你好椰

營業中

休息中

💛好味指數:4.9/5💛💜回頭指數:4.9/5💜之前朋友買過一次俾我食，覺得佢地嘅楊枝金露好好食，決定再次回購！老闆每日手工製作，真材實料，每日限量發售，好彩可以食到😍特別欣賞佢地個包裝，膠盒好硬淨，仲可以循環再用♻️✅椰汁紫米露$32椰汁味好香，配粒粒紫米露口感豐盈，而且糖水底唔算太甜，啱啱好加咗芋圓入去，芋圓有咬口，成個感覺都好健康🍀✅鮮芒楊枝甘露$39每日限量50碗，楊枝甘露芒果味香濃🥭入面有好多芒果同西米，老闆娘好好人，俾咗好多芒果我，芒果好甜好正😋✅招牌椰皇鮮奶燉鮮奶$60每日限量40碗，燉鮮奶係用咗3.6牛乳，奶味和椰味香濃，配雪燕和桃膠滋補養顏，原個椰子攞翻屋企食，好正😍😍🐻總結性價比好高，每碗份量都好多，而且好好食，而且充滿人情味，老闆娘好nice☺📍 你好椰 (石硤尾)石硤尾偉智里2號金玉大廈地下223號舖

呢間真係有點隱世小店feel，距離地鐵站幾分鐘既路程，賣既係甜品，也是生活中不可缺少那一點甜😊佢哋既甜品係好多種類，好適合香港人，只食一種甜品既時候又三心二意想試多樣，甘就叫個有齊幾種甜品混合的升級版，吾想三心二意，只鐘情於一種既，又有純粹的甜品種類，紅豆沙綠豆沙咋咋，總有一種岩你口味，加上滿滿香港原味道手工甜品既感覺......愈係簡單的味道愈係吸引☺☺今次幫襯佢哋買左佢哋既五大招牌 芋圓 仙草 椰皇 燉奶 桃膠之中既幾種😀😀一次係試吾曬佢哋鋪頭甘多款甜品既，老實講款式甘多，點都會有一樣岩你食既😉雖然佢哋基本上只做外賣，暫時都無堂食既位置，相信老闆娘用心做出黎既甜品，無論係堂食定外賣都可以令呢個秋天帶黎一點甜。講返食物先，今次試左芋泥桃膠水晶粉▪芋泥仙草配牛乳奶凍▪鮮奶燉蛋白加芋圓 三款甜品，全部都誠意滿滿，比料十足，老闆娘好好人，比我地影完相先蓋返好個甜品😂😂因為外賣拎左返去就未必影到甘好睇既相了。芋泥桃膠水晶粉佢個芋泥球比料好足，滿滿芋頭的味道，十分足料。桃膠都比足料，食落感覺到嘴唇都好滋潤，好岩秋天食。整體感覺，成個甜品大大份又好味，甜得黎又吾膩，甜味十分適合香港人口味，微甜

今日經開石硤尾做野，係白田附近食飯，同班同事見到呢間以椰子為主打的甜品店，店名幾得意叫「你好椰」，同老闆娘傾左幾句，知道佢地做街坊生意，定價實惠，甜品都係每日新鮮自家製，以健康少甜為主，所以我同幾位同事就買左幾款甜品來做下午茶🤪鮮芒楊枝甘露 $39同事一打開蓋，已聞到香甜芒果味，入面有好多西米露，柚子爽甜不苦，同事話好耐未食過甘足料又好味嘅楊枝甘露。仙草芋圓 $27呢個凍食一流，首先芋圓口感煙韌，唔會因為凍左就變硬，食落仲有芋頭同蕃薯香，配埋仙草無得輸，大大碗堅飽肚。牛油果鮮椰奶 $35作為牛油果愛好者嘅我，經老闆娘推介就試下呢個新品，用新鮮牛油果加鮮椰奶整成，仲要無糖，口感順滑又健康。腐竹桃膠茶 $22桃膠口感彈牙，滑嘟嘟又易入口，仲有淡淡腐竹味！椰汁鮮奶燉桃膠 $35同事識揀，呢個甜品好足料，大量桃膠外，仲有椰汁同鮮奶夾埋，夠哂滋潤養顏！秒速食哂所有甜品，我地都好滿足，下次再幫襯呢間「你好椰」👍

