佐賀燒肉谷 (希慎廣場)

營業中

休息中

燒肉高質，服務態度令人喜出望外，原本諗住係普通連鎖餐廳，但入到黎員工態度好好，又會介紹野食又同你傾下計，以今時今日既香港黎講好難得，和牛燒肉海鮮放題都好多選擇，其本上諗到既生熟食都有～

食物質素高質 座位安排闊落在鬧區好少見可以坐得舒服嘅放題服務也好細心好有禮貌 上菜快收碟速度也快基本上冇咩缺點同場牛氣集團燒肉 註冊會員指定套餐仲可以-100蚊 真心抵

我7點去到問有冇位 門口個男服務員叫我拎飛 8點要到 我8點前去到 到8:25 分我問佢幾時有位 佢同我講要等8:30 Book枱D人 齊唔齊先 可能9:00先有枱😡咁點解你唔早D講冇枱 一句唔好意思就算 唔怪得D人話香港服務差 原來係真

今日終於有時間可以相約朋友一齊去食lunch,朋友就介紹左我地食燒肉 話午市套餐好抵食 每人叫個一人套餐 就可以享用75分鐘的自助吧放題 自助吧有成40款食物 當日小食有蘿蔔炆牛肉、煎餃子、仲有兩款唔記得左😂另外秋葵、翠玉瓜、車厘茄同幾款菇、紫菜飯同雪糕可以任食 仲有咖啡汽水任飲～今次我地叫左三款套餐 有齊豬、牛、雞,個人覺得「佐賀A4和牛小排」既油脂分怖同肉味既平衡做得好好 推薦❤️另外「霜降豬頸肉」既肉味好濃 油脂好香 質素很好👍🏻其他肉類的整體發揮屬於中上 以百幾蚊一個套餐黎講 個人覺得物超所值 而且服務態度很好 係一個高空的舒適環境下同朋友一路食一路傾計 今次既午餐體驗非常滿意 大家係銅鑼灣想食燒肉一定要過黎試下😊

生日飯揀咗希慎嘅佐賀燒肉谷！LV4套餐勁正，A4和牛海鮮放題，夠晒豪氣👑 $658一位真係抵食！140款嘢食，和牛肉質滑到癲，海鮮新鮮大隻，仲有水果夏祭限定菜式🍉 最鍾意佐賀A4和牛小排同薄炙牛肋骨，入口即溶，正！煙燻壺漬封門柳超軟腍，雜果醬版更係特別好味。呂宋芒雜果沙律酸甜開胃，每枱限量添😋 鮑魚、生蠔、魷魚、青口、扇貝、三文魚應有盡有，新鮮大份。120分鐘食到飽，值回票價！鍾意食和牛嘅一定要試！

今晚五個人食，約六點半左右入座，扣埋優惠約$600一位，啲和牛都幾靚幾高質，個女店長重幫我地燒埋，好好咪好抵食！另外啲汽水任飲，重點係有Movenpick雪糕食，食多幾杯已經回本，好好味！可以再幫襯

佐賀燒肉谷係一間專門做日式燒烤放題嘅店，最出名嘅係用日本九州佐賀縣農場空運而來嘅「一頭牛」佐賀和牛🐮，保證新鮮。今次我哋揀咗LV3澳洲和牛海鮮放題套餐（120分鐘），可以食到飽嘅和牛同海鮮，實在太正了🥰！餐廳最近搞緊水果夏祭🥭，提供好多由水果烹調而成嘅特色菜式，真係非常吸引。一開始會先上頭盤，有澳洲和牛上級牛胸腹肉、澳洲和牛特上牛肋肉、美國牛胸腹肉、牛肩里肌肉、厚切牛舌等🐮，每款牛肉都有唔同口感，尤其係澳洲和牛最為濃厚。頭盤仲有海鮮拼盤🦐，包括原隻鮑魚、帆立貝、半殼青口、大海老、法國黃金螺等，真係好吸引！呢個海鮮放題套餐嘅重點之一，就係厚切嘅澳洲和牛特上牛肋肉，真係食完想再食！和牛香味濃郁，放入口輕輕一咬，啲肉汁就流出嚟，超級好味🤤。海鮮方面選擇亦相當豐富，有鮑魚、生蠔、大海老、魷魚🦑等，應有盡有。而家仲有水果夏祭，特色食物包括雜果醬封門柳壺漬、雜果醬梅花壺漬等，味道清新可口😋。食Level 3以上仲可以order 一件貓山王榴槤刈包，果肉香氣十足，口感綿密，真係好滿足😍！

