伴日

營業中

休息中

上網見到佢既豚角烏冬舊蘿蔔好吸引..😏所以就去會一會佢～～🙈🙈🙈.係下午茶後段時段黎到..店舖內已經冇其他客人..店內有少少飾品、茶包賣。.豚角煮烏冬套餐 $42 豚角無想像中入味…而且有點柴.. 🫠蘿蔔好軟淋..！顏色睇落都好入味～可惜味道單一…有少少失望🥹🥹.牛肉可樂餅套餐 $45..反而呢個有驚喜！！可樂餅食落似handmade..唔係行貨..！皮好薄，但又好脆！唔錯～🤤.另外佢啲茶都幾好飲.. 唔錯～👍🏽👍🏽

是日和朋友全家一共三个小朋友来该店食嘢，揀咗儿童套餐，配的饮料虽然是顾客自己选的热饮，但没諗到温度是滚烫的，而且还插着吸管！小朋友被烫着后，店家不但没有积极帮忙给冰块，反而是急于撇清责任，说已经提醒过了饮料很热，其他就没有责任了！实在不懂为什么对顾客如此冷漠？

聖誕節前夕去長洲遊並留港消費，晚上到《伴日》享用晚餐。仔仔提著我部過期的D7000 四周影別致裝修外還影食品。 店員沒有對小兒的影相行為作任何反對還鼓勵如何拍得好照。我自己點了豚角煮定食配泡菜牛肉燒飯團。三層肥肉滷得入味，飯團燒得香口。份量見落似少，但食後足夠。太太就點了時日限定定食、明太子飯團、檸檬柚子蜜、蟹肉忌廉薯餅。小兒就點了伴日兒童餐 燒飯團章魚燒牛油粟米。最後還點了豆腐黑芝麻蛋糕作我家的聖誕餐完結。現分享下照片供參考：

📍伴日 (長洲)長洲新興街45號地舖周末諗住入長洲行下 行過一間日式裝修嘅餐廳 見冇乜人 又光猛 幾舒服我地6點鐘就入左去 叫餐係要自己出去櫃檯叫咗餐埋咗單先三文魚茶漬飯 $48加$2叫咗個烘焙烏龍茶唔好睇佢細細碗 其實都夠食三文魚份量算多 我未試過茶漬飯 食落感覺幾清新 唔會好膩佢仲配咗個小食 牛蒡 正常野天時暑熱配一杯凍嘅烏龍茶 好涼快雞肉豆腐漢堡扒定食 $64 加$8配醬燒牛肉飯團叫咗杯冷青茶雞肉豆腐漢堡扒幾特別 口感新奇 出面食唔到醬燒牛肉飯團就一般正常野總結: 想感受吓假日家的感覺 環境舒適 野食又親民又唔差 值得一試

呢間位於長洲後街嘅日式餐廳門面並唔顯眼，落地玻璃窗廚前簡單掛起日式布簾作為招牌，室內裝修簡約舒適，白色牆身搭上少量相片/裝飾，配木製枱櫈及柔和黃燈，播放日文歌，真心有遠離煩囂嘅感覺。食物種類都算多、有丼、定食、茶漬飯、冷麵、飯團，亦有兒童餐嘅選擇，甜品櫃仲有特色甜品。第一次嚟，想試下佢嘅set，叫左章魚燒定食、配燒飯團、前菜、昆布湯及飯品。燒飯團可以轉原味飯團或者加錢轉其他飯團甚至茶漬飯，好想試下茶漬飯，但又想試左佢個原set先，同埋未試過燒飯團，好想試下鬼滅好好味嘅燒飯團究竟係咩味，最終乜都無轉。前菜係蓮藕片，清脆爽口 （8/10）主食章魚燒章魚粒勁細粒、粉團為主，唔掂🫠 （3/10）燒飯團雖然乜餡都無、但味道有驚喜😍 兩面燒到少少飯焦好香、日本米飯粒軟熟、少少油喺面，咬落少少煙韌但又好易食，飯團又唔會一咬就散曬，無令我失望🥰 （8/10）昆布湯清淡略有甜味，搭配飯團幾夾。（8/10）份量嚟講女仔應該啱啱好，男仔嘅話略嫌唔係好夠。胃口大少少嘅朋友要認真考慮。總括嚟講可以encore，但強調建議唔好揀章魚燒！下次會想試茶漬飯。

今日係一個打緊一號風球嘅星期日，長洲冇乜遊客。夏日炎炎，本來想搵一間叫茶山嘅餐廳，最後搵到呢間「伴日x茶山」嘅餐廳，決定入來小歇一會。柚子蕎麥麵 ($46) 配漬物 + 熱文山青茶夏天食個冷麵真係好清涼。用筷子夾一小撮蕎麥麵沾入杯中嘅柚子冷麵汁，麵質爽滑，味道優雅，食完唔會成身汗。明太子茶漬飯 （$44）配漬物 + 熱文山青茶湯嘅比較淡，夏日炎炎食啲淡味啲嘅嘢就最舒服。呢度好似一般Cafe，去cashier點完餐，店員就會送餐來。背景播住休閒嘅音樂，成間餐廳以日系木色為主，十分舒適。店內有一些「茶山製所」產品售賣。#支持小店 #長洲