京都食堂

營業中

休息中

今日休息去康城睇返齣戲，咁睇戲之前呢就喺下面嘅日本餐廳就食咗份二人晚餐，吉列豬扒飯，味道都唔錯，豬扒熱辣辣新鮮炸起，蝦肉春卷都係脆卜卜，套餐裏面包一盒飯卷，食落去都係幾好味，另外仲有個肥牛烏冬，味道都正正常常，一路食嘢仲可以一路睇人流冰，感覺都係唔錯，餐廳入邊枱就比較細，環境地方都尚算乾淨，喺康城商場嚟講，都係一個唔錯嘅選擇，下面溜冰就睇人玩比賽練習，就比較有少少嘈，如果覺得嘈可以坐下入邊嘅位置，食物水準尚算OK

餐廳喺康城實在太遠不太方便，但員工態度十分好介紹得詳細，入會有優惠又用咗地鐵coupon優惠😅味道一般份量正常😂分店應該會再去試下但康城呢間就一次算吧住附近就好😅

約咗住康城嘅朋友～趁星期二睇戲🎬之前佢都帶過我食呢間日本餐廳～今次我哋就再食多次👯 （幾近戲院～）好彩朋友準時放工可以買定戲飛同埋叫定石頭鍋飯 唔洗等🥰生薑野菌牛肉石鍋飯 $78芝士吉列黑豚石鍋飯 $88兩個飯送上嚟嘅時候都熱辣辣香噴噴～仲做到有飯焦嘅效果😍不過如果紫菜可以再多啲就更好啦🤩我哋兩個為食鬼見到有優惠🤩即刻叫咗雪糕食🍨當晚有🍵綠茶同紅豆🫘兩個選擇我哋一致都認同紅豆係好食啲嘅🎖️🌟（社交平台讚好）送雪糕球2客💫✨朋友用咗Openrice訂座～晚市全單9折⭐️加埋一，兩個人食咗$166😋

每次去日出康城都會經過這間京都食堂，終於有機會試一下餐牌內有很多不同種類的選項，最後我地選左個二人餐，包括小食、沙律、T骨扒（必選）、主食及飲品兩杯。小食選了一份雞皮餃子、然後就是沙律菜、T骨扒。主食就選了明太子火炙魚裙邊丼。食物上桌速度很快。T骨扒超巨型勁大份，扒下面還有薯菜，而丼飯味道也不錯。感覺上這個餐3個人食也足夠，兩個人share依然都吃不完最後埋單連加一，每人二百左右，以這個量及質素來計，算是不錯的選擇

Located at Shop 319, 3/F, The LOHAS, 1 Lohas Park Road, Tseung Kwan O, Kyoto Shokudo offers a delightful array of Japanese dishes that transport you straight to the heart of Kyoto. Among their impressive menu, the "Crab Delights Stone Pot" stands out as a must-try for seafood lovers.Crab Delights Stone PotThe Crab Delights Stone Pot is a culinary masterpiece that showcases the rich flavors and textures of fresh crab. Served in a traditional stone pot, this dish arrives at your table sizzling hot

自從佢轉咗手之後，第一次嚟堂食，今晚食咗個二人餐水準三大兩細，食到飽飽。最抵讚佢有得優惠價追加，追加咗個烏冬份量同一個正常烏冬咁大😌。前菜試咗個蟹籽沙律，份量足，沙律入邊有青瓜，冇出水，似係新鮮整。加州手卷有三件，正常嘢。但叫做有心思擺下盤。主菜叫咗個海鮮鐵板，如果鍾意食牛可以另加錢轉牛。個海鮮鐵板都幾足料有一大嚿銀鱈魚，半隻大蝦，兩個大帆立貝，仲有薯菜做配菜。舊魚煎得幾滑，隻蝦略嫌太乾身。但總括嚟講，價錢算性價比高 ，份量足料。

【西貢區】【京都食堂】同朋友去咗康城睇展覽，喺康城搵埋嘢食。點知嗰日可能適逢係放假，成個康城鬼咁多人，間間餐廳都好似爆晒咁。我哋要行到溜冰場附近，先見到呢間日本嘢有位。好啦，咁就入去啦。入到去坐低見到佢哋有下午茶套餐，就各自叫咗一個嚟食，平啲吖嘛。我食 $62 嘅「特濃蝦湯帆立貝野菜稻庭烏冬」，正正常常啦，蝦湯未去到話特濃咁嘅級別，成本嘢嘅賣相亦都好普通。不過又咁講，佢呢個價錢有埋嘢飲，我配埋「日本 Sangaria 提子梳打」，加埋溜冰場風景同埋尚算周到嘅服務，咁呢碗嘢又唔算話貴嘅。朋友食 $88 嘅「三色丼」，有蟹籽、三文魚兩切、象拔蚌三切，飲「日本Sangaria清爽橙汁」，佢話一般啦。我哋叫咗兩款追加小食，有 $24 嘅四件「日式煎餃子」同 $32 嘅三條「芝士蝦春卷」，不過不失啦。埋單 $227，就冇乜機會有下次喇。。。（地址：將軍澳康城路1號The LOHAS康城3樓319號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious

同朋友附近玩完，去左呢間餐廳員工禮貌好好，一坐底，即刻有茶飲叫左個二人餐，真係抵食😍😍300靚蚊，有扒，有丼，有壽司扒，我覺得真心高質既👍🏻👍🏻👍🏻只要起社交媒體網站讚好，又有雪糕，我嗌左紅豆味，係真係有紅豆，正😋😋😋

入餐廳order 左食物，過10分鐘有另一枱入坐。 但另一枱既食物上哂以及都食得差不多，我地份餐都未serve……其實我只係叫左個豚肉烏冬下午茶，由好餓等到唔餓了 🥲I can totally bear with less servers or less staff under severe weather conditions with typhoon T3 hoisted, but I can’t stand with seeing other tables being served and they almost gobbled up all their food, while I am still waiting hungrily for this Udon.

