仨點仨 (已結業)

下午，經過商場去剪頭髮，買了一杯青蘋果多多綠茶，實在太甜了，好似飲緊糖精咁。青蘋果🍏糖精落得太多了，我已經order 微糖，但都係頂唔順情願買支水飲好過😭服務態度仲要係一般

大西北真係好多大西北先有嘅飲品小店，仨點仨喺屯門（裝修中）同天水圍都有，街坊們可以試吓～ 22蚊嚟講唔算好平，都唔係好貴，無叫少甜都唔係太甜，係平民嘅味道，不過不失啦～珍珠少少甜，都幾彈牙😬

這間店鋪開業不久 在這個小小的商場已經最小有3間賣台式飲品的店鋪了而今天家人到了這間《仨點仨》在香港下午3時15分時下午茶時間很多公司也會有的 這間店鋪的名字挻特別耶·焦糖奶蓋炭燒鳥龍茶(熱/微糖)第一次飲焦糖口味的奶蓋飲品有小小甜 鳥龍茶的炭燒味不太出HKD$26/杯 焦糖奶蓋另加HKD$2來天水圍的朋友們可以來一試

呢幾日行過天一見人人手入面都拎住杯台式飲品，我就懷疑係咪係入面開左間台式飲品店，點知真係！  幾開心，平時住附近既人想飲台式飲品要去好遠先飲到，依加落樓下就有啦，好方便！  我就點左杯仨點仨招牌奶茶中杯，＄16，但唔包珍珠，所以就加左4蚊要黑糖珍珠，共20蚊，算係咁啦，依加大部份珍珠奶茶都咁上下價錢，甚至更貴  飲落唔算好驚豔，冇出面d大牌子連鎖店咁好飲，但味道唔差，奶茶味有少少似港式奶茶，d珍珠都煮得ok，唔會太淋或者太硬，如果住附近又想飲珍珠奶茶可以試下呢間  

天水圍好難得又多一間非連鎖既台式飲品小店!!! 等小弟又試下味道如何先😊😊今次試左新出既紅豆抹茶鮮奶 (大 $30)都真係幾大杯 分左三層顏色 但抹茶顏色偏淺 已經心知不妙比較滿意既係紅豆軟硬度岩岩好 煮到少少蓉又keep到一粒粒紅豆既感覺 食落甜甜地幾滋味 不會甜得過火 不過去到最後飲剩d冰 單靠飲管好辛苦先食得曬d紅豆😂抹茶鮮奶味道就比較淡口 去到尾近乎係飲緊奶水 同埋好多冰 其實似紅豆冰多d🙈 如果抹茶味香濃d就正啦整體仍然有改善空間

天水圍可謂「麻雀雖小、五臟俱全」黎形容呢個小社區，面積細但嘢食小店林立！😍 最近終於有一間非連鎖嘅台茶店，既然有小編最愛嘅芝士奶蓋，咁就買杯試吓啦！😛佢哋嘅奶蓋分兩種，原味同芝士味(+$2)🤔⋯ 因為係第一次試呢間鋪，恕我未能講出兩者嘅分別～🙇🏻‍♀️ 但到手嘅時候已經有少少失望😕，有少量嘅奶蓋結塊沉底，幸好味道唔差！夠滑，淡淡芝士鹹香！😋 黑糖珍珠軟Q，但真係食唔出黑糖味🙊⋯而茶底值得一讚，茶味夠濃！👍🏻 整體來講，奶蓋飲品質素有待改進！😉 但下次都想試唔少人都覺得正嘅水果茶！🤓