5
2
0
營業時間
星期一至六
12:00 - 15:00
18:00 - 22:00
星期日
18:00 - 22:00
公眾假期
12:00 - 15:00
18:00 - 22:00
以上資料只供參考, 請與餐廳確認詳情
難得發現小西灣有間細細地嘅日本餐廳，就入嚟一試。餐廳都有仔細裝修過，有木造傢俱，牆身掛上好多日本裝飾，雖然有啲封麈不過都有feel嘅。兩位中年老闆同客人有講有笑，好似街坊版食堂咁。和呢次我地叫咗三個定食，每個都附有甜品、沙律同湯。個人比較鍾意鰻魚同牛肉，醬汁煮得入味。至於鯖魚就有啲咸，尚算可以。主食咸咸地，甜品配有泡芙都幾夾。以58蚊嚟講，真係算幾好食。後來先知道，58蚊定食只會喺星期一至四做，星期五至六就得番串燒。雖然見隔離枱嘅串燒賣相唔錯，好有香味，但價錢比較貴，下次考慮下再嚟。
繼續閱讀
真係頭一次入小西灣呢一個區， 對我嚟講真係山長水遠， 應該係母雷公咁遠， 如果唔係因為有朋友搬咗屋入去嘅話，玩 house warming, 我根本一世都唔會去呢度。 都算係增長見識增長見聞。 成尺長嘅燒蝦， 蝦殼燒得卜卜脆， 蝦肉雖然燒得唔係好爽口， 但係就燒得好香，如果唔係 好奄尖嘅話應該都收貨。 火喉呢樣嘢真係好難控制㗎。串燒牛舌，兩串， 每一串有三件，唔算好厚亦唔算好薄， 今次真係燒得啱啱好，牛舌柔軟淋滑，味道好夠又唔會過鹹 ，牛舌嘅味道濃沃， 真係燒得好perfect。燒雞泡魚乾， 燒得又香脆又軟身， 咬落又煙煙靭靭，真係好好食，點啲沙律醬仲正。吉列豬扒，係厚切嘅吉列豬扒，吉列皮炸得好脆，真係卜卜脆，豬扒肉質好juicy，食落好有肉味，好鬆軟而且好嫩滑，堅係有料到，好少機會可以食到咁好食嘅吉列豬扒。
繼續閱讀
日式串燒街坊小店，店內枱只得4張，2張4人座，2張2人枱，店內人不多，可能我成十一點才去，宵夜場有特價，每款要叫2串起，價錢不貴，都低食，清酒同啤酒就比較貴，牛舌同一口牛好味，夠林，明太子雞翼就不覺有明太子味，烤物就比較厚粉，烤蠔都唔錯，有爆醬感覺，白鱔燒得唔夠香，不過肉質都新鮮
繼續閱讀
今日經過小西灣 就隨意入左間小店 試下佢啲日本菜平日嘅晚上 人唔算多我試左佢個一人前 $128仲有主食燒肉同埋嘢飲 初初以為唔夠飽 點知份量好足首先櫻花蝦炒飯 佢呢個份量真係兩個人先食得晒Close up你個飯除咗有蛋 櫻花蝦 芝麻都好夠味之後食咗佢個串燒 雞肉 牛肉卷 豚肉串仲散叫左個牛舌食 牛舌係必食 好有牛味所以我都有encore 推薦日本番薯係我自己嘅喜愛 同其他餐廳唔算太大分別 不過就係好鍾意食囉最後黎得日本餐廳 就當然要是三文魚刺身啦感覺唔算太新鮮 不過都可以嘅如果你想支持小店 呢間餐廳嘅一人餐係足夠食兩個人嘅份量(肚餓另計) 所以佢性價比都叫高嘅 可以一試
繼續閱讀
近排好忙，有時間食，冇時間寫下食後感想。為咗呢間野，真係的起心肝寫下先！因為啲野食一嚟到我同朋友已經急不及待吃筷所以相真係冇乜，有嘅都係咬咗幾啖先影（莫見怪）一開始我地叫咗三文魚刺身同蟹籽蟹柳沙律做頭盤好新鮮好味之後就開始串燒環節係成晚係精髓嘅開始咁我地就靠好有心嘅店主安排俾我地當然有啲自己好想食嘅就自己額外叫首先係我自選嘅鵝肝入口即溶 外脆內軟好香好好味跟住就到店主推介嘅燒腎，一口牛，牛舌我同朋友一人一串都想搶埋對方個串嚟食跟住就係黑毛豬扒我朋友平時係唔食豬㗎（佢覺得豬嘅肉質一般都好鞋）但佢竟然係食得最多㗎佢話有豬嘅香，冇豬嘅臭，肉質又好嫩仲有燒扇貝，好香嘅蒜蓉味又冇搶到扇貝嘅鮮味！一流同埋呢個燒蚌仔落咗清酒燒好香好正大愛我地仲叫左燒雞泡魚乾同鱈魚乾兩款都食唔停但最令我喪叫嘅係燒玉子兩個人叫兩碟好好味！佢地自家製㗎！你地有機會去一定要試！店主推介咗支清酒俾我 好飲啊我朋友就叫咗生啤呢度嘅生啤值得讚啊佢地雪曬啲杯㗎個杯夠凍我朋友好喜歡飲咗幾杯先肯走呢度所有員工都好好服務佢地超友善諗唔到食咩絕對可以交俾佢地幫您諗可以講得上係真正嘅隱世小店我住得遠，但我係會專登走入去食
繼續閱讀