仨

營業中

休息中

開心果cheese cake賣相靚味道好，呢個cheese cake嘅Textures好軟滑，食到開心果微微嘅香味，最重要係呢件蛋糕個樣真係非常精緻。呢件蛋糕叫做黑金，開頭以為黑鼆鼆就係竹炭，食落去先知其實係芝麻，上面加片金箔令到成件蛋糕嘅賣相加分，芝麻味都幾香。呢個青蘋果蛋糕入面其實係抹茶，中間仲有一啲raspberry 醬，個醬酸酸地令到件蛋糕嘅甜味balance咗。呢件Cotton cheese cake係是日精選，即係可遇不可求，要老闆娘當日有心情整先至有機會食到，蛋糕嘅質地鬆軟，外層少少cream做到恰到好處嘅甜度，值得一試。飲咗兩杯咖啡，一杯係普通嘅Americano，另一杯係orange Espresso，兩杯嘅味道都唔錯，不過杯orange Espresso嘅橙味味，如果橙味再濃啲應該味道更好。

呢碟慢煮豬鞍做得非常好，好大件，件豬鞍都厚身，不過食嘅時候又唔會好鞋好韌，而且比想像之中juicy，外層用類似Parma Ham嗰D火腿，再加豐富芝士包住黎焗，Parma Ham帶出既嗰種鹹香味，再加上豬鞍爽彈嘅質感，係一道味道唔錯嘅菜式。呢道菜都要一段比較長嘅時間，叫嘅時候個waiter已經問咗我地，要等20-30分鐘是否OK，因為呢道菜嘅烹調工序比較複雜，所以要長D時間，不過食過之後就覺得美食係值得等待嘅，配埋紅酒都係一大享受。至於呢個Baby Blue藍青口又係好正，除咗Baby Blue本身嘅鮮嫩之外，佢個汁亦都係好和味，用Toast黎點D汁真係要一滴汁都唔好浪費。

是夜來了一間充滿驚喜的小餐廳，來了個性價比高的Fine Dining。檸檬芝士薄脆比目魚︰想不到魚肉能夠如此嫩滑，可能是用了Slow Cook的方式去烹調。比目魚的外層有薄薄的檸檬芝士薄脆，吃的時間有脆口的外層又有嫩滑的魚肉，令入口時很有層次感。另外我很喜歡此比目魚的汁底有小小辣，使其惹味得來又不會太重口味，達至很平衡的味道。紅菜頭汁燴和牛面頰︰牛面頰的肉質偏向鬆軟，咬下時有一種軟綿綿的感覺，紅菜頭汁酸酸的就是很開胃，很喜歡此餐廳的拌碟配菜，又新鮮又排列得很有美感。

好開心呢間Coffee Shop又可以黎食Dinner，因為深水埗區無乜呢種咁認真的西式晚餐。因為朋友係熟客，所以book位時仲要預訂左招牌菜牛小排真係超好食😋。店長姐姐話牛小排係無餐牌到既，要食就真係睇彩數，唔一定有，好彩我個friend預訂咗。牛小排仲有少少Pink肉，所以食落會嫩一D，佢D拌碟配菜我都好欣賞，好睇又好食，一路食一路感受到大廚的悉心製作。我地仲食左呢碟叫蝦蝦霸霸嘅餸，蝦汁濃郁，而且好新鮮，紅蝦刺身鮮甜，仲加埋魚子醬，一上枱忍唔住哇左一聲，因為擺盤真係好靚。就係鍾意幫襯呢D小店，用心製作，時有驚喜，唔怪得我朋友成日都話要去食。

呢一間Coffee Shop除咗杯咖啡唔錯之外，佢D Cake其實先至係焦點。好似我今日叫咗嘅呢個青蘋果蛋糕。外形真係好似成個青蘋果咁樣，其實入面就係Matcha Mousse，再加D Raspberry。酸酸地吊返個味，令到成件青蘋果蛋糕嘅味變得酸甜適中，口味偏向清爽型，食咗唔會覺得好滯。佢呢度嘅咖啡都唔錯，不過話晒係一間Coffee Shop，所以杯咖啡好飲係應份嘅。呢間餐廳雖然唔係好大間，不過勝在靜靜地幾好坐。