今日嚟到石硤尾附近食完嘢，想食飯後甜品。見到大街有一間甜品舖，專門做外賣嘅，見有員工預備緊新鮮材料，於是想買幾杯返屋企試吓。佢嘅菜單簡單易明，有排行榜知道最多人食啲乜嘢。我揀咗一杯紫米露，椰汁鮮奶燉桃膠和芒果楊枝甘露。外賣塑膠盒品質好，呢度返屋企都冇傾漏。紫米露味道香濃，唔會過甜，適合都市人又想健康，又想食甜品嘅想法。紫米一粒粒嘅口感大大增加食慾。椰汁鮮奶燉桃膠，椰汁和鮮奶兩種配搭相宜，吃完桃膠，不知不覺間晚上睡得很好，天然的椰香能夠增加桃膠的味道，無論冷食定係熱食都一流到最後芒果楊枝甘露，入面有幾個切得很大的新鮮芒果，楊枝甘露唔會過酸，配搭鮮甜的芒果，令到整個甜品唔會過甜，甚至吃完正餐後，都仍然想嘗試這款甜品。整體三款甜品各有特色，唔同嘅材料和味道都呈現到食材原始天然新鮮的味道和口感，期待嘗試其他甜品。

揸車經過石硤尾附近見到有間甜品舖😋 ～ 你好椰 (地址: 石硤尾偉智里2號金玉大廈地下223號舖)， 買番幾款返去做宵夜✌🏻😁，紫薯芋泥鮮奶$25、 黑糖仙草牛乳$25、 芒果班戟$38、 黃金水晶粉$28。 🔸紫薯芋泥鮮奶 ～ 奶味香濃，紫薯和芋泥的配搭很夾， 每一口都嚐到濃郁的紫薯香味。 🔸黑糖仙草牛乳 ～ 滑嫩口感的仙草凍， 配上黑糖，甜度適中。 🔸黃金水晶粉 ～ 水晶粉口感滑滑的，非常清爽甜美。 🔸芒果班戟 ～ 班戟皮又薄又，芒果新鮮香甜，好味啊！ 整體價錢合理，份量足😋。🏷️溫馨提示～ 整個用餐體驗均屬個人分享意見， 只作參考😊。

1 椰汁鮮奶燉雪燕至緊要食住黎靚，清清的椰汁淡淡的鮮奶配搭雪燕。2) 椰汁紫米露💓配左勁多芋圓💓椰汁嘅香配紫米露，顏色又靚，好滿足。3）紫薯芋泥鮮奶自家製手工鮮芋泥，（芋泥唔會杰身）紫薯、芋泥、鮮奶分配得好適當，所以飲落好香好飲。💓紫薯雖然含有豐富澱粉，但每100克鮮紫薯僅含0.2克脂肪，是很好的低脂及低熱能食物。💓紫薯是一種甘薯類植物，而紫心番薯則是番薯類，兩者本屬不同類別的植物。4) 蜂蜜菊花桃膠茶我好鐘意桃膠口感，煙煙韌韌，飲一啖你就會feel 到蜂蜜同菊花嘅清香。5) 懷舊蛋花大菜糕係我嘅兒時回憶，簡單就好味，唔使咁複雜，凍凍的大菜糕入面有蛋花，清清的食落好舒服，我就係要呢種感覺。6) 鮮奶燉蛋白/全蛋食落口滑嘟嘟嘅燉蛋，用匙羹食嘅時候，燉蛋係彈下彈下，證明燉得唔過時，真係好正。

