢間嘅味道好似正宗d，飲得到台灣嘅味道。今晚叫咗黑糖宗合豆花，因為佢有齊我最喜愛的芋圓同紅豆。呢度芋圓嘅size比較大粒，據聞係台灣老闆娘自家製作，味道真係同喺台灣食到嗰啲好似。至於佢啲紅豆煲得好綿，兼且基本上咬開塊皮已經起沙，口感味同味道都係好掂。以$34嘅價錢，真係超值。
繼續閱讀
呢間食店老闆係正宗台灣人，大部分食材都係台灣入口，仲要係自己親手做。我最愛係佢哋嘅手做大大粒芋圓，大大粒粉粿，仲有大大粒綿綿嘅芋頭。除咗芋圓仲有地瓜圓，綠茶圓，紫薯圓，大大粒之餘仲會食到有芋頭粒，並唔似出面其他舖頭嗰啲細細粒又無味嘅芋圓。粉粿質地QQ好似年糕咁，仲要日日有唔同味道揀，食過焙茶味係最好味，仲有綠茶紅豆味，朱古力味，黑糖味！佢哋嘅仙草係古早味，超正宗！每次都會食燒仙草，雖然係熱，但放一陣凍左就會由液體狀變咗啫喱狀。入面啲料仲有紅豆黑糖珍珠大大粒芋圓。飲品亦係手作，尤其係鳳梨茶，全部都係老闆自己炒。還會有啲季節限定嘅食品，例如冬天先有嘅花生綜合湯。
繼續閱讀
去太安樓掃街除咗食野之外就梗係要飲野，幫襯咗呢一間舊式少少嘅台灣杯裝飲品外賣店，有驚喜。三杯飲品其中兩杯係芭樂綠茶(好似即係番石榴綠茶)，另外第三杯就試咗葡萄柚綠茶(葡萄柚原來即係西柚)，佢D味道幾好(雖然都知道係沖出黎而唔係新鮮果汁)，最重要係三杯嘅甜味都係剛剛好，不會太甜又不會太淡，最怕嗰D少甜都仲係好甜嘅飲品。呢間野好有台灣Feel，好似喺台灣見到嗰D無乜裝修嘅舊式飲料小店，不過最緊要都係佢嘅味道OK。
繼續閱讀
係太安樓掃完街想買杯野飲，見到來來有開！叫左唔係成日有嘅紅豆綠豆沙冰配珍珠，勁清涼解渴，就算攤耐左飲都唔會變淡！珍珠都好煙韌，飲極都有，唔會得幾粒！夜麻麻唔想飲茶類飲品，揀佢一流
繼續閱讀
您可能會有興趣的...