係網上睇見有人大推呢間餐廳既蛋糕，又咁岩有我鍾意既開心果口味，緊係要搵時間嚟試試佢啦☺️揀咗日星期五下晝嚟呢度試lunch，唔知平時繁唔繁忙，不過我哋錯開咗lunch hour，所以一到步就有位。👍嗌咗兩個lunch set，美式咖啡再加兩件蛋糕。是日餐湯係蘑菇湯，我覺得佢個蘑菇湯好好飲，有啲餐廳既蘑菇湯感覺上係好多蘑菇碎，但融入唔到個湯入面，但呢間整得好好。兩款意粉分別係：慢煮三文魚檸檬汁扁意粉明太子蟹肉蟹籽扁意粉一件好厚肉嘅三文魚，外皮再用火槍燒過，幾香脆不過最特別嘅係佢嘅意粉有好香嘅檸檬味，好清新。明太子蟹肉蟹籽意粉幾好食，蟹肉唔腥，不過食到後面都會感覺有少少漏，係呢個時候再食一啖檸檬汁意粉就感覺超fresh。開心果軟心慕絲蛋糕+開心果芝士蛋糕兩款蛋糕食落唔重開心果味，不過都好好食，特別係開心果軟心，入面係朱古力不過唔係好甜，總括黎講我覺得蛋糕比意粉出色😆店舖仲有兩隻可愛既貓貓❤️

無諗過深水埗呢D咁地道嘅地區食得到咁高質素嘅意粉，雖然Set Lunch嘅價錢上喺深水埗區黎講算係比較高，不過食過之後，無論喺材料同食物味道上面都係物超所值嘅，推介比D對食物有要求嘅朋友黎試吓。呢碟係明太子蟹肉蟹籽扁意粉，賣相靚之餘佢D食材都新鮮美味，就以佢D蟹肉為例，食落去食到一梳一梳嘅蟹肉，而唔係外間成日食到嘅科學合成蟹肉。加埋蟹籽喺上面一邊食一邊就會有咬爆蟹籽嘅口感，正。另一款意粉我地揀咗蒜香橄欖油紅蝦扁意粉，大廚所用嘅蝦新鮮，肉質彈牙，另外佢個意粉汁都好香，配埋蒜片同橄欖油食落就好Fresh。飲埋呢度嘅咖啡就係Perfect。

同個friend喺深水埗黃金商場睇完電腦之後佢忽然之間話想飲返杯咖啡，上openrice search附近嘅coffee shop就見到呢一間小店，行過去大概七至八分鐘左右，地點有少少隔涉，不過就係因為咁所以可以靜靜地傾下偈，環境唔錯咖啡都好飲，我哋叫咗一杯Matcha Latte，另一杯就係Flat White，兩杯嘅味道都唔錯，尤其是我杯Flat White，奶同埋咖啡嘅份量都好balance。Matcha Latte Flat White

已經食過無數次 終於忍唔住要為呢間野寫人生第一個食評了！ 我一向都好鍾意發掘hidden gem, 但都有啲怕試新野會好伏，加上而家openrice好多假食評，所以我每次試新野都會有啲猶豫。但事緣幾個月前第一次假日午餐時間（本來想去素年但未開，跟住經過見到呢間小店裝修幾唔錯，又有可愛貓咪，就入左去試左，超驚喜，從此，就不斷回頭入坑了！🤣🤣 不論係甜品定主食，都真心好好味！！今晚第一次試晚餐，好驚艷。好好食。好耐無食過性價比咁高嘅西餐。今晚同老公兩個人試左三個主菜（乳豬、羊腩、青口意粉），再加三件蛋糕（檸檬撻、朱古力撻、New York Cheesecake）🤣🤣 肥死！全部都好好味，大家有機會全部都要試😂😂😂味道就係高級、有層次、有心思、令人有胃口嘅味道，好過好多過港島區中環區甚至某啲酒店收貴一倍嘅西餐（貴野食唔少，明就明，唔明就唔明😂😅）。好欣賞阿廚同Stephanie嘅執著同用心，做飲食就係要有要求。本來想私藏，但實在覺得小店值得更多人認識同支持（佢地本身就係有好多高級餐廳經驗）。加油！！🫶🫶🫶😭

