伍仔記

營業中

休息中

同屋企人提早過冬，由於好多餐廳都趁機加價，所以最終決去街市熟食中心，感覺即使加價都唔會太犀利🤔。第一次夜晚去熟食中心食晚餐，亦係第一次喺樓下街市買海鮮上去加工，估唔到又幾好味喎😯，啱哂一大班人嚟食。以下係我地自己買嘅海鮮加工：蝦我地揀左用豉油皇整，我印象中係$60/斤🤔。呢個蝦整得好好味，蝦殼炸到近乎可以食埋，豉油皇調得好香，少少鹹，如果送酒就一流。我地有兩桶蠔，分別揀左薑蔥蠔煲同炸蠔，印象中係$80/桶。由於我地D蠔好肥美，所以煮完都仍然大大隻，鮮美多汁!! 😋炸蠔炸粉好薄，增加酥炸口感。兩款口味中，我個人比較中意薑蔥款，一嚟薑蔥增添風味，二嚟無咁油膩🤤。花甲用最經典嘅豉椒炒，調味適中。不過由於我地等整人先上枱，職員可能喺廚房炒定先，所以到上枱果陣唔熱，有點可惜😐。最後蒸魚，印象中唔同整法唔同價錢，呢條魚好似一百左右。正正常常，唔會太老。另外叫左幾個小菜，分別有椒鹽鮮魷 $118呢個鮮魷有點失色，炸過龍，食落好乾、魷魚好硬又唔彈牙😫；拔絲咕嚕肉 $98拔絲就唔太覺，但肉多過肥，啱啱煮出嚟果陣仲食到少少脆。菜遠牛肉 $85牛肉分量唔少，而且唔會好韌，不過就油左少少。最後叫左幾碗白飯同汽

一去到，個老闆拉我地去食我地見有唔少人食就諗住試下，結果中曬伏！🤬🤬🤬🤬🤬全部菜色都冇鍋氣，一係冇味，一係太重口味！魷魚唔新鮮、菜煮過龍、咕嚕肉太酸、鵝腸咬唔郁，連白飯都有啲硬！😤😤😤😤😤又唔係便喎，係度係咁推薦一啲好難食嘅菜色，好似食緊廚餘咁🤮🤮🤢嗌咗8碟鎹 ，結果個白飯最好食😕失望至極原來客人嘅數量多並唔代表間嘢好食我阿嬤都整得好食過佢🤦🏻‍♂️PS：間嘢連服務態度都差過人！劣中之劣

大埔墟街市熟食中心有好幾間大排檔，其實都差唔多，價錢差唔多($100上下一個小菜)份量都差唔多(偏細份)，質素都差唔多(不過不失)。烤鱔得10舊，連半條鱔都無，開價$158咕嚕肉又整得太酸其他菜色就中規中矩，份量偏細，大食啲的話可能要人頭+2 先夠飽以往幫襯開九龍(深水埗、大角咀)一帶嘅大排檔，又碟，又有鑊氣，價錢仲要平過大埔大埔唔算好多野食，但都有好多餐廳食肆抵食過好食過熟食中心嘅大排檔市政街市嘅租估計唔會好貴，做生意賺到咁盡唔好怪人都北上消費

其實本身好想出深水埗食，但係因為路過喺大埔，於是一於在大埔搵一間大排檔，原來熟食中心樓上有幾間小炒，我哋一於目測一下其他食客邊一間比較吸引，如果我哋就入咗呢一間，食物方面當然會選擇一些我比較少煮嘅菜食啦！因為我哋得兩個人，所以叫咗蝦醬鮮魷通菜，魷魚新鮮，絕對不咸，味道剛剛好！檸檬蒸烏頭，美味不錯，味道剛好唔醒！豉椒炒蜆，好大碟，而且有不少嘅配菜：洋蔥同埋燈籠椒⋯最後當然叫一碟豉油王炒麵同埋一支啤酒嘆吓啦！我諗過我哋兩個人食咁多嘢Gaga

