仝堂茶聚

營業中

休息中

我喺九龍塘返工， 呢間餐廳我睇住佢開， 估唔到越做越好， 平時lunch我會 間唔中 同啲同事過嚟食， 因為呢多咗， 每次我都可以 打電話嚟預訂定食物, 基本上到的時候，就有得食 安排得好好！👍前日 我，老公 同媽媽，爸爸， 爺爺嫲嫲， 一齊 呢度呢度為 仔仔慶祝生日， 真係幾代同堂🤣🤣🤣不過 原來夜晚係冇點心， 但係唔緊要， 其他食物都好足夠 ！黃金炒蟹， 金雞獨立， 鯪魚， 素菜炒麵， 神叉燒飯， 每人一碗朱肺湯， 蝦醬菜煲 兩個前菜 都好好食😋😋😋除咗點心之外原來佢其他食物都好好食仲有樣嘢值得讚你哋嘅你哋服務日頭夜晚都係咁正👏👏真係好有心機好有誠意多謝你地送畀我仔仔生日嘅 豬仔包🤣重點埋蠟燭唱歌 超正 😘😘😘

與好友約了去又一城吃午飯，偶然找到這一家。餐廳裝修典雅，坐得舒服。我們兩人不算太餓，點了一籠奶黃包，包子比較小，但皮薄奶皇足。胡麻海蜇粉皮相當有趣，熱熱的黑芝麻醬與粉皮混在一塊十分特別。最讚的是脆乳鴿一只都是$39。而且炸得剛好，皮脆肉嫩，正。

今 個 假期 我們一家大細 去咗呢個又一城商場 行街買嘢睇戲。第一次來 到 這個 商場好多人， 行到去呢個L1 發現咗呢間 餐廳 ， 嗰個 門口 哥哥好鬼馬， 好有熱誠好特別的 服務, 就係咁樣俾佢吸引咗入去幫襯.😀 後來先知道係新開嘅餐廳, 我哋食咗好幾款食物, 有懷舊菜有fusion菜 可惜食唔到嗰個燒雞獨立 因為是招牌菜其中一款. 不過 我哋 食嗰啲都好好味😋 黃金炒蟹， 蝦醬菜煲， 素菜炸麵 等等唔記得了😅 服務員也介紹咗個新之叉燒飯畀我哋 係用黑豚肉去整。 嗰個叉燒係一條上 祌得有道理🤣🤣🤣 呢度啲服務員都好 sharp, 估唔到嘅服務, 對比我認識嘅中菜點心餐廳 好唔同。好主動介紹產品畀我哋， 充滿成意。 好似個個都有股份咁🤣🤣🤣 出去速度好快 好落力嘅。而家喺餐廳就好少見少之又少繼續加油。 我哋定咗 今個禮拜日啦 希望同上次嘅服務係一樣啦 星期日 再見👍👍👍

今日又同朋友去試新餐廳，仝堂茶聚係九龍塘新開張仲要每人送乳鴿半隻，不妨一試。餐廳坐得算舒服，除左有經典廣東手工菜式，仲有新式點心，咁就每樣都叫D啦~白灼時蔬 - 雖然話係白灼，但點都落少少油靚仔D既，分量唔多，但都新鮮。紫淮山黑木耳 - 平日少食紫淮山，清清地都唔錯。大肚婆炒飯 - 雖然只係蛋，菜，薑炒埋一碟，但炒得幾香幾乾身，只係個分量少到好少得一至二人分量。雞蛋焗魚腸-其實雞蛋焗魚腸真係好考功夫的菜式，連平時好食得腥既在下都覺得味道真係唔太接受到，應該都真係屬於唔好食既腥。乳鴿 - 乳鴿雖然係免費送既，但絶對有驚喜，肉質嫩滑確係好食。醬爆鯪魚球-D個正啊! 鯪魚球外脆內軟，雖然唔算太醬爆，但係食落真係好香口。得得意意包-分別有奶黃豬仔飽、燕麥紫薯蘑菇飽、黑金流沙飽同蛋黃白蓮蓉小桃飽。其實都不過係一般奶黃包同壽包，不過要流沙既都有流沙，味道係水準之內的。整體而言，食物質素唔錯，只係分量真係少得可憐，每碟都好似只係俾1-2個人食，真係一人一啖就冇左，建議要打左底/有下場先可以來食~