之前都食過佐賀燒肉谷兩次 兩次嘅體驗都吾錯 最主要係食物質素好高 就算食多幾件都吾會嫌😚 而我地今次揀左Lv3澳洲和牛海鮮放題套餐 食和牛同海鮮食到飽飽😋 咁岩餐廳搞梗水果夏祭 仲可以食到好多由水果烹調而成嘅菜式😍🍀澳洲和牛海鮮放題依個套餐嘅重點之一就係和牛😜 當中厚切澳洲和牛特上牛肋肉係其中一個我食完再食嘅牛肉部位 佢嘅和牛香味好濃郁 放入口輕輕力含住 啲和牛肉汁已經流晒出黎 超級正🥰 澳洲和牛上級牛胸肉有五種口味 分別係原味 黑椒 燒汁 辛味同埋蒜蓉味噌 可以揀岩自己嘅口味 或者揀原味再點其他醬汁 多種口味總有一種岩你🤩 厚燒牛舌彈牙有嚼勁 鐘意口感嘅朋友必食😉 仲有其他牛肉部位可以選擇 同埋雞肉 羊架等 食肉獸一定好開心🤣 另外海鮮方便都有多種選擇 鮑魚 生蠔🦪 大海老🦐 魷魚🦑 等 應有盡有 吾會怕食到悶 總有一種岩你食😆 而自助區仲可以食到水果烹調嘅食物 火龍果炒牛肉 檸檬可樂雞翼都好好食 可以試下☺️

唔知係唔係因為暑假，宜家多左個水果際，多左啲菜式加入左生果落去烹調或醃製。貓山王榴槤刈包 —— 強烈建議點埋個雲呢拿雪糕一齊食，將啲榴槤撈埋雪糕一齊食真心好正，可否只可以點一次，如果唔係一定食多兩個雪糕🍦椰青糯米糍 —— 用左椰子雪糕做內餡，食多左和牛之後食返一粒，可以解油膩感雜果醬封門柳 —— 酸酸甜甜幾得意，我覺得加左水果醬嚿牛肉再淋啲👍🏻不過都幾大條下，兩個人嘅話建議點一條過下口癮就好，唔好好似我禁樣點兩大條自助放題位置嘅野食都係加左水果嘅菜式，三個入面我最喜歡檸檬可樂雞翼，醃得好入味Lv4嘅和牛質素穩定輸出，點左起碼有六輪，啲肉嘅質素都係一樣最愛牛肋肉，油花分布平均，有咬口又不會太油生蠔都好正，無沙無腥味，加少少玫瑰鹽已經好好食飲品選擇都好多。有個題外話，飲梳打水記得不要用店家提供的紙飲管，否則會喜獲火山噴發嘅梳打水一支點解我會知，因為我⋯係禁不停水和牛會有啲油膩，我鐘意配搭一下牛角包🥐紫菜飯中和一下，改變口味可以食得多啲