今次食咗「伍仔記」，真係好正啊！唔止係食物好食，仲有個好熱鬧嘅氣氛，令我好鍾意呢度。嚟到呢度，第一樣嘢就係試咗佢哋嘅西蘭花炒牛肉。個牛肉煮得好軟，仲有少少微甜，而西蘭花爽口又靚色，好好味！接著就試咗瑤柱蛋白炒飯，炒得啱啱好，飯粒唔太硬唔太軟，啲蛋白又鬆軟，真係正呀！最後嚟到頭盤，係茄子牛肉煲。茄子好腍身，配上嫩滑嘅牛肉，真係又滑又嫩，好開胃！除咗食物好食之外，我都好鍾意呢度嘅氣氛，好熱鬧啊！人多人少都係好適合，啱晒聚會，真係嚟到呢度會開心好多。而且座位都好闊落，唔會覺得擠迫，就算係食得啱啱啱，都唔會覺得尷尬。總括而言，「伍仔記」係一個好正嘅食肆，唔止係食物好，而且環境同氣氛都係一流。下次再有機會，一定會再嚟呢度食飯！

大圍放工，即興約食飯，有位唔駛等，又想有大排檔風味，一於去大埔熟食中心。伍仔記第一次食，朋友話算有名氣。大叔嘅街坊親切招呼，吸引我們留下晚飯，食物方面算多選擇，上菜快，薑葱魚雲煲，椒鹽大腸及鮮魷最好味，推介可一食再食，蠔餅粉太厚，蠔少，麻麻，啫啫雞煲沒特別，冷併盤一般。

曾經黎過大埔食大排檔，食後感都唔差，今次揀間未試過嘅試下，食飯去間人多啲諗住唔會太差，結果差到成餐飯只係諗住食飽就算，連炒個菜都可以咁差，有時唔岩食可能係口味問題而唔係間餐廳煮得差，但連炒個菜都有浸鑊燶味，一個煲仔餸乾爭爭，其他更加唔知食緊乜，燶同咸，成餐飯最好就係支啤酒下火。同行既人都大失所望，係咁估點解呢間咁嘅食物都咁多人。可能係我哋唔好彩掛見到有其他人讚到咁好食，大家想試下自己好唔好彩，就去食啦！我，就絕無下次。

朋友帶的來食兩人叫左4樣野，3百幾都合理。椒鹽九肚魚，好新鮮，而且好鬆脆個皮唔厚身。bb乳鴿，好食過酒樓，一咬落去皮小小脆而且上台已經有一陣香味，肉質幾嫩口，細細隻慢慢食。沙薑雞腳，隻腳仲暖暖地， 薑汁好夠咪而且不是稀。最後個魚湯，入面有瓜，魚同豆腐，份量岩岩好兩人分，而且飲落鮮甜，回到家一晚都無喉嚨，頸渴證明無重咪精。最後d員工麻麻🤣但可以一試食物我地仲係其他當口買左野飲同甜都不錯又可試多樣野😅

Happy Friday😁😁同老友去伍仔記聚舊，貪佢大排檔夠free, 可以開懷暢飲🍻伍仔記冷盤是必食之選， 每次幫襯都必叫：鱔球彈口，涼瓜味甘，鮑片夠薄，生腸夠爽，點埋芥末就像畫龍點睛，成個味提升晒。因為太好味，食完一碟唔夠再encore😂😆。另外，加多半邊沙薑雞，肉質好嫩滑，沙薑味濃，一個字 「正」‼️全場感覺好通風, 唔會有局促感，所以疫情下仍不減人流，反映伍仔記的實力所在. 另一特色是有啤酒小姐會過來幫你斟酒, 起初都唔係好慣婉拒其好意, 但因為對方多次好容氣的招待, 我地最後都欣然接受了

同父母去大埔新街市食嘢，因為見佢海鮮推介，所以光顧。叫嘢野之前特登睇openice推介咩最好，於是吃咗四個餸，包括冷盤﹑蠔仔腐皮卷﹑蒜蓉蒸蝦﹑蝦醬通菜。冷盤：鱔片還可以，唔夠爽；生腸好食，夠爽但分量少；鮑片唔係正式鮑片；苦瓜最爽。蠔仔腐皮卷：如果係特色菜同一啲接受新嘗試既朋友，呢味菜係一讚，因為夠特別同夠味道，炸得脆，入面蠔仔同肉碎配合。但唔鍾意既，會覺得味道唔夾，同脆腐皮加汁唔匹配。蒜蓉蒸蝦：時價叫，不是帶去加工。阿爸睇見人哋枱有叫，睇落好正，叫完食落好一般，蒜蓉如果事前炸一炸，會入味，蝦唔夠鮮味，可以更好發揮。蝦醬通菜：蝦醬味太少，但可以接受。三人食，$414。

