佳餚店 (已結業)

好耐無食過真係好食嘅中菜，唔係太多味精就係太多油，一係D食物唔夠新鮮。今晚喺佳餚店同屋企人食咗一餐超水準嘅晚飯，連一向樣樣都話唔好食嘅媽咪同阿哥竟然大讚，食物品質一流，新鮮不在話下，味道簡直無得頂，個羊腩煲好林好香，水魚雞煲連D汁都清埋，肉蟹糯米飯好糕呀，仲叫咗好多正嘢，最後老闆送埋南瓜西米露，好味呀！不過最好打電話叫老闆留定啲好嘢！

以往一直是佳餚店的支持者，由十幾年前北角第一間店至尖東分店...金鐘...至現在的旺角店。雖然價錢稍稍偏高，但因地方舒適，故一直光顧。但今晚萬分失望，恐怕不會再有下次.1. 一星期前預訂，所獲安排的是出菜位前的枱(餐廳並不爆滿，只有3枱客，很多枱)2.與朋友吹水至十點，忽然無聲無色遞上帳單要求找數，不加解釋。追問下，只答截單是十點半，實關門時間是十一點。遞單者似是經理，但完全沒有不好意思。3.食物水準下降。其中一個夀包(=蓮容包)，面粉極硬，飽一點也不軟身，宜外觀醜陋，中間凹左，像比人按了一下的樣子。但是十元一隻小夀包啊!!4.侍應換碟好像與你打交一樣。不會理會你是否正在進食/夾餸.

唔明點解呢間嘢咁多人讚好,茶餐廳既double價錢,但係除咗裝修格局同衛生之外,任何嘢都唔及茶餐廳嗌既餸都唔係咩特別嘢,真係茶餐廳都有類似既餸,但係真係冇一樣好過茶餐廳,啲侍應又成個機械人咁,目無表情,啲嘢食擺低就走,除咗裝修,衛生同上餸快之外就真係一無是處,但係去人嘢,啲嘢要好食,或者至少質素同價錢係合理,呢個係至基本既,但係佢達唔到呢個要求,就連service都差既,仲要貴人一倍,咁我使乜去嗰度食

一班同學同一位剛回流香港的朋友聚舊。上OPENRICE睇到呢間食評唔錯喎，一於試下啦！一行八人嗌咗八道餸。雖然有淋芡，但係都仲好香口。開頭睇落咁大舊係虛有其表，點知食落先知係真材實料。完全唔腥！蠔仔大粒，餅底夠厚，炸得唔會太乾。好食過四季煲仔飯個度。招牌菜，唔洗講啦！正！好大碟頭，隻雞好多肉。都晤少瑤柱架！個人問題，唔中意皮蛋及鹹蛋。估佢唔到用蒸籠裝，啲芡冇滴落台。豆腐好滑，蝦好大隻，爽口！呢度餐廳環境好好！加上係星期四，唔多人，唔會吵。但係都有少少扁咀嘅地方。話説我地食曬啲野之後，服務員即刻收拾餐具。有趕客之嫌喎~但係都冇人等位，個場仲咁空。不過整體而然都好滿意嘅！呢度唔少二人臺，好啱情侶去，而且二人套餐好抵食！最後，用匯豐、渣打、MANHATTAN簽帳有九折。

有之經過望入去都好似幾靚咁,今次同朋友飯聚就揀黎lei度啦,都想舒服d傾下計..以為唔會太嘈...原來都唔係....少少嘈啦~我地7個人,大家都第一次黎食,睇左食評個個都讚個士多啤梨骨,就要試下喇....坐低因為未齊人,經理已經好心急想我地叫野食,提住我地佢地剩返兩隻雞,叫我地決定食就留返比我地...見佢出名太爺雞又賣晒...咁叫第二隻啦~~ 我咁鍾意食雞,點會唔食呢~士多啤梨骨, 果然冇失望呀,幾好食,堅有士多啤梨味,仲係好細粒好夠味,d一字骨都肥瘦適中,唔錯唔錯,讚~琵琶豆腐, lei個之前見人寫話唔好食,但我又覺得ok喎,好大粒,d豆腐同其他料都mix得適中,熱辣辣整出黎,,味道適中,幾好呀~瓦撐豉油雞,都唔係一般o既油雞,好似憫過下,但又唔會整到佢好老,個味都ok,雞都算滑...粉絲雜菜煲,勁熱辣呀,普普通通啦....ok o既干炒四季豆,本來就話辣o既,但朋友唔想食辣,咁佢都幫我地走辣,都算幾好味...送飯都幾好o既...鐵板蠔,lei碟野最貴,百幾蚊..個味唔夠濃呀,個汁都比較稀,唔夠"野"味...瑤柱蛋白炒飯,唔係好油...但就好似欠缺鑊氣喇,d飯係好乾身,我就鍾意食比較

