佳記雞煲小廚 (已結業)

雞煲不好食，雞煲調味太多味精，食完要飲返兩三罐嘢飲先至解到渴，後生仔食都還可以，如果一家大細的話真係唔係好建議，因為本人食完到即刻屙咗兩三次，所以肯定冇下次，因為我都是看到這裏的評論才過去試下，但真係好失望，因為比佢更平嘅仲好食過佢哋，屯門人黎講呢間雞煲同至x冇得比，仲要抵食過佢哋。不過值得一讚嘅地方，係啲火鍋配料算唔錯，反而我覺得佢係打邊爐出色過做雞煲，如果對食物味道冇乜要求的話，都可以試吓嘅。…查看更多

員工態度惡劣，六點30去到仲未開門，入去見到問一個人自己打緊邊爐嘅阿嬸、問佢幾點開門，佢好惡就答我：我又唔係老細，我點知啊，咪嘈我，嬲到我立即打比家人唔好嚟，轉去第二到食，結果去屯市食，我祝你生意興隆…查看更多

屯門有好多好野食，今晚由朋友帶我依個大鄉里係屯門食隱世雞煲。依間佳記雞煲小廚價錢親民平日都係$180蚊仲要唔洗加1。首先雞煲有3種選擇，「佳記招牌雞煲」、「豬手雞煲」、「卜卜蜆雞煲」，之後雞煲麻度辣度都可以自己選擇好多元化，又可以無限♾️加雞添wor，仲每1-4位會送一碟涼拌小食，5位以上次2碟。雞煲上到黎嘅時候已經係勁勁勁多汁⋯雞件入味肉滑。至於火鍋配料都有好多選擇，美國🇺🇸肥牛、西班牙黑毛豬、黑草羊肉、手打墨魚滑、鮮滑牛、鮮雞子、鵝腸等等⋯⋯飲品方面有可樂、雪碧、忌廉、新奇士橙汁、大枝嘅鴻福堂檸檬茶、菊花茶同獅威啤酒位置屯門青翠徑，如果揸車🚗去嘅朋友要留意，有小量泊車位，好多人泊車同埋逢星期二休息。係呀，要同大家講就係仲有外賣提供，跨區都送。總評分有3.5分，重點係勁多汁👍🏻…查看更多

雞汁好濃味 無限加雞 真係無限㗎！最正係無限加雞！重要嘅嘢要講三次！啲配料都好多選擇，任食嚟講真係好抵食。就算加咗堂，之後都唔會好淡飲品都係任飲，汽水啤酒椰子汁檸檬茶乜都有。抵食推介…查看更多

呢間雞煲我bookmark左好耐之前唔係唔就腳 就撞正佢地例休orz今次係失驚無神唔知食乜既情況下就食到🤤嗌左中辣個底超濃味 多多汁 食到後尾可能會有啲鹹係有冬菇既g煲 冬菇入曬味又帶到香味俾個汁啲雞夠嫩係雞件 唔會齋得雞脾甚至俾雞扒lol重點係 任加gggg 我地都加左2次yum yum配料係港式邊爐style 多內臟類有我最愛既大腸 豬頸肉 豬紅等等每2人仲送小食 揀左尖椒皮蛋 一點都不hea皮蛋冇阿摩尼亞味 個汁都jengs 野飲仲有椰汁😇😇呢間會無限encore 已成愛店🥰留意位就係2個人枱就窄少少不過環境都乾淨架 店員姐姐仲好helpful💁🏻‍♀️…查看更多

今日同朋友去咗食雞煲，平時呢有時候都會掛住雞煲嘅味道，今日終於可以食咗啦！叫咗呢度嘅招牌雞煲！火鍋配料有好多唔同嘅種類！其中最鍾意嘅係美國雪花肥牛同埋西班牙黑毛豬！呢兩個肉攞嚟打邊爐都係一流！切得薄薄地，而且雪花肥牛好頂級👍🏻🤩…查看更多

第一次幫襯佳記雞煲小廚，比我想像中好喎，$168任飲任食放題，d雞仲要係無限次數添加，好抵。我地三個女人叫了一個少麻，微辣招牌雞煲，仲要左少量火鍋配料，例如；雞子、鵝腸、肥牛、豬潤、蜂巢豆腐同添多了一轉雞。首先個麻辣雞煲，都幾出色，個麻辣底都好好味，微辣對於我地呢d唔太食得辣既人黎講係剛剛好，我哋仲要癲到而d火鍋配料就一般般。不過$168呢個價錢任飲任食任加雞真係好抵，仲要有埋啤酒供應，仲想點呀？…查看更多

