今日幸

營業中

休息中

今日lunch搵嘢食行經翠玲花園見到呢間「今日幸」。入去無咩人，枱面干淨無油跡。叫左一份雜錦魚生定食配吉列炸蝦$88雖然係屋村鋪頭，但係啲魚生都有誠意，份量都夠多，食落冇腥味，都抵食。定食配有一份薯仔沙律，一碗三文魚頭湯，因為冇炸蝦，所以俾咗一份炸三文魚骨。薯仔沙律普普通通，三文魚頭湯唔腥，三文魚骨應該都係即時炸嘅，感覺夠熱夠脆。

呢間日本小店雖然鋪頭細細，但老闆都幾nice，食物方面都唔錯，食得出用心製作，價錢方面都可接受，雖然主要做外賣，但打包都非常細心， 試過番茄牛肉烏冬，炸雞，都好好味。

之前間唔中都有食下呢間，一直印象ok，起碼叫食得落肚，除咗價錢貴得有啲唔合理之外。今日買4號餐外賣嚟試就拿晒野，以前冇比開食評嘅習慣，所以直接食冇影相，今次係難食到即刻影返張相嚟寫差評😄。首先，$88嘅價錢有湯有沙律有兩隻炸蝦嚟講好食嘅話係可以接受。但呢個魚生飯，一打開就腥到嚇親人，尤其係隻蝦，壓住嘅飯都有陣腥臭味，臭到冇晒食慾😓。其次，三文魚切得極不美觀，完全冇見過有邊間壽司店係咁樣切。同埋，條三文魚上面啲黑邊，望落就唔多新鮮。食兩啖居然可以咬唔爛😅🙏🏻，唔知擺咗幾耐呢？件炸蝦係幾好食嘅，沙律都唔錯，湯件魚都幾滑，不過主食係咁樣，點都補救唔到了🫠。總括而言，一試難忘食到想嘔，以後唔會再食🤭。

18.07.2021今日幸料理 （屯門翠寧花園）之前試過堂食、派對外賣，都覺得食物質素好高，刺身好新鮮，所以星期六下午想買點外賣回家吃，就想起他們的剌身和沙律。起初打算致電到店舖預訂，一直無人聽，後來老闆特意給我手電號碼，說以後可以WhatsApp 預訂，方便許多。帶子、三文魚、牛油魚定食：原來定食本身是左口魚，但未有貨返，所以老闆幫我轉了牛油魚；恕小女子孤陋寡聞，真的未吃過；但一試即愛上，肉質很滑、很甜，下次可以再嚐。其他帶子同三文魚份量不少，一貫新鮮、鮮甜，食完沙律、刺身已經飽了大半；雖然叫一半飯份量，仍然有餘，下次叫1/3好了，避免浪費。差點忘了說，跟定食的湯，竟然有魚，同白蘿白一起煲，同平時只有鹹味的麵豉湯完全不同，實在意外地鮮味。芒果、蟹柳、蟹籽青瓜沙律： （沙律醬另上）這個沙律有不少青瓜絲，蟹籽很多，加上芒果、蟹柳，無得輸，太好吃了，必食。題外話：我叫芒果蟹柳蟹籽青瓜沙律外賣時，老闆話刺身定食已經有個細沙律，我答咁細個唔夠我食，哈哈！

01.07.2021之前已經幫襯過屯門翠寧「今日幸料理」幾次，試過用Foodpanda 叫，但最近都被取消；原來店舖覺得用Apps太唔值，所以大家要幫襯，就要堂食或自取外賣。今次有家人生日，所以揀咗「今日幸料理」，個外賣餐單選擇不少，刺身壽司、火焰、芝士、黑椒、卷物、軍艦、手卷、沙律、大碗飯、冷麵、炸物……而且會有當日新鮮剌身入貨，到時可以問問。刺身各款都好新鮮，家人說因為好多店舖嘅三文魚質素參差，所以好耐無食，但今次呢間嘅三文魚腩又新鮮又肥美，所以好放心食用；而且重點係價錢合理，高質又抵食。估唔到好食嘅係炸物，我哋叫咗炸蠔、炸軟殼蟹，唔會成口炸粉，啖啖肉，正呀。剌身、壽司、沙律、炒飯、炸物各款都好美味，所以大家食得好盡興，下次我哋都會再幫襯。

尋晚朋友生日，叫外賣自取，本來諗住打電話去叫定先，但打咗好耐都無人聽～上嚟睇comment先見到個電話係壞嘅～所以放工之後就照去啦～去到老闆問我要咩，我話我order好多嘢呀，跟住比咗張紙佢，佢就係到計錢～然後我話呢個電話搵唔到你哋嘅？原本諗住打咗電話嚟叫定先～老闆就話電話壞咗，然後比咗個手機號碼我，話下次可以whatsapp～咁我又叫壽司又叫炸物、小食同沙律～老闆就叫我坐低等陣～等咗15分鐘左右，全部食物已經ready~要分2袋拎，個姐姐仲問我拎唔拎到～我話拎到呀～唔該哂！佢就好有禮貌咁話唔駛客氣，多謝幫襯～呢度咁多埋單都係400幾～超抵食！！炸物好出色！個芝士玉子好好味～壽司都幾好，飯比較大舊，魚生都OK～下次會再幫襯！  

