影片
以上資料只供參考, 請與餐廳確認詳情
之前都有光顧何洪記（銅鑼灣分店），個間食物質素還可以，沒想到機場的分店食品如此惡劣⋯⋯實在難以接受，不會再光顧了。事原落機非常餓便拖住行李直接去機場的餐廳，何洪記和翡翠拉麵小籠包在並排位置，最後選擇去何洪記。其實係第一次光顧機場分店，點了艇仔粥，炸兩，燒賣和牛肉球。等候時間還可以，但感覺食物都落咗比較多的味精，好鹹，材料唔太新鮮⋯⋯點心亦蒸得蓉蓉爛爛，很難入口⋯⋯因為餓勉強食了點粥，結果回家後因為太多味精喝了兩瓶開水，朋友同我離開餐廳就開始全身冒汗一直唔舒服⋯⋯另外等候食物途中，餐廳都有比較多旅客進出，環境比較嘈雜，服務員並沒有很快地清理已經離開的餐桌，安排座位亦比較混亂。收拾餐桌途中服務員有倒瀉食物，液體和殘渣亦飛彈到其他食客位置但他們並沒有道歉⋯⋯沒想到香港機場內連鎖式餐廳的食物水準會如此差，難以想像旅客到步的第一餐會係咁樣，真係打擊香港餐廳業整體形象⋯⋯
繼續閱讀
腰膶撈麵，好有驚喜，豬膶好嫩滑好juicy, 一啲都唔硬，唔鞋口，未食過咁好食既豬膶，麵底夠彈牙，薑蔥比例剛剛好，個湯係正宗大地魚湯。可惜無乜分店，下次再有機會一定返食。
繼續閱讀
叫左兩個雲吞麵，一個豬潤湯麵一個豬潤薑蔥撈麵，雲吞算食得落口，但係少咗啲韭黃；薑蔥撈面佢個底同我落左麻油，味道有啲九唔搭八，最差係豬潤，用左唔知咩嘢揦過，豬潤本身既爽脆口感無哂，軟錦錦咁好得人驚，而且無豬潤香味，甚至無豬潤味，淡茂茂，好似水味咁。其實唔知點解佢咁樣整普通好似出面食嗰啲生滾粥佢就咁滾啲豬膶都夠好食啦，如果佢咁樣整嘅話真係個豬膶本身唔新鮮呢間嘢竟然仲叫自己粥麵專家個麵真係「煙韌」到好似食緊橡筋咁，麵鹼水味好重，落醋都冚唔住，以為佢開喺機場應該係好食嘅，點知同街？外面啲舖頭隨便一間都好食過佢。
繼續閱讀
今日落飛機去食晚餐，叫了一碗艇仔粥「結」到難已形容。另外叫咗粉炸両，收幾十蚊一碟好心比D誠意，個腸粉薄到透明，你不如唔好整。最後叫咗杯凍啡，咖啡只佔杯嘅容量五分之一，其餘全部係奶，因為叫少冰，如果我要飲奶駛乜去你度，對面7仔都有得買。
繼續閱讀
早幾日夜晚去機場接囝囝，佢班機21:40先登陸，但係佢返到香港已經好想食地道的腸粉同炸両，何洪記22:45截單，可以坐到23:20.佢在等行李時，就通知我攞位及落單，我點左雲吞水餃湯麵、炸醬麵、蝦腸粉、炸両及艇仔粥。蝦腸粉好好食，又滑又熱，豉油味道適中。炸両令我有點驚喜，因為油炸鬼很脆👏🏾水餃雲吞湯麵正常、炸醬麵好味、跟麵的韭黃湯好好味、夠火喉。最後艇仔粥、粥底好吾掂，好似係用攪拌機打碎白米再加一些粉漿㷛的！粥料都吾多、水晶尤、魚片、咸瘦肉。如此老字號，呢碗粥實在令人失望😵💫
繼續閱讀
您可能會有興趣的...