今晚收工約左舊同事一齊去食燒肉😋佐賀燒肉谷 🍖 主打燒肉任食。出名在於採用日本九州佐賀縣農場 ✈️ 空運直送的「一頭牛」佐賀和牛🐄即是原隻牛空運到港，再於香港分切不同部位，保證新鮮 🥳⋄🤩 佐賀和牛雪花紋理細緻，入口即溶，屬高品質的和牛，油花較其他品種的牛肉多。❤️‍🔥⋄📣 8月推出的期間限定水果祭以酸甜果實刺激大家的味蕾，感受夏日氣息⛱⋄Lv 4 : 日本佐賀 A4 和牛海鮮放題🔹 佐賀 A4 和牛﹑海鮮任食 🦪🔹 大量飲品﹑啤酒﹑清酒任飲 🍶🔹 軟雪糕﹑Movenpick任食 🍦🔹 自助區任拎👨‍🍳 熟食﹑前菜﹑沙律﹑蔬菜 🥬⋄⋄====—====—====—====—✦佐賀A4和牛小排✦❄️ 和牛小排佈滿雪花般的脂肪，非常均勻，入口即溶。 👅⋄✦佐賀A4和牛三角嫩肌✦🐂 和牛三角嫩肌有清晰的網狀油花紋路，口感軟嫩，好口感的部位之一 。😍⋄✦ A4日本和牛嫩肌壽喜燒✦🥇 奧運限定優惠（惠顧主放題Lv3或以上，即可獲贈A4日本和壽喜燒1份）💁‍♀️ 店員係你面前煮壽喜燒，香甜的壽喜燒汁配上A4和牛，🥚 再沾上蛋汁，要大聲叫返句うまい（好食！）🤪⋄✦ 水果醬封門柳壺漬 ✦🍊 壺漬為源自日本鹿兒

佐賀燒肉谷 - 水果祭今日介紹一間位於銅鑼灣希慎廣場嘅燒肉店，主打日式燒肉，形式係放題任食，提供唔同級別嘅燒肉套餐，仲會不定時舉行限定嘅主題，今次就係水果祭啦！Lv 3 : 澳洲和牛海鮮放題 $488總共有四個唔同嘅級別，揀咗等級三，可以任食澳洲和牛；部位分別有和牛肉眼芯、和牛特上牛肋肉、和牛上級牛胸肉同埋厚燒牛舌，可以選擇原味、醬汁、黑椒、辛辣，按自己喜好。肉類仲有提供炭火赤雞燒同埋香草羊架。海鮮亦都唔惹少，有三文魚、魷魚、海老、鰻魚、原隻鮑魚同埋生蠔。等級三同埋等級四可以無限添飲日本清酒同埋生啤添！最後自助區亦都一應俱全，適逢而家嘅水果祭，唔同嘅限定菜式，亦都有提供，好似有貓山王榴槤刈包、椰青糯米糍、呂宋芒雜果沙律；熱食有檸檬可樂雞翼同埋菠蘿炒雞腿肉。而家幫襯午市75分鐘定食仲可以有追加快閃優惠 ！可以優惠價食到A4佐賀和牛添！

佐賀燒肉谷係香港有4間分店 有120分鐘任食 共有4款套餐選擇 店員很友善 食物質素高 肉質靚🥰-《LV3 澳洲和牛海鮮放題》-✨肉類🥩一開始會上左階梯盤先 放滿不同種類的肉 每種類都有2片 好岩打卡 每一款肉類質素都好好 肉質又嫩 油脂感又重 超正🥰特別鍾意美國和牛肩胛肉眼、澳洲和牛·特上牛肋肉、及澳洲和牛•上級牛胸肉及水果醬牛肋肉💓特別一提水果醬牛肋肉 好大條 燒完再剪細 食落甜甜地 質感好似叉燒咁嫩 幾特別！另外為慶祝奧運 店鋪推出惠顧指定放題套餐 即送A4日本和牛嫩肌壽喜燒（100g）店員會幫忙燒 撈完蛋漿食超香口！✨海鮮類一開始先會按人頭分配左海鮮先 有鮑魚、大蝦、青口同螺 海鮮幾新鮮 燒後鮮甜 特別係大蝦 好甜同肥美！鮑魚好彈牙 另外仲可以手機落單叫清酒煮蜆、鰻魚同蠔等等✨蔬菜類🥗手機落單有牛油金菇、牛油蘆筍、雜菇等 燒香後牛油味超濃香😍而自助吧可以拎杏鮑菇、冬菇、秋葵、蕃茄仔、翠玉瓜等等✨甜品🍧有多款甜品 例如雷沙湯丸、香蕉棉花糖朱古力、榴槤炸彈等 最特別就係貓山王刈包 榴槤味超濃郁 同刈包 如夾 另外自助吧仲有雪糕🍦有朱古力同蜜瓜口味🥰✨熟食區有燒肉可頌、檸檬可樂雞翼、