叫左個咩日本叉燒飯真心未食過叉燒好似舊豬腩肉咁🤢完全唔知自己食緊乜嘢唔知以為係梅菜扣肉飯走梅菜個醬仲好似中式蠔油味😅😓個三文魚湯同沙律唔知想點先講個三文魚湯，好似水咁淡。。沙律D生菜葉塊塊都爛既比蟲蛀左咁比幾粒粟米加半粒車里茄咁就收多你30蚊連柚子醋都慳成個沙律都無醬、無柚子醋我食左啖直接成個丟落垃圾桶😔如果可以減10蚊唔要呢兩個跟餐既items我相信所有人都會咁做😅總括黎講性價比都算幾低。。唔駛多講實冇下次

70蚊一個既黑椒燒三文魚飯，本來係一向玉子黎，我問佢老細點解玉子會變左蟹柳呢?佢老細話解凍唔切，有咩就比咩，雜錦都仲得，一樣係個個三文魚飯，而且冇講明一定要比幾多塊你，比三塊都係個個飯冇呃人，問多佢兩句之後佢發脾氣大力丟左個飯落垃圾桐，真係驚左佢，好惡，唔敢再幫襯，想打電話去又話自己電話壞左唔聽，邊個想比錢又受氣就去試下，認真爭鮮都好食過佢十倍

間野都開左一段時間，一於Lunch過嚟試吓，一入去就覺衛生情況麻麻，不過有電視睇，播TVB新聞台就坐低啦。叫左個食左個辣牛肉烏冬拼壽司（$68） 原來唔係餐無野飲，水都無杯😅 話咁快五分鐘都唔使就有得食認真快手👀唔知係咪好似命運一樣，整定既呢？食落係五香肉丁汁滑牛烏冬，夠哂創新，港日fusion菜🤪滑牛鬆肉粉夠哂滑！食完烏冬3件壽司飯大大舊，包食飽夠哂抵👍🏻 夜晚返到屋企個肚就黎料...可能我唔受得辣啦⋯⋯想試吓非一般日本菜可以黎

今日經過呢間餐廳見佢有一磅三文魚刺身賣諗住買來試吓實冇死 點知返去打開嚟睇個賣相全部切到一岩一忽 完全影響口感 仲要食落都唔多新鮮壽司鋪可以整到咁真係好差 唔會再有下次

大件，價錢平，如果要求唔高都可以一試的。我地4個人叫左成70幾件外賣壽司，每人都係165蚊，又真係幾抵的。拎到上手見到件件都大大件，立即就心心眼啦😍。點知到食個下，就知道岀事。首先，舊壽司一夾就散。係散到要用匙羹食，咁大個女都未試過要用匙羹食壽司。之後，到食個下。佢d飯竟然未熟，有d 生米係入面。不過，其實佢d魚生都okay 的，都算生鮮。所以我覺得，如果要求唔高大家都可以試下。或者只係食魚生都可以的。

呢一年不斷係屯門發掘好西 今次迷上了屋邨平價日式美食「今日幸」由於要戒口嘅關係 好多野都唔嗌得 唯有嗌黑椒燒三文魚定食 如果唔係一定嗌炸蝦 吉列魚柳呢d個人好喜愛花之戀 可以食兩萬個花之戀 成為洪先生2.0 hahaaa 所以見到燒三文魚再配埋沙律醬係絕配 勁啱我口味 成個餐都唔過70蚊 仲要食唔哂d飯 不過可以再加多少少黑椒 食緊嘅時候都見到有唔少男人會嚟幫襯 大大份夾抵食 個餐湯用白蘿蔔 三文魚加味增煮 好味 唔會好鹹 仲配埋沙律 健康啊

都幫襯左呢到好多年啦，依舊都係好好食！呢間小店係一個屋苑裏面，做街坊生意，好有人情味，價錢親民，味道超卓！我最中意食黑椒燒三文魚飯，加多10蚊有三文魚骨湯同沙律，三文魚飯好多沙律醬，有蔥花，三文魚燒得好香，濃濃既灸燒味，不得不提舊玉子，熱辣辣大大啖，又香又甜😍三文魚骨湯好香濃，真係有啖啖三文魚，仲有白蘿蔔索哂啲湯，食完想食多幾舊！灸燒帆立貝壽司，大粒又新鮮。螺肉同八爪魚壽司，大大舊，差啲一啖食唔哂。大頭甜蝦壽司，甜蝦鮮甜美味，價錢偏貴，但物有所值😋

位於屯門翠寧花園內，有一間家庭式既日本料理店，雖然細細間，但食物很多選擇亦很創新，味道不錯，價錢亦適合。**電話外賣地區只限翠寧花園，要叫滿200蚊(只限晚市)**麻辣三文魚撈拉麵三文魚切厚粒，麻辣醬唔算好辣，有少少沙拉醬味道，加上青瓜絲，冰冰涼涼，味道很清爽開胃。左：醬燒三文魚腩中：燒左口魚邊右：珍寶甜蝦兩款魚壽司輕微燒過，魚油在口中溢出，味道好香，而且我特別喜歡左口魚，甜蝦肉質鮮甜玉子蟹柳小卷有8件，簡單好味其實我都幫襯過好多次我自己比較喜歡支持用心小店午市定食都大份抵食