伯伯加奴 PPG (已結業)

朋友有優惠劵, 帶我去食. 我揀左益力多乳酪搆原味乳酪.加左粟米片, 彈珠, 朱古力針, 同埋雪米糍.原來益力多乳酪味同原味乳酪無咩分別, 係酸多少少, 哈哈~ 擺烏龍.不過呢間既乳酪真係唔錯, 香得來唔會太甜, 感覺好健康.我唔多中意彈珠, 好酸, 同埋一咬爆汁出黎個感覺好怪.雪米糍好煙煙UN UN, 我覺得食唔出係咩味, 不過好好O趙, 幾過癊!不過呢間D位好窄, 坐得唔太舒服.今天有優惠, 所以貼多幾蚊就有一大杯, 我覺得好抵~

十點幾食完晚飯路過想食杯雪糕揀呢度係因為佢個waffle 筒, 因為好香脆成個雪糕櫃, 竟然只係得兩款雪糕, 雲呢拿同cappuccino chips, 款式差D少過麥當勞最後買左個單球cappuccino chips好香咖啡味, choco chips 幾脆, 我呢個唔飲咖啡o既人都覺得好味不過食完仍然耿耿於懷只係得咁少選擇

考完試, 諗住同阿妹出去行下、食返D好味野令自己開心D~經過ppg, 見到D甘靚既cake,於是就滿心歡喜甘同阿妹一人揀一件泥試下啦~點知, D cake原來得個樣,味道勁淡, 出面普通bakery買既都仲好味過佢我地食既cake係榛子朱古力軟芝士蛋糕同埋咖啡拿破崙蛋糕~榛子朱古力軟芝士蛋糕:蛋糕面有一層朱古力, 當然有朱古力味(但吾濃!)入面所謂軟芝士竟然一D芝士味都冇!!!更加冇朱古力味,,,搞到我都吾知食緊D咩,,,又吾似cream,又吾似jelly...連個餅底都吾好食...又吾香, 隻甜味又怪真係好好好後悔買左!!!咖啡拿破崙蛋糕:呢個比上面果個好D,有D咖啡味, 但係都係好淡...一層層既拿破崙有口感, 但係都係冇乜味~同出面普通既拿破崙冇得比...總括泥講, 呢間野整既cake真係睇得吾食得!試過今次, 絕對冇下次!!!佢都專出返佢D雪糕比較好!!!

一行二人去食佢的雪糕...我要的是桑莓狂熱+士多啤梨醬....唔怕肥^^夠凍,唔錯!男友要的是閃爍火花(香橙雪果+士多啤梨肉)+朱古力醬....佢都話OK一共$59....用了5張$10的現金劵,補了$9YEAH!好味呀!酸酸地唔係太甜...GOOD!

如果你想訂PPG 既蛋糕一定要考慮清楚喇，睇埋我以下呢篇食評先決定啦，如果真係要訂，就要有貨不對辦既心理準備!食過 木糠布甸蛋糕 既朋友都知道 木糠布甸蛋糕 應該係點既樣, 唔同店當然會有唔同, 但 PPG 既 木糠布甸蛋糕 實在是超級離譜~我不是空談, 有相為証的~ PPG 既 蛋糕 90%都是白色cream (是普通的cream, 即獎門人玩遊戲果隻cream), 有10%是啡色蛋糕, 木糠部份只有0.1% (少到差d睇唔到!夠膽死呃人話係 木糠布甸蛋糕), 成個都是cream, 叫人點食??!!!我買黎同人興祝X'mas, 點知 d friend一路食一路問我點解唔覺有木糠布甸既???!!!仲話成個口都只有Cream, 唔覺有蛋糕喎....於是個個都頂唔順, 整走晒d cream, 先發理原來個蛋糕 90%都是白色cream...木糠部份只有0.1%...個個都話似大懲罰多d喎。最終個個都掉晒個蛋糕....我負責買蛋糕既....直頭想搵lone 捐......

旺角MTR C出口通去朗豪坊o既通道上..經常都會聞到一陣陣牛油o既香味~~~只要留意兩旁都會知道味道係黎自Pappagallo....一直都好想試下佢d 甜品~今晚同朋友食完dinner想搵個甜品試下~腦中突然醒起呢度...決定黎一試~~等位係自助形式~~~無staff安排入座~我地到o個陣咁o岩有位~~~如果唔係要等位都有d麻煩~因為其實堂食位置並唔多而且有少少迫~~我地揀左3個甜品~香蕉船賣相好靚~份量亦好夠多~都只係$41~抵~!一隻香蕉船有3個雪糕~味道定左係士多啤梨..朱古力同埋芒果~雖然味道係fixed左~但係3隻味都好好味~最like係士多啤梨~唔酸~好清新~芒果拿破崙+雪糕($38)賣相一樣好靚~雪糕我地揀左菠蘿曲奇味~同樣好好味~菠蘿味道好特別~好鍾意~拿破崙好夠脆~配合雪糕一齊食味道好好~!烈焰山($38)同樣賣相精彩~!!!外頭係燒燶左o既蛋白~好soft好好味~士多啤梨略酸~入面包住個雪糕...mix埋黎食又係口感好滿足~~~overall黎講~呢餐真係好滿意~一直以為pappagallo o既dessert會係好貴~今日去到又唔係~都係around 40蚊~

用cash dollars + coupon 換左個 hazelnut ( my favorite!!)好香 好甜 但又唔會太甜staff 都ok~ 會主動話可以試味其實我都想試下d 新味...可惜冇乜 ,唔知係咪冬天既關係呢d 味都係黎黎去去果d~ eg 莓 / mango / choco /pineappleoverall 黎講 都滿意!同朋友一路坐住食, 一路傾下計 都幾寫意