今日經開屯門紅橋附近，見有的餓諗緊食咩好，閨蜜同我都心有靈犀咁話食雞煲😚😚😚 come on 點解會咁夾😆👭見近排都有人話試過幾好食，咁行左去佳記雞煲🥘一坐低就俾哂熱水過下的碗筷，係呢的時候十分重要 抵讚！事不宜遲即刻劃✏️野食天氣未夠凍（其實係朋友唔食得好辣😏）叫左個微辣😋😋😋去埋拎醬料，熱㷫㷫雞煲就到，我唔客氣啦！好耐冇食雞煲🐔香噴噴，雞滑汁濃，食完一舊又一舊🥢 要推介一下個炸魚片🐟齋食已經食唔停口，點埋雞煲的汁食，嘩🤩 好好好食佢的餃子🥟都好足料，韭菜餃同埋雞煲一齊入哂味😋perfect match!見有少少飽想休息陣飲下野，有個雪櫃入面所有野任飲🥤我地揀左的無氣的飲，夠凍🧊爽呀原來仲有一個涼拌小食，揀左手拍青瓜，食住傾下計🥘 忙忙碌碌又一日🤓…查看更多

今日早收工，當然要係屯門搵好野食，係井財街就見到任食雞煲，當然要試一試喇！雖然門口好似細細間，不過佢仲有閣樓同後面既坐位，十分之闊落，唔會令你食到好迫唔舒服！任飲任食都係位位$128蚊，性價比真係十分吸引，最緊要係120分鐘，俾到你好足夠既時間慢慢嘆唔會趕時間！食物既種類都算齊全，可以有唔同配搭既選擇，仲要好重要既免費生雞蛋補給，用黎配牛肉醬油真心推介！雖然有海鮮收費項目，但係都係可接受既價格！仲有外賣自取套餐俾大家選擇，係居家抗疫都可以享受雞煲既美味！「胡椒豬肚雞煲」因為成日食辣雞煲都想轉下口味，今次就有多好多選擇，起碼有五六種雞煲俾你配搭，今次就叫左胡椒豬肚雞煲！胡椒豬肚夠晒入味，又唔會搶走雞肉鮮味，相得益彰！份量都岩岩好二人份，唔會太飽食唔到火鍋！配料份量都岩岩好，唔夠可以慢慢加，唔怕浪費食物又可以揀多啲野食慢慢試！食晒雞煲就可以有店員幫你加湯，咁就可以繼續享受打邊爐既樂趣！飲品既種類都係一大重點，竟然有清涼爽，食多多都唔怕熱氣！仲有其他汽水啤酒俾你揀！真係真心抵食既推介💛💛…查看更多

天氣轉涼，又係食火鍋嘅時候。今晚去了屯門紅橋覓食，見到佳記雞煲晚上7點已差不多滿座，價錢好吸引，雞煲火鍋成人$168每位，無加一，可以無限加雞，也有汽水啤酒任飲，立刻入座了。雞煲可以選淨雞煲、豬手雞煲或其他湯底，我當然要骨膠原豐富的豬手雞煲啦！之後還可以無限加雞哦！喜歡個煲傳熱快，雞煲好快滾，一陣間就食得。兩位再送一碟涼拌小食，我們選了手拍青瓜。因為是即叫即做，青瓜尚未入味，要拌勻再吃，沾上醋、蒜蓉、辣椒油，味道不錯，爽口清新又開胃。要吃新鮮熱辣的豬手雞煲了！雞肉真的超滑，而且醬料味道夠濃，雞肉煮得入味，真的越食越開胃，唔怪得可以無限加雞，食一轉真係唔夠喉！ 豬手份量也不少，炆得夠淋，但又未至於淋到散晒，食落仍然有彈性，骨膠原滑嘟嘟的，與雞煲同吃，味道原來很夾呢。食完豬手雞煲，可以加湯再打邊爐。肉類、丸類、蔬菜類、粉麵類，正常有的配料都有，海鮮類選擇就相對較少， 因為價錢相對經濟實惠，主打食物又是雞煲，所以火鍋配料就不會要求太高。配料上菜速度也超快，而且每款份量是意想不到的多， 比較一般火鍋店配料份量大一倍，所以就算每款配料只點一份都已足夠。肉類方面，西班牙黑毛豬，豬肉味香濃，肉質有彈性；美國雪花肥牛都很新鮮，顏色鮮紅，挺嫩滑的； 黑草羊肉薄薄一片很快熟，在湯裏煮完不覺得有騷味，天氣轉涼，食羊肉暖胃。鯇魚片腩滑滑的，是我火鍋最愛配料之一，因為有個靚湯底，最能突出魚肉鮮味。水魷魚又爽又滑；豬大腸意外的好吃，在湯裏煮完很快入味，煮得夠淋就好吃，而且大大件，滿足食肉獸！丸類，鮮蝦雲吞和韭菜餃都超好吃！原隻大蝦在雲吞裡，蝦肉爽口新鮮，吃完滿口鮮甜；韭菜餃是我的至愛，韭菜拌豬肉能提升豬肉的鮮香和甜。手打墨魚滑，打得很有彈性，吃下很有嚼勁，有墨魚粒粒爽口，煮完吸收了湯底味道更好吃。白魚蛋，細細粒，非常爽口彈滑，好好味。蔬菜類，萵筍、蘿蔔、金菇、鮮冬菇、芋絲、粉絲，都是吃火鍋必備！吸收湯味的食物，配不同口感，真的好喜歡！萵筍爽口多汁，蘿蔔夠淋又甜又無渣，雜菌、粉絲和芋絲，爽爽滑滑，完全吸收湯底味道。特別一提，這裡粉絲非常Q彈，口感很好，份量很多呢。一邊吃一邊讚湯底好味，原來把調味醬料都忘記了，吃完了晚餐，都沒有用過醬汁調味，證明湯底味道很夠濃。總結是，美味雞煲、平民價錢任食任添雞，真的為街坊服務呢！…查看更多