Y公主終於從倫敦凱旋歸來，是晚一餐便飯歡迎公主駕到，地點選在旺角，由於多人吃飯總覺得中菜圓檯最方便，所以便決定來這裡了。早於兩天前打來訂檯，所以準時來到已預留一張大檯給我們，不過是晚所見也不是太滿座呢。環境舒適，有點點古色古香感覺，不過有時會害怕我們說話說得太大聲呢。問服務生們也很願意介紹菜式，添茶水上動作較慢，服務勉勉強強可接受啦。我們一行八人，是晚亦叫了八個菜式，大家一人叫一樣。我們叫了一隻店員極力推介的豉油雞，說是新菜式來的。我們還未齊人經理已過來說只剩下一隻，問我們要不要留起，見咁誇張就叫隻試下好了。不過這個豉油雞真的算是整晚最好的菜式一二，因為來到真的非常香，而且一吃就知是新鮮雞，非常鮮味，雞肉也算嫩，吸收了那些豉油汁非常惹味呢。伴著的薑蔥由於也非常惹味，所以大受歡迎大家把它們也吃光光。另外叫了一碟黃金蝦，來到一樣香氣十足，不過食落又不是如此理想。蛋黃量也算多的，不過感覺和蝦有點分離，像吃兩樣東西似的。而且蝦真的非常細隻，鮮味也一般，不算特別好呢。士多啤梨骨是必叫食物之一，也算是另一我覺得最好吃的菜式，雖我不好生果煮的食物，但這個是幾好吃的。食落酸酸甜甜，士多啤梨醬的味道又不

星期五晚約左幾個舊同學食生日飯,本來其中一個同學話去會展一間食上海嘢既地方食的,但我覺得太遠,所以就上openrice搵下有冇啱食,搵左好耐都搵唔到,後來見到這間餐飲好似都ok喎,d食評都唔差呀,於是就嚟左呢度食飯啦,一早訂左位,約好七點,但我都遲左好多先到,餐廳環境都好優美,我們入坐時候唔算多人.但夜左就開始多人啦.四個人叫左:瑤柱蛋白炒飯最快上的一道菜,我地都話點會先嚟個飯架,碟飯份量適中,都幾多料及炒得幾好味呀.唔會好乾身及燶[b]士多啤梨焗肉排這個是推介菜式,亦是很特別的,因是用士多啤梨煮,賣相都好靚及味道都好味的,肉排不算大件及肥,配一些士多啤梨汁酸酸地幾開胃呀,士多啤梨還要好大粒架.南乳吊燒煎蠔這個賣相不是太吸引,因是炸的,我地叫左每人一隻生蠔,食的時候加些南乳汁一齊食,味道其實都好味的,不過如果唔係炸會更好呀蝦羔炒通菜這個好香蝦羔味呀,通菜都好爽口及清綠,蝦羔配通菜真係一流,雖然唔係好濃的蝦羔味,但係都好入味,份量都唔少架,好味.手撕雞這個係後加的,因又想食多少少嘢,仕應就推介手撕雞啦,半隻份量都唔少喎,好味呀,咸咸地有些麻油及芝麻味,雞肉都好滑及廋呀,撕開晒一件件好易入

轉眼間又到了老朋友生日的時間，朋友任職於日本公司，吃日本料理的機會多的是，也比我更會吃，因此請他吃日本料理只會是獻醜，獻醜不如藏拙，還是向其他菜式入手好了。靈機一動給我想到了朗豪坊頂層的「佳餚店」，其實久聞佳餚店名號，也很想去試一下，只是女朋友一直說兩人吃中菜很難點菜，加上價錢不便宜，因此就沒試過了；不若借此機會試一試好了。原來朋友也沒到過「佳餚店」，聽到我的安排，也很有興趣，躍躍欲試。當天我先到「佳餚店」，侍應安排我坐到背靠玻璃的位置，回頭一看，可以看到砵蘭街的街景，朋友過了好一陣子也趕到了。朋友很客氣叫我點菜，不過這個重任自當交給壽星仔了，朋友看過餐牌，最後點了佳餚黃金蝦、士多啤梨焗肉排及蝦糕炒通菜及兩碗白飯。佳餚黃金蝦佳餚黃金蝦賣相比較單調，蝦的份量不少，不過所謂的黃金（鹹蛋）卻不見太多，倒是看得出鹹蛋的汁滲透入蝦當中，蝦的外殼呈金黃色，每隻都彎弓完整，應該頗為新鮮。吃起來，先啖蝦殼，蝦先經油輕泡，不算油膩，外殼確帶點鹹蛋的油香，但缺了點蛋黃碎，略感美中不足，蝦肉新算爽口，亦沾到鹹蛋黃的甘香，算做頗為入味。我自己其實很少吃黃金蝦，但我自己較為喜歡用較多蛋黃入肴，吃起來會更香濃及惹