好耐無嚟九龍塘又一城了，行個圈有啲食店都轉咗，本來想試間食蒜頭嘅西餐，但係隔離嗰間話幫襯就送每人半隻乳鴿，所以就試咗先唔好蝕底，入去見到個餐牌，價錢唔係平嘅，中式嘢食，而環境都幾舒服嘅，可能早唔係太多人。叫咗幾樣嘢食，雖然好似細碟咗啲，但我就覺得味道非常出色，值得推介。當中嘅胡麻脆海蜇粉皮，估唔到咁出色，胡麻醬味濃，加上粉皮食超正，海蜇變咗配角。娘惹麥皮蝦，$89得兩隻，睇相以為好大隻都算啦，但嚟到就細隻好多，覺得相當貴，但味道好食，我連麥皮都差啲食晒，而送的乳鴿都好好食，但比較細隻。

今日同班friend約咗去又一城每月一聚。我們每次都冇特定地方，玩即興！我和幾個fd早到，所以周圍行下睇下有乜好食。行行下見到呢間剛剛開張。因為我地好早到（未夠五點半）。見未有人潮，即入去開茶，坐住等其他未到的朋友。地方裝修都好舒服。人齊後即點菜！下面就係我地當晚的戰績！食物好有特色，食材明顯係高質貨！通常新開張d餐廳都高水準，之後就.....希望呢間keep到，因為真心好食！一定會帶家人一起來試試！黃金蟹，麥皮蝦，醬爆鯪魚球（入面藏有蜆芥汁），金雞獨立，乳鴿，必食！

小時候跟著祖藉順德的嫲嫲生活彼時生活並不富裕，但她卻有辦法用有限的資源變法似的弄出一頓頓的美味佳餚，將貧困的生活過成詩。記憶中的她總是在廚房忙碌，吃完一頓洗刷好，又在準備下一頓，沒完沒了。長大之後才知道，她做的鯪魚球，魚腸焗蛋都是很花功夫的。隨著嫲嫲的離去，那滋味也只能追憶回味，直至遇到「仝堂茶聚」兒時的味覺回憶被滿足到了驚喜不斷出現，甜品、咖啡......遠方和現在的胃口都被照顧到了

和朋友一起慶祝生日，27個人，想搵一個可圍埋一齊食但又唔想食純中式菜色，於是book左仝堂茶聚，見到新開張想試一試！個人特別喜歡「焗魚腸」、「豬油撈飯」，見到餐牌有急不及待就落單。九龍地方要食到呢兩款食物真係非常少～「焗魚腸」大部分入面都係魚腸，蛋嘅比例反而相對少，非常落重盤！但仍可癖到腥味，吃下去像童年時爸爸弄的懷舊口味，絕對食唔停口。「豬油撈飯」也不簡單的，榨豬油時香度、豉油甜度，飯的質感都很重要。豬油真的很香，也可以覆桌！「金雞獨立」也非常有特色，皮脆肉汁仍流出來，味道有雞鮮味，值得一試！甜品其實令人最難忘的，青蘋果甜品外脆內軟，入面用鮮的青蘋果蓉，加埋mousse cake, 甜度低，岩哂我愛甜品但不愛太甜的人。青蘋果及車厘子蛋糕可極力推介！愛咖啡的人一定不要錯過蒸餾咖啡，咖啡味道清新但沒有酸澀味，正！店內的職員掛著笑容，給人親切的感覺，服務一流👍🏻這間絕對是可覆桌的餐廳❤️