估唔到井財街都有雞煲食，仲要係任飲任食，一於走入去佳記品嘗吓先😜一坐低就遞碗滾水淥下啲碗，感覺好衛生，疫情吓做呢啲事都唔錯！之後有兩張配料紙原來除咗雞煲外，仲可以選擇其他火鍋，包括有皮蛋芫茜湯鍋、胡椒豬肚雞煲、水煮魚鍋、豬骨煲等！真係夠多元，夠吸引！雖然吸引，但我同我個朋友一心想食雞煲，就叫咗個勁少辣嘅佳記招牌雞煲🐔調味料同飲品都係自助式，飲品有台灣製造嘅茶、汽水、啤酒等，任揀又夠凍！雞煲一開蓋，香氣撲鼻，正👍🏻件件雞都係啖啖肉，無乜骨，食落鮮嫩又唔乾，煲入面仲有啲冬菇粒、青椒粒，全部都入哂味！我最欣賞呢個雞煲嘅辣同鹹味配合得天衣無縫，唔會偏向一個味道👍🏻雖然少辣但勁惹味，真係啱晒我又要怕辣又要去試辣嘅人😂😂😂食到咁上下，我就遞埋張火鍋配料紙出去，我哋分別叫咗西洋菜、、粟米、肥牛、滑牛、豬肚、手打墨魚滑同魚皮！每樣食材望落都好新鮮，西洋菜洗得好乾淨，完全無沙！魚皮夠大塊，每塊都卜卜脆！滑牛唔靭，夠哂嫩滑！肥牛雖然擺得好靚，但可惜滾完就散開哂咗，口感變相差啲啦！豬肚爽口，唔會又硬又乾！手打墨魚滑好大碟，又彈牙😋食咗一半先記得影相😂我見到周圍啲人加雞又加雞，本身我同我朋友都想加，真係好好食，非常入味😋😋😋佳記招牌雞煲好嘢👏🏻可惜我哋食得太飽，個胃完全無位置加雞啦😂😂鬼叫啲配料都咁大碟咩！真係好鬼抵食！下次一於叫多幾個朋友一齊食，食埋其他口味先🤣🤣…查看更多

男閨蜜生日 當然要去慶祝下啦🤣 男仔最鍾意大魚大肉 一定要食餐好飽既😂 所以我帶左佢去食屯門紅橋雞煲😋 平時都會去紅橋附近搵好野食 呢間雞煲都幾出名好多人都讚不絕口雖然佢有好多鍋底可以選擇 但黎到當然要點最出色既雞煲 但男閨蜜唔太食得辣就點左微辣小麻 如果食得辣可以選擇不同辣度麻度😍雞煲一上枱 麻辣既香味撲鼻💕 一滾起就食得🤤 本身我食得辣 所以微辣對我黎講一d都唔辣🤣但個麻味都好出 配埋個雞煲醬岩岩好👍🏻 呢間鋪仲可以無限+雞😍😍 我地都加左2轉 因為d雞好入味又嫩多汁🤤🤤 食完2轉之後就加湯打邊爐🍲打邊爐點少得肥牛😍 牛肉係一卷卷 肥瘦適中 食落都好香👍🏻 男閨密都大讚 好少可任食既牛做到咁高質 CP價超高😆 當然唔少得黑豚肉同羊肉都有 另可加錢點海鮮 選擇非常多👍🏻食左咁多肉 要點下d蔬菜🥬 粟米、金菇、蓮藕、萵筍、蜂巢豆腐 款式非常多 樣樣都好新鮮👍🏻 打邊爐材料我地仲叫左午餐肉、雲吞、墨魚滑、炸魚皮😆 太多款式選擇🙈 男閨密非常滿意 任食任飲火鍋太高質了😍…查看更多

