今井 (已結業)

近排天氣轉熱，想搵間食店坐低食啲涼涼地既野食，行行下發現原來係光輝圍有一間唔起眼既壽司小店，一於走入去試下!由於小弟係中午時段光顧，所以買任何丼類都會有一個蟹籽沙律同紙包飲品/啫喱送，而小弟就揀選左啫喱。佢地個啫喱幾特別，有一粒玫瑰花放左係入面，食落有少少花香而唔係一個普通羅拔臣啫喱👍;而個沙律就不過不失，作為前菜開胃都唔錯，沙律入面有青瓜絲、椰菜絲、甘荀絲同蟹籽，個人覺得如果有蟹肉會更好，但畢竟係送贈品，所以都係唔好太高要求😅講完個前菜同甜品，接下來入正題講下個丼飯丼飯選擇不多，價錢大約徘徊係$40~$70之間，小弟最後揀左個松刺身丼👇松刺身丼入面有三文魚、鯛魚、希靈魚，蟹肉、小貝柱、螺肉、玻璃蝦同蟹籽。其實都幾足料，刺身都幾新鮮，聽師傅講條三文魚仲要係岩岩先劏👍，以58蚊呢個價錢呢個質素黎講算唔錯👍。同埋有樣野要讚既就係個醋飯，醋味濃郁之餘酸甜度適中，唔會太酸唔會太甜恰到好處，而且飯係偏暖似係岩岩煲好，暖飯既優點就係食落唔會太硬痴埋一舊舊咁，口感上的確優勝於冷飯。至於服務態度方面，店員既態度親切，基本待客禮貌都有，整體比人感覺都係舒服既。

今次呢間小店喺光輝圍嘅後方，路過唔留意嘅話真係會錯過🤣 佢哋賣嘅魚生飯好足料，價錢相對嚟講都幾抵！佢哋主打做外賣，堂食都有幾個位！😋 雜錦魚粒飯 $45呢個魚粒飯好雜錦！有三文魚、油甘魚、希靈魚、帶子、蟹柳同埋蟹子，魚生粒係多到好驚一郁就會跌晒🤪 三文魚佔最多，同埋真係好厚身好大粒！小編勁鍾意食希靈魚，有啲魚子有啲咬口同埋甜甜地，但有幾塊油甘魚畀雪櫃雪冰咗🤯 45蚊份量都足夠，可以列入糧尾fun系列🥳Btw佢哋話就話開到8點，但如果賣晒啲魚生嘅話就會早收，晏去可能都無咁多選擇，大家要留意返喇😬

手寫嘅餐單有壽司，魚生飯想咩都食下就叫咗松（大）魚生飯有八爪魚鯛魚赤貝希靈魚帶子仔蟹籽蟹柳個飯係熱但好彩都係醋飯魚生幾新鮮 特別係鯛魚好好味下次經過會再試下 半條鯛魚飯

叫左個大魚生飯整體唔錯,足料抵食飯有醋味,飯唔會暖魚生解凍得好,無雪味三文魚好食以後都會再試下叫其他樣樣野都係成本簡單既手寫menu 同店鋪設計 先可以食到咁抵既食物細鋪一個人一腳踢唔易加油

自從呢間小店開左後就經常幫襯。老闆好傾得又nice冇架子，所以一開冇耐就已經儲到一班熟客。價錢方面真係冇得輸，平靚正。推介魚生飯，又平又足料。雜錦魚粒飯$40 大大碗又好食我個朋友就叫鰻魚飯，$45，仲要即場燒，好好食。咁既價錢應該好難搵到仲平過佢。另外一個朋友就話想食鵰魚飯，叫左半條鵰魚飯+佢自選既魚生。不過魚生好似太多 唔記得果晚佢有冇食滯左老闆一腳踢，賣完就收工，所以成日都早收食唔到 不過最近好似開左社交平台page update每日幾時收工，咁就唔會摸門釘

小弟是光輝圍街坊，次次去都話什麼都無貨還有態度差到呢 。個老闆跟本上好像不想做生意。 講真，我都有點擔心個老闆雪凔和解凍的技術。I would not recommend this shop to anyone because this shop is operated by a teenager with a negative attitude towards his customer and his food preservation skills is definitely not on-par with food regulations.

聽聞呢間鋪頭食物唔錯，所以我就聽fd介紹，嗰日叫左三個刺身飯，我攞到翻屋企，10分鐘路程，最多10分鐘路程。有冇試過俾飯熱熟嘅三文魚？兩成熟三文魚，食落去唔知食緊乜，我地三個人食完一半就倒咗佢。另外，刺身直接水喉飛水解凍，wt，仲要係街邊買到嘅盒裝刺身，我翻屋食啦。浪費我二百幾蚊，所以呢啲店鋪不得了，但質素差到爆囖。人品差，食物質素都差。我唔想甚至唔會再食呢間野。開鋪頭唔該對得住自己同客人。鐘意煮俾客人食，唔該俾心機。唔會再幫襯，浪費金錢。浪費金錢，浪費金錢，浪費金錢，浪費金錢，浪費金錢呢四個字我都覺得浪費咗啊。有錢可以試下，冇錢就快啲離開呢間野。真係好難食。

