亮亭 (已結業)

I want to start off by saying this place’s price is relatively cheap!One of my favorite cha siu ramen cost only a little less than $40.The atmosphere is cozy in that even though the place is small it stillgives off a relaxing vibe, great for families. What really impressedme was how they state that all their ramen, udon, and eggs areimported from Japan. I ordered my usual cha siu ramen; their tendercha siu always suits me perfectly. My friend got the ‘hell’ ramenwhich is supposed to be really

好友今日去開太古坊做o野, 約我一齊食Lunch... 我唸都唔使唸, 就決定去傳聞中華蘭路新開果間日式拉麵店「亮亭」試吓先... (查實果道係太古城道囉, D人亂報料)...不過呢間「亮亭」都算易搵, 因為個門口實在太"橙", 隔2條街都一眼認得出...第一次o黎「亮亭」食, 事前冇時間做Research, 都唔知有咩好食, 所以亂咁ORDER...等食期間同好友傾開, 佢話個新BLOG收唔到人地POST BLOG嘅EMAIL, 好唔方便... 個新BLOG又點止得呢個問題吖!!! 我今晚都見幾次"SERVER HANGUP"字句, D相UPLOAD完又成日出SPINNING, 我想SEARCH番D舊BLOG又SEARCH唔到, 個EDITOR個CURSOR又成日彈o黎彈去, 唉... 好煩呀!!! 好後悔當年冇把心一橫搬走!!! 搬咗就唔使受呢D苦果...之後又講開我今個月只係POST咗4篇食評咁少... 係呀, 冇計啦, 而家D時間放晒落我D微型公仔屋度, 好鬼忙呀!!! 食少幾餐大餐, 順便當減吓肥囉...亮亭豬扒咖喱飯--估唔到會比好友點中亮亭嘅招牌菜吖!!! 睇餐牌見要成7

幫襯個數次，第一次是朋友介紹的，那是剛開太古城舖的！要了豬骨面，豬骨選擇第一個！（我平時是食第二個的，豬骨面連半生熟蛋）今次唔記上次o既選擇係第二個，所以今次要咗第一個（錯咗，第二個是連半隻半生熟蛋的！）！半生熟蛋（另外叫的）：太熟了！豬骨拉面：湯是十分濃的，肉亦較肥，還是option 2 好食D！芝士墨魚餅：頹到不能再頹，反正是免費的，有leaflet 係枱，不同時間有唔同小食，大家都可以試吓！

於1068開會，開完會老闆話不如係附近食埋lunch先返公司，行行下見「亮亭」個門口咁"橙"，又由於時間尚早(12:30)唔駛等位，就咁決定。博多豚骨拉麵 ($62)多芝麻, 個湯底非常清但無味, 拉麵份量好足夠但味道一般叉燒味道一般，較肥口味唔係咁夾，應該唔會再試。

After watching a film at City Plaza, we were looking for food and I kind of fancy Japanese noodles on the day, and my husband reminded me we could try 亮亭. We got there like 9:35pm and luckily they were still open.Ordered a 豚骨醬油拉麵 less salt, 福岡拉麵, fried soft shell crab and chicken soft bones.豚骨醬油拉麵 – lots of sesame, half egg, 2 slices of pork, the noodle was quite chewy, the soup was acceptable but personally I can probably try the original favour.The other dishes were nice too.But when around 9:

其實一直都知亮亭在香港開左分店，只是一直都無時間去試。 (在澳洲時經常去幫襯 )難得今日經開太古城，就順便去吃個飯。店面真是橙橙橙，好橙又有日本feel!!入到裡面，明亮、乾淨及有好warm的感覺，可能是那像日本居酒屋的設計吧。原來他們都有日本清酒及串燒出售，下次可以來試試。今日原本想食special ramen，但見他們有推出新的鍋物系列，心想好想飲湯呀，就轉呔了。 (女人果然是心大心細 )我叫左豚肉野菜鍋定食，附白飯!!湯好飲，完成無放味精 (最怕D味精水); 料好足，有豚肉、豆腐、冬菇、野菜等。50多元一個set，在太古城算超值。

這個月試了數間著名的拉麵店，這是第五間了。我點了「豚骨醬油拉麵」，服務員預先告訴我會有點鹹，問我要不要少鹽，我當然說「好」。當服務員把拉麵端來時，我發現其賣相與其他拉麵店有點不同：第一，湯面舖滿了很多芝麻，在其他拉麵店，通常要自己灑芝麻。第二，這兒竟然有小唐菜，一般拉麵通常沒有蔬菜在內，這都算是有益身體了。當飲第一淡湯時，我發現就算「少鹽」，豬骨湯底也很鹹。麵條有點兒像公仔麵。叉燒半肥瘦，尚可接受。唯溏心蛋也太鹹了。我不知道九州風味的拉麵是否這樣，但整體來說都比較鹹。

口淡淡想食濃湯拉麵，本來諗緊一平安定八八八，最後因為朋友推介揀左呢度，仲慌死無位咁BOOK定位TIM。地方算就腳，離港鐵站行五分鐘就到，門面易認，裡面裝修亦充滿日式風味，地方唔大但絶唔「屈質」，仲好多卡位，加分。唔知係咪平日既關係，裡面都係得三兩枱客，同朋友分別叫左個豬骨湯底同雞湯底，兩個湯底都夠濃，尤其豬骨湯，仲非常之香甜，再加分；至於麵呢，係我鍾意既爽口彈牙系，叉燒夠稔，都唔錯。細細碗估唔到咁夠飽。另外仲叫左杯北海道蜜糖同燒雞翼，不過不失啦。覺得佢好食過MIST (無咁鹹)、一平安 (麵質彈牙爽口)、拍得住火山頭，價值人均一百唔駛，仲唔駛等位，算係咁啦！

