影片
以上資料只供參考, 請與餐廳確認詳情
機場食野預左貴小小，但係去到呢個價格水平同埋食物質素真係好難接受。員工態度又係老鳳咁。入左店都要硬食。員工仲要確實咁講d飯就係咁少架喇。落機已經累，食飯仲要比人串
繼續閱讀
星期五晚機場晚餐, 晚上大約七點半, 去到已經可以入座, 唔使等位.雲吞麵, 雲吞一啖一粒, 蝦肉爽口, 湯清甜, 麵亦無乜梘水味, 好似, 但有點奇怪個侍應係隔住個欄傳過來 唔係行到枱面放低, 干炒牛河, 來到已經即食, 都只算係微熱, 唔係大熱, 所以覺得係電爐炒唔係明火, 河粉有色水但無乜焦香味, 最差就係牛肉, 係有用鬆肉粉"嗱"過的, 所以唔好食, 招呼一般, 我們入座的那個卡位上一枱客剛走, 侍應收捨碗碟就叫我們坐, 但枱面有漬的, 要叫先來抹不過期間有兩次來主動斟茶, 算係甘了.埋單240左右, 原來有加一服務費的, 機場價格係偏貴, 但服務及出品都好普通, 下次唔會再揀呢一家.
繼續閱讀
水餃比雲吞更差今日夜晚7點左右去完旅行返香港，所以被逼系機場食埋飯至返屋企，因為吾系好肚餓，所以就食粉麵。味道(1分)— 湯底真系幾好，還有大地魚味，— 雲吞味道勉強還可以，但吾彈口。—水餃就非常吾得，一來吾飽滿，二來邊皮好厚又好似未煮夠時間，好硬—麵系無粗麵，以粉麵店來講真系未見過。幼麵亦吾爽。環境(4分)— 座位好寬敞，服務(4分)— 服務基本正常—值得贊系佢有一個好似酒店寄存行李服務，比個號碼牌你就幫你推埋一邊，睇到大部分時間亦有人睇住，幾放心衛生(2分)—睇表面系好乾淨，但可能洗碗服務商太乾淨，湯匙好重漂白水味道。抵食(2分)— 價錢一定比普通粉麵店高好多啦，以佢名氣，環境等本來都OK，但因為味道實在比普通粉麵鋪差，所以低分。
繼續閱讀
🇭🇰何洪記·我地個次早左去機場 見好順利 就決定係出面食埋野先入去😎呢間我自己覺得出奇地幾好食 雖然粥麵黎講偏貴 但係機場其他快餐其實都差唔多 係細份少少🫢😂·雙拼粥$78 l 原蜜味叉燒腸粉$58 l 懷舊馬拉糕$40佢個粥底係好綿嘅 之後豬膶都係起晒沙 好好食 肉丸質感都好好🐷腸粉都唔錯 個皮好薄 叉燒質感都幾好 個馬拉糕就正正常常 粥同腸粉好味啲😈🤣·#rbyeat#rby港式#rby銅鑼灣 #rby赤鱲角·📍赤鱲角香港國際機場一號客運大樓5樓抵港層接機大堂5T161號舖(非禁區)📍銅鑼灣軒尼詩道500號希慎廣場12樓1204-1205號舖
繼續閱讀
🏆香港首間奪下米芝蓮一星的雲吞麵食府，聽聞人氣非常之高，🎉趁新春假期到希慎分店嘗嘗。👑店內裝潢有點浮誇，牆身鋪滿雲石，🏰配搭宮廷風吊燈，⛓️氣派豪華，吃個民間美食都如此有氣氛。何洪記菜單上除了最出名的鮮蝦雲吞麵外，單品項都非常多，🥣有粥、麵、腸粉、港式點心等等，但價錢絕不便宜之餘份量亦不多，中環出名的麵家也是更好的選擇，所以體驗一次半次就好。服務態度不過不失，🫖新春期間茶錢每位8蚊但枱面沒有茶壺，而且喝完茶侍應不會主動加茶。🍶每次執枱時杯碟大力碰撞，聲浪太大了有點煩擾。所以價錢貴都不一定有什麼良好體驗可言。🥩白灼鮮牛肉湯河 $70白灼鮮牛肉湯河清爽可口，鮮牛肉鮮嫩多汁，食得出是清鮮而不是清淡口味。🥓黃沙鮮豬潤腸粉 $80豬潤腸皮薄餡靚，味道爽嫩濃郁，米味腸粉皮下見到粒粒豬潤。🥟鳳城鮮蝦水餃麵 $72水餃入面有叉燒、木耳及鮮蝦，湯底用蝦子和大地魚熬煮，雖然都算有香氣，不過算不上特別出色特別厲害，其他麵家也是更好選擇。🍜正斗鮮蝦雲吞麵（小）$50小碗的雲吞麵為「細蓉」，4粒雲吞大小嬌小玲瓏，雲吞七分蝦肉、三分豬肉，肉餡甜美。麵底採用了竹昇麵，純手工製作，不過鹼水味稍重。#hkig #hkfoodie #hongkongfood #hkfood #hkfoodporn #hkfoodies #instafood #hkfoodbloggers #hkigers #ilovesharingfood #openrice #hkinfluencer #foodiehk #相機食先 #香港美食 #銅鑼灣美食 #銅鑼灣雲吞麵 #何洪記 #米芝蓮一星 #民間美食 #名過於實 #期望越大失望越大
繼續閱讀
您可能會有興趣的...