這間外賣糖水甜品的小店，份量很多，全是真材實料，價錢不貴，性價比十分高！加上每日新鮮全手工製作，啖啖心機～而且糖水味道不甜不漏，好像我當天一口氣吃兩個都沒有問題呢😋很喜歡他們的包裝啊！是用可以循環再用的圓形膠盒，而且是扭蓋式的，不怕倒瀉，扭開蓋後還有一層膠蓋，不怕弄污雙手，可以優雅地享用🤗♡椰汁鮮奶燉桃膠$35 🥢必點🥢大量桃膠，每一口都是滿滿的桃膠，感覺非常滋潤養顏😍味道不會太甜，加上香濃的椰汁和鮮奶，口感幼滑！♡鮮芒黃金水晶粉$28 🥢必點🥢水晶粉晶瑩剔透，滑嘟嘟的口感，咬下去是微微甜的味道，內裡還有點西米，同樣水晶粉的份量都很多呢！味道不會太甜，有香甜芒果味🥭。♡鮮芋頭西米露$25甜度適中，椰汁味香滑🥥，芋頭新鮮，時間煮得剛好，不會太生太熟～芋頭和西米份量都很多，而西米比起平常吃的大一點，更有口感呢！

紫薯芋泥鮮奶 $25紫薯同芋泥味好香，溝埋鮮奶又滑又飽肚，香濃又好飲👍🏻鮮芒汁西米露 $28超級足料！每啖飲落去都成口西米露😂而且芒果汁又香又甜，果種甜味仲要唔係死甜，係真正芒果味的甜度，正！招牌椰皇鮮奶燉蛋白 $60 加芋圓必點！真係一定要叫椰皇！仲一定要加芋圓！佢d芋圓好香濃，完全食得出好足料而且好Q彈，超級好食！！！我另外打劫左朋友d芒果放落椰皇度，d芒果大大舊仲要好鬼甜，我估係巴基斯坦芒果黎，有果種奶奶地的感覺，好好食🤤講咁耐仲未講主角😂椰皇鮮奶燉蛋白真係好重奶味，而且我食凍既，個質感好似食緊布丁咁，高濃度🤤而且椰子肉都好香又易刮出黎食，一定要食多好多好多次🥰鮮芒楊之甘露 $39足料！好味！芒果大大粒又甜，仲要勁多西米露，同埋最重要係佢d西柚竟然唔係苦架！第一次食到咁好食既楊之甘露🥺🥺

💕Hello Coco你好椰石峽尾街坊糖水店，甜品每日新鮮自家製主張少甜口味，加入養生食材，有家的味道，吸引唔少街坊捧場🥰🔸椰汁鮮奶燉雪燕鮮奶係北海道3.6牛乳，用料講究，同椰汁🥥好夾，雪燕份量都唔少，滋補養顏，甜度剛剛好🔸椰汁芋頭喳咋傳統嘅中式糖水，所需材料非常多，呢度只係賣緊$25🥣以芋頭、花生、紫糯米、紅腰豆等材料加上椰汁煲煮，口感濃郁唔太甜，足料飽肚🔸腐竹雞蛋糖水清甜滋潤，腐竹煲得融化夠火候，食落清甜，薏米有嚼勁🥚仲有雞蛋，食得更滿足

每次想食糖水,都會諗起屋企附近偉智里呢間糖水舖！点解會去呢間,因為老闆娘自家一個做晒,見佢好勤力,都有呢個多份量味道又好嘅品質糖水同甜品,你話買佢点得呢！我最鍾意嘅糖水係牛乳（北海道牛乳）桃膠芋圓,其他糖水同甜品都好味架😋

認真好耐無食過咁好味既芋圓啦！仲要凍都咁好食 口感保持到煙煙銀銀因為好多時候食凍嘅芋圓 口感都會變得好硬 仲要26蚊咋😍😍依家疫情咁嚴重 希望依啲小店可以多啲人識就好啦

