影片
港鐵炮台山站 A 出口, 步行約2分鐘
繼續閱讀
營業時間
星期一至日
07:00 - 23:00
以上資料只供參考, 請與餐廳確認詳情
抵食lunch之選😍👇🏻伯諾餐廳佢既lunch大件夾抵食50幾蚊已經有圖入面咁大堆野 真係細食啲都食唔曬😂雖然佢個炸魚柳未至於好林好滑，但呢個價錢黎講都算ok🤓啱曬我地呢d窮苦學生🤤 而且仲有大大份薯條加沙律🤓真心可以一試佢d扒餐都係貴十幾二十蚊😳😳而且味道唔錯架
繼續閱讀
下午茶時間，食客不多，這食店分別有兩間鋪連在一起，我只坐其中一邊，我這邊只有四枱食客，我兩人進去，有一年紀較大帶著藍色手套的女待應招呼我們坐下，因只有老女待應在，沒有其他待應在，我們之後叫那老女待應替我們落單，她不采我，一直站在收銀處發呆，我大聲再叫了幾次也是，我再行去她面前叫佢，她只敷衍應了我一聲，依然沒有來我枱前落單，我只好叫遠處工作中的待應落單，落單後，老女待應就出來行來行去，冇嘢做先行出來，需要落單時食客行去佢面前叫佢都唔采人，太離譜，這食店越來越差，我好多時都幫襯，但服務態度真的越來越差，不能接受
繼續閱讀
本身成日係依間野食早餐，貪佢一定有位，同埋都算坐得幾舒服。但今朝佢個早餐同我加料，同番佢個侍應講，佢一手諗住攞走碟野，好彩我都身手尚算可以，影到張相。跟手叫佢搵個經理出黎，夠膽同我講經理未返。好野！
繼續閱讀
講真88蚊係啲噤嘅茶記食個意粉唔算爆貴但亦唔算係平，但係說好的蝦球變蝦仁，重要得個4粒噤大把，真係佛都有火！伙記重話係噤㗎啦，我真係打左個突！個意粉唔係話好難食，只可以話係唔好食
繼續閱讀
之前星期六去食過午餐，午餐西冷扒係口感唔錯，不過味道就唔多好……不過由於有得鋸扒 同埋 餐牌既選擇吸引到我，就去左食左一次晚餐，食左鐵板，我食既係鐵板羊架，幾好食，口感都幾好，夠晒嫩……我飲凍檸茶，凍檸茶係有冰既，如果係有人遇到冇既都應該係間中有錯，或者本身茶或水太熱，而佢又俾唔夠冰，所以啲冰已經融晒……我飲白湯(忌廉湯)，覺得夠香，有我細個係差唔多位置食西餐既感覺……只係午餐西冷味道唔係咁好(but口感幾好)……順帶一提，環境、音樂營造既氣氛都幾好。我留意到有個似係樓面大家姐既，十分注意衛生，逢係俾客既鋸刀、碟仔……，都會自己用左餐紙抺到覺得夠乾淨先俾客用，而且觀察都覺得呢位大家姐都幾nice，服務態度好好……至於有人遇到既不良服務，都應該只係剛好、巧合，已唔係本身間野唔得，但我認同可以再做好啲，整到午餐西冷都味道唔錯就更加好……總結：環境舒適，價格合理，份量都足夠，味道都唔錯，仲有麒麟冰室，兩邊加埋中西都有食(伯諾都有啲港或炒飯同麵)，餐牌選擇多 同 多元化，啱晒香港人既未必一樣既口味，服務態度亦都唔錯，不過當然係，仍然有改善空間……我應該會再食，如果到左又想食西餐既時候的話……不過如果有人想再食高質素啲既，就自己搵黎食啦，$98到百幾蚊既鐵板，呢間野已經係好食架啦！！你係要咁高要求，就搵番相應餐廳，俾番相應價錢黎食。偶爾既失誤，當然會希望佢地唔好再犯，否則就出現呢度有既劣評。
繼續閱讀