因為朋友請左我睇張敬軒concert...所以請返佢食飯~揀左幾間...最後決定lee 間...諗住係咁高...幾high 丫!嘩...點知準時去到...入邊咁靜既??氣氛黑媽媽...暗沉沉咁...睇個樣都知道勁貴野!!個心立即寒左一寒...哈哈!!叫左個2人餐..另外好似加左個牛月展~1. 翅 - 就真係有翅既...味道都不錯2. 蒜茸炒菜 - 好油,冇咩味3. 蒜茸大蝦蒸飯 - 好好味! 我唔係好鐘意食飯既...都食晒!4. 牛柳粒 - 味道麻麻,牛肉好"鞋",好"un"5. 木瓜糖水 - 好甜,唔好味6. 牛月展 - 又話推介...咁樣樣只會整臭自己個名咋! 切到咁薄片,仲要唔好食0個下衰唯一可取既係..服務不錯,又夠靜,我地坐窗口位高處望落langham place ..感覺幾得意但可一不可再!

沒有想過是日下午會來這裡光顧的。跟太座從診所出來，望望手錶，剛好是lunch time。在旺角，找地方落腳吃頓飯一直不是我的強項 (皆因旺角一向好吃的食肆皆欠奉也)。此時抬起頭一看，對面就是朗豪坊，隨之想起歐老闆的佳餚店，又想起自剛營業後幫襯過一次後就緣慳一面。時間久了，水準會否倒退 ? 試一試便得知了....午市沒有太多人來，可能是時候尚早吧。挑了個有梳化的二人座，點好茶，就看看餐牌有甚麼好吃。看到有款二人點心套餐，好像蠻包羅萬有的。反正menu內可供選擇也不多，也就懶得再細想....先來所謂的鹵水拼盤，一看原來只是一點點雪得過冰的海蜇條及似像在吃甜品多於一切的金錢腱片何來"拼盤"之有 ? 不禁令人吃得極氣餒.....點心一式四款 --- 打頭陣的义燒酥有點懷疑是隔夜的咬下去只覺皮極硬，毫無軟熟之感，好在內層的义燒粒不算太乾，汁液也算豐盈，味亦不過鹹。不過想起那硬如石塊的酥皮，卻又感不太高興了；蝦餃的澄皮很乾硬，可幸餡內的肥豬肉及筍粒可挽回少許頹勢，而且蝦隻亦尚夠鮮爽，應收貨了；燒賣是很傳統的以手啄豬肉為主的出品，進口帶肉香及咬勁，再加上有冬菇粒吊出味來，這燒賣又感比之前吃到的出色得

今日老友生日,我拍心口,今日全日我既我跑去朗豪坊買了兩張15:00 阿凡達 戲票.精靈的我在排隊買飛時,已上openrice找找朗豪坊有乜美食..看看時間,才1時50分...咦!!openrice 佳餚店佢有3.8分..18笑面才1喊面,好野黎架喎.....滿幼稚的我立即向天發誓,今日要食呢間店....甫坐下,只有2桌客人..打開餐牌,平均點心價是廿五元,不叫便宜..但如果美味,加埋裝修 兼服務又另計..女待應放低荼壼不發一言走開,我正奇怪為甚麼不倒荼...後來,一位鄭姓經理解答:『想焗1焗荼香...』 我條氣即刻順哂..點了點心套餐 88元1位...叫了2位,菜式如下鹵水拼盤----薰蹄、牛展兩小碟,薰蹄切碎粒好奇怪,又不香,牛展可以叉燒酥----友人吃了一口說味道奇怪,我咬了一口,唉吔!叉燒餡"宿"了,臭的..怎麼可能有這種事,我拿給女待,女待拿了入廚房,轉頭出來說:『師傅說轉其他野比你...』『um..我要咸水角..』 『賣哂!』 『我要腐皮卷』 『今日冇腐皮卷!!』『咁有D乜丫??』 『只有春卷...!』 『唉!好啦!!』但我地根本不吃春卷..揚州炒飯---本來應該青