最近轉季，天氣涼咗，濕度也低咗，攪到人都乾燥咗。我除咗早上起身自己沖杯蜜糖水滋潤吓，最近也學會去外賣燉雪燕回家飯後食，晚上放咗工也可以滋潤吓嘛🥰椰汁牛乳蓮子燉雪燕 (HK$38)．大碗，多雪燕，有幾粒蓮子，椰香奶滑嘅糖水，食完真係滋潤晒🥰．外賣時係凍㗎，店員建議回家可返熱嚟食．外賣碗是厚身高質量，值得洗乾淨之後可以多次用👍🏻餐牌同雪櫃裡有好多其他甜品和糖水款，咁近屋企，可以密啲去，試多幾款😋

早前到石硤尾的賽馬會創意藝術中心走走，回程經偉智里一段往地鐵站，偶然發現這家以椰子為主打的甜品店「你好椰」 。看到很多合口味的甜品，敵不過甜魔的召喚，就買了些跟家人共享。店子沒有堂座，主力就是外賣予附近的街坊客，況且，這一帶確實有不少公共屋村，客源應不愁問題，單單在店門等候數分鐘，已見到一個接一個客人光顧，有不少更是熟客來，店主非常友善健談，她分享到甜品都是每日新鮮製作，而且，都盡量做到低糖，又加入很多有營元素。別見店子小小，出品可真多，而且，類別的選擇多元化，最討人歡心是定價相宜。如果患有選擇困難症，大可在10大人氣之選中選擇。最後心大心細之下，揀了三款回家試試看！既然叫得椰皇專門店，就當然要試試招牌椰皇燉鮮奶蛋白，其次就揀了第二、三位的芋圓紅豆沙及芒果班戟。班戟本意是揀榴槤口味，可惜沒有了，但「芒果班戟」（$30）也合家人心意。表面如大多數的班戟那樣，平平無奇，但咬下去，芒果極之清甜，餐牌已標明是採用呂宋芒，果然用靚料；加上班戟皮既薄又軟綿，富蛋香，少忌廉就最得家人歡心。別看這一碗「芋圓紅豆沙」（$25）好像很普通，不單止含豆量豐富，紅豆已煮至起沙，而且，紅豆味好清甜，貨真價實；另

前幾日經過石硤尾，見到呢間甜品店幾吸引😍諗住買飯後糖水，就幫襯呢間甜品舖～佢主打椰子類甜品，感覺幾好味😋桃膠腐竹水$20有白雪雪，滑嘟嘟嘅桃膠☺️飲落幾香甜😋桃膠幾彈牙😆口感幾正👍🏻仲有淡淡嘅腐竹味，幾香💕桃膠雪耳燉木瓜$20係女性恩物😍可以養顏減脂😆仲可以減壓🤗食落覺得雪耳好爽口💕桃膠木瓜淋淋地，成個糖水都有好濃郁嘅木瓜甜味😋幾正👍🏻椰汁紫米露$18好香甜嘅椰汁🥥仲有一粒粒嘅紫米，食落口感好豐富😆幾香甜😋好鍾意食呢個糖水🥰而且感覺幾健康☺️係誠意推介👍🏻甜品店嘅老闆娘好好人🥰值得幫襯🤗

突然好想食椰皇燉鮮奶蛋白，但咁凍又唔想自己整，於是下晝放工買咗幾款糖水同屋企人一齊食~最鍾意食呢個招牌椰皇燉鮮奶蛋白係有原因既，除咗係本身椰子係一種天然又健康既食物之外，仲有就係佢選用咗北海道3.6牛乳，所以食落特別香！另外椰皇中間加咗層錫紙，令鮮奶蛋白既口感更滑~具台灣特色既仙草芋圓都唔遜色，一打開個蓋就飄來陣陣香味！芋圓口感煙韌軟糯之餘又食到芋香同蕃薯香，配埋滑溜既仙草，大大碗好滿足！薑汁燉奶既薑味相對輕，唔會太辣，亦唔會搶哂牛奶既味，食落每一啖都混有薑味同奶香~仙草鮮奶凍黑白分明好吸睛，而且佢凍冰冰，啱哂鍾意食凍野既細佬😆最後不得不提既係有美顏功效既桃膠紅棗水，欣賞佢係低糖，糖份唔高所以所以唔會覺得越飲越甜👍店舖仲有好多其他甜品揀，下次食下先~