低調高手

營業中

休息中

【灣仔區】【低調高手】好耐之前食過筲箕灣名物低調高手雞蛋仔，覺得都係一般，唔值得排咁耐隊。始終大家都要理解我嘅情況，我本人家住沙田第一城，搭車去筲箕灣可謂迢長路遠，真係唔容易成日去。另外，沙田第一城本身已經有非常傑出嘅雞蛋仔屹立多年，根本無需外求。不過，近年呢間低調高手好似愈來愈受歡迎，更加「高調咗」咁同唔同嘅商户合作。例如今次講呢間，係開喺銅鑼灣營多超市裏面，咁啱喺我公司附近，就貪方便食咗幾次。第一次同同事一齊買，見佢啲雞蛋仔有唔同味道，好似媽咪雞蛋仔咁，都幾吸引喎。我食 $38 嘅「黃金雞蛋仔」，係有鹹蛋黃嘅，同事食 $40 嘅「朱粒雞蛋仔」，係有朱古力粒同榛子粒。兩隻都幾特別，同本身個味都夾。之後亦都分別食咗各 $28 嘅「雞蛋仔」同埋「格仔餅」少糖，都唔錯，不過我都係中意屋企樓下嗰間多啲，情意結吧。。。（地址：銅鑼灣信德街1-7號美蘭閣地下A號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #

呢間雞蛋仔已經想食好耐🥹，奈何本店喺筲箕灣太遠就一路無試。朋友講起先知原來有銅鑼灣分店，所以一齊黎試😚分店雖然喺銅鑼灣，不過唔係最中心位，係近中央圖書館同聖保祿醫院中間，位於印尼超市「營多」入邊(柏麗酒店對面)，所以可以涼住冷氣食呢樣幾加分🌬放工時間諗住無人所以無打電話叫定。雖然去到前面都有人，不過都唔使等好耐，約5~10min就有得食。拎完可以喺兩張枱既立食位到食埋先走🤣🔅原味格仔餅 ($28)店員好貼心問使唔使切半，方便食🥰。格仔餅望落唔脆仲驚驚地中伏😂，不過一拎到上手就feel到好脆！食落唔會好甜比例啱啱好🥰💮🔅朱粒雞蛋仔 ($42)雞蛋仔夠脆唔會太空心，蛋味幾香。蛋漿係原味，純粹加左朱古力粒同榛子粒，所以食落朱古力味唔算超濃，但甜度啱啱好😋，係價錢略嫌貴左少少

第一次去銅鑼灣呢間分店，原來係喺印尼舖頭入面，有啲搞笑，之前筲箕灣食嘅話最少等半個鐘，呢度等5分鐘就得 。原味雞蛋仔：外脆，但裏面軟嘅部份比較少，因為空心嘅部份多啲，整體嚟講都好食，但我依然覺得筲箕灣嗰間係最好食 。銅鑼灣呢間，食一次就可以 。

好耐冇食過雞蛋仔，同朋友行開銅鑼灣，經過呢間喺中央圖書館隔離嘅呢間雞蛋仔舖， 上openrice都見佢有好多正評，就同朋友嗌咗個雞蛋仔加原味既格仔餅，夾埋56蚊， 見佢個menu仲有其他味，但我地就叫咗個原味嚟試下。因為佢係即叫即整嘅關係，等咗大約十分鐘， 個格仔餅都係新鮮熱嘅仲係脆， 而個雞蛋仔呢就好似張相影出黎咁，大概有一半左右填滿，而另外上面呢就係薄薄一層，因為食既時候仲係熱，所以係脆同埋好香蛋香味，整體味道都係正常，同一般出面食嗰啲冇太大分別，但係唯一一樣就係覺得個格仔餅啲醬太多， 食咗兩啖覺得有啲漏。😕