今日同朋友去左佐賀燒肉谷度食。我地點左level 3既澳洲和牛海鮮放題。依家有奧運優惠level 3或以上贈送A4和牛嫩肌壽喜燒添。餐廳提供舒適既卡位，環境乾淨，唔大油煙，抽氣系統都唔錯。客人可以掃qr code 點選食品，出面亦都有啲冷盤，熟食，蔬菜，芝士腸，爆谷，軟糖等等比客人自己拎。各種食品當中，我最推薦既係大海老（新鮮濃蝦味，juice)，雜果醬封門樓壺漬(加左雜果醬味道清新，肉質軟熟），厚燒牛舌（口感彈牙有油香），海蜇（厚身爽脆），羊架（肉嫩多汁）同埋蜜瓜雪糕。另外仲見到依家午市時段有追加快閃優惠 ，凡惠顧75分鐘定食，可以以優惠價$18加購迷你壺漬封門柳，$36（3片）佐賀A4和牛角嫩肌同埋$36（3片）佐賀A4和牛小排。真係好抵。

店名: 佐賀燒肉谷 地址: 銅鑼灣軒尼詩道500號希慎廣場14樓1403-1405號舖銅鑼灣站F2出口，行3分鐘環境: 4.5/5價錢: 4/5味道: 4.5/5佐賀燒肉谷於 7月推出的期間限定水果祭🦪以酸甜果實刺激大家的味蕾，感受夏日氣息☀️重點必食榴槤炸彈、水果醬梅花壺漬、貓山王榴槤刈包😆惠顧午市，仲可以優惠價無限追加佐賀A4和牛三角嫩肌、佐賀A4和牛小排等😚最近仲有奧運優惠，LV3或以上會送送A4日本和牛嫩肌壽喜燒（100g）1份‼️Lv 3:澳洲和牛海鮮放題$448首先會送上一盤頭盤，包括澳洲和牛肉眼芯、澳洲和牛特上牛肋肉、澳洲和牛上級牛胸肉等，仲有法國黃金螺、原隻鮑魚燒等海鮮拼盤😆之後大家就可以用Qr code落單了😝肉類❤️❤️❤️❤️❤️必食水果醬梅花壺漬，壺漬為源自日本鹿兒島的一道傳統菜式，封門柳以酸甜清爽的水果醬醃製，燒至香脆內軟，肉味濃郁多汁😍澳洲和牛上級牛胸肉油花分布均勻，入口即化，入口充滿住油香同肉味😋就算原味都已經好好食，牛板鍵肉味十分濃郁，點上醬汁更滋味👍🏻厚燒牛舌口感彈牙，厚切令其口感更佳，同樣必點‼️海鮮❤️❤️❤️❤️❤️有照燒帆立貝、法國黃金螺、原隻鮑魚燒、原條魷魚筒、大海老

好耐無食燒肉，今日同朋友去左銅鑼灣希慎廣場嘅佐賀燒肉谷🥩 佢地一共有4個套餐，我地揀左 Lv4~ 日本佐賀A4和牛海鮮放題（$658/ 1位成人）呢個套餐除咗可以食到日本佐賀A4和牛，仲有多款海鮮🦑 可以揀嘅食品有成140品+ 其中我最鍾意食佐賀A4和牛小排、佐賀A4和牛薄炙牛肋骨，和牛肉質非常嫩滑，入口即溶🤤仲有值得推介嘅💯～煙燻壺漬封門柳（醬油味）封門柳係一整條，肉質超級軟腍，勁好食。宜家仲有水果夏祭，有雜果醬封門柳壺漬，加咗果醬封門柳帶有一點甜，味道好特別👅水果夏祭仲有每枱限量一份嘅- 呂宋芒雜果沙律🥭同埋貓山王榴槤刈包，刈包放入爐燒過好香脆，配埋燒到溶溶哋嘅貓山王榴槤，呢個配搭出奇地好好食😍可惜呢個只係每日限叫一件🥲另外仲有多款海鮮，有原隻鮑魚、燒原隻日本生蠔🦪魷魚🦑青口、扇貝、燒三文魚、清酒煮蜆等，全部都好新鮮大份👍🏼呢度嘅A4和牛燒肉全部都好高質，而且食物種類都非常多，鍾意食和牛嘅朋友可以嚟呢度一戰😋