星期六中午十二點幾經過，見冇乜人，橙色門面好特別就入去試下；以前附近有間函館拉麵好正用西山麵，係鰂魚涌番工個時成日去食晏，而加已經搬左去海光街．亮亭Ｄ員工服務態度認真友善．叫左個味增拉麵，麵就一般唔多似係西山拉麵，都好冇亂禁擺ｄ九州幼麵落ｍｉｓｏ湯度；湯底就有Ｄ失望，偏鹹但又冇乜傳統日本面豉湯味，顏色啡黑比較少見；配料好有誠意，叉燒（豬肉）麻麻地但可接受，好多ｎｅｇｉ（干荵）算好食，糖心蛋質素ｏｋ，好多芝麻同青荵碎．整體黎講，５０－６０分啦，算有努力用心，可能佢地主要做九州豬骨湯底拉麵，我唔應該叫ｍｉｓｏ拉麵啦！埋單７６＋１０％＝８４，似乎貴左Ｄ播！可能會再去試下佢地ｄ九州豬骨湯底拉麵．

一直幫襯開上環過間﹐今次行過太古就來試試新店。餐牌有d唔同﹐多左d串燒。所以今次除左平時食開的special及咖哩豬排飯之外﹐同朋友叫到成抬都係串燒 =)拉麵水準同上環一樣﹐我的至愛!! 所以唔再寫喇。串燒方面﹐牛舌夠厚切﹐好juicy.番茄可以再大粒d.雞翼夠味夠大隻﹐但可以在燒'得乾d.Overall 都唔錯﹐但d侍應話串燒要夜晚先有得食。裝修跟上環差不多﹐但大好多﹐坐多好多人。星期日晚7點去到已經有人排隊﹐等左10分鐘度。值得一試!

我很喜歡吃日本拉麵，但上環的亮亭一直遲遲未有機會去，或者之前聽到的負面評價太多，不知不覺間，亦慢慢在腦海裡淡忘。突然拉麵癮發作，剛要到太古的我，趁亮亭分店開張不久到來試一下，滿以為新店會多投放資源在食物質素上，原來這只是我單方面痴心錯付的想法...門外的裝修是我喜愛的鮮橙色，第一眼看到時真的滿心歡喜。新店裝修跟一般的拉麵店沒什麼分別，同樣以木色跟橙色為主，成功取悅了我的視線。點選了一個豚骨辣油拉麵($72)及亮亭沙律冷麵($72)，也要上一份煎餃子($25)，價錢中等，值得一提的是，這裡晚市跟無敵家一樣有串燒供應，收費也很合理。先來的豚骨辣油拉麵，是較重口味的選擇。辣油厚厚在湯面上，灑上的芝麻很慷慨。那深紅色的湯，本以為是很刺激的辣度，殊不知第一口喝下已心感不妙，湯底是很鹹的那種，雖知福岡的拉麵應是濃味的，但這個湯肯定是過火位的口味，而且辣度完全是零，我連吃三哥米線也吃不到十小辣的人來說，仍然可以大啖大啖的把辣湯放到口裡，就知辣度是何等的弱。溏心蛋用醬油煮過，浸過湯的賣相份外亮麗，但咬了一啖蛋白部份，味蕾又再感受到那強烈的鹹味，幸好流心度還可以。麵條彈性欠佳，吃下去鹼水味很明顯，感覺真

之前有朋友介紹, 今日就去左食lunch男朋友order左 一碗 "博多拉麵" , 完全無料, 得幾片叉燒, 個湯底好啖, 個麵質有d "臨", 我唔敢話佢唔好食 / 搵笨, 畢竟我未去過博多我自己就order左"東京拉麵", 麵質 "燕燕un un " , 個湯底好醬油, 仲有隻溫泉蛋, 呢個真係好好味......好地道不過冷氣唔夠, 所以夏天去食, 會坐得好辛苦, 食得好辛苦

Lunch本來想食epoch, 點知去到門口寫住internal training for 2 days. 冇得食下行返轉頭, 見有新野就問下要等幾耐. 可能時間啱, 等左~10分鐘就入得. 間舖入面原來都幾深, 所以都坐到ok多人. 選擇基本上都係拉麵, 冷麵, 咖哩飯同小食. 響出面熱左10分鐘下, 叫左個豚肉冷麵.黎到有一碟冷麵+兩大塊豚肉+一大塊紫菜+幾塊鳴門卷+荵+溏心蛋, 汁係分開另一碗的. 麵質不錯, 幾彈牙但有鹼水味. 紫菜有d韌, 豚肉幾鬆化. 溏心蛋普通. 汁清清地幾啱夏天食, 有芝麻響面亦香d.可能新開, 服務幾好. 個waiter都幾nice甘提話呢度的麵偏咸, 話怕咸可以叫少鹽. 食完waiter亦會自動加水.總結: 野食OK. 但lunch差不多成80蚊淨一碗拉麵就有d貴, 尤其是過幾格舖就有misocool. 海光街又有函館. 唔洗等位時都有機會再黎食過既~