喺筲箕灣屹立多年嘅《低調高手大街小食》主打雞蛋仔及格仔餅今次去左隱藏喺營多入面嘅銅鑼灣分店人流唔多，等左5分鐘就有得食！❛ 原味雞蛋仔 ($28)榮登我嘅全港Top 3雞蛋仔！外層酥脆，裏面半空心半蛋糕狀 比例恰好，口感鬆軟蛋香味幾濃，甜度適中唔膩，隔左一陣都仲脆雖然唔平但真係幾出色，值得一試！—𝙧𝙚𝙫𝙞𝙨𝙞𝙩? yes𝙤𝙫𝙚𝙧𝙖𝙡𝙡: 8/10—📍 低調高手 Master Low-key銅鑼灣信德街1-7號美蘭閣地下A號舖

今日黎左低調高手買左一個朱粒雞蛋仔食，一到門口發現佢竟然係間營多裏面。不過係入面都有好處嘅，勝在有冷氣又唔洗日曬雨淋，重有啲枱係度，所以可以慢慢等同慢慢食。價錢同某間媽咪差不多，不過佢依家有老人家優惠，唔知遲啲重有冇。個雞蛋仔即叫即整，整外脆內軟，攞到上手熱辣辣既。而且粒粒都超飽滿重要有些少朱古力流心，唔似出面有D雞蛋仔咁樣，好多都係冇咩餡，一大半都係空氣。味道係OK既，不過略嫌佢朱古力唔夠多，如果可以多D就更好啦。

先講雞蛋仔本身🤣 佢係屬於輕脆質感，但仲係有軟心！ 如果對比媽咪個種，這款就是Light 的口味～ 而今次唔同嘅係，當時店員們都好忙碌，但我還能迅速落單，即使係近收舖時段，仍然拿到新鮮整好的雞蛋仔。我仲偷聽到店員同另一個店員講佢係會用心燒好，確保吹得夠脆才交比客人😎👍🏻我欣賞他們的態度，迅速付錢就離開了。當我一直大口大口散步行到快到天后，先發現我的錢包丟漏在店舖🥲我馬上折返回到去時，店員馬上就認出我仲問：「呢個銀包係咪你㗎？」感恩萬分，雞蛋仔好食之外，店員還有細心觀察和照顧客人。當時人流這麼多他們還能做到這種水準的服務，實在難得～～

在筲箕灣總店吃過幾次，一直都覺得係全香港最好食嘅雞蛋仔、貴但係真係好食，所以OK。這次在這間分店食，簡直覺得被欺騙了。雞蛋仔除了剛出爐的半分鐘左右有某些位置有點脆，都是軟的，再過一陣全塊都變軟。我是買了就站在檔口前一直吃，所以沒有放得太久。很明顯有些店員是在培訓中的。收得咁嘅價錢就應該有水準保證。現在同隨便用$16到$18買的雞蛋仔水準一樣。那我為什麼要付$28。還有鋪位不是在大路旁，要找有一點困難。我是慕名去找的，浪費了金錢也浪費了時間。

只要是雞蛋仔的愛好者，相信都一定有聽過低調高手這間位於筲箕灣的傳奇名店⭐️最近這間人氣小店更加廣開分店，令其知名度再次急升💥這次我就來到了其位於銅鑼灣的分店，看看分店是否也能夠保持水準👀———————————————————————要試出一間雞蛋仔店的功架，原味絕對是不二之選😌雞蛋仔賣相相當堅挺圓滿，完全沒有扁塌或甩皮甩骨的情況出現👍🏻入口口感非常香脆💥內裡蛋漿半滿🐣外脆內軟的效果不俗👌🏻但圍着每粒雞蛋仔的脆邊位置就略嫌過硬😕當雞蛋仔冷卻後邊位的硬度就更加明顯🥴大大影響了整體口感👎🏻同時蛋香方面亦未算突出🤨以$28的價位來說，難免會令人有點失望🥲除原味以外最廣受好評的口味就是黃金雞蛋仔🏅鹹蛋黃的份量十分慷慨😝蛋黃碎平均地撒滿整份雞蛋仔，每粒都有充分的鹹香味道😆但如此份量的鹹蛋黃反而令整體口味過鹹😅原本未算突出的蛋香味更加被完全掩蓋😣實在有點弄巧反拙🙃———————————————————————這次光顧的雞蛋仔水準只屬中規中矩🤨未算配得上其人氣地位和進取的定價🧐相信質素比低調高手好的雞蛋仔店比比皆是🫢