忍左好耐，終於忍唔住同朋友去叫雞🐥食，仲可以無限叫。一個價錢成晚淨係食雞都得，食完一輪雞打下邊爐再食雞又得。坐低揀好食小辣，叫完好快就到啦！等緊雞期間，有個小食尖椒皮蛋上左枱先，皮蛋有少少溏心。聽到廚房係即刻炒出嚟，上到枱熱辣辣，即刻打個卡先。雞好嫩滑，小辣既程度就尤如_仔既三小辣咁，岩朋友既口味，我就覺得下次要揀中/大辣。食完雞就叫左邊爐料，當中韮菜餃同鮮蝦雲吞較為出色，蝦爽口，韮菜夠香佢，魚皮拎黎沾汁食係一流。望落肥牛都唔會一味得脂，食落口冇乜油膩感，仲有少小牛味。羊肉片同豬肉片都係正常發揮。出名廢肉清既我，今次冇乜點食廢肉，可能呢到肉類同非加工食物既選擇都多。野飲都係任飲既，汽水椰汁啤酒任你拎。講多句，想叫雞食，可以去呢到！…查看更多

好耐無食雞煲，見呢排涼涼地又想出動。屯門呢間雞煲好多食評都贊，就即刻約左朋友試試佢。星期一至四$168任食任飲仲要唔洗加一，今時今日咁既價錢簡直離地。我地唔食得辣所以叫左微辣招牌雞煲，初初見個汁好深色以為好咸，原來係岩岩好。啲雞本身係熟既，滾左一陣已經食得。任食既雞竟然幾滑，連雞胸都唔柴，我地忍唔住加左一轉雞（免費的！）跟手加湯打邊爐，印象深刻既有好鮮甜既墨魚滑、脆脆響鈴、索晒味既冬瓜、鮮冬菇、仲有好脆既炸魚皮。啲肥魚同西班牙黑毛豬都好唔錯，唔會好肥。仲有不得不提就係佢有椰汁飲，超正，呢樣唔係度度有。同埋就算加左湯，啲食材都係好夠味，唔多使點醬汁。最後飽到上心口離開，好滿足。…查看更多

今天有幸光顧了佳記雞煲小廚，火煱類別超過十款可供選擇，由微辣至大辣可供挑選，食材款式豐富，還有提供約十款的免費飲品任飲。 最難得的是如挑選了雞煲或有雞件的火煱，雞可以無限添食追加，不需額外收費的，兩小時內任飲（大樽裝啤酒除外）任食，此店收費是不用收取加一服務費的。價錢中等物有所值，服務殷切，並不馬虎，十分值得推介給大家一試的。現時到了入秋立冬的季節，我們選了胡椒豬肚雞煲湯底，湯內的豬肚和雞件十分充足加入了芹菜，整個湯有濃厚的雞湯鮮味加上有胡椒及芹菜提香，帶點輕微辣味，雞件及豬肚非常入味，肉質嫩滑，很有嚼頭，真的讚！👍👍👍我們挑選的食材有鮮豬膶、豬肚、豬皮、貢丸、滑鮮牛肉片、牛肚、雞柳、鮮冬菇、鮮雲吞、鮮腐皮 & 烏冬。 此個份量我們二人全部吃清光巳感到非常的溫飽充足了。 所點的食材全部到齊並沒出現漏單情況。 當中的肉類全部都醃過，在湯底內焯熟入口味道芬香馥郁，調味洽到剛好，一點都不會太醎也沒有膩或口渴的感覺。非常贊。😋✌️店內可供任飲的款式繁多，可自行到雪櫃任取，當中有我們挑選了的凍檸茶及菊花蜜外，還有罐裝椰子汁、楊協成的清涼爽、罐裝烏龍茶、新奇士橙汁汽水、忌廉、可樂、罐裝啤酒等..... 真是無得彈！…查看更多