今日跟同事一起到仨食午餐知道佢lunch hour period 好full所以預早卜位仲預留左新cake 試添朝早收到闆娘回覆如要青口就要pre-order一見到msg秒覆落單餐湯係紅菜頭蕃茄濃湯好好味😋好重紅菜頭味得黎又酸酸地好開胃飲完之後都忘記影相🙈主菜來了～～藍青口意粉🍝青口新鮮保留住陣海水味肉質鮮嫩意粉入口彈牙掛住個香草忌廉汁簡直不得了全清原本留咗2件焦糖咖啡同事都諗住試而我又應承咗外帶一件俾表姐所以最後我都係食返一貫嘅favourite 百利甜酒香橙朱古力撻呢個撻我每次去都必點喜歡朱古力嘅朋友一定鍾意❤️餐飲點了凍齋啡Nutty 味I like it 下次一定要預留焦糖咖啡試😛#仨 #深水埗美食 #長沙灣美食 #香港 #yummy #青口意粉 #朱古力撻 #甜品 #hk #shamshuipo

是日假期的最後一日，幫襯了一間位於深水埗嘅迷你Coffee Shop，佢D Cake真係睇得又打得，好似我試嘅呢款蛋糕叫做朱古力三重奏，開頭以為係用咗三種唔同嘅朱古力去整，點知問過店長之後先至知道，原來佢呢件蛋糕係仲勁D，因為係用了3種唔同技巧去做左3款唔同口感風味嘅朱古力夾層，而唔係單單用3款唔同味嘅朱古力去整就算數，真心勁。另外佢嘅蛋糕係戚風蛋糕Feel，口感軟綿綿，好鬆軟。雖然係朱古力蛋糕，但係又唔會好甜同好滯。

自從幫襯過一次呢一間位於深水埗向長沙灣方向行少少嘅mini coffee shop之後，就深深被佢哋嘅cake吸引住，因為好睇又好食，更加重要嘅就係食嘅時候完全feel到廚師對於蛋糕製作嘅誠意同要求。就好似呢三個蛋糕為例，要砌得靚，而妻落去嘅生果同其他食材嘅味道又要互相配合到，唔會只係為咗造型夾硬砌落去為求嗰種打卡嘅效果而不理味道，始終都真係要食落肚嘅，我自己就好怕嗰啲櫃做而做為創意而創作嘅「新派」食物。

今年6月尾時book 了7月中吃晚飯，當時知道7月menu會提供乳豬餐，於是book位時預先通知當日會order乳豬餐及請餐廳預留，怎知7月去到坐下時，被職員告之乳豬餐暫時停止供應，那刻非常失望，心中想餐廳為何不致電客人通知一聲，或許無乳豬餐未必選擇此餐廳呢！另外餐廳老闆只顧和熟客傾談，對新幫襯的顧客也沒有什麼笑容，我介紹朋友去，朋友吃完之後也有相同comments，所以覺得餐廳要注意一下待客之道。

今朝行過呢間coffee shop竟然有開，仲有早餐食，印象中佢以前只係做午市同晚市，於是二話不說就衝咗入去碳返杯咖啡食返個早餐。佢個早餐擺盤非常之精美，非常吸睛，格仔盤六小碟入面分別有芝士火腿三文治、Caesar Salad、南瓜薯餅、台灣香腸、慢煮三文魚同埋蛋沙律Tart，六樣嘢之中當然係個慢煮三文魚最好食，因為以前試過佢嘅晚餐，知道大廚對於魚類嘅西式烹調造詣都幾高，所以個慢煮三文魚好食係expected。Caesar Salad固然好食，所以佢好味道亦都係理所當然。反而有驚喜嘅係個南瓜薯餅，本身諗住早餐呢樣嘢都係有一兩樣精美跟住就配搭啲求求其其嘅拉雜成軍，誰不知佢個南瓜蓉墊底，個南瓜蓉同個薯餅嘅味道好夾，有時睇個廚師靚唔靚除咗佢煮嘢好唔好食之外，食物同埋醬汁嘅味道配搭都非常重要。嘆埋杯cappuccino，咁就真係有個perfect嘅good morning喇。

呢一個山葵薄脆帶子配上梅子醬及柚子醬嘅偏意粉真係做得非常出色，除咗個擺盤好靚之外，食材嘅味道都配合得很精彩。帶子個面鋪上一層香料，然後再煎到輕輕的脆口，食落去就有一種新鮮清新嘅感覺。帶子肉質鮮嫩，而且好厚身，咬落去口感特別好。仲有我好鍾意佢配菜入面嘅海葡萄，嗰種質感好正。呢間餐廳嘅拿破崙亦都係做得非常出色，拿破崙餅做得好鬆脆，一層層好分明，帶着微微的甜，可口美味，如果想試拿破崙記住要訂位嗰陣時候訂埋。食拿破崙蛋糕又點可以冇咖啡呢，作為一間coffee shop，呢度嘅咖啡係幾好飲嘅。