開飯介紹
來自日本京都的吉列牛排專門店，牛排選用美國及澳洲牛肉製作，外層香脆，內裡肉汁豐富，按指示配搭不同醬料可品嚐多種味道層次。
繼續閱讀
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
*最後落單時間: 21:30
以上資料只供參考, 請與餐廳確認詳情
有關獎賞計劃
食家推介
相關文章
今日Lunch去左銅鑼灣京都勝牛食，平日1點幾兩點都有唔少位。京都勝牛主打吉列牛，除左吉列牛，仲有吉列豬，吉列海鮮等等，亦有少量非吉列食品如丼飯。餐牌價錢唔算太貴，豐儉由人。仲有小食，同飲品。今日一行三人，分別叫左三個餐。京都勝牛雙味套餐 $198 另加一顧名思義，京都勝牛雙味套餐有兩款牛，包括菲力牛同翼板牛，有哂label紙仔說明，感覺高級。菲力牛有5件，吉列皮當然夠薄脆，入面牛肉仲生，食落算幾嫩，不過牛味唔濃。翼板牛有7件，就比較韌少少。如果嫌牛肉唔夠熟，可開爐俾你自己整熟啲，我地就覺得熟度可以。不過上枱影完相食用時其實就唔暖。跟餐配有咖哩醬，招牌牛排醬，山椒鹽，同芥末醬油。上餐時服務員都有介紹，枱面亦有單張説明。招牌牛排醬加入芝麻同蔬菜特製，個人覺得幾好味。芥末醬油就酸酸哋。咖哩醬味道相對濃少少。我主力沾招牌牛排醬同咖哩醬食牛。呢個5色鹽碟都幾吸引眼球。名物翼板伴鰻魚套餐 $188 另加一名物翼板伴鰻魚套餐有11件翼板牛同鰻魚兩件。我好少食炸鰻魚，個人覺得平時嘅燒鰻魚好食啲，呢種食法令鰻魚味唔出。同京都勝牛雙味套餐唔同，呢個餐都伴有蔥花蘿蔔蓉汁同檸檬一片。總括而言，都係食返吉列牛好啲。呢兩個套餐包麥飯，麥飯其實係白飯加左非常少既麥，普普通通。可任添。M9和牛肉丼伴溫泉蛋 $198 另加一之前食過M9後腰背，今次試試M9和牛肉丼。大大碗飯上面有大概10片和牛肉，中間有溫泉蛋一隻，再撒上紫菜絲，白芝麻粒，蔥花同味粉，伴有少量日式芥末，另上甜豉油。M9和牛肉牛味無特別，質感又唔係特別嫩，都係食返吉列牛好啲。溫泉蛋蛋汁撈飯好，不過唔多夠撈飯。甜豉油甜甜地就好好味，不過又係太少。套餐包梛菜沙律，漬物同味噌湯。全部可叫服務員或用App任添，不過服務員話漬物唔可以任添。用App落完都無反應。漬物有三款。味噌湯普通。梛菜沙律成座山，好新鮮，雖然草青味重，可以加枱上面嘅胡麻醬或柚子醋調味就好食得多，我地都有添。座位舒適，裝修明顯新淨，服務快捷。食物方面都係吉列牛好d，當然價錢都唔平。
繼續閱讀
再黎多次吉列牛，係香港食吉列牛剩係諗到呢間ok 又唔錯既～今次都係叫阻元祖炸牛排套餐，飯同沙律任食，百幾蚊咁既質素都算唔錯，不過又可以去日本旅行我會將d 彈藥留返去日本食。不過店員唔會主動同你講有得借煎pan，煎你想食既熟度，可能地方淺窄，你再擺埋個pan 應該冇位擺。。。
繼續閱讀
▪️元祖炸牛扒套餐 ᴄʟᴀssɪᴄ ʙᴇᴇғ ᴄʜᴜᴄᴋ ғʟᴀᴘ sᴇᴛ $𝟷𝟼𝟾廚師將牛扒煮到三成熟，如果唔怕生就可以直接食用，可以試吓點啲ᴡᴀsᴀʙɪ同豉油一齊食，隨餐仲會配有其他醬汁同鹽去調味，咖喱汁都係好值得推介吉列皮夠薄，但唔算好脆，肉質幾嫩，不過牛味就比較淡如果怕牛扒比較生嘅話，餐廳都細心準備一個小ᴘᴀɴ比客人可以將牛扒煮到自己鍾意嘅生熟度 牛扒側邊嘅沙律菜，飯同湯都可以ʀᴇғɪʟʟ，食幾塊牛扒再配返啲菜就會冇咁膩，沙律菜記得加埋啲柚子醋同芝麻醬一齊食▪️鮮嫩炸豬扒套餐 ᴘᴏʀᴛ ғɪʟʟᴇᴛ sᴇᴛ $𝟷𝟹𝟾正正正常，冇特別驚喜
繼續閱讀
放工又係四圍搵野食既時候，雖然開左關可以返鄉下，但都係要係香港食一食佢先，今日專登嚟京都勝牛食炸牛扒！先叫左兩個前菜：元祖牛排炸串 同 自家製豚肉餃子 。我就鍾意食餃子，食落好多汁，唔錯！我朋友點咗京都勝牛雙味套餐，兩款牛包括菲力牛同翼板牛，店員提我地用鐵板輕輕煎左啲牛先食。啲牛係鐵板上既sizzling 既聲真係聽到流晒口水！牛肉可以配埋各樣調味，我最鍾意都係配返鹽同埋芥辣。當然，即使食原味咩都唔加都好正！菲力牛就牛味重啲，翼板牛就油脂味較濃。我就叫左呢個特選海產套餐 (炸廣島蠔大海老伴鰻魚) 我就特登叫呢個，可以同個朋友交換下黎食！海產方面都唔錯，個蠔炸得好好，好大隻好飽滿多汁。炸鰻魚好少地方食得到，魚油保留到，食落外脆內軟，十分好食！個套餐最好既仲有個沙律菜，加少少醋一齊食，又解膩，食煎炸野就岩晒最後食埋個甜品：棉花糖雪糕同抹茶紅豆流心蛋糕。棉花糖雪糕好特別，內層係雪糕嚟，幾有驚喜！抹茶紅豆流心蛋糕，抹茶味幾甘香，流心效果做得唔錯，仲有雪糕一齊食，好滋味！飲品白桃蒟蒻冰茶蒟蒻粒幾有咬味，白桃味清香，用作解膩都唔錯！紅豆宇治冰抹茶抹茶味香濃，帶紅豆嘅甜，好夾！
繼續閱讀
第一次食呢一間京都勝牛，感覺非常之好。我哋係Walk in入去嘅，因為啱啱過咗lunch時段，所以已經即刻有位入，唔使排隊，真係好Lucky。我哋選擇坐喺梳化位，所以都幾舒適，張四人枱都夠闊落，唔會有太逼夾的感覺。講返食物，非常之高質，同埋擺枱嘅感覺都係好啱打卡用，如果暫時去唔到日本，可以嚟呢一度一解鄉愁。個商場做緊餐廳優惠，現場即時登記做會員，全單有七折定八折，所以成件事好抵。下次離開銅鑼灣，都會考慮再嚟食多次😎
繼續閱讀