在中央圖書館借完書，下晝3點3，想食少少野。記得低調高手在附近開了分店，上次試過跟 Google map 搵唔到。睇左網上食評，教搵營多超市，係條橫街入面。行到附近已經聞到蛋香。無人排隊，要了原味雞蛋仔（$26）。前面有一個人等緊。落完單佢即整。等左5分鐘左右。好脆，有蛋香，唔滯。可以一試。多年前在筲箕灣食過夾餅，印象中不錯。朋友話，好味既小店，趁佢仲係好食，得閒就去食多一兩次。如果唔係，一多人就唔好食，一少人就執。

筲箕灣總店成日都要排隊，銅鑼灣就唔會，而且有枱又有冷氣，夏天去食舒服很多。我叫咗格仔餅，加晒數有醬，一份$26。不過食物就感覺總店好味多，因為真係做到外脆內軟。銅鑼灣而家覺得比較有啲冧唔知係咪因為有冷氣，又掛住影相整冧咗。我可能下次都係等天氣冇咁熱去總店食。

今早聽到兩位同事談論，原來咁近公司，都要行10分鐘，可接受的本來想去嗰頭茶記午餐我先去買雞蛋仔先好特別，在營多撈麵舖頭裏面原來可whatsapp 預先落單。因為即整，只有我一個客，我等了10分鐘我又想試埋奶醬格仔餅，又買埋等待期間，我問了職員，是可以在whatsapp 註明取貨時間，邊款雞蛋仔和格仔餅多年前，行完龍脊，落番sau kei wan, 箕我有排過隊買,我記得無特別前月，我在港島香格里拉自助晚餐，有食過，當時覺得雞蛋仔，食緊空氣買完，我去附近的禮賓閣會合同事。我望住格仔餅和雞蛋仔，我食完唔使食午餐。我只叫最愛凍檸茶。呢間茶記的紅茶底非常滑。坐近茶水檔，沖茶時聞到紅茶香味雞蛋仔不及媽咪雞蛋仔有蛋香。凍了都脆， 但食空氣，無媽咪雞蛋仔咁足料。$26，貴！媽咪雞蛋仔只要$20早上，同事們告訴我夾餅好味啲。我覺得夠厚身，但都係有點空氣。醬是好味的。夾餅最好味是在紅磡，我食了20幾年

蘋果格仔餅，好好食！喺門口睇咗好耐點解營多idol Market會係得獎熱點呢？點解會有雞蛋仔同格仔餅買？最後才睇到低調高手銅鑼灣分店！立即跑入去買格仔餅食，3分鐘有得食蘋果格仔餅！非常開心，唔使頂住太陽，熱辣辣，有冷氣嘆住等嘢食😙😙😙

行過聞到雞蛋仔香味，估唔到咁低調地開咗係印尼超市入面，有室內冷氣。之前周不時去筲箕灣食，而家開咗係銅鑼灣，雞蛋仔新鮮即製，真係好鮮香蛋味。朱古力味嘅雞蛋仔，入面有朱古力粒粒，食到一半會有少少甜，雞蛋仔質感保持水準，外脆內軟。下次再食另一款。

依間遠近馳名嘅雞蛋仔小食店最近積極開分店，終於唔使再走入東區都可以試到啦！今日就去咗銅鑼灣試吓佢嘅雞蛋仔！雞蛋仔除咗有原味仲有好多種唔同味道，有：朱古力，雙辣，蘋果同黃金（鹹蛋黃）。蘋果雞蛋仔$38每一粒雞蛋仔入面都有粒蘋果蓉，蘋果蓉酸酸甜甜非常開胃！而雞蛋仔嘅甜味，亦都可以中和蘋果嘅酸味，令到成件事非常之夾！雞蛋仔亦都充滿着蛋香味，亦都做到一半空心一半蛋糕嘅效果！雞蛋仔亦都係即叫即做，所以如果前邊有幾間排隊賣緊嘅話，都要等一段時間先可以有，但為咗食新鮮出爐嘅雞蛋仔係值得既！