喺大埔街市買咗一斤蝦上去加工，$128 一斤大大隻，隻隻都好生猛。點知煮完拎出嚟，完全唔係嗰回事。全部蝦變咗細細隻，而且完全唔新鮮！之前都試過喺同一個街市買同一款蝦，size相約，返屋企自己煮嚟食，煮完係會縮細隻啲，但冇可能縮到喺呢度煮嘅咁細隻！而且冇理由啲肉質變到咁”霉”。問夥計係唔係上錯咗第二台啲蝦，佢仲同我講佢哋冇蝦，但係明明餐牌寫住有蒜蓉蒸蝦呢味餸！以後唔會再去幫襯！根本就係黑心店，大家小心！

一行五人先去大埔墟街市買海鮮可能都晏左選擇唔算太多🤏不過都新鮮嘅鮑魚60蚊份（果皮蒸，時間蒸得剛好唔會韌）魚仔50蚊份（椒鹽，個人覺得可以炸多陣）3隻蟹（薑葱炒，冇得輸）一斤蝦，好似96蚊（豉油皇炒，唔會鹹，夠乾身，脆卜卜味道好之餘，自己買嘅蝦仲好新鮮）一份墨魚仔30蚊（老公指定嘅油泡，唔會油，都keep到爽口彈牙嘅質感）剛好500蚊然後上大埔墟熟食中心嘅👉伍仔記👈朋友話試過幾間，呢間最岩佢心水❣️我地海鮮加工再叫左個蒜香骨，2個菜同個冷盤，埋單1000左右人多就可以叫多d野食試到好多唔同嘅款又一個唔錯嘅體驗☺️#大埔墟街市#大埔墟熟食中心#伍仔記#海鮮#加工#生日飯

成個月前約好朋友黎食~~買料去餐廳加工天文臺公佈左傍晚會落波, 當時仲係8號波就即刻走過黎新街市睇睇有冇海鮮賣!本身都打定輸數, 諗住要取消, 點知 真係有! 選擇好似同平日無分別 🌊​d 九節蝦仲比平時平少少🦐​🦐​買完餸,就上去開餐​🍽️​1) 蒜蓉蒸開邊蝦🦐自己買餸係唔同d, 九節蝦非常新鮮, 蒜頭加葱花令到粉絲非常入味, 粉絲分量都幾多2)炒辣蟹🦀​買左兩隻膏蟹, 香辣叫咗小辣，下次可以同師傅講要中辣🌶🌶不過都香辣好味😋配酒一流豉椒炒聖子🦑(冇emoji)聖子好大隻，非常鮮味值得一提，佢地冇收開瓶費，我哋都帶咗三支酒🥂，當然都有嗌啤酒。當晚去到非常熱鬧，氣氛超好，大家都食得好開心，下次一定會再嚟值得推介介🏿

大埔墟熟食中心有好多選擇，來這裡叫餸食飯。🍽🍽海鮮小菜樣樣有，小炒都有鑊氣。✨️✨️✨️✨️✨️✨️✨️✨️✨️✨️紅燒豆腐椒鹽骨大鱔煲炸豬大腸乳鴿脆皮食物份量多🙂🙂

大埔街市熟食中心美食多一直都覺得大排檔嘅美食特別夠火喉但基於衛生問題，又驚冇冷氣，就好少去大排檔食嘢。但其實街市樓上嘅熟食中心一樣夠火喉今次嚟到大埔嘅熟食中心呢間熟食中心都幾大，有冷氣隨便選左一間坐低我哋叫咗椒鹽魷魚、蒸魚雲、蒜蓉炒通菜、牛仔骨、八珍豆腐煲、鹹蛋蒸肉餅第一道上嘅菜係椒鹽魷魚，我覺得好味過好多餐廳，魷魚夠新鮮彈牙，外層嘅脆漿好薄脆。蒸魚雲個湯汁好清甜，不過就唔係好識食，好似冇乜肉咁，但味道唔錯。蒜蓉炒通菜好嫩牛仔骨味道啱啱好，唔會太鹹，好Juicy。八珍豆腐煲一樣味道出色，有魷魚、冬菇片、豆腐、菜、豬潤、帶子同一些瘦肉，非常好送飯，如果再大煲啲就好啦。最吸引嘅竟然係鹹蛋蒸肉餅，個肉餅超級大牙，而且鮮味無窮，加埋少少鹹蛋嘅香味，簡直絕佳美食。伍仔記 (大埔)大埔鄉事會街8號大埔墟街市及熟食中心2樓CF30舖