想食日本野好耐啦~ 見到呢間黃店 當然要支持下啦！三文小帶子飯 $30三文魚 有好多塊 切得非常厚 唔會好似某d餐廳咁又薄又少 而小帶子味道都唔錯 不過可能因為我係外賣 唔係堂食 所以魚生稍為有一啲唔新鮮 有幾粒小帶子有少少苦味 不過以三十蚊嘅價錢嚟講算係非常高性價比啦💁‍♀️ 除此之外 每一盒飯入面都會附送大大舊wasabi 如果唔食嘅朋友可以預早同佢講 唔好浪費喔醬燒三文魚壽司 $6/件醬燒三文魚真係令我眼前一亮 本身個人都非常鍾意食燒三文魚 今井嘅醬燒三文魚燒到半熟 入口即溶 再配搭上充滿燒烤味嘅醬油 成個配搭非常之好味💛 仲要只係六蚊一件 非常抵食 一定會再encore！除此之外其他嘅壽司都係六至八蚊一件💁‍♀️加州卷 $20 一盒有六件嘅加州卷 佢嘅餡有蟹柳 玉子蛋 同埋三文魚😋 不過有啲遺憾嘅係個人覺得再加沙律醬 成個配搭配更豐富 更有層次 更好味提提大家如果係外賣嘅話記住叫佢畀多幾包豉油 因為今次份量有啲少 唔夠沾🙈

光輝圍美食不少，基本上你想吃的喝的，在光輝圍一定不會令你失望，但作為一個喜歡吃平民壽司的人，在光輝圍吃到平民壽司是沒有機會。不過最近我發現了這家不起眼的地點，但充滿小店特式的壽司店 - 今井。這次我選擇了三文魚手卷和蟹籽三文魚飯，其實我想試蟹柳的，不過店主未能即時解凍，所以就沒有吃了。手卷紫菜比較淋，完全沒有壽司紫菜質感可言，不過用料新鮮，一讚。蟹籽三文魚飯醋飯好吃，三文魚跟蟹籽都很新鮮。整體雖然稱不上好味，但小店始終要支持的。

醬燒三文魚壽司好好味！25蚊有成5件超級抵食，全部壽司即叫即整，醬燒入口超級creamy, 老細一手一腳一個人做曬佢態度又好，同啲街坊有講有笑，雖然逐份整得佢一個人要等一等，但都係值得的！壽司飯又大碗包你一定飽，墨魚，虎蝦，大甜蝦同玻璃蝦都好味，全部都好鮮甜，最中意甜蝦，汽水都超級抵，4蚊罐咋我真係嚇親，可以用app落order Tim, 重點係佢地黃到金，成間都係門宣仲要老細親手畫好靚，大家一定要黎支持下！

聽說11月開了一間日式小店，特意來試。呢間主打壽司，魚生飯等等。壽司set及魚生飯都分為松竹梅三個級別。價格親民公道。當然可散叫其他壽司。老闆是即叫即整即切。請耐心等候，畢竟只有老闆一人。今次叫左一個大飯(松)及三文魚小卷。看著老闆即席切開各種魚生，將整個碗都鋪滿，然後看著老闆將小卷細心地將飯鋪滿在紫菜上面，再細心捲起來。感覺特別新鮮，因為從未試過與師傅可以咁近交流。好開心。大飯配小卷，埋單只是70元。題外話，店舖裡貼滿老闆的畫作，等候期間得閒欣賞下，畫得好靚。

喺黃藍地圖見到呢間黃店，原本就咁諗住行去睇睇有咩食，但去到門口，見到啲相咁靚，啲野又咁平，就決定試一試。老闆收到order即叫即做，所以都要預時間等下，我去到嗰陣，前面仲有3個人，就等左15分鐘倒😂老闆話每日order嘅貨唔多，賣哂就會收鋪，所以要幫襯就真係要襯早😆一路食一路同老闆吹水，原來鋪頭入面啲漫畫，全部都係佢自己畫。講真，如果佢唔賣日本野食，可以轉行做漫畫家。今次堂食左刺身飯，再外賣左個鰻魚飯，總共85蚊。鰻魚飯仲要係原條鰻魚上，痴線㗎，咁樣都係45蚊，實在太抵了，好彩老闆話咁樣賣都唔會蝕，下次會再黎幫襯過😍

呢排疫情關係少咗出街食嘢 有時都會用外賣app嗌外賣 竟然比我發現金井壽司只係需要加$5運費金井壽司一直係小店經營 壽司價錢非常平加上網上見到係黃店！！一定要支持下 今日一於試下 我叫咗雜錦魚生粒飯 都只係$45呢個價錢真係性價比超高打開見到份量嘅時候真係嚇咗一跳 好大碗魚生方面有三文魚 帶子 油甘魚 同埋蟹肉而且魚生都係厚切 新鮮又有口感見到佢仲有即燒三文魚壽司 有機會都好想去舖頭試吓而家市道艱難 可以嘅話都搵返啲良心小店幫襯啦

放假拍拖去左以前讀書會去嘅地方☺️好多鋪頭都已經唔同哂~行過見到呢間小店貼滿文宣仲要係老闆自己畫🎗.📍今井.本身食左個lunch😂行過又無理由唔幫襯!叫左幾舊壽司全部即點即整啲壽司由老闆手握嘅😆唔知點解睇住佢整好似玩緊以前啲online game咁🍣北寄貝壽司($10/2), 赤貝壽司 ($9/1), 帶子壽司 ($11/1), 醬燒三文魚壽司 ($6/1), 墨魚壽司($5/1), 鰻魚壽司($6/1)鋪頭只有三四個bar枱位~可能平日主要做OL同學生外賣多🧐價錢平民化!可以下次再encore🥰