是老朋友的生日。跟這位老朋友認識近廿年了，由小學到現在，一直保持聯絡，自己也感到實在難得。記得大家曾想過來旺角的佳餚店，最終還是去不成，所以今次就揀了這地方為他慶生，也順道慶祝埋聖誕。店子小小，不過裝修幾骨子，很有風格，加上人客不多，挺舒適的。服務方面，算是殷勤，店員也懂推銷產品，這點值得一讚。三條友，吃四人套餐又好像太多，二人餐亦不合心水，倒不如散叫。點四個餸，可以了。叫了招牌的太爺雞，是要半隻。有著濃烈的煙燻味，亦幾香，雞肉是嫩滑，連皮吃更好，而且感覺是不太油，做得不錯。鐵板生蠔，其實並不是用鐵板上。蠔是用上日本蠔，沒有美國桶蠔般大隻，但肉質更為甜美，夾著芽菜和蔥段吃，熱呼呼的，亦不失美味。士多啤梨骨是這裡的名物，當然不可以錯過。肉排帶少許肥肉，甘腴味美，瘦肉部位亦相當鬆化。做得更好的是個醬汁，因是用新鮮的士多啤梨肉去鮮打而成，並不是求其下點草莓果醬便算。吃起來酸酸甜甜，味道也真實，不愧為這裡的得意之作。吃得肉多，也點一個菜，就要干煸四季豆。這裡的四季豆煸得不夠乾身，一來唔夠香口，再者口感也稍為遜色，有改善空間。其實不只是這裡，很多酒家的出品都犯了同一毛病，或許是要遷就客人，以為煸

最近低氣壓, 天氣灰灰暗暗, 加上金融風暴, 心情有點鬱悶。難得老公那邊有好消息, 真要好好地慶祝一下, 大吃大喝一番, 哈!目標鎖定在朗豪坊一帶, 本來想到酒店但怕失預算, 於是就到佳餚店。說實話已是第2次光顧佳餚店, 上次覺得可以而已, 沒有太大回頭的意欲,不過要在旺角找一些中上檔次的中式食肆是有些難度, 所以又再次回歸。兩口子不能叫太多, 點了大蜆蒸旦, 豉椒帶子蒸豆腐, 花膠海參扖鴨。蒸旦嫩滑, 有點似日式燉旦, 不過稍嫌鮮味不夠 (我以為蜆汁會全流入旦內會很鮮美的), 大蜆有點過韌, 間或有沙, 算是有點失望。 豉椒帶子蒸豆腐面頭的XO醬很惹味, 豆腐也很滑溜, 不過帶子份量偏少。全晚最令人喜出望外的是花膠海參扖鴨, 我以為濃味的汁”獻”一定是一pat pat, 殊不知有鮑汁鮮味之餘不會過咸和杰達達 (恕我要用廣東話, 因為想不出更傳神的書面語) 。內裡的花膠和海參不算少, 而且炆得很稔和入味, 鴨肉嫩滑且鮮, $168 相對其餘兩道菜簡直是超值。這道菜是老公點的, 可想而知眼光有番咁上下, 看看自己就知啦! (自吹自擂及自我陶醉中…….)說正經的那晚是星期五, 但只滿得一半

叫了:1. 手撕雞 --- 好嫰, 好滑, 新鮮, 有雞味2. 上湯雜菜煲 --- 清清地, 但粉絲好多, 相對蔬菜菇類較少3. 大荳芽肉鬆生菜包 --- 朋友覺得炒得好香, 我就覺得有少少咸4. 麵醬九肚魚蒸豆腐 --- 這個比較普通, 但不過不失整體環境坐得舒服, 食物有心思, 是聚會的不錯選擇!

師傅拿拿聲寫返個打尖食評, 話說尋晚攪左個牛年第一擊嘅飯局, 師傅攪盡腦汁諗下食咩好, 最後就揀左呢間食店, 皆因十九個食評裡面有十五個笑臉, 只得一個喊臉, 應該唔會太差, 加上師傅從來都未黎食過, 成日心思思想黎, 就趁住呢個機會食一次啦!一早訂定位, 七點半準時到達; 坐底後即刻睇下有咩好食啦, 師傅一早收到風呢度嘅太爺雞同士多啤梨骨係必食, 於是就落單柯打, 點知伙計話太爺雞賣晒, 有冇攪錯呀? 咁早就賣晒, 師傅問佢使唔使預定, 但佢又話唔使, 但話晒係招牌菜使唔使預咁少份量呀? 結果都係冇得食! 最後就柯打左例湯, 手撕雞, 士多啤梨骨, 酥炸生蠔, 蝦膏通菜煲, 椒絲腐乳唐生菜, 椒鹽九肚魚, 大蜆蒸蛋同埋七彩南北拼盆!先講下個例湯, 湯係西洋菜煲排骨, 湯真係幾清一d都唔油膩, 可惜係冇咩味道, 一d都煲唔到西洋菜應有嘅味道, 簡單d黎講算係唔夠火喉, 差d喎; 手撕雞就勁大碟, 雞身算幾滑肉身夠鬆, 味道就冇咩特別, 不過可以收貨; 而另一道招牌菜士多啤梨骨, 排骨肉質豐厚軟滑, 不乾不韌, 用士多啤梨煮成的醬汁, 酸酸甜甜, 都幾醒胃, 而汁裡面有少少果肉, 但師