但馬屋 (創紀之城五期(apm))

而家日式火鍋放題開到成行成市，感覺上牛X,牛×鍋等再同樣價錢下會比較多一啲小食同埋甜品熟食等，呢度係冇乜小食，同埋飲品選擇都比較少。🍲🙈🥲雪糕係要出去「不」，比起一杯一杯獨立包裝好唔方便，而且其實都好難不，要用多d 時間搞。我哋叫咗最平嗰個餐（$259+1）肉同菜品質唔錯，唔會太肥，豬、牛味道都係唔錯嘅 醬料有特色。雪糕口味都幾特別，我去嗰日係紅色絨雪糕、朱古力雪糕、夏威夷果仁，同埋藍莓，但係有d口味已經去到尾聲，有d 難不出嚟。應該只此一次，有更多更好嘅放題餐廳選擇🫢🥗🍲…查看更多

叫左個$299@餐。d肉非常普通。d 任選配料都係好cheap，連粒芝士丸都無。個蕃茄湯底完全無味。想話去自助區拎多幾舊蕃茄自己加料，點知無蕃茄。限時90分鐘，以呢個價錢真係超唔值。同樣價錢上兩層食方叔叔正好多。有花膠有蝦滑d料靚好多（雖然唔係任食）。簡單講，一人一鍋的話，大家樂大快活都好過呢間。然後citi卡有優惠（95折）但又一定要實體卡。另外，香港有部分人真係好無禮儀。一邊handsfree狂講電話，一邊拎野食d口水彈哂落去d食物度，唉。…查看更多

呢間但馬屋係小熊貓嘅飯堂之一～ 佢嘅lunch buffet真係好抵食，多種湯底選擇，同埋有多種肉嘅combination 😆 屬於小資族嘅小熊貓通常會選擇嚴選牛肉豚肉定量午餐，肉係定量嘅，但出邊嘅配料全部都係限時內任食🤩佢有多款配料，蔬菜，豆腐，丸類，麵食….飲品亦都有好多選擇，想飲凍又得熱又得😋最開心係佢有雪糕Häagen-Dazs放題，味道每次都唔一樣，但每次都有四款選擇～ 店員都會喺埋單嘅時候，溫馨提示你食埋雪糕先好走🍨…查看更多

13/2打去訂位14/2晚7:00，店員話冇得book要work in ，14/26:30去到聽到店員話有客係啱啱打來book可以入！乜嘢員工九唔搭八趕客，一時一樣。店員自由發揮控制定係公司完全冇制度…查看更多

此壽喜燒味道比起遺憾，更像是在羞辱客人的味蕾與智商。所謂的＂料理長特調壽喜燒汁＂究能稀釋得比起你們所提供的清湯湯底還要清淡，整個醬汁清澈得只能為肉提供上色的作用，徹徹底底的對＂醬汁＂這一概念進行了一次體無完膚的修辱。此等特調實在無法欣賞，味道之驚濤，足以令精美的3碟頭盤都無法全數下咽，半小時都不用便足以將人趕出餐廳。為免中伏，大家請勿選擇＂壽喜燒＂，望周知！明明12月初第一次壽喜燒的時候味道正正常常，現在簡直一落千丈。…查看更多