近來天氣開始轉冷，PaPaccino都因此著多左衫，本來打算去coffee shop嘆返杯熱辣辣的咖啡暖暖身，誰知道就係呢個時候，PaPaccino遇見左孖生兄弟Pappagallo喎！咁耐冇見，當然要聚一聚舊啦，所以PaPaccino就入左Pappagallo到坐啦。Pappagallo一向都以賣雪糕為主，好少有咖啡既野食。不過今次俾PaPaccino發現左佢有件Mocha Truffle Cake，仲可以加多少少錢轉套要埋杯熱牛古力，感覺不錯！ 入到去坐，Pappagallo d有少少污糟，竟然係冇人抹架！不過程度都可以接受既。整體賣相都可以，未算十分吸引！吃了後，發現Mocha味好少好少，反而朱古力味就好多好濃郁！令PaPaccino一度以為這是純朱古力蛋糕呢！不過店員話這真的是有Mocha的，PaPaccino我果刻即刻諗起：「如果太多咖啡味，朱古力味就冇訂企；等到朱古力味返番黎，咖啡味又唔爭氣！」我相信今次係屬於後者！！再加埋呢杯熱朱古力，令到整個餐都非常朱古力！不過說實話，那蛋糕雖然Mocha味不足，但味道其實挺不錯。朱古力味夠濃，但又不會太甜太膩，若然Mocha味多返

今日行經呢頭…見好耐冇食了…,而且手上總有Pappagallo既vip卡,但見都就快到期了…所以就同同學仔入去食下野先…行完街坐度食個ice cream先!首先叫佐個士多啤梨醬配朱古力雪果窩夫,而且窩夫是即叫即制的…所以都等佐一震,好正既ice cream加埋賣相好靚的士多啤梨同窩夫….感覺清新而正…另外總有d士多啤梨粒作裝飾伴碟….真係好靚…好吸引啊~下次有機會要再食先

今次朋友請食雪糕,不過佢有現金卷,其實即係唔駛錢食既,但印象中都唔係貴環境方面係好清雅,好岩三五知己傾計,又坐得舒服,旺中帶靜而個雪糕就真係好香好滑,隻朱古力味又唔會甜到唔想食,又唔會話凍硬到畢唔到出黎,perfect match

I have passed by this gelato shop many times when I went shopping at Langham Place Shopping Mall, but I have never thought of trying their desserts coz my bro told me that he once tried their ice cream and it was nothing special. However, today when I went shopping with my friend, she suggested going to Pappagallo for some refreshment. As I didn't want to order their tradtional gelato cones just as my frd did, so I looked through the dessert menu and something suddenly caught my eye -- Molten C

是日朋友仔生日,在旺角朗豪坊B2層的蛋糕店好集中,所以到這裡買蛋糕可以我們完全被賣相騙了,買的white chocolate mousse brownie看似很美味,但原來完全不知所謂如果不懂如何做brownie就不要賣brownie蛋糕,從未吃過這想難吃的brownie,似光酥餅的口感,white choco mousse沒有白朱古力味,只有魚膠粉味,味道我想給負,因為連鎖K店的蛋糕還要比它好吃!

我係napoleon既超級fans!食過paris既作品~一試愛上..誓要尋找最好食既拿破崙!好食既宗旨係:新鮮既酥皮唔會淋/實~要crispy鬆化脆口+蛋香牛油味既custard!而非cream+sponge cake!BANANA NAPOLEON~$22嗯....每次行到攰..最岩我抖下既地方就係呢度喇終於試哂3隻味~之前睇幅圖仲以為D香蕉係會用火槍燒下先~點知完全沒有囉~~~有冇搞錯???等我仲諗住BANANA味會夾嗎?奉勸各位...唔好食Banana flavour!揀mango同strawberry就唔錯~都係果句...酥皮好crispy~又鬆脆又新鮮而且面層焦焦的~good!banana...不如我自己買黎切好啦...............custard..........如之前的食評所講一樣....真係可以改善!!!不過overall黎講,仲要22蚊,有咁既size...好味既酥皮+唔難食唔出色平平的custard~我覺得都係抵食既~~!

最近太愛甜食, 見到呢度D蛋糕大大個又幾特別, 又有得坐, 咪叫個比較吸引既榛子朱古力蛋糕配熱咖啡(三十幾蚊), 由於只有MOHCA同咖啡, 無LATTE, 唯有咖啡多奶囉~先等了一會, 服務生將蛋糕送上, 有少少朱古力伴碟, 吃過口, 以為自己味覺失常, 點解好似無乜味既???? 其實可能係佢D以健康為主, "少甜低脂嗎"?????中間好漏, 太多忌廉, 外面D應該係榛子, 就甜左D, 不過整體無口感, 無滿足感, 無驚喜, 中間太無野, 如果中間放D餅碎或榛子反而好口感得多, 底部餅碎與外面榛子是OK的, 不過配左中間奶奶油油而淡而無味既CREAM, 實在不太好食~~~~~至於杯熱咖啡多奶, 店舖妹妹沖得幾好飲。下次在此還是食ICE-CREAM比較好。

10月24日, 呀菲有張pappagallo free scoop 袋到就黎過期喇! 遍尋香港都唔係好覺有pappagallo專櫃… 今次經過朗豪坊, 唔理啦食咗先算!::: 雲呢拿雪糕 ::: free之前食過cookies N cream同朱古力, 唔知係咪同佢low calorie有關, 味道總係淡淡地… 不過今次呢個雲呢拿味又唔錯wor! 首先見到佢粒粒雲呢拿籽已經好吸引~ 食落唔太甜, 但keep到creamy & rich~ 好味!同埋1杯都幾大杯~ 食慣haagen dazs, 食番pappagallo就覺得好抵! hahaha