位於日出康城既一間日式料理，主打鐵板扒同石鍋飯，種類唔多，但環境同座位舒適。餐點大致正常水準，但鰻魚石鍋飯嘅鰻魚都好入味🤤三文魚丼飯，三文魚肉質新鮮不過啲飯就麻麻哋，好似硬地有啲未熟😂但係整體嚟講都係好味嘅。環境好寬敞闊落，服務員都好細心。不過如果多啲種類揀就會好啲😂另外而家follow或者like佢嘅社交平台，仲會送一球雪糕。所以可以值得去試吓，另外唔係住呢頭嘅揸車嚟的話仲可以有免費泊車

這間餐廳食物質素可以。有時候會買外賣。但是問題是他們會將所有的外賣放在餐廳門口的架上，而我發現那個位置剛剛對正一個非常大風的冷氣風口，那些熱騰騰的外賣好快就已經吹到凍晒。其實間餐廳嘅老闆同職員點會唔知，係佢哋跟本唔理。所以呢間又係一間普遍唔細心唔理會客人嘅食物嘅餐廳。我的鄰居一樣發現有這問題，希望佢哋會改善。另外他們的職員一般都沒有禮貌，永遠都聽不到他們會說一句多謝。就算行入去的時候，客人都好像要讓他們的職員先行。

星期五晚餐食都唔係好需要排隊～基本上係可以即刻入座！叫咗個鐵板赤雞扒食醬汁方面可以揀 日式燒汁/日式山椒燒汁（辣）因為唔食得辣，就揀咗日食燒汁塊雞扒好Juicy 同個醬汁好match好惹味熱辣辣咁食～好滿足～雖然出菜要等少少時間但係整體嚟講都好好食嘅 又唔係好貴幾抵食~~P.S. 如果真係肚餓嘅話，建議叫返丼飯/魚生/壽司嗰啲，因為當日我都好肚餓真係要等一陣先上到菜好彩上到菜都覺得等得值得始終叫得鐵板都預咗㗎啦☺️

來康城睇戲，唔想食連鎖店，揀咗果間日式餐廳，見到餐牌好吸引，就想試下牛扒。🌟鐵板紐西蘭肉眼扒 128180g的牛扒如此這般薄，要的7成上來變成幾乎全熟…日式燒汁更是敗筆，整套餐變得非常甜。同餐牌也不一樣，沒有秋葵而是粟米西蘭花，質素一下子差咗好多，128完全唔抵沒有加set，加set是28🌟生薑野菌牛肉石鍋飯 78餐牌也是好吸引，端上來超小一碗，味道尚可衛生尚可，餐廳靠近冰場，view不錯，食物cp值稍低…

康城商場好似好多餐廳，但係真係冇乜邊幾間好食…呢間京都食堂都唔例外…小朋友各自叫咗個兒童餐，係呢餐飯最正常最好食嘅！個粉紅卷甜甜地幾好食，個烏冬都正常。但係咁樣都成$78…值得一讚係本身我哋想將個大福轉做泡芙，但係最後尾都係上返大福俾我哋。同佢哋講之後佢哋另外送咗兩件泡芙俾我哋。姐姐叫咗個芝士吉列豬扒石鍋飯，熱辣辣上枱，都有飯焦。但係個吉列豬扒皮肉分離，又韌…都食晒老公叫咗個鐵板牛扒，賣相唔錯，但係味道同埋牛扒質地好一般…到我嗰個簡直係終極失望…日本餐廳…角切刺身飯應該係穩陣嘅，但係難食到食咗一半就拜拜啦…有帆立貝,但係冇三文魚…好多希靈魚同埋啲好韌嘅魚…個飯又唔好食…應該短時間之內都唔會再幫襯…仲有佢掛喺近溜冰場嗰邊啲布料，全部都發晒霉…有啲反胃

假日嘅康城，周圍都擠滿人，食肆一位難求，求其去咗間響溜冰場隔離嘅《京都食堂》，見佢門口好hard sell鐵板扒，仲以為唔差得去邊，結果係伏到一個點，質素仲差過連鎖快餐店！🍴吉列多春魚 $36⭐️好普通嘅多春魚一客只得4條，上枱夠熱辣辣，不過炸漿較厚較硬，口感唔多ok兼唔抵食。🍴鐵板紐西蘭肉眼扒 $128x2 + 芝士 $12⭐️估唔到180g嘅肉眼扒薄成咁，叫5成熟上到枱竟然變咗8、9成熟，幸好肉質唔韌，不過個燒汁實在太甜太難食，好彩仲有個芝士醬補鑊，起碼cover到個甜味，至於薯條，唔熱兼硬不知所謂。二人共消費：$335