影片
付款方式
以上資料只供參考, 請與餐廳確認詳情
昨天晚上路經西港城附近,見到仙跡岩冇咩人,決定入去食當時又不太肚餓,所以點了一個奶油厚多士好快就黎到 但一見到個size超細 而且奶油又有一陣怪味 如非肚餓我也不會食晒去作為台式店舖 但主打的食物竟然那麼差 難怪會咁冷清
繼續閱讀
星期六下午五時多, 來一個悠閒的下午茶~店內大約半滿, 很容易找到位子,點了一個最愛的台風大塊雞, 飲品點了茉香珍珠,台風大塊雞是我在此店最愛的食物,不是間間店都有咁大塊雞扒, 有時會遇到有d店塊雞比較細,但今次呢塊真的是好大堍, 炸得好香口, 再加埋味粉, 真是好好味~茉香珍珠茶味香, 珍珠有咬口, 可惜唔夠甜, 叫侍應多拿一點糖漿給我好了.
繼續閱讀
最近從網上發現原來「仙跡岩」為了慶祝該公司於香港創立 16 週年，只要列印優惠券，於各分店惠顧滿 $100 即減 $30， 大約等如七折咁滯，所以今晚又發揮師奶本色，放工後來這上環店吃晚飯。到達店舖時已接近黃昏六時，店內除店員外，空無一人，當然嘛，時間尚早呢！進店後先向店員表明會使用這優惠券，女店員禮貌地表示無問題，然後遞上餐牌讓我慢慢選擇食品。這次就點了兩個台式套餐另加一款拉麵。鹽酥雞滷肉飯 ($38) 這個所謂鹽酥雞，其實一看賣相已知唔多對辦，外表非常乾瘦，內裡的雞肉味道略淡，是醃肉時間不足，比起台灣的雞扒遜色得多。雖然雞塊咬落不太油膩，但內裡卻炸得很乾，豪無肉汁可言，肉質只屬一般，更遺憾的是口感頗嚡，完全感覺不到雞的嫩滑。不過旁邊的滷肉就有點驚喜，肉質唔錯，而且肉碎加入了適量的梅菜絲，令口感豐富，入口不覺肥油膩，反而鹹中帶點香甜，配埋小唐菜同吃，清爽可口。台式滷肉雞翼飯 ($38) -- 這個飯基本上同上述滷肉飯分別不大，只是把鹽酥雞換上雞翼。滷肉份量稀少，不過個汁味道唔錯，而且滷肉內沒有肥肉粒，不會太鹹但又有肉味，用來撈飯最好。至於雞翼就只有兩隻，雖然唔算肥美，但咬落有滷水香，可惜鹵得時間唔夠，香甜的滷水味只流於表面，內裡的肉味較淡，水準一般。炭燒豬頸肉拉麵 ($24) -- 豬頸肉一向是我較喜愛的肉食，至於這個外帶的拉麵，內裡的豬頸肉份量也算不少，肉質嫩腍，帶點胡椒味，鹹鹹香香，也算不錯，不過相信不是以炭燒來烹調的。而所謂拉麵其實只是普通的公仔麵，當然無甚麼爽口彈牙之感，清清淡淡，如果作下午茶小吃是可以的。 珍珠奶茶 (跟餐) -- 據說「仙跡岩」是香港首間引入台灣珍珠奶茶的店舖，至於這杯奶茶，外觀看來有點像奶昔，杯頂有約 1/2 吋高之泡沫及一層冰粒，聽講這種沖泡方法是源自台灣，沖泡好的香茶混合奶和糖，正好中和了茶的鹼度和奶、糖的酸度，成為一個和諧的配搭。至於這裡的珍珠奶茶，味道香醇，奶味濃郁，茶香沁人，整體不錯。另奶茶內的珍珠，色澤啡黑、外形呈圓粒狀，是用蕃薯粉和木薯粉製成的混合物，這些「珍珠」入口煙韌不黏牙，配以口感順滑醇厚的奶茶，味道恰到好處。金桔青檸 (跟餐) -- 金桔青檸以一個別緻的高身透明杯盛載著，看上去都幾有格調，不過飲品味道毫不突出，金桔味偏淡，欠了那種咸中帶酸的複雜口感，幸好青檸味依然令人感覺解渴怡神，都算唔錯。其實這裡食品質素一般，但也未至於難吃，如果有優惠都是一個唔錯的選擇，就像今餐埋單只是 $70， 勝在經濟實惠。
繼續閱讀
鐘情於思樂冰類飲品的我早已對那些乜茶物茶街邊凍飲「說不」，皆因無一個固定舒適的地步也難以享受到高質素的飲料。正值炎夏，碰巧上環都有仙跡岩，見三點三無乜人就即刻走入去來個Tea歎杯冰啦！點返平日我既「飛佛」----- 波羅朱古力雪吧，仲有叫左個雞飯，呢D都係平日係新都會廣場間仙跡岩叫慣既菜式無走雞啦！等左四個字成廿幾分鐘之後乜都未黎，我叫佢幫我跟跟佢係有應我，但係現場無乜人都要成十分鐘後至俾到野我，之前係水都無俾杯我喎！唔緊要喇！漏單唔通知連唔好意思都無句既，都唔緊要喇！一上檯杯波羅朱古力雪吧好似已經溶左一半咁，無口感想畢都畢唔起喇！杯野橫掂都溶食左碗雞飯先啦！D飯同雞竟然係唔熱既，真係諗唔到點解會差成咁，唔食喇剛巧有人Call有野做，拿拿臨飲埋杯到底都係溶既「冰」就走左喇！事後至諗返起呢間都係新都會個間o者~~點解質素會差咁遠？上環呢間正在對正西港城大單邊又係電車轉彎位，景觀算唔錯，但食物質素都要見得人先至會有客路呀！真的要改善改善。
繼續閱讀
因為一直飲開旺角新之城果間覺得唔錯,所以行開西港城見有仙跡岩先諗住買返杯,但實在太恐怖.以後行過都唔會再幫襯!!!!事源我同女朋友星期五 四點幾響西港城附近開完會,見有仙跡岩,咪打算賣返杯外賣珍珠奶茶飲.可能因為多外賣,店務員都好忙.但我地叫果時無人同我地講要等耐少少,所以我地以為無問題啦.點知一等,等左十分鐘有多都依舊未有,我女朋友已經唔耐煩2杯野姐,等成十幾分鐘咩都做好啦...就叫我吹一吹,個時我同一個店務員講,之後就有個藍色衫既女店務員(唔知係分店經理還是分店主任)同沖野飲既人講野,之後我地聽到有人講『吹吹吹,吹咩呀,而家整緊囉,吹,唔洗時間整架,咁趕就唔好買啦』當堂火都黎,而家我地錯咩?搞左成十幾分鐘一杯野都無得比我地,仲好意思咁樣講!!!之後終於有野比到我地,但有個戴眼鏡金啡色長頭髮無名牌既女店務員(我女朋友聽到其他店務員叫佢cathy)塊面仲黑個我女朋友,好求其咁講句『多謝晒』,就走左去.講真,如果係要咁既態度,唔講好過講囉!!!根本係比錢受氣!!
繼續閱讀