伝説のすた丼屋 (已結業)

【雷門為食街 Layman's Yummy Guide】星期六晚去上水覓食，8點入去已經講明8點半截單9點清場🤧 拿拿林叫左個S size牛舌丼($58)，朋友就要咗牛岩鹽燒肉丼定食($78)，但兩樣都偏重調味，後者重蒜好鹹，有啲失望......👧🏻🍴伝説のすた丼屋@上水廣場5樓502B號舖大多數丼飯都分咗3種Size，我同朋友都叫咗S size，基本上都夠食! >>> 朋友本來打算散叫一碗牛岩鹽燒肉丼，職員就建議轉做定食，因為同樣都係$78蚊，但會送泡菜小食+通菜✅ 肉的份量適中，牛舌丼有5-6片牛舌，而丼飯可以加錢轉套餐，e.g. 加$29有3隻餃子+麵豉湯/汽水，不過可能臨近收鋪，啲飯好濕，而且不論牛岩鹽燒肉，抑或牛舌都偏重調味+好鹹，食完要不停飲水。😖…查看更多

[上水] 快閃一人午餐話說今朝有事去左上水，就諗住食埋個快午飯先屋企。本身都想搵下食咩，但天氣太熱，都唔想再行去無冷氣的地方。本身都無諗過出post, 所以無影d 咩相，只係分享下😆☁️ 生薑豚肉丼-s size $48豚肉的味道比較濃，要配飯食先得🤭。加上2片日本醃蘿蔔，酸酸甜甜，中和下口中的肉的鹹味，refresh 下，又幾好。Size 黎講，唔想食太多野，都ok ，啱啱好飽。🐖豚肉份量算多Lunch 時間，人流算ok，但唔洗排隊。優點：☁️CP 值高☁️食物味道ok☁️服務態度好好🙌🏻整體味道：🌕🌕🌕🌑 🌑環境：🌕🌕🌕🌗🌑地區：#arfan_foodie_上水類別：#arfan_foodie_#arfan_foodie_couple ——————伝説のすた丼屋 (上水)上水龍琛路39號上水廣場5樓502B號舖——————#hkfoodie #hkfood #hkfoodblogger #hkfoodblog #hkrestaurant #香港美食 #香港餐廳 #香港美食指南 #香港美食日記 #香港美食推介 #食好西 #相機食先 #hongkong #arfan_foodie #arfan_foodie_小圈子聚會 #arfan_foodie_couple #arfan_foodie_上水…查看更多

本來唔係嚟食佢，但係隔籬嗰間海南雞飯實在太冇服務，等左好耐都冇人執枱，於是過黎左呢間。一入去，哥哥仔就好好招呼，拿水落單上菜都快，同隔離差好遠。星期六下午茶時段冇乜人，靜靜地食嘢傾計幾舒服。叫了兩個飯，牛舌鰻魚飯和傳說牛肉飯，加多一個炸雞。想不到個炸雞有驚喜，熱辣辣，仲要外脆內嫩，冇諗過這種小店會有這個水準！另外兩個牛飯都OK喎，冇其他評語講的恐怖，正正常常，牛有牛味，鰻魚有香味，有飯香添。可以有下次。…查看更多

因為落雨唔想行落去舊墟 所以打算係上水廣州解決午餐 上到最高層 其實大部分都係連鎖餐廳 不過座落係商場都預咗.最後想簡單食個丼飯就選擇了這間🍛🍚叫了和風牛肉丼同埋朋友的生薑豚肉丼最欣賞佢有size選擇 仲分左S/M/L 另外有一款有SS 枱上面有七味粉同豆瓣醬自己落.其實好耐無食過牛肉丼 相信好人的味道指標都是間大型連鎖店 呢間嘅味道我覺得有啲似整體不過不失 不至於難食 但唔會令你覺得好味份量嚟講我個人S已經很足夠.朋友的豚肉丼就⋯好似中式薑汁炒豚肉咁🥲如果加埋豆瓣醬 會覺得自己好似食緊仲食中式餐廳…查看更多

叫左個韭菜豚肉丼 一來到 啲味完全係中式韭菜炒肥豬肉 一入口啲味完全係豆粉老抽味度 啲飯一定唔係日本米 無米香無味夠哂乾 環境係唔錯 當中餐食唔錯。但價錢比較貴 無下次 中伏級數 十級 真係0分…查看更多

其實好少嚟上水廣場～唔係話特別方便～不過今次經過～就試吓依間日式飯店先有牛肉丼、豚肉丼選擇～仲有幾種唔同嘅煮法～有泡菜、和風、蒜香～因應個人口味蒜香豚肉飯有四個唔同嘅size可以選擇～有SS、S、M、L～分別應該係肉嘅片數會有分別～我揀咗S size~有6-7片～不過全部都係肥冇肉～食落似豉油味一D蒜香味都冇～上面仲要有蔥完全唔夾～有2小片黃瓜～不過賣相麻麻～其實豚肉半肥半瘦比較好食～咁多肥食落好油膩口感麻麻咁嘅價錢咁嘅質素一定冇下次…查看更多

見冇乜人評論，唔信邪，係都要試下，牛肉丼原來真係難食過吉野家💀💀💀，豚肉同炸雞都勁勁勁勁勁勁勁勁勁勁勁勁勁勁勁勁勁勁勁勁勁勁勁勁勁勁勁勁勁勁鹹，d飯冇冇冇冇冇冇冇香味(一分錢一分貨，五六十蚊你仲想食日本米，發夢啦你！！！)，辣椒醬竟然係豆瓣醬(係咪驚鹹不死人呀？)，最正常嘅係沙律醬🫠🫠🫠有第一次冇下次，可以入blacklist了~講真，我已經冇嘢好講了。完。…查看更多

早排搬返黎上水住，見到上廣開左一堆新餐廳，對上水老居民黎講係好開心🥺 終於唔使淨係食藥同食金💛💛見到呢間丼飯網上面都有人講下就入左去試🤩叫左個生薑豚肉丼同炸雞傳說丼（咁上下名？）老實講當初行入去時，只係expect佢同すき家應該差不多味，不過食完覺得有驚喜！生薑豚肉丼幾好食，不過炸雞傳說丼真係出奇地好味！個雞同豬都好夠味，調味亦都唔同一般出面d丼飯，食到我地哇哇聲😂 如果問有咩不足就係menu太少蔬菜類，因為個飯咁多肉既時候係會想食條菜平衡下🥬anyway喺上水食到新野又好食既鋪頭，作為上水人係開心既！希望佢長做長有！🫶🏻…查看更多

一開始貪新鮮試下丼飯，而且無人排隊無人堂食緊，諗住快食。入到去坐低望餐牌，餐牌啲圖真係呃到人，價錢亦算合理。我揀咗唐揚雞+豚肉丼，我女朋友就揀咗牛肉丼，加咗個餃子套餐。3隻餃子好快到咗，食完口感似惠康嗰啲雪藏叮餃，但叮餃都好食過佢，入邊啲餡好少，又無味，好似食緊煎餃子皮。個飯等咗3個字先到，個外觀同餐牌差唔多，但味道就唔簡單，豚肉完全無味，似用水淥完就上枱，仲要係淥到過熟。而唐揚雞就好難煮得差，不過偏咸，而且無乜過人之處，極普通嘅3舊炸雞。之後，個牛肉丼等咗差唔多半個鐘先到，諗唔明點解要咁耐，啲牛肉唔肥極瘦，唔知點形容，口感似俾人嚼完嘅牛肉渣。唔會有下次，中伏價$157，仲送咗張丼飯買一送一優惠卷。…查看更多